သို့ဖြင့် ~

ကျွန်ုပ် သည် လူရူး ဖြစ် ၏။ ဤအဆို သည် မြေကြီး လက်ခတ် မလွဲ မှန်ပါ၏။ အဘယ် ကဲ့သို့ လူရူး ဖြစ်လာ ပါသနည်း ဆိုသည်ကိုမူ သင် သိလို လိမ့်မည် ထင်ပါသည်။ ရှင်းပါမည်။ ဖြစ်ပုံက ဤသို့ -

နတ်ဘုရား အမြောက် အများ၊ ပေါချင်း သောချင်း – ထွက် မလာကြခင် တစ်နေ့ က အစပြုသည်။ အတန်ကြာ နှစ်နှစ်ခြိုက်ခြိုက် အိပ်ပျော် နေ ပြီး နောက် ကျွန်ုပ် နိုးထ လာ သည်။ ချက်ချင်း သိလိုက် မိသည် က – ကျွန်ုပ်၏ မျက်နှာဖုံးများ အားလုံး မရှိ တော့ ခြင်း ဖြစ် သည်။ ။ အဘယ် မှာမှ ရှာမရ။ အတန်ကြာ – အိပ်မှုန် စုံမွှားဖြင့်- အထိတ် တလန့် ဖြစ် နေမိသေး၏။ ပြီးမှ သူရို့- အခိုးခံ လိုက်ရ ခြင်း ဖြစ်ကြောင်း ဆင်ခြင် ၍ သိလိုက် သည်။

စင်စစ် ကျွန်ုပ် မျက်နှာဖုံး များ ကို ကျွန်ုပ် မြတ်နိုး ခဲ့ပါသည်။ သူတို့ အားလုံး ကို လည်း – ကိုယ်တိုင် ဒီဇိုင်း ဆွဲ- စိတ်တိုင်းကျ ဖန်တီး ထား ခဲ့ခြင်း ဖြစ် သည်။ နှစ်သက် စွာ လည်း ဝတ်ဆင် လာ ခဲ့ သည် မှာ ကြာပြီ။ အခု မရှိတော့ပြီ။ – လာခိုး သွား ကြသည်တဲ့ – ကျိန်ဆဲချင် စရာ ကောင်း လိုက် ပါဘိ။

စိုးရိမ် တကြီးဖြင့် အိမ်ပြင် ထွက်သည်။ လမ်းလယ်ခေါင် ရောက်သွား သည်။ – မျက်နှာဖုံး မပါသောကြောင့် မိမိ မျက်နှာက ပြောင်ပြောင် တင်းတင်း ။ သို့သော် ယင်း အဖြစ်ကို သတိမထားမိ။ -

“သူခိုးဗျို့ – သူခိုး – သူခိုး ! – အေပေး သူခိုးတွေ – ကျုပ် မျက်နှာဖုံးတွေ အကုန် ခိုးသွား သဗျို့” – စိတ်လိုလက်ရ ကုန်း အော်ပစ်လိုက်သည်။

လမ်းသွား လမ်းလာ ကျား၊ မ အများစု (ဝါ) အားလုံး က ကျွန်ုပ် ကို စိမ်းစိမ်း ကြည့် သည်။ စေ့စေ့ ကြည့် သည်။ ခိုးခိုးခစ်ခစ် ရယ်ကြသည်။ အချို့ဆိုလျှင် ကျွန်ုပ်၏ မျက်နှာ ကို ကြည့်၍ ကြောက်လန့် သွားကြ ဟန် တူ၏။ သူရို့ အိမ်ခန်း များ ထဲသို့ ပြေးဝင် ကုန်ကြ၏။ ကျွန်ုပ် လည်း ယင်း အချိန်က ပစ္စည်း မွှန် မွှန်နေ ပါသည်- အမှု မထား ခဲ့မိ။

နှလုံး ဝတ်လွှာချပ်လေးများ

လူသားတိုင်း အတွက် နှလုံးအိမ်ဟာ အချို့အတွက် သိသိသာသာ အာရုံခံနိုင်တာ ရှိပေမယ့် အချို့အတွက် အာရုံခံနိုင်စွမ်း ရှိချင်မှ ရှိတယ်။ ဘာလို့ဆို တစ်ချို့က အိပ်ပျော်နေပြီး၊ တစ်ချို့ အတွက်သာ နိုးကြားနေလို့ ဖြစ်ပါတယ်။ စိတ်ပိုင်းဆိုင်ရာ ကျန်းမာနေတဲ့သူ ၊ စိတ်ပိုင်း ဆိုင်ရာ ချို့တဲ့ နေသူတွေကလည်း မျက်မြင်လောကမှာ ရောပြွန်းနေတယ်။

ဒါ့ကြောင့် – လူတစ်ဦးအတွက် မိမိ ရဲ့ အာရုံဖွံ့ဖြိုးမှု အား အစွမ်းဟာ မိမိရဲ့ အသိအမြင် ကြည်လင်မှု ပေါ်မှာသာ မူတည်နေတယ်။ အဲ့ဒီ အကျင့်အကြံ ၊ သိမြင်မှု အားအစွမ်း အတိုင်းသာ – ၎င်းရဲ့ နှလုံးအိမ်ဟာ ဖွံ့ဖြိုး မှု ရှိတယ်။ ပန်းလေး တစ်ပွင့်နဲ့ တူတယ်။ ရေခံ မြေခံ၊ သဘာဝ အား အဖြည့်ခံတွေ တောင့်တင်း ကြည်လင်နေနိုင် မှသာ အသာယာ ဆုံး ပွင့်လန်း နိုင်တယ်။ လေဒဏ် နေဒဏ်တွေကြောင့် ထိုက်သင့် သလောက် ဖူးပွင့်ခွင့် မရဘဲ ကြွေလွင့် သွားတဲ့သူတွေ ဒုနဲ့ဒေး ရှိကြပါတယ်။

ဒါပေတဲ့ အားလုံးမှာ တူညီနေတာ ရှိတယ်။ အဲ့ဒါကတော့ ဘဝရဲ့ ဖွင့်ဆိုရှင်းပြနေတဲ့ အသံ ပဲ ဖြစ်ပါတယ်။ ဘဝဟာ ကျနော်တို့ အားလုံး အပေါ် ညီတူညီမျှ ဖွင့်ဆို ပြထားတယ်။ ကျနော်တို့ ရဲ့ ခဏတိုင်းမှာ အညီအမျှ စီးဆင်းပေးနေတယ်။ သူ့ရဲ့ စီးဆင်းဖြတ်သန်း သွား တဲ့ နှုန်းဟာ အတူတူပဲ။ ကျနော်တို့ တွေမှာ မတူညီကြရခြင်းဟာ အဲ့ဒီ ဘဝအပေါ် သိမြင်မှု ရှိခြင်း၊ မရှိခြင်း အပေါ်မှာသာ မှီတည်နေ ပါတယ်။

ကောင်းကင်ယံမှာ သာနေတဲ့ လကလေး နဲ့ တူပါတယ်။ လသော်တာ ဟာ တစ်ခါတစ်ရံ မှာ တခြမ်းပဲ့လေး လည်း ဖြစ်နိုင် ပါတယ်။ ပြည့်ချင် လည်း ပြည့် နေနိုင်တယ်။ တစ်ခါတစ်ရံ လုံးဝ ပျောက်ကွယ် နေတာလည်း ဖြစ်နိုင် တယ်။ ကျနော်တို့ ရဲ့ အမြင်မှာ လလေးက ပိန်လိုက် ဖောင်းလိုက်၊ ပျောက်ကွယ် သွားလိုက် ဖြစ်နေ ပေမယ့် – လရဲ့ ပင်ကိုယ် သဘာဝလေး မှာတော့ နကိုကတည်း က ပြည့်တင်း ပြီးသားပဲ။ တစ်နေရာ၊ တပါဒ မှ လျော့ပါး မသွားဘူးရယ်။ လူတွေ ရဲ့ အမြင်အာရုံ မမှီနိုင်တဲ့ အချိန်မှာ လည်း ပြည့်တင်းမြဲ ပြည့် တင်း တည်ရှိနေတယ်။ ဟုတ်တယ်ဟုတ် ? ။ ကျနော်တို့ရဲ့ ဘဝ သံစဉ်ဟာ အဲ့ဒီ လကလေးနဲ့ အပြည့်အဝ တူညီပါတယ်။ တစ်ခါတစ်ရံ ဝင်းထိန်အောင် သာနေပေမယ့် – တိမ်သလ္လာ ကွယ်လို့ မှောင်နဲ့ မည်းမည်းသာ တဝဲ လည်လည် ဖြစ်နေ ရတာမျိုး ရှိနေရတယ်။

ကျနော်တို့ ရင်ထဲက တိမ်သလ္လာတွေကို ဘယ်လိုဖယ်မလဲ။ အားလုံးမှာ ညီတူညီမျှ ဝင်းကြည်နေတဲ့ လကို ကျနော်တို့ ဘယ်လိုမြင် ရမလဲ။ ဒီ အမြင်ရရှိဖို့ တိမ်သလ္လာဖယ်ရှားတဲ့ အဖြစ်ဟာ ဆူဖီ ဆရာတွေရဲ့ လမ်းမှာ အရေးပါတဲ့ အရာတစ်ခု ဖြစ်ပါတယ်။ မိမိ အတုအယောင် ( ဝါ) မိမိရဲ့ အတ္တ ( နာ့ဖ် ) (ဝါ) false self ဟာ တိမ်သလ္လာလို့ ဆိုရင် အဲ့ဒီ တိမ်သလ္လာကို ဖယ်ရှားနိုင်ဖို့ ဟာ ဆူဖီ ဆရာများရဲ့ အကျင့်အကြံမှာ ပါဝင်ပါတယ်။ ဆရာတွေရဲ့ စိတ်နှလုံးဟာ အဲ့ဒီ အတ္တနဲ့ ပိတ်လှောင်နေရာ က ရုန်းထွက် ဖို့ အဲ့ဒီ အကျင့်အကြံတွေနဲ့ လုံးပန်း တယ်။

Oh! God.

ဘုရားသခင် သည် နေ့လည်း ဖြစ်သည်။ ညလည်း ဖြစ်သည်။
ဆောင်းလည်း ဖြစ်သည်။ နွေလည်း ဖြစ်သည်။
စစ်မက် လည်း ဖြစ်သည်။ ငြိမ်းချမ်းရေးလည်း ဖြစ်သည်။
ခြိုးခြံခြင်း လည်း ဖြစ်သည်။ အလိုရမ္မက် ရှိခြင်းလည်း ဖြစ်သည်။

ပင်လယ်ရေသည် တစ်ချိန်တည်း တွင်ပင် ကြည်လင်လျက် နှင့် နောက်ကျိ၏။
ငါး သတ္တဝါတို့ အတွက် သောက်သုံး စေနိုင်၍ ကျန်းမာအောင် စောင့်ရှောက် နိုင်သကဲ့သို့
လူတို့ အတွက် သောက်သုံး မရနိုင်အောင်ပြု၍ မရဏကို ဖန်တီးပေးတတ်၏။

နေ့နှင့်ည၏ သဘာဝကား ဧက၊ တစ်ခုတည်းသာ တည်း။
အထက်တက်ခြင်း၊ အောက်နိမ့်ခြင်းတို့သည်လည်း တစ်မျိုး၊ တစ်ခုတည်းသာတည်း။

အိပ်ပျော်သူများ သည် ( တစ်နည်းအားဖြင့် ) နိုးကြား နေကြသူများပင် ဖြစ်၍
လောကဓာတ် အတွင်း ကြိုးပမ်းဆောင်ရွက်နေကြသူများ ဖြစ်၏။

စက်ဝိုင်းတစ်ခု ကဲ့သို့ပင်
အစ နှင့် အဆုံးသည် ထပ်တူညီ နေကြရ၏။

Heraclitus
The Hidden Harmony

Then God said, “Let us make man in our image, in our likeness, and let them rule over the fish of the sea and the birds of the air, over the livestock, over all the earth, and over all the creatures that move along the ground.” So God created man in his own image, in the image of God he created him; male and female he created them.

ဘုရားသခင် ( God ) ဆိုတာ ပုဂ္ဂိုလ် တစ်ဦး တစ်ယောက် မဟုတ်ပါဘူး။ ဘုရားသခင် ကို ပုဂ္ဂိုလ် တစ်စုံတစ်ဦး အဖြစ်နဲ့ ကျနော်တို့ လူတွေ အမြဲတစေ ယူဆ တတ်ကြလွန်းလို့ – ကမ္ဘာမှာ ပြဿနာပေါင်း သောင်းခြောက်ထောင် ကြုံနေရတယ်။ ဘုရားသခင် အခြေပြု -ဘာသာ တရား လေ့လာတဲ့ Theology ဘာသာရပ် ကနေ– ခွဲခြမ်း စိတ်ဖြာ ထုတ်ပေးလိုက်သမျှ မေးခွန်းပုစ္ဆာ ပြဿနာတွေ အားလုံးဟာ– အဲ့ဒီ အသုံးမကျတဲ့ သင်ခန်းစာ တွေ ချည်းပဲ ဖြစ်ပါတယ်။ သူတို့ရဲ့ အရင်းအမြစ်က – ဘုရားသခင်ကို ပုဂ္ဂိုလ်တစ်ဦး အဖြစ် မှတ်ယူ နေလို့ပဲ။

ဘုရားသခင်ဟာ ပုဂ္ဂိုလ် တစ်ဦး မဟုတ်ဘူး။ ဖြစ်လည်း မဖြစ် နိုင်ဘူး။ – ဒီအချက်ကို နက်နက်ရှိုင်းရှိုင်း မြင်သာ နိုင်ဖို့ လိုလိမ့်မယ်။ ဥပမာ ပြောကြည့် မယ်။ ဂျူး၊ ခရစ်ယာန်၊ မိုဟာမက်ဒင် စတဲ့ ဘာသာဝင် တွေ အဖြစ် ကြီးပြင်း လာသူ တော်တော် များများဟာ ဘုရားသခင် ကို ပုဂ္ဂိုလ်တစ်ဦး အဖြစ် ခံယူ ထားတတ် ကြတယ်။ ခံယူ ထားတတ်ကြတာ များတယ်။ ဘုရားသခင် ဆိုတာ ပုဂ္ဂိုလ် မဟုတ်ဘူး ဆိုတဲ့ အကြောင်း လက်ခံနိုင်ဖို့ တော်တော် ခဲယဉ်းတယ်။ လူပုံစံ အဖြစ်၊ ပုဂ္ဂိုလ် အဖြစ် ဘုရားသခင်ကို တွေးထင် ကြမယ့် အမြင်ဟာ တကယ်က – အတ္တ ဗဟိုပြုတဲ့ အမြင်၊ လူသား ဗဟိုပြုတဲ့ အမြင် သာ ဖြစ်ပါတယ်။ သမ္မာကျမ်းစာ မှာ -“ဘုရားသခင်ဟာ သူနဲ့ ပုံစံတူ အဖြစ် လူသားကို ဖန်ဆင်းတယ်” လို့ ဖော်ပြထားတာ ရှိတယ်။ နို့ပေမယ့် တကယ့် လက်တွေ့မှာ ပြောင်းပြန်ပဲ ဖြစ်နေပါတယ်။ လူတွေ ကသာ သူတို့နဲ့ ပုံစံတူ အဖြစ် ဘုရားသခင် ကို ဖန်တီး နေကြတယ်။ လူတွေ ဆိုတာ ကလည်း အမျိုးမျိုး ကွဲပြား နေတယ် ။ ဒါ့ကြောင့် ကမ္ဘာမှာ ဘုရားသခင် အမျိုးမျိုး -အမြောက် အမြား ပေါ်ပေါက် လာရတော့တယ်။

မုဒုစ

မုဒု – ဆိုတာဟာ နူးညံ့ပျော့ပျောင်းခြင်း၊ ကြည်လင်ခြင်း၊ ရှင်းလင်း နေခြင်း ဖြစ်ပါတယ်။ မေတ္တာတရား ကို အမှန်စင်စစ် ပွားများနိုင်ဖို့ လိုအပ်တဲ့ အရည်အချင်း တစ်ရပ် ပါ။ ဒါပေမယ့် မုဒု – ကို နာခံလွယ်ခြင်း လို့လည်း ခေါ်ဆို နားလည် ကြတယ်။ တကယ်တော့ အတူတူ ပါပဲ။

မုဒု ဆိုတာကို ဒီထက် ပို ရှင်းအောင် ပြောရင် – စိတ်ကူး၊ အတွေး ဘာမှ မရှိတဲ့ ဖြစ်ရပ် အခြေအနေ ပါ။ ခင်ဗျားရဲ့ သန္တာန်မှာ အတွေးတွေ၊ ခံစားချက် တွေ အကုန်အစင် ဖယ်ရှား ထားပြီးပြီ ဆိုတဲ့အခါ ၊ သိစိတ် အစဉ် တစ်ခုလုံး ရှင်းသန့်သွားတဲ့ အခါ အဲ့ဒီ အခြေအနေ ကို မုဒု လို့ ခေါ်ပါတယ်။ စင်စစ် မုဒု ဟာ မြင့်မြတ်ရာကို ဝင်ရောက်နိုင်တဲ့ တံခါး ပေါက် ဖြစ်ပါတယ် ။ စိတ်အစဉ် အသွင် သဏ္ဍာန် တွေကို ဖြုတ်ချပြီး ဖြစ်တည် ရုံမျှ ဖြစ်တည်နေပါစေ — မုဒု ကို ခင်ဗျား သိရှိရ ပါလိမ့်မယ်။

ဆင်ခြင် အတွေးတွေ ၊ ခံစားချက်တွေ နဲ့ ရှိနေစဉ်မှာ ခင်ဗျားဟာ လက်ရှိ ပိုင်ဆိုင်ထားတဲ့ ခင်ဗျား အဖြစ်ကနေ အဝေးကြီးကို ရောက်နေတယ်။ ခင်ဗျား ပိုပြီး တွေးခေါ် စဉ်းစားလေ ၊ ခင်ဗျား ဖြစ်တည်ချက် ကနေ ပိုပိုပြီး ဝေးသွားလေပဲ။ ခင်ဗျား အတွေးစဉ်ကို တစ်ခုချင်း ဖယ်ဖျက်ချ ကြည့်ပါ၊ ခံစားချက်တွေကို ဖြေလျော့ ကြည့်လိုက်ပါ၊ အခုလက်ရှိ ဖြစ်တည်နေတဲ့ ဖြစ်စဉ်လေး ကိုသာ ခင်ဗျား ကိုယ်တိုင် တည်တည်ငြိမ်ငြိမ် တွေ့ရပါ လိမ့်မယ်။ အဲ့ဒီ အချိန်မှာ ခင်ဗျား ဘာကိုမှ တွေးခေါ် မနေတော့ဘူး၊ ခင်ဗျား စိတ်မှာ ဘယ် စကားလုံး၊ ဘယ် ပုံရိပ်မှ ရှိမနေဘူး။ ခင်ဗျားဟာ ခင်ဗျား အဖြစ်သာ အထီးတည်း ကြွင်းကျန်ရစ် နေပါတယ်။

ဒါ့ကြောင့် – ခင်ဗျား ဦးနှောက် အတွင်း သယ်ဆောင် နေသမျှ ဝန်ထုပ် အားလုံး ဖြုတ်ချသွားတာကို မုဒု လို့ ရိုးရိုးရှင်းရှင်း သတ်မှတ်နိုင်တယ်။ ဝန်ထုပ်တွေ ခင်ဗျားမှာ ရှိနေတယ်။ အဲ့ဒီ ဝန်ထုပ်တွေဟာ ခင်ဗျား အတွက် တကယ်တော့ အကျိုးမဲ့တွေချည်း ဖြစ်ပါတယ်။ ခင်ဗျား အတွေးစဉ် တွေက အတိတ်တွေကို ပြန်ခေါ်ယူနေမယ် ဆိုပါစို့။ အတိတ် အကြောင်းတွေ၊ အတိတ် ပုံရိပ်တွေ၊ ပြီးခဲ့တဲ့ မနေ့က၊ မနက်က၊ မနှစ်က၊ ဟိုး လွန်လေပြီးသော အခါက- စသဖြင့် – ခင်ဗျား အာရုံကျရာ ပုံရိပ်တွေဟာ ခင်ဗျား အခု ဒီစာ ဖတ်နေစဉ်မှာပဲ ခင်ဗျားခေါင်းထဲ၊ ခင်ဗျားရဲ့ အတွေးစဉ် ထဲကို တစ်ဝဲလည်လည် ဝင်ရောက်လာကြမယ်။

အဲ့ဒီ အတိတ်ဆိုတာဟာ စင်စစ် ဘာမှ အသုံးမဝင်တော့တဲ့ ဖြစ်စဉ်တစ်ခုပဲ ။ အဲ့ဒီ ဖြစ်စဉ်က ဖြစ်ပျက် ပြီးနေပြီးသားပဲ ။ အသစ် တစ်ကြိမ် ထပ်တူ ကျအောင် ဘယ်လိုမှ မဖြစ်နိုင်တော့တဲ့ သဘောတစ်ခု သက်သက်ပဲ ဖြစ်ပါတယ် ။ အခု ကျနော် ပြောတာကို ခင်ဗျား အလွယ်တကူ ခေါင်းညိမ့် နိုင်ပါလိမ့်မယ် ။ ဘာလို့ ဆို ခင်ဗျား ဒီလို စကားလုံးမျိုး အထပ်ထပ် ကြားဖူးခဲ့လို့ပါ။ ကျနော် ဆိုလိုတာက – တကယ် အသုံးမကျတာကို သိရင် – အဲ့ဒီ အတွေးတွေ ခင်ဗျား တကယ်စွန့်ပစ်နိုင်လား ။ စင်စစ် ခင်ဗျား မစွန့်လွှတ် နိုင်ဘူးရယ်။ အတွေး ပုံရိပ်တွေ၊ ခံစား ခဲ့သမျှတွေကို ခင်ဗျား တဝဲလည်လည် သိမ်းပိုက် ယူနေဦးမယ်။ ခင်ဗျား အဲ့ဒီ အပေါ် သာယာ နေဆဲ ဖြစ်ပါတယ်။ တကယ်လည်း ပြန်မရနိုင်တော့ဘူး ဆိုတာ သိရက်နဲ့ ခင်ဗျား ဆွဲခေါ် ထားနေတုန်းပဲ။ ခင်ဗျား ထင်မြင် ယူဆထား တဲ့ “မှတ်ဥာဏ်” ဆိုတာကြီး အထဲမှာ ခင်ဗျား အထပ်ထပ် ရိုက်ထည့် သိမ်းဆည်း ထားနေတုန်းပဲ။

ဘာဝနာကို ထုံမွှမ်းထားကြည့်ရင် မြင်နိုင်တာက – စိတ်ဆိုတာ ဟာ တစ်ကြိမ်မှာ တစ်ခုပဲ လုပ်နိုင် ပါတယ်။ အဲ့ဒါဟာ ဘယ် သတ္တဝါ မဆို အတွက် မှန်ကန်နေတဲ့ သဘော တစ်ရပ် ဖြစ်ပါတယ်။ ဒါပေမယ့် စိတ်ရဲ့ ဖြစ်ပျက်နိုင်စွမ်းဟာ လိုက်မမှီ လောက်အောင် လျင်မြန်တယ်။ အဲ့ဒါကြောင့် ခင်ဗျားဟာ တစ်ကြိမ်တည်းမှာ အများကြီး အာရုံ ခံစား နိုင်တယ် လို့ ထင်နေတယ်။

ဆုတောင်း ဘာဝနာ

Question: ကျနော် ဘုရားသခင်ဆီမှာ ဆုတောင်းချင်တယ်။ ဘယ်လို ဆုတောင်းရမလဲ ပြောပြနိုင်မလား။

Answer : ဘုရားသခင် က သူ့ပြဿနာ နဲ့ သူ ရှုပ်နေမှာပါဗျ။ ကျနော့ အနေနဲ့ ပြောရရင် တော့ – ခင်ဗျား သူ့ကို သွား မနှောင့်ယှက် လိုက်ပါနဲ့ ။ သူ ဖန်ဆင်း ခဲ့တဲ့ သူတွေ တစ်ဖြုတ်ဖြုတ် သေနေ ကြတာ ခင်ဗျား မြင်တွေ့ နေရတယ် မဟုတ်လား။ အဲ့တော့ ခင်ဗျား ပြဿနာကို ခင်ဗျား ပဲ ဖြေရှင်းတာ အကောင်းဆုံးပါ။ ဘာလို့ သူ့ဆီမှာ သွားပြီး ဆုတောင်း နေမလဲ။ ဘုရားသခင်က ခင်ဗျား ဆုတောင်းတွေ ကို မလိုအပ်ဘူးရယ်။ တကယ်တမ်း အဲ့ ဆုတောင်းတွေ ကို လိုလား နေတာက – ခင်ဗျား ပါ။ ခင်ဗျား က ခင်ဗျားရဲ့ ဆန္ဒတွေကို အသံနဲ့ ထုတ်ဖော် ပြောပစ် လိုက်ချင်တာ။ ခင်ဗျားရဲ့ လိုအပ်ချက်တွေ၊ ခင်ဗျားရဲ့ မကျေနပ်ချက် တွေ ၊ ခင်ဗျားရဲ့ ကွန်ပလိန်းတွေ ( Complains ) – အဲ့ဒါတွေကို စကားလုံး စီပြီး ဖွင့်ထုတ် ပစ်လိုက် ချင်တာ။ ဒါဟာ လူတွေက “ဆုတောင်း” ဆိုပြီး အမည် ပေးထားတဲ့ အရာတွေပဲ ဖြစ်ပါတယ်။ “ဒီလို ကိစ္စ ကတော့ ဖြင့် ဒီလို မဖြစ်သင့် ပါဘူးဗျာ” ဆိုတဲ့ ကွန်ပလိန်းတွေ တစ်ခုပြီး တစ်ခု၊ တစ်ခုပြီး တစ်ခု၊ ခင်ဗျား ရွတ်မယ်။ ခင်ဗျား ရွတ်တဲ့ အဲ့ဒီ စကား တွေ က ဆုတောင်း တွေ နဲ့ အတူတူ ပါပဲ။ ဒီလိုမှ မဟုတ်ဘဲ ခင်ဗျားက ဘုရားသခင်ကို ကူညီချင်တာ သက်သက်ပါ ဆိုရင်တော့ ဒီထက် လိမ္မာ ပါးနပ်တဲ့ နည်းကို သုံးရပါ လိမ့်မယ်။

ဆုတောင်း ဆိုတဲ့ စာသား စကားတွေ ဖယ်ပစ်လိုက်ပါ။ အဲ့ဒါတွေက မလိုအပ်ဘူး။ တကယ် လိုအပ်တာက ဘုရားသခင်နဲ့ ဘယ်လိုမှ မသက်ဆိုင်တဲ့ ဘာဝနာ ပဲ ဖြစ်ပါတယ်။ ဘာဝနာ ကသာ ခင်ဗျားကို ပုံပြောင်း ယူတယ်။ သူ့မှာ ဘုရားသခင် ဆိုတဲ့ နာမည် မပါဘူး။ နောက်ပြီး ဒီနေရာမှာ ကြုံတုန်း ပြောရရင် – ဘုရားသခင် လို့ သုံးစွဲနေတဲ့ ခင်ဗျား ကိုယ်တိုင် ဘုရားသခင် ကို မသိပါဘူး။ “ဘုရားသခင်” ဆိုတဲ့ ဝေါဟာရ မသုံးဘဲ မသိကိန်း X, Y, Z စသဖြင့် တစ်ခုခု သုံးမယ် ဆိုပါတော့ ။ ဘယ်လိုပဲ ပြောင်းသုံးသုံး – အဲ့ဒီ မသိတဲ့ တစ်ခုခု ကို ခင်ဗျား ဘယ်လို သွားပြီး ဆုတောင်းမလဲ။ ခင်ဗျား ဘုရားသခင် ကို ဆုတောင်း တဲ့အခါ ဘယ် ဘာသာစကားကို သုံးပါသလဲ။ God လား၊ ဘုရားသခင်လား၊ အခြား တစ်ခုခု လား။ ဘယ်လို သုံးသုံး- ခင်ဗျား ဘုရားသခင်ကို မသိဘူး။ ပြောတတ်ကြတဲ့သူ အချို့ ရှိတယ်။ “ဘုရားသခင် ကို ဆုတောင်းနေခြင်း အားဖြင့် သင်တို့သည် ဘုရားသခင်ကို တဖြည်းဖြည်း သိမြင် လာကြပါမည်” ဆိုတဲ့ စကား ရှိတယ်။ ဒါပေမယ့် “ဆုတောင်း” ဆိုတဲ့ စကား အတိုင်း – ခင်ဗျား တကယ် သိမှသာ တောင်းလို့ ရမှာ ဖြစ်ပါတယ်။ ခင်ဗျား တစ်ခုခုကို အရင်သိပြီးမှ အဲ့တစ်ခုခု ဆီက ခင်ဗျား လိုချင်တာ တောင်းနိုင်မယ်။ ဥပမာ – ခင်ဗျား မမြင်ဖူး မသိဖူး တဲ့ သူတစ်ယောက်ကို ခင်ဗျား ချစ်ဖူး သလား။ – မချစ်ဖူးပါဘူး။ ခင်ဗျား တကယ် မြင်တွေ့ဖူး၊ သိဖူးမှ ချစ်လို့ ရပါတယ်။ အဲ့ဒီလိုပဲ ကျနော် တို့ မမြင် မသိရတဲ့ ဘုရားသခင် ကို ကျနော်တို့ ဘယ်လို ကြိုပြီး ချစ်နေ နိုင်မလဲ။ ဘယ်လို သွားပြီး ဆုတောင်း နေမလဲ။ စင်စစ်တော့ ကျနော်တို့ စိတ်ထဲ တင်းကျပ် နေတာကို စကားလုံးတွေ သုံးပြီး ဖွင့်ထုတ် ပစ်ဖို့ပဲ မဟုတ်လား။

ဘာဝနာ ကတော့ ရှုထောင့် အမြင် လုံးဝ ကွဲပြား သွားပါတယ်။ ကဗီရ် ကလည်း ဘာဝနာကို ပဲ လမ်းညွှန်ပြလိမ့်မယ်။

ငါ သူတို့လို ဖြစ်ရမယ် ( မိမိကိုယ်ကိုယ် ထူးခြားချင်သူ )

ဟိုနည်းနည်း ဒီနည်းနည်း သိလာပါပြီ ဆိုတဲ့ အရွယ်တွေက စလို့ လူတိုင်းနီးပါး ဟာ ကိုယ်ကိုယ်ကိုယ် ထူးခြားတဲ့သူ တစ်ယောက် ဖြစ်ချင်ကြ ပါတယ်။ မိမိကိုယ်ကိုယ် ဟိုပုဂ္ဂိုလ်လို ဖြစ်ရမယ်။ ဒီပုဂ္ဂိုလ်လို ဖြစ်ရမယ် တွေးတော ပုံဖော်ကြတယ်။ နောက်ပြီး မိဘ အသိုင်းအဝိုင်း ကလည်း မင်း ဘယ်လိုကြီး ဖြစ်ရမယ်။ ဟိုမှာကြည့်စမ်း…သူ့လို ဖြစ်ရမယ်။ အဲ့ဒီလူလို ကြိုးစားရမယ်။ ကောင်းတာတွေ အတုခိုးစမ်းပါ … ဆိုတဲ့ စကားမျိုး သင်ပေးကြပြန်တယ်။

အဲ့တော့ အခုလက်ရှိ ခင်ဗျားပဲ ရှိနေမှာမို့ ခင်ဗျားကိုပဲ မေးပါမယ်။ ခင်ဗျားကော ထူးခြား တဲ့သူ တစ်ယောက် ဖြစ်ချင် နေတာ ပါလား။ “ထူးခြားတဲ့သူ၊ အများနဲ့ မတူ တမူ ထူးတဲ့သူ ဖြစ်အောင် ကျနော် ဘာလုပ်ရမလဲ။” လို့ ခင်ဗျား မေးမလား။

နေ့လည်က ညီမလေး တစ်ယောက် လင့်ခ် တစ်ခု ပို့လာ တယ်။ အဲ့အထဲမှာ မြန်မာနိုင်ငံ က နာမည်ကြီး အဆိုတော် တစ်ယောက် အကြောင်း၊ ကော်ပီတွေ များပြီး ကိုယ်ပိုင်ဟန် ၇၀ ရာခိုင်နှုန်းလောက် ပျောက်နေတဲ့ ( မိမိအမြင်အရ သတ်မှတ်ထားမိတဲ့ ရာခိုင်နှုန်း ဖြစ်ပါတယ်။ မှားယွင်းပါက သည်းခံပါ ) လက်ရှိ မြန်မာ ဂီတအနုပညာ စီးကြောင်းမှာ ပုံတူတွေ မိတ္တူတွေ နဲ့ မာန်ဝင့် ရှင်သန်နေပုံလေးပါ။ အဲ့ဒီ အဆိုတော် ရဲ့ မိမိကိုယ်ကိုယ် နာမည်ကြီးချင်လွန်း၊ ထူးခြားချင်လွန်း နေတဲ့ သရုပ်သကန်လေး အကြောင်း ဟာသ နှောပြီး ရေးထားတယ်။ စာကတော့ သရော်စာ မျိုးပါပဲ။ အဲ့ဒါလေး ဖတ်မိရင်း လူတစ်ယောက်ဟာ မိမိကိုယ်ကိုယ် အများနဲ့မတူ တမူထူးပြီး နေချင်ရင် ဘယ်လိုနေရမလဲ။ အဲ့ဒီ နေချင်တတ်တဲ့ စိတ်ကရော တကယ်မှန်ပါရဲ့လား။ အတွေး ရောက်မိပါတယ်။

အဲ့လိုနဲ့ ဒီပို့စ်ကို တင်ပါတယ်။

ကိုရဲထက်ရဲ့ စာကို အချို့ တော်တော်များများ ပြန်ပြင်၊ ဖြည့်စွက်ပြီး ရေးပါတယ်။

………………………………………

လူတစ်ယောက်က မေးတယ်။

“ကျနော် ထူးခြား ထက်မြက်တဲ့ သူ တစ်ယောက် ဖြစ်ချင်တယ်။ ( …… ).လို ထူးခြားတဲ့သူ တစ်ယောက် ဖြစ်ဖို့ ကျနော့မှာ ဘာလိုပါသလဲ။ ကျနော် ဘာလုပ်ရမလဲ။”

အဖြေ—

“Fuck” : Magical Word

မေးတဲ့သူကလည်း ကြံကြံဖန်ဖန်မေးပြီး ၊ အိုရှိုးကလည်း ဟာသနှောရင်း ဖြေခဲ့တာ ဖြစ်ပါတယ်။ ကြမ်းတမ်း ညစ်ညမ်းတယ် ဆိုတဲ့ အဓိပ္ပာယ် အတွေးမျိုး မဟုတ်ပါ။ ဝေါဟာရ တစ်ခုကို ရှင်းလင်းတယ် လို့သာ မြင်စေချင်ပါတယ်။

ဒါမှ မဟုတ်ဘဲ ရိုင်းတယ်ထင်ရင် သည်းခံပါ။

………………………………………………..

မေး။ ။ အိုရှိုး။ ကျနော်တို့ ဘာသာစကားမှာ ဘယ်ဝေါဟာရ၊ စကားလုံးဟာ အရေးအကြီးဆုံးပါလဲ။ Tennis, meditation, chi-chi, mangoes, suntan, women, philosophy, exotic beaches, cricket , instant coffee, jazz music နဲ့ skinheads. စသဖြင့်။

ဖြေ။ ။ မေးတဲ့သူငယ် မီလာရီပါ။ ခင်ဗျား ရူးနေပြီထင်ပါတယ်။ ဒါမှမဟုတ်ပဲ ကျနော် က ခင်ဗျားကို ယုံယုံကြည်ကြည် နဲ့ ဖြေလိုက်မယ် ဆိုရင် ဒီမြို့နယ် ရဲမင်းကြီးက ကျနော့ကို လာခေါ်သွားမှာပဲ။ ဘာလို့ဆိုတော့ ခင်ဗျား ပြောတဲ့ စကားလုံးတွေထဲမှာ တစ်လုံးမှ အရေးကြီးတာ မပါလို့ပါ။

ရှေးအချိန်က God ဆိုတဲ့ စကားလုံးဟာ အင်မတန် တွင်ကျယ် အရေးပါခဲ့တယ်။ ဒါပေမယ့် ဂျာမန် ဒဿနဆရာ နစ်ရှေးက “ဘုရားသခင် သေပြီ” လို့ မကြွေးကြော်ခင် အချိန်အထိပဲ တွင်ကျယ်ခဲ့တာ။ နစ်ရှေးက အဲ့သလို ကြေညာပြီး နောက်ပိုင်းတော့ ဂျာမန် တစ်ယောက်က တစ်ခုခု ပြောရင် ခင်ဗျားတို့ လိုက်နားထောင်ရတော့တယ်။ ဟုတ်တယ် မလား။ ဒုတိယ ကမ္ဘာစစ် ၊ ဂျာမန်တွေခေတ်ကိုး။ အဲ့အချိန်က ဂျာမန် တစ်ယောက် God သေပြီ လို့ ပြောရင် ခင်ဗျားက မှားနေတယ်လို့ ပြောရဲမလား။ တကယ် ပြဿနာတစ်ခု ဖြစ်သွားမယ် မဟုတ်လား။

ဇင် ( Paradox 1,2 )

ဥဿုံဗလာကျင်း ကောင်းကင်ပြင်ကျယ်လို
ဘောင်မရှိ၊ ကလနား မရှိ။ ။
လေးနက် ရှင်းလင်းတဲ့ ဒီနေရာလေး တစ်ခုသာ ရှိတယ်။

ခင်ဗျား ရှာကြည့်တဲ့အခါ
ဘယ်လိုများ တွေ့နိုင်ပါ့မလဲ
ခင်ဗျား ဘယ်လိုများ ဖမ်းယူ နိုင်ပါ့မလဲ
ဒါပေမယ့် ခင်ဗျားအတွက် ဘယ်တော့မှ မဆုံးရှုံးသွားမယ့် တစ်ခုလည်း ဖြစ်ပါတယ်။
ဖမ်းယူလို့ မရမယ့် ပစ္စည်းမဟုတ်တဲ့ ပစ္စည်းလို့ မြင်တဲ့အခါ ခင်ဗျား သူ့ကို ရမှာပဲ။
တိတ်တိတ်လေး နေကြည့်၊ သူ စကားပြောလိမ့်မယ်။
စကားနည်းနည်း ပြောကြည့်ပါ၊ သူ အသံတိတ်သွားလိမ့်မယ်။

မဟာ့မဟာတံခါးဝက လက်တံရှည်ကြီးနဲ့ ဟင်းလင်းဖွင့်ထားလေရဲ့
အဆီး မရှိ၊ အတားမရှိ။

၁။
အရှင်းလင်းဆုံးက စပြောတာ ကောင်းမယ်။ ဇင် ဟာ ဘုရားသခင်ဝါဒ မဟုတ်ဘူး။ သူက ဘာသာရေး တစ်ခုပဲ ။ ဘုရားသခင် ဝါဒ မဟုတ်တဲ့ ဘာသာရေးပါ။ ရှာမှရှားပဲ ဆိုပါတော့။ အခြား အခြား ဘာသာရေး တွေ ကမ္ဘာမှာ ရှိတယ်။ အားလုံးနီးပါး ဘုရားသခင် ဆိုတဲ့ အယူ အပေါ်မှာ အခြေခံကြတယ်။ ဘုရားသခင် ဝါဒတွေလို့ ခြုံပြီး ခေါ်နိုင်ပါတယ်။ ဘုရားသခင်ကို သာ အဓိက ဗဟိုပြုထားပြီး လူသားကို အဓိက မထားဘူး။ လူသားမှာ အဆုံးမသတ်ဘူး။ သူတို့ရဲ့ အဆုံးသတ်က ဘုရားသခင် ဆိုတာမှာသာ ရှိပါတယ်။ သို့ပေမယ့် ဇင်ကတော့ ဒီလို မဟုတ်ဘူး။ ဇင်ဟာ လူသားကို ပန်းတိုင် ထားတယ်။ လူသားဟာ သူကိုယ်တိုင်မှာသာ အဆုံးသတ်ရှိတယ်။ လူသားရဲ့ အထက်မှာ ဘုရားသခင် မရှိဘူး။ ဘုရားသခင် ဆိုတာ ရှိခဲ့ရင် လူသားအတွင်း ပုန်းကွယ်နေတဲ့ တစ်စုံတစ်ခုပဲ ဖြစ်ပါတယ်။

ဆိုလိုတာကတော့ ဇင်မှာ ဘုရားသခင် အယူအဆ မရှိဘူး။ ရှိစေချင်ရင်လည်း ခင်ဗျားရဲ့ ဇင်ဟာ ဘာသာရေး မဟုတ်တော့ဘူး။ ဒါဆို ခင်ဗျားက ပြန်မေးမယ်။ ဘုရားသခင် မရှိဘဲ ဒီ ဇင်ကို ဘာသာရေးလို့ ဘာလို့ ခေါ်ရတာလဲ လို့။ စင်စစ် ခရစ်ယာန်၊ မိုဟာမက်၊ ဟိန္ဒူ၊ ဂျူး တို့လို ဘာသာတွေဟာ ဇင်နဲ့ ဘယ်လိုမှ မတူဘူး။ ဒါဆို ဘုရားသခင် ဆိုတာ မရှိဘူး ဆိုရင် ဘုရားမဲ့ဝါဒ ပေါ့လို့ ခင်ဗျား ထပ်မေးမယ်။ ဘုရားသခင်မပါတဲ့ ဘုရားဝါဒပါလို့ ကျနော် ပြန်ဖြေရပါလိမ့်မယ်။

အရင်းခံ အကျဆုံး တစ်ခုက ဒီလိုပါ။ ခင်ဗျား ကိုယ်တွင်းကို ခင်ဗျား နက်နက်ရှိုင်းရှိုင်း မြင်ကြည့်ဖို့သာ လိုတယ်။ အဲ့အခါ ရှင်းရှင်းလင်းလင်း နားလည်သွားမှာပဲ။

စိတ်နှင့် ရုပ် ပြဿနာ အကြောင်း

စိတ် ဟူသည်မှာ အင်မတန် လျှင်မြန်သည် ဟု ပြောကြသည်။ မည်မျှ လျှင်မြန်သနည်း ။
နောက်တစ်ခု စိတ်ကို ကိုယ်မှ ခွာ၍ ထားနိုင်သည်ဟု ဆိုကြသည်။ မည်သို့ ခွာထားကြသနည်း။

ယင်းသို့ စိတ်အကြောင်းကို စဉ်းစားသည့် အခါ – စိတ်ကို စိတ်က ပြန်ကြည့်ရသောကြောင့်လား မပြောတတ်။ ပတ်လည် ချာလည် ရိုက်နေပါသည်။ မျက်လုံးသည် မိမိ ကိုယ်ကိုယ် မိမိ ပြန်မမြင်သကဲ့သို့ စိတ်ကလည်း စိတ်ကို ပြန်မမြင်ခြင်းလား ။ တွေးမိသည်။ ကိုယ် ဥာဏ်မမှီ၍ ဖြစ်ပါလိမ့်မည်။ ကမ္မဋ္ဌာန်းတိုက် ၊ တရားစခန်း သွားရောက် ကြားနာ၊ ကျင့်ကြံ ကြသူများကတော့ ပြောတတ်ကြသည်။ စိတ် က စိတ်ကို ပြန်ကြည့်ရသည်မှာ အပြောလွယ်သလောက် ခက်သည် ဟု ဆိုသည်။ တကယ် ခက်သည်လား ကျနော် ကြိုးစားကြည့်ခဲ့ဖူးသည်။ ထားတော့ ။ ဤသည်က ကျနော် ပြောချင်သော အကြောင်း မဟုတ်။

စိတ်သည် တကယ် ရှိမရှိ။ စိတ်သည် ရုပ်မှ ဖြစ်သလား။ စိတ်ကြောင့် ရုပ်ဖြစ်သလား- ဟူသော အကြောင်းကိုသာ ပြောလိုသည်။ စိတ် သည် ကျနော်တို့ ခန္ဓာကိုယ်မှ သီးခြားဖြစ် ပါသလား။ ကျနော်တို့ ဗုဒ္ဓဘာသာတွင် “ဖဿ ပစ္စယာ ဝေဒနာ” ဟု ဆိုထားသောကြောင့် ထိတွေ့မှု ရှိ၍ ခံစားသိရှိရမှု ဝေဒနာ ရှိသည်ဟု နားလည်ထား သိထားရသည်။ ( တနည်း ) “ကြားဖူးနားဝ” ရှိထားရသည်။ သို့သော် အဘိဓမ္မာအရ ဝေဒနာသည် စိတ်မဟုတ်သေး။ ကျနော် ဤနေရာတွင် ပြောသော စိတ်ဟူသည် “ဝိညာဏ ပစ္စယာ နာမရူပံ” ဟူသော ပုဒ်မှ ရုပ်နှင့် နာမ် ဟု ခွဲခြားရာတွင် ပါရှိသည့် နာမ် သဘောကို ဆိုလိုခြင်း ဖြစ်ပါသည်။

ရုပ်နှင့် နာမ် ပြဿနာသည် ရှေးအတီတေ ကာလကတည်းက စ၍ ယနေ့အထိ အရှေ့တိုင်းတွင်ရော အနောက်တိုင်း တွင်ပါ တော်တော် ဂြိုလ်မွှေသော ပြဿနာ ဖြစ်သည်။ သင်္ချာနည်း အရ အကြမ်းဖျဉ်း ခွဲခြား ထားရှိသော အခါ အပိုင်း သုံးပိုင်း ရရှိသည်။ ယင်း အပိုင်းများမှာ အောက်ပါ အတိုင်း ဖြစ်ပါသည်။ ( အကြမ်းဖျဉ်းဟု ဆိုထားပါသည်။ မပြည့်စုံပါ။ လိုနေပါမည်။ )

၁။ “လောကတွင် ရုပ်ချည်းသာ ရှိသည်။”

ဤအယူသည် နာမ်ကို ၊ စိတ်ကို ပစ်ပယ်ခြင်း မဟုတ်ပေ။ ထိုအယူရှိသူများကို စိတ်ရှိသလား ဟုမေးလျှင် ရှိသည်ဟုသာ ဖြေပေးကြလိမ့်မည်။ သို့သော် စိတ်ဟူသည် ရုပ်မှ ကင်း၍ မရှိ။ ရုပ်မှ ပေါက်ဖွားလာသော မီးညွန့်မီးပေါက်မျိုး သာ ဖြစ်သည် ဟု ဆိုသည်။ အများအားဖြင့် ကနေ့ခေတ် သိပ္ပံတွင် အာရုံကြော ဆိုင်ရာ သိပ္ပံသမားများသည် ယင်းအယူကို အခြေခံထား၍ လေ့လာကြသည်။

၂။ “လောကတွင် နာမ်ချည်းသာ ရှိသည်။”

ဤအယူသည်လည်း ရုပ်ကို ပစ်ပယ်ခြင်း မဟုတ်ပေ။ ရုပ်ပိုင်းသဘာဝ မှန်သမျှကို သိမြင်ကြသည်မှာ နာမ်သာ ဖြစ်၍ ယင်း စိတ်သည်/နာမ်သည်သာ အစစ်အမှန် ဖြစ်ကြောင်း ပြဆိုလိုရင်း ဖြစ်သည်။ ဤ သိနိုင်သော စိတ်မှ မရှိလျှင် အဘယ်ရုပ်များ အဘယ်သို့ ရှိနေပါစေ- မသိနိုင်၊ မမြင်နိုင်၊ ထို့ပြင် အသိပညာ အစုအပေါင်းဖြင့် လက်ရှိ စမ်းသပ်နိုင်သော ရုပ် နယ်ပယ်ကို လွန်၍ စိတ်သည် ဖြန့်ကျက်နိုင်သည် ဟု ယူဆကြသည်။ ပလေတို ဝါဒတွင် Idea သည် မြင့်မြတ်သော ဘုံဌာန အဖြစ်ကို မှတ်ယူထားသည် ရှိပါသည်။ နောက်ပိုင်း ယင်းအယူကဲ့သို့ရှိသည်က ဥပမာအားဖြင့် ဆိုလျှင် ဂျော့ ဘာကလေ ဖြစ်သည်။

၃။ “လောကတွင် ရုပ်နှင့် နာမ် ပူးတွဲ တည်ရှိသည်။”

ဤအယူတွင်မူ အများ လက်ခံကြသည်။ ထိုသို့ အများ လက်ခံသည့် အလျောက်လည်း အယူကွဲများ အများအပြား ရှိသည်။ အနောက်တိုင်း ဒဿနိက ဖခင်ကြီးဟု သမုတ်ကြသော ဒေးကား ( Descarte ) က ရုပ်နှင့် နာမ်တို့သည် တွဲလျက်တည်ရှိသည် ဟု ဆိုကောင်းဆိုထားသော်လည်း အဘယ်ကဲ့သို့ တွဲလျက် ရှိသနည်း ဟူသော မေးခွန်းအတွက်မူ ဖြေကြားထားပုံမှာ ဤသို့ ဖြစ်သည်။

ရုပ်နှင့် နာမ်တို့သည် အလွန် အချိန်မှန်သော နာရီ နှစ်လုံး ကဲ့သို့ ဖြစ်သည်။ တစ်လုံးနှင့် တစ်လုံး တစ်သီး တခြားစီ ဖြစ်သော်လည်း တူမျှသော အချိန်ကို ပြနေသကဲ့သို့ ရုပ်နှင့် နာမ်တို့သည် အမျိုးအစား မတူ တကွဲတပြား စီ ဖြစ်သော်လည်း အတူတကွ အလုပ်လုပ်ကြသည် ဆို၏။

ထိုရုပ်နှင့် နာမ်တို့ မည်သို့ ဖြစ်ပေါ်လာကြောင်း အမေးရှိသော နောက်ဆုံးတွင် “ဘုရားသခင် ဖန်ဆင်းခြင်း ဖြစ်သည်” ဆိုသော အယူသို့ ရောက်တော့သည်။