သည်ကနေ့ ပုဂ္ဂိုလ်တစ်ဦး က စကားဆိုသည်။ ကျနော်၏ ပြောစကား ၊ စာများ သည် စာရှုသူ အပေါ် စေတနာထားသော စာများ မဟုတ်။ နှစ်သိမ့် ကြည်နူးစေ သော စာများ မဟုတ်။ နှောင့်ယှက်သော စာများ ၊ ကန့်လန့် တိုက်နေသော စာများ ဖြစ်သည် ဟူ၏။ ၎င်းပြဆိုသော သာဓက များမှာ ~ ဘုရားသခင် မရှိ ~ ဆိုခြင်းမျိုး ၊ နိုင်ငံရေး သမား ပြဿနာ မျိုး၊ ပုရိသ ဝါဒ ပြဿနာနှင့် သိပ္ပံ အချို့၊ ကျနော် ခပ်နာနာ ပြောသော ဆိုစကား အချို့ ဖြစ်သည်။

၎င်း၏ ဆိုစကားကို ကြည့်၍ ၎င်း၏ တိုက်တွန်းသမှုဖြင့် ဖြေကြည့်ပါမည်။

မှန်၏ ~ ကျနော် ကန့်လန့်တိုက်ပါသည်။ အဘယ်ကြောင့် ဆိုသော် ထို ကန့်လန့်တိုက်ရခြင်း အမှု ကို ကျနော် ချစ်သော ကြောင့် ဖြစ် သည်။ ကန့်လန့် တိုက်ခြင်း သည် စင်စစ် လိုအပ်သော အရာတစ်ခု ဟု ကျနော် မြင်သည် ။ လိုက်လျောခြင်း၊ နှစ်သိမ့်ခြင်း၊ ဖြေသိမ့်ခြင်း၊ အလိုက်အထိုက် ရှိခြင်း၊ Negotiate လုပ်ခြင်း စသည်တို့မှာ လူပေါင်းများစွာ သည် နှစ်ပေါင်းများစွာ ပြုခဲ့ကြပြီးသော အရာများ သာ ဖြစ် ၏။ သမိုင်းတလျောက်တွင် ယင်းတို့ကို အသုံးချ၍ အဘယ်လူသားသည် ဘဝပြဿနာများကို အဖြေရခဲ့ ပါသနည်း။ အောင်မြင်မှု အစား ~ အုပ်စုဖွဲ့ စရိုက် လက္ခဏာ များဖြင့် ဆိုးကျိုးများသာ ရရှိခဲ့သည်များ အတိုင်းသား ရှိ၏ ။

အချည်းနှီး ဖြစ်ကြသည့် “အလိုက်အထိုက် ရှိခြင်း၊ ကန့်လန့် မတိုက် ~ အလိုက်တသင့် ခေါင်းညိမ့်ခြင်း” တို့ကြောင့် လူတို့အကြားတွင် လက်တွေ့မပါ ~ အိပ်မက်ပေါင်း များစွာသာ မက်စွမ်းခဲ့ကြသည်။ စင်စစ် အိပ်မက် ဟူသည် ယင်းနှစ်သိမ့်မှု ၊ လှိမ့်လုံး ပတ်လုံး များမှသာ အများအားဖြင့် ပေါ်ပေါက်ကြောင်း သိခဲ့ဖို့ ကောင်းပါသည်။

ထို့ကြောင့် တစ်ဖက်တွင် ~ နှစ်သိမ့် လိုက်လျော ပေးခြင်း အမှုကို ကျနော် မုန်းသည်။ နှစ်သိမ့် ပေးခြင်း ဆိုသည်မှာ အများစု ယူဆသလို “တစ်ဖက်သူ၏ ဝေဒနာ ကို ဖြေဖျောက်ပေးခြင်း” မဟုတ်ပေ။ တစ်ဖက်သူ၏ အခက်အခဲ အတွက် အဖြေ စစ်စစ် ကို ရှာဖွေ လမ်းပြ ပေးခြင်း မဟုတ်ပေ။ နှစ်သိမ့် စကား ဆိုခြင်း တို့ကြောင့် – တစ်ဖက်သူ ၏ ဝေဒနာ သည် ဧကန် ပြေပျောက် မသွားပေ။ ငုပ်လျိုး သွားခြင်းသာ ဖြစ်သည်။ တစ်ဖက်သူ၏ ပစ္စက္ခ အခြေအနေ ကို ယောင်ယမ်း မအော်ဟစ် မိစေရန် ဘိန်းကျွေး လိုက်ခြင်း သာ ဖြစ် သည်။

ယင်းမှာ အန္တရာယ် ကြီးပါသည်။ သို့သော် နှစ်သိမ့်မှုကို လိုလား တောင်းခံနေသူ သည် ၎င်း၏ ဝေဒနာကြောင့် ယင်းအန္တရာယ်ကို မမြင်ပေ။ ထို နှစ်သိမ့်မှု လိုလားနေ သူ သည် စင်စစ် အမှန်ကို ရှာဖွေနေသူလည်း မဟုတ်ပေ။ ၎င်းသည် ၎င်းရရှိထားသော ဒဏ်ရာမှ ခေတ္တ မိန်းမော သွား လိုခြင်း သာ ဖြစ်သည်။ တခဏ ရှောင်ပြေး သွားလို ၍ သာ ဖြစ်သည်။ ခင်ဗျား တခဏ ထည့် သွင်း ပြောပြ ပေး လိုက်သော ခဏ ~ ခင်ဗျား၏ မျှော်လင့် ချက် စကားလုံး အချို့ကို ယုံမှတ်၍ သူ တခဏ အိပ်မက် မက်သွားမည်။ အိပ်မက် ဆိုး မက်နေသည် မှ အိပ်မက် ကောင်း မက်သွားခြင်း ~ ထိုမှ လွဲ၍ အိပ်မက်သည် အိပ်မက်သာ ဖြစ်၏။ ယင်းကို သတိပြုဖို့ လို ပါသည်။

ကျနော် နေထိုင် ရှင်သန် သည်မှာ တစ်စုံတစ်ခုသော အိပ်မက် အတွက် မဟုတ်ပေ။ အခြားသူ အပေါ်ထံသို့လည်း အိပ်မက် အသစ်တစ်ခု ထပ်မံ ထည့်သွင်း ပေးခြင်း မဟုတ်။ အိပ်မက်မက်နေသူကို လှုပ်နှိုးရန်သာ ဖြစ်သည်။ အလန့်တကြား နိုးထ သည် ဖြစ်စေ၊ ပြေပြေ သာသာ နိုးထ သည် ဖြစ်စေ စင်စစ် နှိုးလိုသူ နိုးသွားရန် သာ ဖြစ်သည်။ ထို့ကြောင့် ကျနော် အကြမ်းပတမ်း လည်း လှုပ်နှိုး သင့် လှုပ်နှိုး ပါလိမ့် မည်။ ကျနော်တို့ အနေဖြင့် မိမိ အိပ်မက်မက်နေလျင် မက်နေသည်ဟု သိရှိရန် သာ အဓိက ကျသည်။

ဤအချက်ကြောင့် ကျနော် အိပ်မက် တစ်ခုကို အသစ်ထပ်မံ ထည့်သွင်း မပေး၊ ဖန်တီး မပေး။ ဆိုလိုသည်မှာ ~ လှုပ်နှိုးခြင်းနှင့် တူသော ကန့်လန့်တိုက် သည့် အပြုအမူ ကိုသာ ကျနော် ပြုသည်။ အိပ်မက် တစ်ခုဖြင့် ထပ်မံ လိမ်ညာ မပြ။ အချည်းနှီး ဖွင့်ဆိုနေကြသော ကျမ်းစာ တို့ဖြင့် နှစ်ပေါင်း များစွာ နှစ်သိမ့်နေကြသည် ဟု မြင်လျင် ၊ ပြဿနာ ပေါင်း သောင်းခြောက်ထောင် ဖြင့် ခေါင်းလေးနေကြ သည်ဟု မြင်လျှင် အခုချက်ချင်း စွန့်ပယ် ပစ် ရန် ကျနော် ပြော ပါမည်။ မျက်လုံး ဖွင့်ကြည့်ဖို့ ရန်ထက် – စုံမှိတ်၍ ကျုံးအော်နေဖို့ရန် သာ စိတ်ကူးရှိသူများ အတွက် အခုခဏ နိုးထကြပါရန် ကျနော် ပြော ပါမည်။ ယင်းမှ လွဲ၍ နောက်ထပ် ကျမ်းစာ ထပ်ချဲ့ကားပေးနေခြင်း မဟုတ်။ လမ်းကြောင်း သွေဖယ် သွားခြင်း မဟုတ်။ အသစ် တစ်ခု ထပ်မံ ဖြည့်တင်း ပေးခြင်း မဟုတ်။ စင်စစ် ဖျက်ချခြင်း သက်သက် သာ ဖြစ်သည်။

ထို့ကြောင့် ထပ်ဆိုပါမည်။ အိပ်မက် မက်နေသည်ဟု ကျနော် မြင်မိသော အရာအတွက် ကျနော် လှုပ်နှိုး ပါလိမ့်မည်။ Shock ~ စုံကိုင် လှုပ်နှိုး ပါလိမ့် မည်။ မနှိုးသေးလျင် ရေခဲရေ တစ်ပုံး ဆွဲယူမည်။ တစ်ခေါင်းလုံး ရွှဲအောင် လောင်းချကောင်း လောင်းချပစ်မည်။ အဘယ် အရာ များ ထူးဆန်း နေပါ သနည်း။

………………..

Ref: Osho

…………………

http://zayya.blog.com/

http://zayya.wordpress.com/

http://zayyablogger.blogspot.com/

…………………

Questioner: တစ်ချို့လူတွေ ပြောကြတယ် ~ “ပြေးလွှား လျောက်သွား နေကြတဲ့ မိစ္ဆာကောင်တွေ ရှိတယ်။ သူတို့ဟာ ကျနော်တို့ရဲ့ အထင်အမြင်၊ စိတ်နှလုံး အတိုင်းသာ ဖြစ်ပါတယ်” တဲ့ ။ အဲ့စကားကို မှန်တယ်လို့ ထင်ပါသလား။

Answer: မိစ္ဆာကောင် ( Devil ) ဆိုတာ မရှိဘူးဗျ။ ဘာလို့ဆို ဘုရားသခင် ဆိုတာ မရှိလို့ပဲ၊ ဘုရားသခင် မရှိတဲ့ အတွက် မိစ္ဆာကောင် ဆိုတာ လည်း မရှိဘူး။ ဒီကောင်တွေဟာ ~ ခင်ဗျား သတ်မှတ်ထားတဲ့ ဘုရားသခင် ( God ) ဆိုတာရဲ့ အရိပ်မှန်ထိုးတွေသာ ဖြစ်ပါတယ်။ သူတို့ဟာ ဘုရားသခင် ( God ) မရှိဘဲ မရပ်တည်နိုင်၊ မရှိနိုင်ဘူး။

ကောင်းကင်ဘုံ ၊ မြင့်မြတ်ခြင်း ( Divine ) နဲ့ မိစ္ဆာကောင် ( Devil ) ~ ဒီစကားလုံး နှစ်လုံးရဲ့ ရင်းမြစ်ဟာ အတူတူပဲ ဆိုရင် ခင်ဗျား အံ့ဩသွား မလား။ စင်စစ် ဒီ ဝေါဟာရ နှစ်ခုစလုံး ဟာ သဿင်္ကရိုက် မှာ အခြေခံတယ်။ ကောင်းကင်ဘုံ၊ မြင့်မြတ်မှု ကို ဒီဘာသာမှာ ~ ဒေဝ ( Deva ) လို့ ခေါ်ပါတယ်။ ဒီ “ဒေဝ ( Deva )” ကနေ “Divine” နဲ့ “Devil” ဆင်းသက်လာတယ်။ ဒါ့ကြောင့် မိစ္ဆာကောင် ( Devil ) နဲ့ ဘုရားသခင် ( God ) ဟာ ဒင်္ဂါးပြား တစ်ပြားတည်း ရဲ့ ခေါင်းနဲ့ပန်းသာ ဖြစ်ပါတယ်။

စင်စစ် God လည်း မရှိဘူး။ Devil လည်း မရှိဘူး။ ခင်ဗျား သာ ဒီနေရာမှာ ရှိနေတယ်။ အိပ်ပျော်နေမလား ~ နိုးနေမလား ဒါပဲကွာတယ်။ ခင်ဗျား အိပ်ပျော်နေရင် ခင်ဗျား ဘဝဟာ ဒုက္ခ တွေ ၊ နာကျင် ကိုက်ခဲနေရတာတွေနဲ့ အဓိပ္ပာယ်မဲ့ ဖြစ်နေရမယ်။ ခင်ဗျား နိုးနေရင်တော့ အဲ့ဒီ ကပ် ရောဂါ မှန်သမျှ ပျောက်ကွယ် သွားပါတယ်။ အဲ့ဒီ ခဏမှာ ခင်ဗျား ဘေးပတ်ပတ်လည် နဲ့ ခင်ဗျား ကိုယ်တိုင်ဟာ ချမ်းမြေ့မှု အတိ ရှိနေကြောင်း၊ တိတ်ဆိတ် အေးချမ်းနေ ကြောင်း၊ လေးနက် ကြည်လင် နေ ကြောင်း ပထမဆုံး အကြိမ် သိလိုက်ရပါလိမ့်မယ်။

ဒါကို ခင်ဗျား ထိတွေ့ကြည့်ချင်တယ် သိချင်တယ် ဆိုရင် ~ လုပ်ဖို့ လိုတာတွေက အများကြီး မဟုတ်ဘူးရယ်။ ခင်ဗျားရဲ့ အနုမာန မှန်းဆချက်တွေကို ဘေးဖယ်ချ ပစ်လိုက်ဖို့ပဲ။ ခင်ဗျား အနေနဲ့ ဘုရားသခင် ကိုးကွယ်ရာ ဝါဒီ တစ်ခုခု၊ အဖွဲ့ဝင် ဖြစ်နေဖို့ မလိုအပ်နေဘူး။ ကွန်မြူနစ် ဝါဒီ ဖြစ်နေဖို့လည်း မလိုအပ် နေဘူး။ အဲ့ဒီ ဝါဒီ၊ ဝါဒ ၊ အယူအစွဲ အနုမာနတွေ ကို ဘေးခဏ ဖယ်ထားကြည့် ဖို့ပဲ လိုအပ်တယ် ။ ဒီခဏလေးပါပဲ။ ကျနော် ပြောတာ အမြဲ ဖယ်ချနေရမယ် လို့ ပြောတာ မဟုတ်ဘူး။ ဒီခဏလေးပဲ ရယ်။

ဒီခဏလေး ပဲ လိုပါတယ်လို့ ကျနော် ပြောရခြင်းဟာ အကြောင်း ရှိပါတယ်။ ဒီ တစ် ခဏလေး လောက်သာ ဘေးဖယ်ချ ထားနိုင်ရင် ~ နောင်လည်း ခင်ဗျား ဆက်ပြီး ဖယ်ချပြီး ဖြစ်နေမှာ မိုလို့ပဲ။

Questioner: ခင်ဗျား ဘာလို့ ဒီလို ပြောရသလဲ။

Answer: ဘာလို့ဆို ~ ခင်ဗျား ဒီအတွေ့အကြုံကို တစ်ကြိမ်တစ်ခါ သိရှိမိရင် ~ ခင်ဗျား ကိုယ်တိုင်က ဆက်ပြီး လုံးဝ ပြောင်းလဲသွားမှာ မို့လို့။ ဒါ့ကြောင့် အဲ့ဒီ အခါမှာ ခင်ဗျား အနေနဲ့ ဆိုင်ရာ ဘာသာရေး ဘုရားကျောင်း သွားဖို့ လိုအပ်မနေဘူးရယ် ။ ဒီ တစ်လောကလုံး ~ ခင်ဗျား ဖြစ်တည်နေတာ အားလုံးဟာ ဘုရားကျောင်း ဖြစ်ပါတယ်။ ဆိုင်ရာ ကျမ်းစာ တစ်ခုခု ကို ခင်ဗျား ကျိတ်မှိတ် ဖတ်ရှု နေဖို့ မလိုအပ်တော့ဘူးရယ်၊ ကျေးငှက်တွေရဲ့ တေးသံ၊ ပန်းတွေရဲ့ ရနံ့၊ စီးဆင်းနေတဲ့ ရေစီးသံ ဒါတွေ အကုန်လုံးဟာ ခင်ဗျား လိုအပ်နေတဲ့ တရားသံတွေကို ပေးနိုင်လာမယ်။ သူတို့ အသက်ဝင် နေပါလိမ့်မယ်။ စာအုပ်ထဲ ပုံနှိပ်ထားတဲ့ စကားလုံး အသေတွေ မဟုတ်ဘူး ရယ်။ သူတို့ဟာ ခင်ဗျား အခု အသက်ရှင်နေသလို ရှင်သန်နေတယ်။ ခင်ဗျား ပတ်လည်က ရှင်သန်နေတဲ့ အဲ့ဒီ အရာတွေနဲ့ ထပ်တူ ခင်ဗျား ရဲ့ နှလုံးသားဟာလည်း စတင်ပြီး ကခုန်မြူးထူး လာပါလိမ့်မယ်။ အဲ့ဒါ အတွက် ခင်ဗျား ဘုရားသခင် လိုအပ်နေပါသေးသလား။ ဘာသာအယူဝါဒီ တွေ လိုအပ်နေပါသေးသလား။ ခင်ဗျားရဲ့ ငြိမ်ဆိတ်သွားတဲ့ သန္တာန်ဟာ ဂိုဏ်းဂဏ တွေရဲ့ အနုမာန စကားရပ်တွေနဲ့ ခိုကပ် ကြောက်လန့်နေ ဦးမှာတဲ့လား။

~ Osho Talk on Youtube link – http://www.youtube.com/watch?v=p0H5JnNXpTM

………………..

http://zayya.blog.com/

http://zayya.wordpress.com/

http://zayyablogger.blogspot.com/

……………….

မျက်လုံးကို ပွတ်သပ်လိုက်မိ၏။ လက်ပတ်နာရီကို မေ့လျော့ ထားသောကြောင့် စားပွဲပေါ်က နာရီ ကို ကျော်ကြည့်သည်။ ရှေ့ လာမည့် နှစ်နာရီ ကို တွေးဆကြည့် လိုစိတ်သည် မိမိ သန္တာန် အတွင်း၌ အတိုင်းသား ပေါ်ပေါက်၏။ အဓိက တွေးသည်မှာ ရှေ့နှစ်နာရီ တွင် ဘာဖြစ်မည်နည်း ဟူ၍။

ဖြစ်ကောင်း ဖြစ်နိုင်သည်များ ရှိပါသည်။ – ယင်းနှစ်နာရီ အရောက်တွင် ကျနော် ထမင်းစားနေနိုင်သည်။ ရယ်မော စကား ဆိုနေနိုင် သည်။ အလုပ် တွင်တွင်သား လုပ်ချင် လုပ်နေနိုင်သည်။ အနားရှိ တစ်ယောက်ယောက်ကို ဘာမပြော ညာမပြော ဆွဲထိုးပစ် လိုက်မည်။ သို့မဟုတ် ~ ယခုကဲ့သို့ နားတစ်ဖက်က လေထွက်၍၊ ယခုကဲ့သို့ပင် ကွန်နက်ရှင်က နန်းကွက်နက်တစ် ပြနေနိုင်သည်။

ဒုတိယ ဖြစ်နိုင်ခြေမှာ~ ( ဗုဒ္ဓဘာသာဝင် တို့၏ စကားနှင့် ဆိုလျှင် ) ကျနော် ဘဝ တစ်ပါးသို့ ပြောင်းသွားနိုင်သည်။ (ဝါ) ( ခရစ်ဝင်တို့၏ စကားနှင့် ဆိုလျှင် ) ကျွန်တော် ခရစ်တော်၌ အိပ်ပျော်သွားနိုင်သည်။ ဟင့်အင်း ။ ကျနော် အိပ်ပြီးပါပြီ။ တော်တော်ကြာကြာ (ဝါ) ကာလ အတန်ကြာ အိပ်စက်ပြီးပြီ။ အိပ်မက်များပင် အကောင်းအဆိုး ရောပြွန်း၍ မက်ခဲ့ပြီးပြီ။ တော်လောက်ပြီ။ ထပ်မံ အိပ်စက်ရန် မလိုအပ်တော့ ဟု ထင်သည်။

အတွေးများက ယင်းရှေ့ နှစ်နာရီတွင် တဝဲလည်လည် ပြန်ပတ်ရှုပ် သွားပြန်သည်။ ခက်ကပြီ။ ယင်း ရှေ့နှစ်နာရီ အရောက် တွင် ကျနော် ဘာလုပ်ရမည်နည်း ။ အခြား ဖြစ်နိုင်ခြေများ ရှိသေးသလော။ …. အိုကေ !! ဆက်တွေးပါမည် ~

တတိယ ဖြစ်နိုင်ခြေမှာ ~ ကျနော် ထိုအချိန်တွင် စီးကရက် တစ်လိပ်ကို မီးညှိကောင်း ညှိမည်။ ကျနော် ညှိသော စီးကရက် သည် မီး လောင်ချင်မှ လောင်မည်။ ထိုအခိုက် ကျနော် ဖွာရှိုက်လိုက်သော အခိုးအငွေ့များသည် ကျနော် အခု တွေးနေသော – ၎င်းနေရာမှ အတိတ် များ ဖြစ်သွား နိုင်ပါသည်။

သေချာသည့် ဖြစ်နိုင်ခြေ တစ်ခုခု မရှိနိုင်သလော။ ဖြစ်နိုင်ခြေ ဟု ခေါ်ဆိုသည် ဖြစ်သောကြောင့် သေချာမှု ကော စင်စစ် ရှိနိုင် ပါဦး မည်လော။ သေချာနေ လျှင်ရော ဖြစ်နိုင်ခြေ ဟု ခေါ်နိုင်ဦး မည်လော။ တွေးတော ရင်း ရုတ်တရက် နာရီ ပြန်ကြည့်လိုက်သည်။ …… အဟက် ~ ကျနော် တွေးခဲ့သော နှစ်နာရီ ပြည့်ရန် – မိနစ် ငါးဆယ် သာ လိုတော့၏ ။ သို့သော် ကျနော့်အနေဖြင့် ယခုထိ ယင်း ဖြစ်နိုင်ခြေများ မည်သို့ ရှိမည် ကို အသေအချာ တွေးနေဆဲ။

ရှိစေ ~ မည်သို့ ဆိုစေကာမူ ယင်း ရှေ့ မိနစ်ငါးဆယ် အချိန် အထိသာ သက်ရှိထင်ရှား ရှိနေဦးမည် ဆိုလျှင် ~ သေချာသည့် တစ်ခု ရှိ၏။ ယင်းမှာ ~ ယခု ကဲ့သို့ပင် ၎င်းအချိန်၏ “ယခု”ကို မေ့လျော့ ထားခဲ့ဦးမည် ဟူ၍ ။

Feb 9th 2012 at 8:30 AM

………………

http://zayya.blog.com/

http://zayya.wordpress.com/

http://zayyablogger.blogspot.com/

……………..

ကဗျာ ဆရာ တစ်ယောက် က ပြောပြ ~
~ သူဟာ စွန်တစ်ကောင်
~ မှန်စာကြိုးလေး တစ်စ နဲ့ သွယ်သွယ်လေး ကနေရ သတဲ့
ဟုတ်မှာပေါ့ ~

သူဟာ စွန်ဆို ~ ကျနော်က ကြိုး
ဒါပေတဲ့ -
မချည်တဲ့ ကြိုး
မပြည်တဲ့ ကြိုး
အခြားသူကို ဖြတ်မယ့်ကြိုး
မိမိဘာသာ ပြတ်မယ့် ကြိုး

သူ ~ ဟိုး မိုး အထက်မှာ ဝဲပျံ က နေချိန်
ကျနော် က မမြင်နိုင်တဲ့ မှန်စာမျှင် တစ ~ ပါးလျလျ
ဟော တွေ့လား
ဟော ဟိုမှာလေ ~ တွေ့ရဲ့လား
သူ့ဟာသူ ကောင်းကင်မှာ
လွတ်လွတ်ရှင်းရှင်း ပျံဝဲနေလိုက်တာများ ~

ညာဘက် ယိမ်း
ဘယ်ဘက် ယိမ်း
လေရူးတစ်ချက် သုတ်ရင် အဲ့ဂလိုပဲ တိမ်းတယ်
ဘယ်သူ ဘာပြောမလဲ

ဝိုး ~ ကြည့် !!
သူ ~ အခု
ကောင်းကင်မှာ က – နေ – တယ် ~
ဘယ်လောက်များ လှလိုက်သလဲ !

ဘာမဟုတ်တဲ့ ကြိုးလေးတစ်စ နဲ့
သူ့ဟာသူ ရှင်သန်နေရ တာတဲ့ လို့
ဘယ်သူ ကများ ပြောဦးမလဲ ~

မှတ်ထားပါ !
သူဟာ စွန်ဆို ~ ကျနော်က ကြိုး
ဒါပေတဲ့
မချည်တဲ့ ကြိုး
မပြည်တဲ့ ကြိုး
အခြားသူကို ဖြတ်မယ့်ကြိုး
မိမိဘာသာ ပြတ်မယ့် ကြိုး ~

ကျနော့အနေနဲ့ တိုက်တွန်းလိုတာက ~

အဲ့အချိန်မှာ ဘာဖြစ်နေနေ ရပ်ပစ်လိုက်ပါ။ ဘာကိုမှ ဂရုစိုက်မနေပါနဲ့ ~ ရပ်ပစ်လိုက်ပါ။ စကား မပြီးမှာ – တဖက်သူ စိတ်ထဲ အဓိပ္ပာယ် မှားယွင်းသွားမှာ – အဓိပ္ပာယ် ကောက်လွဲသွားမှာ – စသဖြင့် စိုးရွံ့မနေပါနဲ့ ~ ရပ်ပစ်လိုက်ပါ။ ဘာလို့ဆို ~ မရပ်ဘဲ ဆက်စကားပြော နေမယ် ဆိုတဲ့ အခါ အဲ့ဒါဟာ ~ ခင်ဗျား ရင်ထဲက သဘာဝ ကို မိမိ ဘာသာ မိမိ ဆန့်ကျင် မိရက်သား ဖြစ်သွားမှာ မို့လို့ပါပဲ။

ဒါပေမယ့် အဲ့အချိန် မိမိ သန္တာန်မှာ ဝေဖန် စိစစ်တဲ့ အတွေးအမှု- ပေါ်ပေါက်လာ တတ်ပါတယ်။ စကား အကောင်း ဆိုနေရင်း ရုတ်တရက် တန်းလန်း ရပ်လိုက်တဲ့အခါ – အခြား သူတွေများ ငါ့ကို ဘယ်လို ထင်သွားမလဲ ဆိုတဲ့ အတွေးနဲ့ ခင်ဗျား လေးပင် သွားနိုင်တယ်။ တကယ်တမ်း မှာလည်း ခင်ဗျား ရုတ်တရက် စကား ရပ်လိုက်ရင် ~ တဖက်သူက နားလည်မှာ မဟုတ်ဘူးပဲ။ ဒါကို ခင်ဗျားလည်း သိပါ တယ်။ ဒါ့ကြောင့် စိတ်က ရပ်ချင်နေ ရင်တောင် ပြည့်စုံအောင် ခင်ဗျား ဆက်ပြော နေမိ ဦးမှာ။ အဲ့ အကြောင်းအရာ တစ်ခု အပေါ် စိတ်ဝင် တစား ရှိနေကြောင်း ခင်ဗျား ဆက် ဟန်ဆောင် နေဦးမှာ။ နောက်မှ သာ စကား မပြတ်ပြတ်အောင် ဖြတ်ပြီး ခင်ဗျား ဦးလှည့် ပြေးမှာ။

ဒီလို မပြောချင်ဘဲ ဆက်ပြောနေရတဲ့ အဖြစ်ကသာ ခင်ဗျား အတွက် တကယ်စင်စစ် လေးပင်လွန်းတာ ဖြစ်ပါတယ်။ ခင်ဗျား စွမ်းအင်တွေ၊ ခင်ဗျား ရဲ့ အဖိုးတန် တဲ့ အချိန်တွေ ကို အလဟဿ ဖြုန်းတီး လွန်းရာ ကျတယ်။ ဒီလို ဆက်ပြောဖို့ မလိုအပ်နေဘူးရယ်။ အခု ဆွေးနွေးနေတဲ့ အကြောင်းကို ရပ်ထား ချင်တယ်ဗျာ လို့ ပြောလိုက်ရုံလေးပါပဲ။ ခွင့်ပြုပါဗျာ လို့ ပြောပြီး ခင်ဗျား ရင်ထဲက အတိုင်း တိတ်တိတ်နေလိုက်ရုံပဲ။

ဒီအပြုအမူဟာ ရက် အနည်းငယ်လောက်တော့ ခင်ဗျား အတွက် ၊ ခင်ဗျား မိတ်ဆွေ တွေ အတွက် ဒုက္ခများ၊ ကသိ ကအောက် နိုင်နေ ပါလိမ့်မယ်။ ဒါပေမယ့် တဖြေးဖြေး နေကြည့်ပါ ~ ခင်ဗျား ပတ်ဝန်းကျင် က လူတွေဟာ ခင်ဗျားကို နားလည် သွားပါလိမ့်မယ်။ အဲ့ အခါ ~ ဒီလို ခင်ဗျား ဘာလို့ တိတ်တိတ်လေး နေချင် သွားရတာလဲ ဆိုတဲ့ အကြောင်း ခင်ဗျား သိချင်နေမှာပဲ ~ အဲ့ဒါကို လည်း အဖြေ မရှာ ပါနဲ့ ၊ မဝေဖန်ပါနဲ့ လို့ ပြောချင်ပါတယ် ။ နောက်ပြီး ဒီလို နေလိုက်တာဟာ မကောင်းလှဘူးကွာ ~ လို့လည်း ကိုယ့်ကိုယ်ကိုယ် မပြောမိ ပါစေနဲ့ ။

အရာရာဟာ တကယ်တမ်း ~ သူ့နေရာနဲ့သူ ကောင်းမြတ်မှု ရှိပါတယ်။ မိမိ ရင်ထဲက အတိုင်း ဖြစ်ပေါ် လာသမျှ ကို မိမိ ဘာသာ နက်နက်နဲနဲ နားလည် လက်ခံပေး နိုင်လာတယ် ဆိုတာ တွေ့ရမယ်။ ဒါဆိုရင် မိမိ ဘာသာ ထပ် တွေ့လာ ရမှာက ~ ခင်ဗျား အတွက် အရာရာဟာ ချမ်းမြေ့ စရာတွေ ချည်းသာ ဖြစ်နေတယ် ဆိုတာပဲ။

ဒီ ချမ်းမြေ့တဲ့ အဖြစ် ရှိနေတဲ့ အကြောင်းကြောင့် လဲ ခင်ဗျား ရှင်သန်မှု ကိုယ်နှိုက် ဟာ ခင်ဗျား သတိမူမူ မမူမူ ~ တိတ်တဆိတ် နေချင် မိနေ တာ ဖြစ်ပါတယ်။ အဲ့နောက် ကို မိမိက သိမှတ်ရင်း အသာလေး လိုက်သွားရုံပါ။ ခင်ဗျားရဲ့ ရင်တွင်းမှာ ဖြစ်ရှိရင် ဖြစ်ရှိတဲ့ အတိုင်း အရိပ် လို ထပ်ကျပ် ရှိနေ ပေးတာ ဟာ ~ ဘာဝနာ ဖြစ်ပါတယ်။ ခင်ဗျားရဲ့ ရှင်သန်နေမှု ကို တစ်ရံစာမျှ အလွတ်မပေးဘဲ လိုက်လံ သိ နားလည် ထားမယ်~ အဲ့ဒါလေးပါပဲ။ သူ့မှာ ဦးတည်ချက် ပန်းတိုင် မလိုဘူး ~ အဆုံးသတ် မရှိဘူးရယ် ~ ခင်ဗျား ဘဝ စင်စစ် အတိုင်း အပြည့်အဝ နားနေ ဖြေလျော့ ထားပြီး ဖြစ်နေမယ်။ ဒါကိုလည်း ခင်ဗျား သိပ် မကြာခင် မှာ ~ စတင် နားလည်သွားတော့တယ် ။

………………..
~ On Meditation
………………..

http://zayya.blog.com/

http://zayya.wordpress.com/

http://zayyablogger.blogspot.com/

………………..

Q: ဟိုဘက်နံရံမှာ ချိတ်ထားတဲ့ ရှင့်ရဲ့ စာကြောင်း တစ်ချို့ကို ကျမ ကြည့်မိတယ်။ တစ်ခုမှာ ပြောထားတာက — “လူရဲ့ နှလုံးသားဟာ လောကမှာ အန္တရာယ် အကြီးဆုံး အရာ ဖြစ်ပါတယ်” တဲ့။ ဟုတ်တယ်ဟုတ်။

A: ဟုတ်ပါတယ်။

Q: ဘာဖြစ်လို့ပါလဲ။

A: ခင်ဗျား နှလုံးကို ခင်ဗျား နားထောင်ကြည့်ကြည့်ပါ။ ဘယ်လောက် နှလုံးခုန်နေသလဲ။ –

စင်စစ် ဆရာသခင်တိုင်းဟာ အန္တရာယ် ကြီးမားကြတဲ့ သူတွေ ဖြစ်ပါတယ်။ ဆရာသခင် တစ်ပါးရဲ့ အနားကို ချဉ်းကပ် ရောက်လာရင် ခင်ဗျားရဲ့ အတ္တဟာ ကျဉ်းကျုံ့လာတယ်။ ပျောက်လုမတတ် ဖြစ်သွားရမယ်။ အဲ့ဒီ အတ္တကို ဖယ်ဖျက်ခြင်း ဟာ ကမ္ဘာပေါ်မှာ အခက်အခဲဆုံး အရာ ဖြစ်ပါတယ်။

Q: လူသားရဲ့ နှလုံးသား အတွက် အန္တရာယ် ဆိုတာ ဘာလဲ။

A: အန္တရာယ်ဆိုတာ အတ္တအတွက်ကို ဆိုလိုပါတယ်။ အတ္တကြောင့် အရာအားလုံး အရုပ်ဆိုး သွားတယ်။ ဒါပေမယ့် အခု လူ့အဖွဲ့အစည်း၊ ပညာရေး၊ ဘာသာရေး အားလုံး နီးပါး ဟာ ရည်ရွယ်ချက် ရည်မှန်းချက်တွေ ခင်ဗျား ရင်ထဲကို ထည့်သွင်းပေးနေတယ်။ အဲ့ဒီ စိတ်ဇော အဟုန်တွေနဲ့ ခင်ဗျားရဲ့ အတ္တဟာ အာဟာရ ပြည့်လာတယ်။ အားပြည့် ကြီးထွားလာတယ်။

ဆရာသခင် လုပ်ရမယ့် အလုပ်က အဲ့ဒီ အဖွဲ့အစည်း၊ ဘာသာရေး၊ ယဉ်ကျေးမှု တွေက သင်ကြားသမျှ ခင်ဗျားဆီက ဖျက်ချပစ်ဖို့ ပဲ ~ ခင်ဗျား ကို လုံးဝ ရပ်တန့် ပစ်ဖို့ပဲ ဖြစ်ပါတယ်။ ဒါကို- ဘယ်သူက အဖျက်ခံနိုင်သလဲ။ ဘယ်သူမှ အသိဥာဏ် ပျောက်ဆုံး မသွားချင်ဘူး၊ မရပ်တန့် သွား လိုဘူး မဟုတ်လား။ မိမိ ကိုယ်ကိုယ် ထင်မြင်ထားတဲ့ ဘဝင် ကို ဖျက်မချနိုင်ဘူး။ မိမိကိုယ်ကိုယ် ရိုသေ ခံယူထားတဲ့စိတ် မဖြေဖျောက် နိုင်ဘူးရယ်။

Q: ဒါဆို ဘယ်သူ့အတွက် အန္တရာယ် ရှိနေတာလဲ။

A: အတ္တအတွက် အန္တရာယ် ရှိနေတာ ဖြစ်ပါတယ်။

Q: ရှင့်အနေနဲ့ လောကမှာ အန္တရာယ် အကြီးဆုံးဟာ ဒါပါလို့ ပြောတယ်။ ဟုတ်ပြီ။ ဒါဆို ရှင်ဆိုလိုတာက လူ့အဖွဲ့အစည်း နဲ့ အခြား အရာတွေကလည်း အန္တရာယ် ဖြစ်နေတယ် လို့ ဆိုလိုတာလား။

A: ဟုတ်ပါတယ်။ အားလုံး လိုက်လံ ပြောင်းလဲနိုင်ရပါလိမ့်မယ်။ အခု အတိုင်း ရှိနေသမျှ ဟာ ~ အားနည်းလွန်းတယ်။ ရူးသွပ်လွန်းနေပါတယ်။

Q: ကျမ ကြားသိရသလောက် ~ ရှင်ဟာ ဘယ် အစဉ်အလာ လမ်းကြောင်းနောက်ကို မှ မလိုက်နာဘူး။ ဘယ်အစဉ်အလာရဲ့ လက်အောက်မှာမှ ရှိမနေဘူး လို့ ဆိုပါတယ်။ ဒါပေမယ့် ကျမ မျက်မြင်မှာ ~ ရှင် လုပ်နေသမျှဟာ အစဉ်အလာတွေ အပေါ်မှာချည်း ဖြစ်နေတာ တော်တော်များနေတယ် ( ထင်ပါတယ် ) အဲ့ဒါကို ဘယ်လို ရှင်းပြနိုင်မလဲ။

A: ကျနော် ဘယ်အစဉ်အလာ ကိုမှ မလိုက်နာပါဘူး။ အစဉ်အလာ နောက်ကို လိုက်လံ နေမယ့် လူဟာလည်း ဘယ်လိုမှ သစ္စာ (အမှန်) ကို မရောက်၊ မသိနိုင်ဘူး။ ဘာလို့ဆို အစဉ်အလာ၊ ဓလေ့ထုံးစံ အားလုံးဟာ အသေသား ( Dead ) တွေ ဖြစ်ပါတယ်။ ဒါကို ခင်ဗျား အခု မြင်နေရတဲ့ အရာတွေနဲ့ သွားမရောထွေး ပါနဲ့။ ရှင်သန်နေတဲ့ အစဉ်အလာ ဆိုတာ မရှိဘူး။ အစဉ်အလာ ဓလေ့ ဆိုတာရဲ့ အဓိပ္ပာယ်ကိုက သေဆုံးပြီးသား လို့ အဓိပ္ပာယ် ရပါတယ်။ ဒါပေမယ့် သူတို့ဟာ ယခင် တစ်ချိန်က ကောင်းကောင်း ရှင်သန်ခဲ့တဲ့ အရာတွေ ဖြစ်တယ်။

Q: ဒါဆို ဘာဝနာ အသိတွေ ထုံကူး လက်ဆင့်ကမ်းတဲ့ အခါ ~ ဆရာသခင်နဲ့ တပည့် ဖြစ်သူတွေဟာ မျိုးဆက် တစ်ဆက်ကနေ နောက်မျိုးဆက် တစ်ဆက်ကို အစဉ်အဆက် ကြိုးပမ်း ကြရတယ်။ ဟုတ်တယ် ~ မဟုတ်လား။ အခု ဒီမှာ ရှိနေတဲ့ ရှင့်တပည့်တွေ လိုမျိုးပေါ့။ တစ်ဦး သိမြင်တဲ့ ဥာဏ် အလင်းကို တစ်ဦးကို လက်ဆင့်ကမ်း ပေးကြရမယ် ဟုတ်တယ်ဟုတ် ။ သိမြင်ထားတဲ့ အသိဥာဏ် အလင်း ကို ရပ်တန့် ကင်းပြတ် မသွားစေဖို့ ~ နောင်မျိုးဆက်သစ် တွေ အပေါ် ဆင့်ကမ်း ပေးသွားရမယ်။ ဟုတ်တယ် ~ မဟုတ်လား။

A: လုံးဝ မဖြစ်နိုင်ပါဘူး။ ကျနော် တွေ့ကြုံတဲ့ အရာတစ်ခုကို အခြား မျိုးဆက် တစ်ခုခုကို ကူးပြောင်းမပေးနိုင်ဘူး။ ကျနော် သိရှိတဲ့ အရာ တစ်ခုကို အနီးအပါးက တပည့်တစ်ဦးကိုလည်း ကူးပြောင်း ထည့်မပေးနိုင်ဘူး။ အသိဥာဏ် အလင်းကို ဖော်ပြလို့ မရဘူး။ အလွန်ဆုံး လုပ်နိုင်တာက ညွှန်ပြလို့ပဲ ရပါတယ်။ ရှင်းပြလို့ မရဘူး။

Q: ကျမကလည်း “ရှင်းပြဖို့” လို့ ပြောတာ မဟုတ် ပါဘူး။ ဆိုလိုတာက ~ ကူးပြောင်းပေးဖို့၊ လက်ဆင့်ကမ်းပေးဖို့၊ အခြေအနေ တစ်ခု ဖန်တီးပေး ဖို့။ နောက်ဆုံးမှာ သူတို့ဟာ သူတို့ အသိဥာဏ်ကို သူတို့ဘာသာ နားလည်သဘောပေါက်သွားဖို့။ ထောက်ကူဖို့။

A: ဟုတ်ကဲ့။ ဒါဆို ရပါတယ်။ အထောက်အကူ ၊ အခြေအနေဆိုတာ ဖန်တီးနိုင်ပါတယ်။ ဒါပေမယ့် လူတစ်ယောက် သူ့အသိဥာဏ်အလင်းကို မြင်တဲ့အခါ အဲ့ဒါဟာ သူ့အပိုင် အရာသာ ဖြစ်ပါတယ်။ သစ္စာတရားဟာ သူ့သစ္စာသာ ဖြစ်တယ်။ ကျနော့ဆီက တစ်ခု မဟုတ်ဘူး။ သူ့ကိုယ်ပိုင်။

ဒါ့ကြောင့် ကျနော့အနေနဲ့ ~ သူ့အမြင်ကို သူ့ဘာသာသူ ရသွားစေဖို့ အခြေအနေ ဖန်တီးရာမှာ ဝင်ကူပေးနိုင်တယ်။ ဒါပေမယ့် ကျနော့ သစ္စာ မဟုတ်ဘူး။ ကျနော့ အသိဥာဏ် မဟုတ်ဘူး။ ကျနော် သိတဲ့အရာကို ထည့်ပေးတာတော့ မဟုတ်ဘူးရယ်။ နောက်ပြီး ဒီအချက်ကြောင့် လည်း ~ သစ္စာတရားဟာ အစဉ်အလာ ဓလေ့ ၊ တံဆိပ် ၊ ရိုးရာ ဖြစ်မလာနိုင်ဘူးလို့ ပြောရတာ ဖြစ်ပါတယ်။ အကြောင်း က သစ္စာအမြင်ဟာ သီဝရီ ၊ ဒဿန စနစ်၊ ဘာသာ တံဆိပ် မဟုတ်ဘူး။ သစ္စာဥာဏ် အမြင်ကို ရှာဖွေသူ တစ်ဦးဟာ အခြေအနေတွေကို အမြောက် အများ ဖန်တီးနိုင်ပါလိမ့်မယ်။ လူတွေကိုလည်း ကူညီပေးနိုင်ပါလိမ့်မယ်။ ဒါပေမယ့် သိမြင်တဲ့အခါမှာတော့ လူဟာ မိမိအရာ ကိုသာ မိမိ သိမြင်နိုင်ပါတယ်။

Q: ကျမ ဆိုလိုတာက အဲ့ဒီ သစ္စာဥာဏ် အမြင် စွမ်းအင် ( ဒါမှမဟုတ် ) ဥာဏ်အမြင်ကို မျိုးဆက် တစ်ဆက်ကနေ တစ်ဆက် ဆက်ဖြစ်သွားဖို့ —

A: ဒါဟာ နည်းလမ်း မဟုတ်ဘူး။ တစ်ယောက်ကနေ တစ်ယောက်ဆီကို မျိုးရိုးဗီဇ ဆန်ဆန် ကူးပြောင်းနိုင်တဲ့ အရာ တစ်ခု မဟုတ်ဘူး။ သစ္စာတရားဟာ ဒါ့ကြောင့်သာ အစဉ်အမြဲ သစ်လွင်နေတာ ဖြစ်ပါတယ်။ အမြဲ အသစ် ဖြစ်နေတယ်။ သူဟာ ဘယ်အချိန် မှာမှ အိုဟောင်းသွားမယ့် အရာ မဟုတ်ဘူး။ လူပေါင်း သန်းသောင်းမက တွေ့ကြုံ သိရှိသွားနိုင်တယ်။ ဒါပေမယ့် အဲ့ဒါဟာ သူတို့ရဲ့ သစ္စာ၊ သူတို့ရဲ့ အတွေ့အကြုံသာ ဖြစ်ပါတယ်။

Q: ဟုတ်ပြီ။ ဒါဆို ~ ဧက၊ တစ်ခုတည်းရှိတဲ့ ၊ ကာလဒေသ ဘောင်စည်းမဲ့တဲ့ သစ္စာတရားဆိုတာ မရှိဘူးပေါ့။

A: ဒါဟာ ~ ဧက၊ တစ်ခုတည်းရှိတဲ့၊ ကာလဒေသ ဘောင်စည်းမဲ့တဲ့ သစ္စာ ဖြစ်ပါတယ်။ သူ့မှာ တူညီနေတယ်။ ဒါပေမယ့် အမြင်ဟာ တစ်သီး ပုဂ္ဂလနဲ့ပဲ ဆိုင်တယ်။ ကျနော် ဒီလို ပြောကြည့်မယ်။ –

သစ္စာတရားရဲ့ တစ်သီးပုဂ္ဂလ သီးခြား ဖြစ်မှုဟာ အားလုံးမှာ တူညီပါတယ်။ ဒါ့ကြောင့် လူတစ်ဦး သစ္စာအမြင် ရှိတဲ့အခါ သူ့အမြင် သူ့အသိသာ ဖြစ်တော့တယ်။ အဲ့ဒီ အစဉ်အမြဲ သစ်လွင်နေပြီး သူ့အမြင် သူ့အသိသာ ဖြစ်ရခြင်း ဆိုတဲ့ အချက်ဟာ အားလုံးမှာ တူညီနေပါတယ်။ ဧက၊ တစ်ခုတည်း ဖြစ်နေတယ်။

Q: ဒါဆို ဆရာသခင် နဲ့ တပည့်အပေါင်း တွေရဲ့ ဆက်နွယ်ချက် ကြားမှာ ကူးပြောင်းဖလှယ်ပေးစရာ ဘာအသိဥာဏ်မှ မရှိဘူး လို့ ရှင် ထင်တယ် ပေါ့။

A: ထည့်သွင်းပေးအပ် နိုင်တာ ဘယ်အရာမှ မရှိပါဘူး။

Q: အနည်းဆုံး ကူးပြောင်းပေးနိုင်မယ့် တစ်ခုခုလောက်ကော မရှိဘူးလား။

A: မရှိဘူး။ ကူးပြောင်းပေးနိုင်တဲ့ အရာ၊ လက်ဆင့်ကမ်းပေးနိုင်တဲ့ အရာ၊ ထည့်သွင်းပေးနိုင်တဲ့ အရာ၊ ထုံကူးပေးနိုင်တယ် ဆိုတဲ့ အရာတွေဟာ သိပ်အပေါ်ယံ ဆန်လွန်းတဲ့ စိတ်ပိုင်းဆိုင်ရာ အချို့၊ ဓလေ့ထုံးစံ အယူအဆ အချို့ စသည် အရာတွေသာ ဖြစ်ပါတယ်။ ဥာဏ်အမြင်တော့ မဟုတ်ဘူး။

Q: ဒါဆို ရှင့် တပည့်တွေထဲမှာ အသိဥာဏ်အမြင် ရှိတဲ့အခါ သူတို့ ဘာလုပ်မလဲ။ သူတို့ကလည်း ရှင်နဲ့ တစ်နည်းတစ်ဖုံ ဆက်နွယ် ပြီးမှ ဖြစ်လာတာ မဟုတ်လား။

A: ဒါဟာ အထောက်အပံ့ ၊ ကျေးဇူး အားဖြင့်သာ ဖြစ်ပါတယ်။ ဒါဟာ ဆက်နွယ်ချက် ၊ ကူးပြောင်းယူတာ မဟုတ်ဘူး။ အထောက်အပံ့ ဟာ ကူးပြောင်းတာ လက်ဆင့်ကမ်းတာ မဟုတ်ဘူး။

Q: အခြေအနေကို ဖန်တီးသူ တစ်ယောက် အနေနဲ့တောင် ရှင် ဘာမှ မလုပ်နိုင်ဘူးလို့ ဆိုလိုတာလား။

A: ကျနော် ဘာမှလုပ်လို့ မရပါဘူး။

Q: ဒါဆို ရှင့်ရဲ့ အခု Rajneeshpuram ( အိုရှိုး အပေါင်းအဖော်တို့ တစ်စုတစ်ဝေးတည်း နေထိုင်ရာ ရိပ်မြုံ ) ဟာ ဘာအတွက်လဲ။

A: ကျနော် ပျော်နေတာ။ ဒါလေးပဲ။ ဒီမှာ အခြေအနေ ဘယ်လိုအကြောင်း ဖန်တီးဖန်တီး ~ ကျနော့မိတ်ဆွေတွေ ပျော်ပျော်ရွှင်ရွှင် ရှိနေနိုင်တယ်။ ဒါပဲ။

Q: ဒါဟာ ရှင် အခြေအနေတစ်ရပ် ဖန်တီးတာပဲ မဟုတ်လား။ ဒီနည်း သုံးပြီး ဆက်နွယ်နေရတာပဲ မဟုတ်လား။

A: ဒါဟာ အပေါ်ယံ အကျဆုံး နည်းလမ်းပါ။ သူတို့ရဲ့ မီးညွှန့်လေးဟာ သူတို့ ရင်တွင်းမှာသာ ရှိပါတယ်။ သူတို့ဆီမှာ နကိုကတည်းက ရှိပြီးသားပဲ။ အထောက် အပံ့ ပြုတဲ့ ပစ္စည်း ပစ္စယ ဆိုတာ ခင်ဗျား သိမြင် နိုးကြားဖို့ အသုံးပြုတဲ့ ဗျူဟာ တစ်မျိုးပဲ။ အဲ့ဒါပဲ ဖြစ်ပါတယ်။

Q: ဒါဆို သူတို့ဟာ ရှင့်ဆီမှာ မရှိရင်တောင် အသိအမြင်နိုးကြားလာနိုင်မှာပဲ လို့ ရှင်ထင်တယ်ပေါ့။ ဥပမာ – နယူးယောက်ခ်မြို့မှာ ၊ အခြားမှာ ရှိနေရင်လည်း သူတို့ဘာသာ သူတို့ အသိရှိမှာပဲလို့ ရှင်တွေးထားတယ်ပေါ့။

A: အမြင်ဥာဏ် နိုးကြားနိုင်ဖို့ ဖြစ်နိုင်စွမ်း ဟာ နေရာတိုင်းမှာ ရှိပါတယ်။ ဒီမှာနေရင်လည်း နိုးကြားချင်မှ နိုးကြားလိမ့်မယ်။ အဲ့ဒီ အသိဥာဏ် အမြင် ( Awakened ) အဖြစ်ဟာ ခန့်မှန်းတွေးရ ခက်ခဲပါတယ်။ လေးနက် သိရခက်တယ်။

Q: ရှင်ကရော ဘယ်သူ့ဆီကမှ သင်ယူခဲ့တာ မဟုတ်ဘူးပေါ့။

A: ဘဝ လို့ ဆိုရုံမျှနဲ့ ပြည့်စုံပါတယ်။

Q: အခြား ဓလေ့၊ အယူဝါဒကွဲ တစ်ခုခု သင်ယူ ခဲ့သလား။

A: ဓလေ့ထုံးတမ်း တစ်ခု မဟုတ်ဘူး။ အားလုံးနီးပါး ကျနော် သင်ယူခဲ့ပါတယ်။ ဒါပေမယ့် အဲ့ဒီ အားလုံးဟာ စကား အသေ တွေချည်း ပဲ။ သူတို့တွေက ခင်ဗျား ကို ဘာ အကူအညီ မှ ပေးနိုင်မှာ မဟုတ်ဘူး။ အဲ့ဒါကို သိထားဖို့ လိုတယ်။ အဲ့ဒီ အစား ~ ခင်ဗျားကို စွဲယူဝါးမျို ပစ်လိုက်လိမ့်မယ်။ တကယ်လို့သာ သူတို့ အယူဝါဒ တစ်ခုခုရဲ့ စကားလုံးတွေ၊ စာသားတွေ ကို ခင်ဗျား သိပ်သဘောကျ တွယ်တာမိ သွား မယ် ဆိုပါတော့ ။ ဒါဆို သူတို့ရဲ့ အသိသညာ အချက်အလက်တွေ ခင်ဗျားဆီမှာ အဆမတန် တိုးပွား ရရှိနေနိုင်တယ်။ ခင်ဗျား သုတေသီ တစ်ဦးလည်း ဖြစ်သွားနိုင်တယ်။ ပညာရှင်ကြီးလည်း ဖြစ်သွားမယ်။ ဒါပေမယ့် ခင်ဗျား သစ္စာအမြင်တော့ ရမှာ မဟုတ်ဘူး။ ခင်ဗျားကိုယ် ခင်ဗျားတော့ သိမှာ မဟုတ်ဘူး ရယ်။

To be continued.

…………………….
~ Second Part of this Youtube Link- http://www.youtube.com/watch?v=npnN9htA1FE
…………………….
‘Every Master is a Dangerous Person’,
Excerpt from an interview with Christ Keizer, The Boston Globe, MA
ဆီလျော်သလို ပြန်ဆိုထားပါသည် ~
…………………….

http://zayya.blog.com/

http://zayya.wordpress.com/

http://zayyablogger.blogspot.com/

…………………….

A: အခု ရှိနေတာတွေ အားလုံးရဲ့ ရည်ရွယ်ချက်က ဘာလဲ။

Osho : ခင်ဗျား ဘဝရဲ့ ရည်ရွယ်ချက် ( ဝါ ) ခင်ဗျား ရှင်သန်နေထိုင်ရခြင်း အကြောင်းက ဘာလဲ။ ခင်ဗျား ဘဝမှာ ရည်ရွယ်ချက် တစ်ခုခုများ ထားရှိ ထားပါသလား။ အခု ကျနော်နဲ့ အင်တာဗျူး လုပ်ဖို့လား။

A: ဗျာ !?

Osho: ကျနော်နဲ့ အင်တာဗျူး လုပ်ဖို့ဟာ ခင်ဗျား ဘဝ ရည်မှန်းချက်လား !!!??

စင်စစ် လောကမှာ ရည်ရွယ်ချက် ရည်မှန်းချက် ဘာမှ မလိုအပ်တဲ့ အရာတွေ ရှိပါတယ်။

ဘဝ(ဝါ) ရှင်သန်နေခြင်း သက်သက် မှာ ရည်ရွယ်ချက် မရှိဘူး။ မလိုအပ်ဘူး။ ချစ်ခြင်း၊ မေတ္တာ မှာ ရည်ရွယ်ချက် မရှိဘူး။ အလှတရားမှာ ရည်ရွယ်ချက် မရှိဘူး။ ချမ်းမြေ့ခြင်း သန္တိမှာ ရည်ရွယ်ချက် မရှိဘူး။ ရည်ရွယ်ချက် အမျိုးအစား ခေါင်းစဉ်တွေ ခွဲခြား တည်ရှိတဲ့ အရာတွေဟာ စင်စစ် အသုံးမဝင်တဲ့ အလဟဿ ၊ အချည်းနှီး ပျက်စီးရာ အကြောင်းခံ တွေသာ ဖြစ်ပါတယ်။ စက်ယန္တရား တစ်ခုမှာ ရည်ရွယ်ချက် ရှိမယ်။ ဒါပေတဲ့ လူသား ဖြစ်ခြင်းမှာ ရည်ရွယ်ချက် မရှိဘူး။

ကဲ… ကခုန်တယ် ။ ဘာ ရည်ရွယ်ချက်နဲ့လဲ။ ပျော်ရွှင်တယ် ~ သီချင်းဆိုကြတယ် ~ ဘာ ရည်ရွယ်ချက်နဲ့လဲ။ ပန်းချီဆွဲတယ် ~ ကဗျာရေးဖွဲ့မယ် ~ ဘာရည်ရွယ်ချက် ရှိပေးရမလဲ။ မိုက်ကယ် အိန်ဂျလို၊ လီယိုနာဒို ဒါဗင်ချီ၊ ပီကာဆို ~ သူတို့ရဲ့ ရည်ရွယ်ချက်က ဘာလဲ။

တစ်ချိန်က ပီကာဆို ပန်းချီဆွဲနေတဲ့ အခိုက်ပေါ့။ – လူတစ်ယောက် က ကြည့်နေခဲ့တယ်။ နှစ်နာရီလောက် ကြာမယ်။ ပန်းချီကား ဆွဲပြီးတော့ ပီကာဆိုကို အဲ့ဒီ လူက မေးတယ်။ “ခင်ဗျား ဒီပန်းချီကို ဘာရည်ရွယ်ချက်နဲ့ ဆွဲသလဲ။ ဒီပန်းချီကားရဲ့ ရည်ရွယ်ချက်က ဘာလဲ”

ပီကာဆိုက ပြန်ပြောတယ်။ “ကျုပ်လည်း ခင်ဗျားကို မေးမလို့ပါ။ အကြောင်းက ခင်ဗျားလည်း နှစ်နာရီလောက်နီးနီးကို အချိန်ပေး ကြည့်နေခဲ့တာ မဟုတ်လား။ ခင်ဗျားများ သိမလားလို့။”

သူပြောတဲ့ စကားဟာ တန်ဖိုးကြီးတဲ့စကား ၊ မှတ်သားဖွယ်ရာ စကား ဖြစ်ပါတယ်။

နှင်းဆီပန်းလေး တစ်ပွင့်ဆီကို သွားပြီး “မင်း ရည်ရွယ်ချက်က ဘာလဲ၊ မင်း ဘာအကြောင်းကြောင့် ဖူးပွင့်လာတာလဲ” ဘယ်သူ သွားမေးမလဲ။ နှင်းဆီ ပန်းလေးဟာ လေထဲ၊ မိုးထဲ၊ နေရောင်ခြည် အလင်းတွေ ကြားထဲမှာ သူ့သဘာဝနဲ့ သူ ဖူးပွင့် ကခုန် နေနိုင်ပါတယ်။ သူ့အတွက် ဘယ်မေးခွန်းတွေနဲ့ ဘယ်သူ အနှောင့်အယှက် ပေးနိုင်မလဲ။ အလားတူ ~ ကျနော်ကရော။ ကျနော့် ပန်းချီကား တွေမှာ ဘာရည်ရွယ်ချက် ရှိရမလဲ။ စင်စစ် ကျနော် ပန်းချီဆွဲရတာ ပျော်တယ် ~ ကြည်နူးတယ် ~ ဒါဆို လုံလောက်ပါတယ်။ အဲ့ဒါထက် ပိုပြီး ဘာမှ မလိုအပ်ဘူး။

ရည်ရွယ်ချက်နဲ့ မောင်းနှင်နေတဲ့ ဘဝဟာ ကျွန်တစ်ဦးရဲ့ ဘဝသာ ဖြစ်တယ်။ ရည်မှန်းချက် မရှိ၊ မလိုအပ်တဲ့ ဘဝဟာ ချမ်းမြေ့သာယာနေပါတယ်။ တခဏတိုင်း တခဏတိုင်း အပေါ် အပြည့်အဝ နှစ်လို ချမ်းမြေ့ နေထိုင်တာ သာ ရှိတယ်။ သူအတွက် မနက်ဖြန် မရှိဘူး။ အဆုံးသတ် မလိုဘူး။ အခြား ဘယ်တနေရာရာကိုမှ သွားနေတာ မဟုတ်ဘူး။ အခု အချိန်၊ အခု နေရာ ( Now and Here ) မှာသာ ရိုးရိုး ရှင်းရှင်း တည်ရှိနေတာ ဖြစ်ပါတယ်။

ကျနော် အခု ပျော်ရွှင်တယ် ~ ကျနော့ ရောင်းရင်းတွေလည်း ပျော်ပျော်ရွှင်ရွှင် ရှိမယ်။ ဘာထပ် လိုအပ် ပေးရဦးမလဲ။ ဒီလို ရည်ရွယ်ချက်က ဘာလဲလို့ မေးကြတဲ့ လူတွေ၊ အပြင်မှာ ရှိနေတဲ့ လူတွေဟာ ~ သူတို့ ဘာလို့ ဒီမေးခွန်းတွေ မေးကြသလဲ ဆိုတာ သူတို့ ဘာသာ သူတို့ ~ သတိ မပြုမိကြဘူးရယ် ။ သူတို့ ရှင်သန် နေရတာ ကို စင်စစ် သူတို့ဘာသာ မပျော်ရွှင်တာ ဖြစ်ပါတယ်။ သီချင်းသံ မသာ ဘူး။ ကောင်းကောင်း မဖူးပွင့်နေ နိုင်ဘူး။ ရနံ့ကောင်း ကောင်း မထွက်နိုင်ဘူး။ သူတို့ ဘဝ ရှင်သန်မှုကို သူတို့ ဘာသာ အတင်းဆွဲခေါ် ယူနေရတာသာ ရှိမယ်။ အဲ့ဒီ အခါ ဒီလို “ရည်ရွယ်ချက်” မေးခွန်း တွေ ဟာ သူတို့ အတွေးထဲက ထွက်လာပါတယ်။ ဒါဟာ သဘာဝ လည်း ကျတယ်။ “ရည်ရွယ်ချက်က ဘာလဲ” စသဖြင့် မေးကြမှာပဲ။ ~

ဒါပေတဲ့ – ဥပမာ – ကျန်းမာနေတဲ့ သူတစ်ယောက်က “ကျန်းမာရေး ရဲ့ ရည်ရွယ်ချက်က ဘာလဲ” လို့ မမေးဘူး။ ကျန်းမာနေတဲ့ လူဟာ ဆရာဝန် တစ်ယောက်ဆီ သွားပြီး “ကျုပ် ဘာလို့ ကျန်းမာ နေရသလဲဗျာ” လို့ ဘယ်တော့မှ သွားမမေးဘူး။ ကျန်းမာရေး ချို့တဲ့နေတဲ့သူ သာ – သူ မကျန်းမမာ ဖြစ်ရခြင်း အကြောင်း ကို မေးခွန်း ထုတ်ပါတယ်။ ကျန်းမာနေခြင်းဟာ သဘာဝ၊ မကျန်းမာနေခြင်းဟာ သဘာဝ မကျတဲ့ အရာသာ ဖြစ်တယ်။ အဲ့လိုပဲ ~ ချမ်းမြေ့တဲ့ နေထိုင်မှု ဘဝ သက်သက်ဟာ စင်စစ် သဘာဝ ကျတဲ့ အရာသာ ဖြစ်ပါတယ်။ သူ့မှာ ဘာ အကြောင်းခံ၊ ဘာရည်ရွယ်ချက်၊ ဘာအဆုံးသတ်မှ မလိုအပ်ဘူး ။ အတွင်းပိုင်း အနှစ်သာရ တန်ဖိုး ရှိနေတယ်။ အဲ့ဒါလေးပဲ။

~ First Part of this Youtube Link – http://www.youtube.com/watch?v=npnN9htA1FE

………………
‘To Live Joyfully is Natural’,
Excerpt from an interview with Bill Harlan, Denver Post.
………………

http://zayya.blog.com/

http://zayya.wordpress.com/

http://zayyablogger.blogspot.com/

………………

D.T.Suzuki ပြောခဲ့ဖူးတဲ့ စကားတစ်ခွန်း ရှိပါတယ်။

“ဖားလေး။ ဟုတ်တယ်…။ ကျနော် ဖားကို ချစ်တယ်။ လူ ထက်တောင် သူ့အပေါ် ပို ချစ်သေးတယ်။ ကန်ဘောင် ဘေးမှာ ဖားလေး တစ်ကောင် ထိုင်နေတဲ့ ခဏလေး ကို ကြည့်စေ ချင်တယ်။ ဘယ်လောက် ငြိမ်သက် နေလိုက် သလဲ။ သေသေချာချာ ကြည့်ကြည့် ပါ။ ငြိမ်ဝပ်ပြီး စွဲမြဲနေတဲ့ သူ့ အသွင်သန္တာန်က ကမ္ဘာ လောကရဲ့ ဘယ်အရာမှ အနှောင့်အယှက် မရှိ၊ ဘာမှ တွယ်ညိ မနေသလိုမျိုး။ သူက ထိုင်နေရုံလေး ~ ထိုင်နေတယ် ဆိုရုံမျှလေး~ ဘာဝနာ သတိနဲ့ ဖြစ်နေတယ် ဆိုရုံမျှလေး လို့ပဲ ထင်ရမယ်”

- သူက ဆက်ပြော တယ်။

-“ကျနော် အသိ မရှိခင်က လူနဲ့ တူပြီး၊ အသိရှိပြီး နောက်မှာ ကြောင် တစ်ကောင်နဲ့ ပိုတူလာတယ်”

ကြောင်တစ်ကောင် ကို ကြည့်ရင် – သူဘယ်လို ဖြေလျော့ နားနေရမယ် ဆိုတာ သူ သိနေပါတယ်။ Relaxation အတွက် သူကောင်းကောင်း သိတယ်။ အဘိဓာန်၊ ကျမ်း စာအုပ် လှန်နေစရာ မလိုဘူး။ ကောင်းကောင်း ခြေဆန့် လက်ဆန့် နားနေနိုင်တယ်။ ကျနော် တို့ သာ ဆိုရင် ဘယ်လို Relaxation လုပ်ရမလဲ အခက်အခဲ တွေ့ကောင်း တွေ့နေနိုင်မယ်။ ဒါပေမယ့် သူ့အတွက်တော့ အခက် အခဲ မရှိဘူးရယ်။ ကြောင် အတွက် လူတွေလို ဆရာ မလိုအပ်ဘူး။ ကိရိယာ မလိုအပ်ဘူး။ သူတစ်ကိုယ်တည်း ကောင်းကောင်း နားနေနိုင် သလို ကောင်းကောင်း နိုးကြားနိုင်တယ်။ ခင်ဗျားသာဆို Relax လုပ်တဲ့အခါ အိပ်ပျော်ကောင်း အိပ်ပျော်သွားမယ်။ အဲ့ကြောင်လေး အတွက် က အိပ်ပျော်နေ ချိန်မှာတောင် ကောင်းကောင်း နိုးကြား နေနိုင်သေးတယ်။

တိရစ္ဆာန် တွေနဲ့ ပတ်သက်ပြီး ပြောရင် သူတို့မှာ ဘာ အပြစ် တစ်စုံတစ်ရာ များ ရှိပါသလဲ။ လူတွေ သာ မိမိ အတ္တဘောင် အတွင်း ကနေ နှိုင်းယှဉ် စကား ဆိုကြ တယ်။ “ကျုပ်တို့ ဟာ တိရစ္ဆာန် တွေ မဟုတ်ဘူး။ ကျုပ်တို့ က လူတွေ ဖြစ်တယ်” ဒီစကားရပ် နဲ့ မာန်ထောင် တယ်။ “လူသာလျှင် အသိဥာဏ် အလိမ္မာ ပြည့်စုံ နိုင်တယ်” ဒီစကား ကို တလွဲဆံပင် ကောင်း တွေးယူ ပြီး အခြား သတ္တဝါမျိုးစိတ်တွေ ကို နှိမ်ချ တတ်ကြတယ်။ ဒါဆို မေးကြည့်ရပါလိမ့်မယ်။ သူတို့ မှာ စိုးရိမ်နေ တာတွေ ရှိတယ် ဆိုပေတဲ့ – မျှော်မှန်းချက် တွေ၊ ရည်ရွယ်ချက် တွေ နဲ့ စိုးရွံ့စရာ တွေ ရှိနေ သလား။ တစ်ဦး နဲ့ တစ်ဦး အချည်းနှီး ဂုဏ်သိက္ခာ ၊ ဓန ဥစ္စာ တွေနဲ့ ယှဉ်ပြိုင် ပုတ်ခတ် တွန်းတိုက် နေ သလား။ ဘာသာ တွေ အပြိုင် တည်ထောင် နေသလား။ ဂိုဏ်း ဂဏ တွေ တစ်စဉ်ထောင်၊ ကွဲပြား နေသလား။ ကျိန်းသေ တာက သူတို့ဟာ ကျနော်တို့ လူတွေလို စိတ်ပညာ ဆရာဝန် ၊ စိတ်ခွဲ ပညာရှင် ( Psychoanalyst ) စသဖြင့် ခေါ်စရာ မလိုလောက် ဘူးရယ်။ တကယ် ရူးသွားတဲ့ တိရစ္ဆာန်၊ ( ဥပမာ – ခွေးရူး ) တွေဟာ လူတွေကြားထဲ လူငွေ့ကူး သွားတဲ့ အခါ မှသာ ဖြစ်တတ်ကြောင်း ခင်ဗျား တွေ့ရ ပါလိမ့်မယ်။ သူတို့ သဘာဝ မူရင်း အတွင်းမှာ ရူးသွပ်သွားစရာ တစ်ခုမှ မရှိကြောင်းတော့ ခင်ဗျား မြင်နိုင် ပါမယ်။

တိရစ္ဆာန် တွေ အတွင်းမှာ ဘယ်အရာများ အမှား ရှိပါသလဲ။ သူတို့ကို ဘယ်အကြောင်း နဲ့ နှိမ်ချ အပြစ်တင်စရာ ရှိပါသလဲ။ “နှိမ်ချ အပြစ် တင်” တယ် ဆိုတာ ဟာ – စင်စစ်- လူတွေရဲ့ အလုပ် ဖြစ်ပါတယ်။ လူတွေ မှာသာ ရှိတယ်။ လူရဲ့ “အတ္တ” အပေါ် တွယ်တာ ချိတ်မိ သလောက် ကိုယ့် သန္တာန် ရဲ့ တစ်ပိုင်းတစ်စ သာ ဖြစ် ပါတယ်။ လူဟာ မိမိကိုယ်ကိုယ် သတ္တဝါ မျိုးစိတ်ကြီး လို့ သတ်မှတ်တယ်။ သူတို့ တိရစ္ဆာန်တွေ အတွက် သတ္တဝါ မျိုးစိတ်တောင် ခွဲခြား ထား ရဲ့လား မသိ။

ဒါဝင် သီဝရီကို ပြောင်နောက်ရင်း ပြောတတ်တာ ရှိတယ်။“လူဟာ မျောက်မျိုးကနေ ဆင့်ကဲ ပြောင်းလဲတိုးတက်” ခဲ့တယ်တဲ့။ ဟုတ်ပါ သလား။ တကယ်တမ်း ခင်ဗျား မျောက်တွေကို သွားမေးကြည့် စေချင်ပါတယ်။ သူတို့ ဘယ်လို ဖြေမလဲ။ ဖြေကောင်း ဖြေနိုင်တာ တစ်ခု အတွက် ကျနော် စိုးရိမ်ပါတယ်။ အဲ့ဒါက -“လူဟာ ငါတို့ မျောက်မျိုးကနေ ဆင့်ကဲ ပြောင်းလဲ တာ ဟုတ်ပါတယ် ၊ ဒါပေမယ့် တိုးတက် သွားတာ မဟုတ်ဘူး- နိမ့်ကျ သွားတာကွ ”ဆိုတာပဲ ဖြစ်ပါ လိမ့်မယ်။

လူဟာ ကိစ္စရပ် တိုင်း အတွက် မိမိကိုယ်ကိုယ် ဗဟို ထားပြီး တွေးမြင် လေ့ရှိတတ်ပါတယ်။ အဲ့ဒါ လိုအပ်ပါသလား။ စင်စစ် အတ္တရဲ့ အဓိပ္ပာယ် မဲ့ ပုံဖော်ချက်သာ ဖြစ်တယ် မဟုတ်လား။ မိမိ ကိုယ်ကိုယ် တိရစ္ဆာန် တစ်ကောင်နဲ့ တူတယ်လို့ ခံစားမိတဲ့ အခါ ခင်ဗျား ဘယ်လို ဖြစ်သွားမလဲ။ ဘာတွေများ အမှား ရှိမလဲ။ ဒီလို အကြောင်း တွေနဲ့ လူဟာ အတူ တကွ ဖြစ်တည်ခြင်း၊ အတူတူ ဖြစ်ခြင်း ဆိုတာ ကို နားမလည် နိုင်ဘူး ဖြစ်သွားပါတယ်။ နိုးနိုးကြားကြား ကြည့်ကြည့်ပါ။ အဲ့ဒီ နိုးကြားချက် ကြောင့် ခင်ဗျား ကိုယ်ခင်ဗျား ပြန်တွေ့နိုင် ပါလိမ့်မယ်။ ခင်ဗျားဟာ တိရစ္ဆာန် တစ်ကောင် ဖြစ်နေနိုင်တယ်။ အထက်က ပြောခဲ့တဲ့ ကြောင် တစ်ကောင် ( ဒါမှမဟုတ် ) ဖား တစ်ကောင် ဖြစ်နေနိုင်တယ်။

နိုးကြားစိတ် ၊ သတိ ၊ အပ္ပမာဒ ဟာ ခင်ဗျားရဲ့ ပင်ကိုယ် သဘာဝ ကို ရှင်းလင်း ဖွင့်ပြတယ်။

ကျနော်တို့ “လူ” လို့ ခေါ်တာ ဟာ အရေပြား တစ်ထောက်စာ သာ ဖြစ်ပါတယ်။ ~ အသိဥာဏ် အဆင့်မြင့် တယ် ~ ဘာသာစကား ရှိတယ်~ ဘာသာ အလိမ္မာ ရှိ တယ် ~ အဲ့ဒါတွေ ဟာ စင်စစ် လူ ကို အရှိန်မြှင့် တွေးခေါ် တဲ့ အရာတွေသာ ဖြစ်လာ တော့တယ်။ ဟုတ်မဟုတ် ခင်ဗျား ကိုယ် ခင်ဗျား မြင်ကြည့်ဖို့တော့ လိုပါမယ်။

တစ်ယောက်ယောက် က ခင်ဗျားကို လာနှိမ်ချရင် ခင်ဗျား ဘာဖြစ်သွားသလဲ။ တစ်ယောက်ယောက်က ခင်ဗျားကို လာစော်ကားရင် ခင်ဗျား ဘာဖြစ်မလဲ။ စင်စစ် ခင်ဗျား ကိုယ်တွင်းက တိရစ္ဆာန် တစ်ကောင် ကောင် ထွက်လာနိုင် ပါတယ်။ ခွေးတစ်ကောင်၊ ဒါမှမဟုတ်၊ ကျား တစ်ကောင် ထွက်လာနိုင်တယ်။ ရာထူး၊ ဥစ္စာ၊ ဓန၊ ဆန့်ကျင်ဘက် လိင်၊ ကာမ နဲ့ ကြုံဆုံ တဲ့ အခါ ခင်ဗျား ရင်ထဲ က မြွေ တစ်ကောင် ထွက်လာ နိုင်သေး တယ်။ ဟုတ်ပါရဲ့လား။

စင်စစ် ဘာဝနာ ( ဝါ ) အပ္ပမာဒနဲ့ ခင်ဗျားကိုယ် ခင်ဗျား ပြန်မြင်လိုက်တဲ့ အခါ လူလို့ ခေါ်တွင်ထားတဲ့ ခင်ဗျားရဲ့ အရေပြား တစ်ထောက် ဟာ ကွယ်ပျောက် သွားတယ်။ ခင်ဗျား ရင်ထဲက အဲ့ဒီ သတ္တဝါတွေကို အစစ်အမှန် အတိုင်း အရှင်းသား ပြန်မြင်သွားတယ်။ လူလို့ ခေါ်တွင်တဲ့ အဲ့ဒီ ဘဝင်တွေ၊ မာနတွေဟာ အမှား အယွင်းတွေသာ ဖြစ်ကြောင်း ခင်ဗျား အဲ့အချိန်မှာ သိသွားတယ်။ ခင်ဗျားဟာ အစစ်အမှန် သတ္တဝါ ဆန်းကြီး တစ်ကောင်သာ ဖြစ်သွား ပါတယ်။ ဒါကို သိရတာ ကောင်းမြတ်တယ် မဟုတ်လား။

ခင်ဗျား အဲ့ဒီ သတိ စိတ်နဲ့ အမြဲ မပြတ် နိုးကြားတဲ့ အခါ သတ္တဝါတိုင်းအပေါ် ရင်းနှီး ကျွမ်းဝင်သွား ပါလိမ့်မယ်။ အစစ်အမှန် မရှိတဲ့ အမည်နာမ သက်သက် ဟာ “လူ” ဖြစ်နေကြောင်း တအံ့တဩ ခင်ဗျား တွေ့သွားပါလိမ့်မယ်။ အစစ်အမှန် တည်ရှိနေတဲ့ ခင်ဗျား ကိုယ်တွင်းက – တိရစ္ဆာန် သဘာဝတွေကို အဲ့ဒီအခါ ပွင့်ပွင့် လင်းလင်း ရှင်းထုတ် သွားနိုင်မယ်။ မိမိ အစစ်အမှန်ကို မိမိ သိမြင်တာဟာ “မြင့်မြတ်ခြင်း” စစ်စစ် ပဲ မဟုတ်လား။ ဒါပေတဲ့ တိရစ္ဆာန်တွေ ကို နှိမ်ချပြီး မြင်တဲ့ ဘဝင် မာန်ကြောင့် – လူအများဟာ မိမိ အစစ်အမှန်ကို သိမြင်ဖို့ရာ ခက်ခဲသွား ပါတော့ တယ်။

ဒါ့ကြောင့် ကျနော် ဒီပို့စ်မှာ ပြောရတာဟာ – တိရစ္ဆာန်တွေကို မဆန့်ကျင်ဖို့၊ မနှိမ့်ချဖို့ တစ်ခုတည်း ဆိုလိုတာ မဟုတ်ဘူး။ အဲ့ဒါ ထက် ~ အမြင်မှား ကို အမြင်မှား အတိုင်း မထားဖို့ သာ ဦးတည် ရည်ရွယ်ရင်း ဖြစ်ပါတယ်။ မှားယွင်း နေတဲ့ လူသတ္တဝါ ပုံစံ မဖြစ်ကြ ပါစေနဲ့ လို့ ပြောလိုရင်း သာ ဖြစ်ပါတယ်။ အတု အယောင် လူတစ်ယောက် ဖြစ်နေမယ့် အစား၊ အစစ်အမှန် သတ္တဝါ တစ်ကောင် ဖြစ်လိုက်တာ ပို အဆင်ပြေမယ် မဟုတ်လား ။ အဲ့လိုမှသာ ခင်ဗျား ဘဝကို ခင်ဗျား စင်စစ် ရှင်သန်နိုင်ပါလိမ့်မယ်။ နိုးကြား သက်ဝင် နေနိုင်ပါလိမ့်မယ်။

မြင့်မြတ်မှု ဆိုတာဟာ လူရဲ့ အသွင်သန္တာန်မှာသာ ရှိတာ မဟုတ်ပါဘူး။ သင်္ကန်းတစ်ထည်ရှိမှ၊ ကောင်းကင်ဘုံ နဲ့ ဘုရားသခင် စိတ်ကူး အနုမာနတွေမှာမှ မဟုတ်ဘူးရယ်။ ဘာဝနာ ပြုနိုင်လာတဲ့အခါ – မြင့်မြတ်မှုဟာ အရာရာမှာ- အတူအမျှ တည်ရှိနေကြောင်း ခင်ဗျား မြင်တွေ့ သွားပါလိမ့်မယ်။ ဘာဝနာ မရှိရင်တော့ ခင်ဗျား ဒါကို မမြင်နိုင်ဘူး။ ပျောက်ကွယ် နေလိမ့် ဦးမယ်။ “ငါတို့က လူတွေကွ” ဆိုတဲ့ မာန်နဲ့ ခင်ဗျားရဲ့ အစစ်အမှန် ကို ဆက်လက် ဖုံးကွယ်နေ ဦးမယ်။ ခင်ဗျား ရဲ့ ဘဝ ဟာ လူသား အရေပြား ဖုံးပြီး တိရစ္ဆာန် တစ်ကောင် ဖြစ်နေ လိမ့်ဦးမယ်။

……………………

Ref: Vigyan Bhairav Tantra

……………………

http://zayya.blog.com/

http://zayya.wordpress.com/

http://zayyablogger.blogspot.com/

…………………..

လေးဖက် လေးတန်၌ မအောင်မြင်မှုများ စုပုံနေလိမ့်မည်။ ယင်း အစုအပုံသည် သင်၏ သင်္ချိုင်းဂူ သာ ဖြစ်ပါလိမ့်မည်။ ကာမဂုဏ် အာရုံ၌ အရသာ တွေ့နေသရွေ့ စည်းစိမ်ချမ်းသာ ရှိနေသည် ဟူ၍သာလျှင် ထင်မြင်နေပေလိမ့်မည်။ မိမိ ၏ မျက်လုံး အတွင်း သန္တာန်ထဲ ရောက် မသွား မချင်း ချမ်းသာ သုခသည် မိမိ၏ အတွင်း သန္တာန်၌ ရှိသည် ဆိုသည့် အကြောင်းကို သိမြင်လိမ့်မည် မဟုတ်ပေ။ ယင်း အခြေအနေမျိုး ရောက်မလာမချင်း ဣနြေ္ဒများသည် ထိန်းချုပ်၍ မရနိုင် ဖြစ်တတ်သည်။ မိမိ၏ အမြင်သည် လွဲမှားသော အမြင် ဖြစ်နေ ပါက ဣနြေ္ဒ ထိန်းချုပ်မှု သည် ဖြစ်မလာနိုင်ပေ။

စင်စစ် ဣနြေ္ဒကြီးရင့်မှု ဟူသည် တစ်ဖက်စောင်းနင်း မဖြစ်သော တည့်မတ်ဖြူစင်သည့် အမြင်၏ အကျိုးဆက် ဖြစ်သည်။ စာဆန်ဆန် ဆိုရလျှင် ဣန္ဒြိယ သံဝရသည် သမ္မာဒိဋ္ဌိ၏ အကျိုးဆက် ဖြစ်၏။ “သမ္မာ” ၏ အနက်အဓိပ္ပာယ်သည် ရှိသည့် အရာကို ရှိသည့် အတိုင်း မြင်ခြင်း ဖြစ် သည်။ မရှိသည့် အရာကို မရှိသည့် အတိုင်း မြင်ခြင်း ဖြစ်သည်။ ဘဝ၌ သုခပန်း ပွင့်လျှင် စိတ်ရွှင်လန်း ချမ်းမြေ့မှု ဖြစ်ပေါ်မလာဘဲ နေမည် မဟုတ်ပေ။

ဓမ္မပဒ၌ ~

“ကာမဂုဏ် အာရုံ အရသာ၌ အကောင်းကို ကြည့်နေသော ဣနြေ္ဒများကို ထိန်းချုပ်ခြင်း မရှိသော၊ ခဲဘွယ် ဘောဇဉ် စားသုံးရာ၌ အတိုင်းအရှည် ပမာဏ မသိသော၊ ပျင်းရိသော၊ လုံလဝီရိယ ကင်းမဲ့သော သူကို ‘မာရ’ သည် လေမုန်တိုင်းက သစ်ပင်ခြောက်ကို လဲကျသွားအောင် ပြုလုပ်သကဲ့သို့ လဲကျသွားအောင် ပြုလုပ်လိမ့်မည်”

“မာရ” ( မာရ်နတ် ) သည် ကာမဒေဝ ၊ကာမဂုဏ် အာရုံ ကို တင်စားသော နတ်ဒေဝတာ တစ်ပါး အဖြစ် ဗုဒ္ဓ အသုံးပြုသော ဝေါဟာရ ဖြစ် သည်။ ယင်း စကားလုံးသည် စိတ်ဝင်စား စရာ ကောင်းသော စကားလုံး ဖြစ်သည်။ ‘ရာမ’ ( YAMA ) ဟုသော စကားလုံးကို စကား လိမ်ဖြင့် ဗြောင်းဗြန် ပြုလျှင် ‘မာရ’ ( MAYA ) ကို ရရှိသည်။ စိတ်၏ အခြေအနေ နှစ်မျိုးနှစ်စားသာ ဖြစ်သည်။ ‘မာရ’ ဩဇာ ရှိသော စိတ်နှင့် ‘ရာမ’ လွှမ်းမိုးမှု ခံ ရသော စိတ်တို့ ဖြစ်ကြသည်။ တနည်း ဆိုလျှင် ~ အတွင်း သန္တာန်ဘက်သို့ လှည့်ဝင်လျှင် ‘ရာမ’ ဘက် သွားခြင်း ဖြစ်ပြီး ၊ အပြင်ဘက်သို့ လှည့်လျှင် ‘မာရ’ ဘက်သို့ သွားခြင်း ဖြစ်သည်။

ခြောက်သယောင်း ဖြစ်နေ၍ ခုခံအား မရှိသော သစ်ပင်ကို လေမုန်တိုင်းက လဲကျသွားစေနိုင်သကဲ့သို့ ခုခံအား မရှိသော ယောင်္ကျားကို ‘မာရ’ က လဲကျသွားအောင် ပြုလုပ်နိုင်သည်။ ကာမဂုဏ် အာရုံ နတ်ဒေဝါသည် အင်အား ကြီးမားသည် မဟုတ်။ သင်က ခုခံ အားနည်းနေခြင်း သာ ဖြစ်သည်။ အကယ်၍ လဲကျသွားသည် ဆိုလျှင် ကာမဂုဏ် အာရုံ နတ်ဒေဝါ၏ စွမ်းအားကြောင့် မဟုတ်၊ မိမိ ၏ ခုခံ အားနည်းသောကြောင့်သာ လဲကျသွားခြင်း ဖြစ်သည်။ ခြောက်ပြီး အမြစ်ပြုတ်နေသော သစ်ပင်နှင့် တူသည်။ ခုခံအားနည်းနေသော၊ အိုမင်း ရင့်ရော်နေသော သူသည် လေမုန်တိုင်း တိုက်ခတ်လာလျှင် ခံနိုင်မည် မဟုတ်ပေ။ လဲကျသွားလိမ့်မည်။ လေမုန်တိုင်း မတိုက်ခတ် လာလျှင်လည်း လဲကျမသွားဘဲ မနေပေ။ စင်စစ် လေမုန်တိုင်းမှာ အယောင်ဆောင် အကြောင်းပြ မျှသာ ဖြစ်သည်။ မိမိ စိတ်နှလုံး သက်သာအောင် အကြောင်းပြခြင်း မျှသာ ဖြစ်ကြောင်း သိနားလည်ထားရန် လိုအပ်သည်။ အကယ်၍သာ တစ်စုံတစ်ခုက တွန်းမလှဲ ပါဘဲနှင့် အလိုလို လဲကျသွားသည် ဆိုလျှင် ပို၍ စိတ်မကောင်း ဖြစ်ရပေလိမ့်မည်။ လေမုန်တိုင်း တိုက်ခတ်မလာသော်လည်း လဲကျသွား ရခြင်းသည် မိမိ၏ ကိုယ်ခံအားနည်းခြင်း ကြောင့်သာ ဖြစ်ကြောင်း သိရှိထားရန် လိုပါသည်။ အခြား အင်အားကောင်း သူ ပေါ်ပေါက်လာ ရန် မလို၊ အကြောင်းလည်း မရှိ။

တကယ်စင်စစ် လည်း သင့်ကို လဲကျသွားအောင် ပြုလုပ်နိုင်သော ကာမဂုဏ် အာရုံ နတ်ဒေဝတာ တစ်ဦးဦးအဖြစ် မည်သူမျှ ရှိမနေပေ။ သင်ကိုယ်တိုင် လဲကျသွားခြင်းသာ ဖြစ်သည်။ ခုခံအားနည်းနေခြင်းသည် သင့်အကြောင်းသာ ဖြစ်သည်။ မရှိသည့် အရာကို အားကုန် သုံး၍ ရှာ ရင်း တဖြည်းဖြည်း တစစ ကိုယ်ကိုယ့်ကိုယ် အားအင် ကုန်ခမ်း ဆုတ်ယုတ်သွားစေသည့် အတွက်ကြောင့် သာ ဖြစ်သည်။ မရှိ သည့် အရာကို အချည်းနှီး အလဟဿ ပြု၍ ရှာဖွေ နေသည် ဖြစ်၍ မည်သည့် အရာကိုမျှ မရရှိခဲ့။ ထို့ကြောင့် မိမိ ကိုယ်ကိုယ် မိမိ ယုံကြည်မှု ပျက်ယွင်းသည်။ မိမိ ဘဝ ထောက်တိုင်တို့ ချိနဲ့ ယိမ်းယိုင်ရသည်။ တစ်သက်တာလုံးတွင် အောင်မြင်မှု မရရှိပါက ယုံကြည်မှု ပျောက်ကွယ် သွားရသည်မှာ ဓမ္မတာ ပင် ဖြစ်သည်။ ယုံကြည်မှု ပျောက်သော ကြောင့် ယိမ်းယိုင် တုန်လှုပ်မှု ဖြစ်ရသည်။

ဗုဒ္ဓ ဟောကြား ရာတွင် ‘ကုသီတံ ဟိန ဝီရိယံ’ ဟု ပါရှိ၏။ ပျင်းရိခြင်းသည် ထိန်းချုပ်မှု ကင်းသော ဘဝ၏ အကျိုးဆက် ဖြစ်သည်။ ဣနြေ္ဒများ ထိန်းချုပ်မှု မရလျှင် မရသလောက် ~ ကာမဂုဏ် အာရုံများ၌ အရသာ ခံသည်။ ယင်း အရသာခံလျှင် ခံသလောက် အတိုင်းအတာ ပမာဏ တစ်ခုဖြင့် ပျင်းရိမှု ဖြစ်ပေါ်သည်။ စင်စစ် ပျင်းရိခြင်း၏ အဓိပ္ပာယ်မှာ မိမိ၏ ဘဝ စွမ်းအင် လျော့တိ လျော့ ရဲ ဖြစ်နေကြောင်း ပြဆိုခြင်း သာ ဖြစ်သည်။ မိမိ ဘဝ စွမ်းအင်သည် မိမိ အတွင်းသန္တာန် ၌ ပင် တိုက်ခိုက်တွန်းလှန်နေရကြောင်း သတိ၊ အချက် – ပေးခြင်း ဖြစ်သည်။ ပျင်းရိခြင်းသည် မိမိကိုယ်မိမိ စစ်တိုက်နေခြင်း တစ်မျိုးပင် ဖြစ်သည်ဟု ဆိုရပေမည်။

ယင်းနှင့် ဆန့်ကျင်ဘက် ဖြစ်သော ‘ဝီရိယ’ ၏ အဓိပ္ပာယ်မှာ မိမိ၏ ဘဝစွမ်းအင် ဂီတသံစဉ်ကို အညီအမျှ စီးဆင်းခြင်း ဖြစ်ပါသည်။ မိမိ ၏ ဘဝ အသံ အားလုံးကို သံစဉ် တစ်ခု အတွင်း၌ ချည်နှောင်ထားသည်။ ထိုအခါ သင်သည် စုဆောင်းသိုမှီးထားသော စွမ်းအင် ပိုင်ရှင် တစ်ဦး ဖြစ်လာသည်။ မိမိ ၏ အတွင်းသန္တာန် တွင် အလွန်အမင်း လတ်ဆတ်မှု ရှိလာသည်။ ဘဝ ခွန်အား ပေါ်ပေါက်လာသည်။ ထို့နောက် သက်ဝင်လှုပ်ရှားသူ တစ်ဦး ဖြစ်လာတော့သည်။

ယင်းသို့ မဟုတ်ပါက လူတို့သည် အသက်မသေခင်ကပင် သေလွန်ပြီး ဖြစ်ကြသည်။ တကယ်သေခြင်းသည် အချိန်ကြာမြင့် စွာ ဖြတ်သန်းပြီး မှ ဖြစ်ပေါ်လာသော အရာ ဖြစ်ပြီး၊ မိမိ မသိနားမလည်မှုကြောင့် အချိန်အစောပိုင်း ကတည်းက သေဆုံး ပြီး ဖြစ်နေ ကြသည်များ ဒုနဲ့ ဒေး ရှိပါသည်။

ဗုဒ္ဓရှင်တော် ချပြသည့် ဥပမာ၌ ~

“လေမုန်တိုင်း တိုက်ခတ်လာပြီးလျှင် ငြိမ်သက်သွားသည်။ ယင်း အခိုက်တွင် ရှိသည့် ဟိမဝန္တာတောင်သည် ယိမ်းယိုင် လှုပ်ရှား သွားခြင်း မရှိ။ သင်၏ အတွင်း သန္တာန်၌ ရှိသော ဟိမဝန္တာတောင်သည်လည်း ငြိမ်းအေးနေသော ၊ ထိန်းချုပ်ထားပြီး ဖြစ်သော အခြေအနေမျိုး ဖြစ်သင့်၏”

စင်စစ် ဟိမဝန္တာတောင်သည် အလွန် တန်ဖိုးကြီးမားသော ကျောက်တောင်ထွတ်၊ တောင်ထိပ်ဖြစ်ပြီး၊ ဤဥပမာ တွင် သင်္ကေတ တစ်ခု အဖြစ် တည်ရှိသည်။ ဥပမေယျမှာ ~ သင်သည် အတွင်းအဇ္ဈတ္တသန္တာန်၌ ယိမ်းယိုင်လှုပ်ရှားခြင်း မရှိသော အခါ၊ သင့်ကို မည်သည့် အရာဝတ္ထုကမှ ယိမ်းယိုင်လှုပ်ရှားသွားအောင် မပြုလုပ်နိုင်။ သင့်ကို မည်သည့် အရာကမှ ယိမ်းယိုင်လှုပ်ရှားအောင် မပြုလုပ်နိုင်သော အခါ တောင်ထွတ်တောင်ထိပ်ကဲ့သို့ တည်တံ့ခိုင်မြဲမှုကို ရ၏။ လေမုန်တိုင်း ပျောက်ကွယ်သွားသော်လည်း သင်သည် ယခင်အတိုင်း ရပ်တန့် တည်မြဲ တည်ရှိနေတော့၏။

စင်စစ် ယင်းအချိန်တွင် ရှိသော သင့်ကို လေမုန်တိုင်းက လတ်ဆတ် စင်ကြယ်သွားအောင်ပင် ပြုလုပ်သွားနိုင်သေးသည်။ သင့်ကို ပြိုလဲ သွားအောင် မပြုသည့် အပြင် ဖုန်များ၊ အမှိုက်သရိုက်များကိုပင် တံမြက်စည်း လှည်းကျင်း ပေးသွားလိမ့်မည်။ သင်သည် ပို၍ သစ်လွင် လန်းဆန်း လာနိုင်သည်။

သင်လမ်းလျောက်သွားသည် ဆိုပါစို့။ မိန်းမပျိုတစ်ယောက် သင့် အနီးအပါးမှ ဖြတ်လျောက်သွားသည်။ ယင်းမိန်းမပျို၏ အလှ၌ ရှိသော ဘဝ အလျင်တစ်ခု၊ လှိုင်းတစ်ခုက သင့်အနီးမှ ဖြတ်လျောက်သွားသည်။ ထိုအချိန်၌ ကာမဂုဏ် အာရုံ၌ အရသာ ရှိသည် ဟု မှောက်မှားသော စိတ်ထား ပေါ်ပေါက် ပါလျှင် သင် လှုပ်ခတ်သွားလိမ့်မည်။ စင်စစ် မိန်းမ ဖြတ်လျောက်သွား သည် ဖြစ်စေ ၊ ယောင်္ကျား ဖြတ်လျောက် သွားသည် ဖြစ်စေ ~ သစ်ပင်ခြောက်ကို မုန်တိုင်းက လှုပ်အောင် လုပ်နိုင်သကဲ့သို့ ~ သင့်ကို လှုပ်အောင် လုပ်လိမ့်မည်။ သင်လဲကျလုနီးပါး ဖြစ်သွားနိုင်သည်။ သို့မဟုတ် ~ လဲကျသွားမည်။ ထိုအခိုက်သည် သင့်အတွက် ကံဆိုး မိုးမှောင် ကျသော အဖြစ်အပျက် ဖြစ်ပါလိမ့်မည်။

အကယ်၍သာ

သင် ထိန်းချုပ်မှု ရှိနေလျှင်
ငြိမ်းချမ်းမှု ရှိနေလျှင်၊
ငြိမ်သက်မှု ရှိနေလျှင်
လှုပ်ရှား ယိမ်းယိုင်ခြင်း မရှိလျှင်၊
သင်၏ဘဝ၌ ဘာဝနာ အနည်းအကျဉ်းမျှပင် ဖြစ်စေ ကျင့်ကြံ ပွားများထားမည် ဆိုလျှင်၊
စိတ်ငြိမ်းအေးရာသည် မည်သည့်အရာ ဖြစ်ကြောင်း အနည်းအကျဉ်းမျှ ဖြစ်စေ နားလည်သိရှိထားလျှင် ~

ထိုခဏ၌ မိန်းမပျို အလှ တစ်ပါး ဖြတ်လျောက်သွားသည် ဖြစ်စေ၊ ယောက်ျားပျို တစ်ပါး ဖြတ်လျောက်သွားသည် ဖြစ်စေ အရေး ကိစ္စ မရှိပေ။ ဂရုပြုစရာ လိုအပ်မည် မဟုတ်ပေ။ မိမိ အတွင်း သန္တာန် သည် ဘာဝနာ အခြေခံ အပေါ်သာ ရပ်တည်နေနိုင်ပါမူ ~ မိန်းမပျို၏ အလှသည် ( ဝါ ) ယောင်္ကျားပျိုသည် သင့်ကို စင်ကြယ် သွားအောင်၊ လန်းဆန်း၊ လတ်ဆတ် သွားအောင် ပြုလုပ်နိုင်သည် ကိုပင် တွေ့ရပေ လိမ့်မည်။

လေမုန်တိုင်း ထွက်ခွာသွားပြီ။
သစ်ပင်၌တင်နေသော ဖုန်မှုန့်များကို လေအလျဉ်၊ ရေအလျဉ်တို့က ဆေးကြောပစ်လိုက်သည်။
သစ်ပင် သည် ပို၍ လတ်ဆတ် သန့်ရှင်းသွားသည်။
………………….
Ref:
ဆရာပါရဂူ – သနန္တန ဓမ္မ
Osho – the Dhammapada : the Way of Buddha
…………………..

http://zayya.blog.com/

http://zayya.wordpress.com/

http://zayyablogger.blogspot.com/

……………………

A: အိုရှိုး – ခင်ဗျားကို အချက် အလက် တစ်ခု တင်ပြတဲ့အခါ တစ်ခါမှ အနှောင့်အယှက်ဖြစ်သွားဟန် မရှိဘူး။ အဲ့ဒါကို မြင်တော့ ကျနော့ အနေနဲ့- တော်တော် ကသိ ကအောက် ဖြစ်တယ်။

B: ခင်ဗျား ရူးနေလို့ပဲ ဖြစ်ပါလိမ့်မယ်။ ကျနော့ကို အနှောင့်အယှက် မရှိတဲ့အရာတွေက ခင်ဗျားကိုပါ ရောပြီး ဘယ်လို အနှောင့် အယှက် ပြုနိုင် မှာလဲ။ တကယ်တမ်း ပြောရင် ~ ကျနော် အချက်အလက်တွေကို သိပ်တန်ဖိုး ထားလေ့မရှိဘူး။ အချက်အလက်ဟာ အမှန် သိတဲ့ အရာ မဟုတ်သေးဘူး။ ကျနော်တို့ အမှန်ကို ရောက်နိုင်ဖို့ အထောက်အကူ တစ်ခုသာ ဖြစ်တယ်။ ခင်ဗျားမှာ ဘယ်လို အထောက် အကူ တွေ ရှိ လဲ။ အယူဝါဒ အစွဲတွေလား၊ မျက်ကန်း ယုံကြည်ချက်တွေလား ၊ ဒါမှမဟုတ် မသိတဲ့ အသွင် သန္တာန် နဲ့ ယောင် နန အပိုင်းအစတွေ လား။ ဒီလို မသိတဲ့ အချက်အလက်တွေ အတွက် ကျနော် ကိုယ် ကျနော် ဘာလို့ အနှောင့်အယှက် အဖြစ် ခံရမှာ တဲ့လဲ။

မနေ့က အရာ တစ်ခု ဖြစ်ခဲ့တယ်။ ဒါဟာ အချက်အလက် တစ်ခု ဖြစ်မယ်။ ဒါပေတဲ့ ဒီနေ့ မဖြစ်ဘူး မဟုတ်လား။ ယေရှုခရစ် ၊ မောရှေ၊ အာဗြဟံ စသည် သူတို့ အတွက် “နေဟာ ကမ္ဘာကို ပတ်တယ်” ဆိုတာ အချက် အလက် တစ်ခု ဖြစ်နိုင်မယ်။ ဒါပေမယ့် အဲ့ဒါဟာ အချက် အလက် တစ်ခုထက် မပိုဘူး ဆိုတာတော့ သိထားရလိမ့်မယ်။ အခု ကနေ့ကာလမှ “ကမ္ဘာက နေကို ပတ်နေတယ်” ဆိုတာဟာ အချက် အလက် တစ်ခု ဖြစ်သွားတယ်။ သူတို့ ခေတ် အခါနဲ့ ဆန့်ကျင်ဘက် ဖြစ်သွားတယ်။ ဒါကရော ခင်ဗျားကို ဘယ်လောက် ကသိ ကအောက် ဖြစ်စေနိုင် မှာလဲ။ ခင်ဗျားကရော ဒီအချက်အလက်တွေနဲ့ ဘာကြောင့် ကသိကအောက် အဖြစ် ခံရတာလဲ။ လူဟာ အမြဲ ရှေ့ ကို ပြောင်းလဲ တိုးတက်နေတယ်။ ပိုပိုပြီး အသိအမြင် ဥာဏ် ကြွယ်ဝလာတယ်။ သိပ္ပံ အသိသညာတွေ ၊ နည်းနာတွေ သုံးစွဲမယ်။ သဘာဝ လောကဓာတ်ရဲ့ အစစ်အမှန် ဆီကို နည်းအမျိုးမျိုးနဲ့ နေ့စဉ်နေ့တိုင်း ချဉ်းကပ် ရှာဖွေ ကြည့်မယ်။ ဒါဆို အချက်အလက်တွေဟာ အသစ် အသစ် တွေနဲ့ အမြဲ ပြောင်းလဲနေမှာပဲ မဟုတ်လား။

ကျနော် အချက်အလက် ကို တန်ဖိုး မထားဘူး။ တကယ့်အဖြစ်ကိုပဲ တန်ဖိုးထားတယ်။ ဆိုလိုတာက အချက်အလက် ကို လူလုပ် လို့ ရတယ်။ တကယ့် အဖြစ် ကို လူလုပ်လို့ မရဘူး။ ကျနော် ကြံတွေးကြည့်ပြီး အချက်အလက် တစ်ခု ဖြစ်နိုင်ပေမယ့် ~ ကျနော် ကြံတွေး တဲ့ စိတ်နဲ့ တကယ့်အဖြစ်အရှိ တစ်ခုကို ချေဖျက်ပစ်လို့ မရဘူး။ အမှန်တရား ( ဝါ ) သစ္စာဟာ တည်ရှိပြီးသား ဖြစ်ပါတယ်။ ခင်ဗျား မသိ တာ သိတာ ခင်ဗျားနဲ့ပဲ ဆိုင်တယ်။ တကယ့်အဖြစ် သစ္စာက ရှိပြီးသား ၊ ရှိနေပြီးသားပဲရယ်။

ဆိုလိုတာက ~

သစ္စာ တရားနဲ့ ပတ်သက်ပြီး ခင်ဗျား တွေးကြံ ကြည့်လို့ မရဘူး။ အမှန်တရားဟာ စိတ်ကူးကြည့်ရုံနဲ့ သိရတာ မဟုတ်ဘူး။ ခင်ဗျား တွေ့ကြုံမှ သိရတဲ့ အရာ ဖြစ် ပါတယ်။ ခင်ဗျား ခံစားနိုင်တယ်။ ဒါပေမယ့် တွေးလို့တော့ မရဘူးရယ်။ သစ္စာ ( ဝါ ) အမှန်နဲ့ ကြုံဆုံတဲ့ အခိုက် ခင်ဗျား သိသွား တယ်၊ အဲ့ဒါ အပြင် ခံစားမှု၊ မြင်မှု လည်း ရှိလာပါတယ်။ တပြိုင်နက်တည်းမှာ – အဲ့ဒါဟာ တွေးကြည့်ရုံနဲ့ မရတဲ့ အရာ ဆိုတာပါ သိပါ တယ်။

ဘာနဲ့ ဥပမာ ပေးရမလဲ။ မှောင်ပိန်းနေတဲ့ အခန်းထဲကို မီးတိုင်ကိုင်ပြီး ဝင်သွားသလိုမျိုး။ ခင်ဗျား ဝင်သွားတဲ့ အခါ အခန်းထဲမှာ အမှောင်ပျောက် သွားမယ်လို့ ဆိုကြတယ်။ တကယ်က အမှောင်ဟာ ဘယ်တုန်းကတည်းက ရှိနေပါသလဲ။ စင်စစ် အမှောင်ဆိုတာ အလင်း မရှိတာ ကိုပဲ ခေါ်တာ မဟုတ်လား။ အလင်းရှိတဲ့ ခဏ အမှောင် မဟုတ်တော့ဘူးရယ်။ ဒါလေးပဲ ကွာပါမယ်။

ဒါ့ကြောင့် အတွေးအကြံတွေ၊ အချက်အလက်တွေနဲ့ ခရီးဆက်မယ် ဆိုရင် ခင်ဗျား အတွက် အဲ့အရာတွေဟာ လေးလံနေမှာပဲ။ တစ်ခါ တစ်လေမှာ အချက်အလက်နဲ့ အမှန်တရားဟာ အတူတူပဲလို့ ခင်ဗျား ခံယူကောင်း ခံယူမိသွားမှာပဲ။ အချို့ စိတ်ကူးအတွေးတွေဟာ အချက်အလက်တွေထက် ပိုပြီး အမှန်သဘော ဆန်နေတတ်တာမျိုးတောင် ရှိပါတယ်။ လွန်ခဲ့တဲ့ နှစ်သုံးရာခန့်က သိပ္ပံရဲ့ အခြေအနေ ကိုပဲ ကြည့်ကြည့်ပါ။ အခုတော့ အဲ့အရာတွေဟာ အားလုံးလိုလို ပြောင်းလဲပြီးခဲ့ကြပြီ။ ဟိုးတစ်ခေတ်က အရစ္စတိုလ်တယ်ရဲ့ ယုတ္တိ ဗေဒ ဟာ ကြီးမြတ် တဲ့ ရှာဖွေတွေ့ရှိချက်ကြီးပဲ။ နှစ်ပေါင်း ထောင်ချီပြီး လက်ခံ ကျင့်သုံးခဲ့ကြတာပဲ။ ဒါပေတဲ့ အမှောင်ခေတ် နောက်ပိုင်းမှာ အဲ့ဒါတွေဟာ ဝန်ထုပ်ဝန်ပိုးကြီး သက်သက် အဖြစ်ပဲ ကျန်ရစ်ခဲ့တော့တယ်။ Non-Aristotelian Logic တွေက သူ့နေရာကို ဝင်ယူလာ တယ်။ ဆက်လက် တွင်ကျုယ် ကျင့်သုံးတယ်။ နောက်နောင် အချိန်မှာ ဒီ Logic ဟာလည်း ဝန်ထုပ်ဝန်ပိုး ပြန်ဖြစ် သွားဦးမှာပဲ မဟုတ် လား။

အချက်အလက်ကို အမှန်တရားပါ လို့ ခေါ်တွင်ကြတဲ့ အခါ အဲ့ဒီ အမှန်တရားဟာ ကြာရှည် မတည်မြဲဘူးရယ်။ ဒါကို နားလည်ထား ရပါ လိမ့်မယ်။ ဝမ်းတွင်းကန်း နေတဲ့ သူက အလင်းနဲ့ ပတ်သက်ပြီး စိတ်ကူး ထုတ် နေသလို မျိုး။ နဲ့ တူမယ်။ အဲ့လို အသိအမြင် မပါတဲ့ စိတ်ကူး ယဉ် မှု သက်သက်၊ အချက်အလက် သက်သက်ကို ကျနော် ဘယ်လို အလေးထားပေး ရမှာတဲ့လဲ။ ဒီထက် ပိုဆိုးတာက ~ အခု ခင်ဗျား ကတောင် ကြားချောင်ပြီး ကသိကအောက် ဖြစ်လိုက်သေးတယ်။ အဲ့ဒါ ဘာလိုအပ်လို့လဲ။

ဖြစ်ကောင်း ဖြစ်နိုင် တာက ~ ဒီ အချက် အလက် တွေဟာ ~ အစစ်အမှန် အသိ ၊ အသိပညာ၊ မဟုတ် ကြောင်း ကျနော် နားလည် ထားချိန် မှာ – ခင်ဗျား အနေ နဲ့ က အသိပညာ ထည် စစ်စစ် တွေ ဖြစ်ကြောင်း လက်ခံ သိမ်းပိုက်ထားပုံ ရတယ်။

…………………
Ref: Osho: From the False to the Truth
…………………

http://zayya.blog.com/

http://zayya.wordpress.com/

http://zayyablogger.blogspot.com/

…………………