အဆိုးမြင်ဝါဒီ နေတဲ့ မြို့

ဒီကနေ့ ရန်ကုန်ရဲ့ ကောင်းကင်က အရှင်းသားပဲ။ — ကျယ်တယ်။ ပြာညို့နေတယ်။ တစ်ခွင် တစ်ပြင်လုံး ဘယ်တိမ်မှ ရှိမနေဘူးရယ်။ ဟိုတစ်နေ့က နေရောင်မျိုး အရိပ်ထိုးနေဆဲ ရှိတယ်။ ဒါပေတဲ့ ဒီရန်ကုန်ဟာ ဟိုနေ့က ရန်ကုန် မဟုတ်သလို၊ ဒီနေရောင်ကလည်း ဟိုနေ့က နေရောင် မဟုတ်ဘူး ပဲ။

တကယ်လို့ ဒီရန်ကုန်ဟာ တောင်တန်းပြာတွေ ပေါ်မှာ ၊အင်းလေးကန်ရဲ့ ကမ်းပါး မှာ ခိုနားရင်း ရှိနေခဲ့ရင်~ အခုလို ဟုတ်ပါ့မလား ။ ကျနော် ခဏ ပျောက် သွားခဲ့တယ်။

အဲ့အချိန် ဟာ ဒီလို အချိန်ပေါ့။ ရန်ကုန်ရဲ့ ကောင်းကင်မှာ – ငှက်တစ်ချို့ကို မြင်ကောင်း မြင်နိုင် မယ် ။ ဒီ ကောင်းကင် ပြာပြာ ကို နောက်ခံ ထား ရင်း သူရို့ ပျော်ပျော် ပါးပါး ပျံဝဲ နေမယ်။ ရန်ကုန် ရဲ့ မြေမျက်နှာပြင် – ဟိုနား ဒီနားက လမ်းစ တစ်ချို့မှာ သူတို့ အရိပ်တွေ ထင်ဟပ် နေလိမ့်မယ်။ တစ်ခါ တစ်လေ – ခပ်လှမ်းလှမ်း တောင်ပြာ တန်း ဆီက လေအေးအေး တစ်ချက် လွတ်ထွက် လာနိုင် တယ်။ ရန်ကုန် မြေ ကို သာသာလေး ခိုးနမ်း သွားလိမ့်မယ်။ ကန်ရေပြင်ကို တိုက်ခတ်၊ ရှမ်းပဲပုတ်နံ့ ရနိုင်သေး တယ်။ ရာသီ အပြောင်း အလဲ မှာ ဝါလွင်ဖို့ အားခဲ ထားတဲ့ ပင်အို ပင်ကျ တွေ ရှိမယ်။ ခင်ဗျား သူတို့ကို တွေ့ရနိုင် တယ်။ ရှော့ပင် မထွက်ဘဲ အိမ်တိုင် ရာရောက် တွေ့ ရနိုင် တာတွေ လည်း ရှိတယ် ~ အဲ့ဒါတွေ က – ရေငွေ့ ပါမယ့် လေ ရယ် ၊ ကမ္ဘာပေါ် မှာ အရှားပါးဆုံး အပြုံးအစစ်ရယ် ၊ နောက်ပြီး ~ ခင်ဗျားအတွက် ဘဝ အသစ်ရယ်။

ဒါပေမယ့် ~ ကံဆိုးချင်တယ် ပြောမလား၊ ကံကောင်းတယ်ပဲ ဆိုမလား ~
အခု စင်စစ် ရန်ကုန် ဟာ တောင်တန်းတွေ ပေါ်မှာ မဟုတ်ဘူး။ အင်းလေး မှာလည်း မရှိဘူး။ ရန်ကုန်ဟာ ရန်ကုန်မှာပဲ ရှိနေတယ်။

ပညာရှင်များ တိုင်းထွာချက် အရ -ပင်လယ် ရေပြင် အထက် ဘယ်လောက် ဘယ်ရွေ့။ ကိန်းဂဏန်း အချို့ ပါးပါး လျားလျား လေထွားနေ တဲ့ ဒီ မြေ ဒီရေ …။ ဒါဟာ ရန်ကုန် ဖြစ်ပါတယ်။ အခြားမြို့တွေထက် -ဝတ်လစ်စလစ် ဆန်တယ်။ ကလူကျီစယ် လဲလျောင်း နေ တာ တွေ့ရ လိမ့်မယ်။

Freedom

Jiddu Krishnamurti

လွတ်လပ်ရေး ဆိုတာဘာလဲ

ဒဿနဆရာ အများစုက လွတ်လပ်ရေး၊ လွတ်လပ်မှုနဲ့ ပတ်သက်ပြီး ရေးသားပြောကြားနေကြတယ်။ ကျနော် တို့လည်း လွတ်လပ်မှု အကြောင်း ပြောကြတယ် ။ ဘယ်လို လွတ်လပ်မှုလဲ။ မိမိ စိတ်ကြိုက်လုပ်ပိုင်ခွင့်၊ မိမိ နှစ်သက်ရာ ကိုင်တွယ်ခွင့်၊ မိန်းမတစ်ယောက်ကို /ယောင်္ကျား တစ်ယောက်ကို လွတ်လပ်စွာ ရွေးချယ်နိုင်ခွင့်၊ မိမိနှစ်သက်ရာ ဖတ်ရှုခွင့်၊ မိမိ မနှစ်သက်ရာ ပစ်ပယ်ခွင့် စသည်။ ကျနော် တို့ ကိုယ်ကိုယ် ကျနော်တို့ လွတ်လပ်တယ်လို့ ဆိုတာနဲ့ မေးစရာ ရှိလာတဲ့ တစ်ခုက – အဲ့လွတ်လပ်မှုနဲ့ ကျနော်တို့ ဘာလုပ်ကြသလဲ ဆိုတာပါ။ ကျနော်တို့ ကိုယ် ကျနော်တို့ ဖော်ကျူးပြနိုင်ဖို့ လွတ်လပ်မှုကို သုံးတယ်။ ကျနော်တို့ စိတ်ကြိုက်လုပ်နိုင်ဖို့ လွတ်လပ်မှု ကို သုံးတယ်။ အဲ့လို ဘဝကို လွတ်လပ်ခွင့်တွေ ပေးလာရင်း ပေးလာရင်း နောက်ဆုံး ဘာဖြစ်လာမလဲ ပြည်သူအလယ်မှာ၊ ပန်းခြံထဲမှာ မိတ်လိုက်ကြ၊ သံဝါသ ပြုလာကြတော့တယ်။

ကျနော်တို့မှာ လွတ်လပ်မှု ပုံစံအမျိုးမျိုး ရှိနေပါတယ်။ အဲ့အတိုင်းလည်း လုပ်ကိုင်နေကြတယ်။ ကျနော်တို့ ထင်ကြတာက ရွေးချယ်စရာ ကိစ္စတစ်ခုခု ပေါ်ပေါက်လာပြီဆိုရင် လွတ်လပ်မှု ဆိုတာ ဝင်လာတာပဲ ။ အဲ့လိုမဟုတ်လား။ ခင်ဗျား ပြင်ဦးလွင်သွားမလား၊ ရန်ကုန်မှာ နေမလား။ ဒီအလုပ်ဆက်လုပ်မှာလား ၊ အလုပ်ထွက်မှာလား ။ ဆိုလိုတာက ဒါတွေဟာ ရွေးချယ်မှု သက်သက်ပါ။ ရွေးချယ်မှုက လွတ်လပ်မှုကို ပေးတာ ဟုတ်ပါသလား။ ခင်ဗျားရဲ့ အမြင်၊ ခင်ဗျားရဲ့ အတွေးတွေကသာ ရှင်းလင်း နေရင် ပြတ်သားနေရင် ရွေးချယ်မှု ဆိုတာ ပေါ်ပေါက်လာစရာ မရှိပါဘူး။ အဲ့ဒီ ပြတ်သားတဲ့ အမြင်ကနေသာ မှန်ကန်တဲ့ လုပ်ရပ် ထွက်ပေါ်လာတာ ဖြစ်ပါတယ်။ သံသယတွေ ၊ မကျိန်းသေ မသေချာမှုတွေ ရှိလာတဲ့ အခါမှသာ ကျနော်တို့ ရွေးချယ်တဲ့ လုပ်ငန်းကို စကြတယ်။ ဒါကြောင့် ပြောလို့ ရမယ်ဆို ပြောချင်ပါတယ် – ရွေးချယ်ခိုင်းတာဟာ လွတ်လပ်မှုကို ပိတ်ပင်တာ တစ်မျိုးပါပဲ။

မရောက်သွားသောစာ

၁၉၄၅ ခုနှစ်၊ မတ်လ ၊ ရန်ကုန်မှ သရက်ဧရိယာ ရှေ့တန်းဌာနချုပ်သို့ ဗိုလ်ချုပ်အောင်ဆန်းတို့ ထွက်ခွာသော အခါတွင် ဂျပန်စစ်တပ်၏ ဓားစာခံ အဖြစ် ရန်ကုန်၌ ကျန်ရစ်ခဲ့သော ဒေါက်တာဘမော်ထံ ရေးသားခဲ့သော စာ ဖြစ်ပါသည်။ ရှေ့တန်း စစ်မျက်နှာတွင် ကမန်းကတန်း ရေးခြစ်ရသောကြောင့်လား၊ အကြမ်းရေးထားသည့် အတိုင်း ပေးပို့လိုက်သည်လားတော့ မပြောတတ်။ ဗိုလ်ချုပ်၏ မူရင်းလက်ရေးလက်သား ဖြစ်သောကြောင့် အမှတ်တရ တင်ရှိလိုက်ပါသည်။ ယင်းစာကို ဗိုလ်ချုပ်က ဆက်သား တစ်ယောက်ကို ပေး၍ စေလွှတ်လိုက်သည် ဟု အဆိုရှိသည်။ သို့သော် စာမှာ ဒေါက်တာ ဘမော်ထံ မရောက်ခဲ့။ စာပေဗိမာန်အသင်းမှ ဦးထင်ကြီးတို့ အဖွဲ့နှင့် ရန်ကုန်၊ ဦးအောင်ကြည်တို့ ကောင်းမှုကြောင့် ကာကွယ်ရေးဌာန ပြတိုက်သို့ ရောက်ရှိလာခဲ့သည်ဟု ပါရှိသည်။

တင်ရှိထားသော ဗိုလ်ချုပ်၏ မူရင်းလက်ရေး ဓာတ်ပုံတွင် အလယ်ပိုင်းမှ စာသား အချို့ ပြတ်လျက်ရှိပါသည်။ ယင်းပြတ်နေသော စာသားကို Dr. Maung Maung ၏ Aung San of Burma ကို ကိုးကား၍ ကျနော် ထည့်သွင်းထားသည်။

ဇေယျ
………………………………………

ဦးအောင်ဆန်းကို တွေ့ချင်လွန်းလို့

(၁၉၄၇) ခုနှစ် သည် မြန်မာပြည် လွတ်လပ်ရေး အတွက် အရှိန်အဟုန် ပြင်းနေတဲ့ တိုက်ပွဲ ကာလ၊ လွတ်လပ်ရေး ရရှိရန် (၁) နှစ် တောင် မလိုတော့သည့် ကာလ ဖြစ်သည်။ ထိုကာလတွင် ဗိုလ်ချုပ် အောင်ဆန်း သည် သူ ပေးထားသည့် ကတိ အတိုင်း တစ်နှစ် အတွင်း လွတ်လပ်ရေး ရရှိရေး အတွက် အပြင်းအထန် ကြိုးစား နေသော ကာလ ဖြစ်သည်။ ထို့ကြောင့် ထိုကာလ အတွင်း ဗိုလ်ချုပ်သည် မြန်မာပြည် တစ်နံ တစ်လျား လေယာဉ်၊ မော်တော်ကား၊ သင်္ဘော တို့ဖြင့် ခရီးစဉ်များ ရေးဆွဲကာ စည်းရုံးရေး ဆင်း နေရသော ကာလ ဖြစ်သည်။

ထိုအချိန်က ဗိုလ်ချုပ် သည် ကုန်းလမ်း ခရီး မော်တော်ကားဖြင့် ရန်ကုန်မှ မြန်မာပြည် အထက်ပိုင်းသို့ ခရီး ထွက်ခွာ လာရာ ထိုနေ့ (၄၊ ၄၊ ၄၇) ရက်တွင် ရန်ကုန်မှ တောင်ငူ သို့ ရောက်ရှိလာပြီ ဖြစ်ကြောင်း သိရသည်။ ဗိုလ်ချုပ်၏ မော်တော်ယာဉ်တန်း သည် တောင်ငူမှာ နေ့လယ်စာ စားပြီး ဆက်လက် ထွက်ခွာ ခဲ့ရာ လယ်ဝေးသို့ မွန်းလွဲပိုင်း (၂) နာရီ ခန့်တွင် ရောက်ရှိ ခဲ့သည်။ လယ်ဝေး၌ ခေတ္တနားပြီး သနက (၄) ဒု တပ်ရင်းမှူး ဗိုလ်နေ၀င်း နှင့် တွေ့ဆုံ ခဲ့သည်။ ပျဉ်းမနားတွင် ယနေ့ ညနေ (၅) နာရီ ခန့်တွင် တရားဟောရန် အစီအစဉ် ရှိသောကြောင့် ဆက်လက် ထွက်ခွာ ခဲ့သည်။

ထိုအချိန်က ပျဉ်းမနားမြို့သည် ဗမာပြည် ကွန်မြူနစ် ပါတီ၏ ဌာနချုပ် အခြေစိုက် ဒေသ ဖြစ်သည်။ ဗကပ များသည် ဖဆပလမှ ခွဲထွက် ခဲ့ပြီး နောက် ဗိုလ်ချုပ် အောင်ဆန်း ၏ လွတ်လပ်ရေး ကြိုးပမ်းမှုကို ပြင်းပြင်း ထန်ထန် ဆန့်ကျင် တိုက်ခိုက် နေကြသည်။ ရဲဘော် သုံးကျိပ်ဝင် ဗိုလ်တာရာ သည် ဗမာပြည် ကွန်မြူနစ် ပါတီ တောမခိုခင် ကပင် ပျဉ်းမနား မြို့နယ် တ၀ိုက်၌ ကြိုတင် လှုပ်ရှား နေသည်။ သူက ဗကပ ၏ တပ်နီ ဗိုလ်ချုပ် တာဝန် ယူထားသူ တစ်ဦး ဖြစ်သည်။ ထိုအချိန်က ဗမာ့ သေနတ်ကိုင် တပ်ရင်း (၄) ၏ ဒုတိယ တပ်ရင်းမှူး ဗိုလ်မှူး နေ၀င်း သည် ဗိုလ်ချုပ်၏ ခရီးစဉ် ကို လုံခြုံရေး တာဝန်ယူ ထားရသည်။

ဗမာ့အောင်ဆန်း ( ၁ )

ပြီးခဲ့သည့် ၁၅.၅.၂၀၁၁ ထုတ် မော်နီတာ ဂျာနယ်၊ အတွဲ ( ၁ ) အမှတ် ( ၅၂ ) တွင် ပြန်လည် ဖော်ပြ ပါရှိလာသော စာ ဖြစ်ပါသည်။ အပတ်စဉ် အပိုင်းလိုက် ခွဲပြီး ထုတ်ဝေလျက် ရှိသည်။ ကျနော်က ယင်းမှ တဆင့် အွန်လိုင်း မျက်နှာစာ ပေါ်သို့ ကူးယူ တင်ရှိထားခြင်း ဖြစ်ပါသည်။ တတ်နိုင်သရွေ့လည်း ဗိုလ်ချုပ်နှင့် ပတ်သက် သည်များ စုစည်း တင်ရှိသွားမည် ဖြစ်ပါကြောင်း။

ဇေယျ

……………………………………..

မောင်ထင်၏ ဗမာ့အောင်ဆန်း

ကျွန်တော်သည် ဗိုလ်ချုပ် အောင်ဆန်း နှင့် ငယ်ပေါင်း မဟုတ်။ ကြီးဖော် ဖြစ်သည်။ သူနှင့် ကျွန်တော် နှစ်ဦးသား တစ်ဦးနှင့် တစ်ဦး အသီးအခြား ကြီးပြင်း လာခဲ့ကြသည်။ သူ၏ ရေမြေ နှင့် ကျွန်တော်၏ ရေမြေ တို့ကား တခြားစီ။ ဗိုလ်ချုပ်က သူ မွေးဖွားရာ ဒေသ တစ်ခွင်ကို မြေလတ်ဟု ဆို၏။ သို့သော် ကျွန်တော်တို့ အောက်သား များအဖို့ နတ်မောက် သည်လည်း အညာ ပင်ဖြစ်၏။ အညာ ဒေသ၏ ပထ၀ီ သွင်ပြင် အရ ဗိုလ်ချုပ် ၏ တော၊ တောင်၊စိမ့်၊ စမ်း၊ မြိုင်၊ လျှို စသည့် ပတ်ဝန်းကျင် သြကာသ လောကမှာ ထူးဆန်း ထွေလျာ ပျော်မွေ့ရာ ဖြစ်လိမ့်မည် ဟု ကျွန်တော် ခန့်မှန်းမိ၏။ အကြောင်းသော် မူကား ကျွန်တော် မွေးဖွားရာ အောက်အရပ် မြစ်ဝကျွန်းပေါ် ဒေသ ဟူသည်မှာ ပင်လယ်၊ မြစ်၊ ချောင်း၊ လမုပင်၊ လတာပြင် တို့နှင့်သာ ရှုမျှော်ခင်း ကို တန်ဆာ ဆင်ထား လေရာ မည်သည့် အရပ်ကို ကြည့်ကြည့် ပတ်ဝန်းကျင် သြကာသ လောကကြီးသည် စိမ်းလဲ့သော တောတန်းတည်း ဟူသော မျဉ်းဖြောင့် တစ်ခု ပေါ်၌ အုပ်၍ နေသော မိုးကုပ် စက်ဝိုင်း တစ်ခုမျှသာ ဖြစ်၍ ငြီးငွေ့ဖွယ်ရာ ဖြစ်သောကြောင့်တည်း။

သို့သော် ကောင်းကင်မှ မိုးကုပ် စက်ဝိုင်းနှင့် မြေကြီးမှ တောတန်း ကလေးတို့ နှစ်ဦးသား ဆုံမိကြသည့် ပုံပမာလို သူ၏ ဘ၀ သံသရာ နှင့် ကျွန်တော်၏ ဘ၀ သံသရာ တို့သည် (၁၉၃၂) ခုနှစ် တစ်ဝိုက် ဆီလောက်က တက္ကသိုလ် သမဂ္ဂ ဆံပင်ညှပ်ဆိုင် ၌ ဖူးစာ ဆုံစည်း မိကြလေသည်။ ယင်းသို့လျှင် သူနှင့် ကျွန်တော်မှ ကျောင်းသားကြီး အရွယ်သို့ ရောက်ကြမှပင် အဆွေ ခင်ပွန်း ဖြစ်လေသောကြောင့် ကျွန်တော်တို့ နှစ်ဦးသားကို ကြီးဖော် ဟူ၍ ခေါ်နိုင်ပေသည်။ သို့သော် နှစ်ဦးသားမှာ တစ်ဦး နှင့် တစ်ဦး ခင်မင် ရင်းနှီး လာလေလေ တစ်ဦးပေါ် တစ်ဦး မြုံစေ့စေ့ နိုင်လေလေ ဖြစ်၍ တစ်ခါတရံ ကျွန်တော် ကိုယ်တိုင်က ပင်လျှင် သူ၏ ရင်းနှီးသော မိတ်ဆွေ ဟုတ်ပါလေစ ဟု သံသယ ဖြစ်မိသည်။

အောင်ဆန်း – အက်တလီ စာချုပ် အတွင်းရေး – ( သခင်တင်ဦး )

ရှေးမီ နောက်မီ နိုင်ငံရေး သမား စာရေးဆရာကြီး တစ်ဦး ဖြစ်သော သခင် တင်ဦး သည် ဗိုလ်ချုပ် အောင်ဆန်း နှင့် လက်ပွန်း တတီး နေခဲ့သူ ဖြစ်သည့် အတွက် ဗိုလ်ချုပ်အောင်ဆန်း ချုပ်ဆိုခဲ့သော အောင်ဆန်း အက်တလီစာချုပ်၊ ပင်လုံနှင့် ပတ်သက်၍ မေးမြန်းခဲ့ရာ –

ပင်လုံစာချုပ် နဲ့ ပတ်သက်လို့ မှတ်မိ သလောက် ဆိုရင် ပင်လုံစာချုပ် ချုပ်တုန်း ကတော့ အဘ မပါဘူး။ အဲ့ဒီတုန်းက အဘတို့က ရန်ကုန်မှာ နေတာ။ အဲ့ဒါနဲ့ ပတ်သက်ပြီး ပြောရရင် မြန်မာပြည်မှာ တိုင်းပြည်ကို တစ်တိုင်းပြည်လုံး စည်းရုံးတဲ့ ခေါင်းဆောင်တွေ ပေါ်ခဲ့တယ်။ အနော်ရထာ၊ ဘုရင့်နောင်၊ အလောင်းဘုရား။ အဲ့လို ပုဂ္ဂိုလ်တွေ ပေါ်လာပြီး နောက် ဗိုလ်ချုပ်အောင်ဆန်း တစ်ယောက် တိုင်းပြည် စည်းရုံးဖို့ အတွက် ပေါ်လာတယ်။ ရာဇ၀င်ကို ကြည့်လိုက်ရင် ဗိုလ်ချုပ်အောင်ဆန်းဟာ ရှေးရှေးက ခေါင်းဆောင်တွေ ထက် ပင်ပင်ပန်းပန်း နဲ့ ရှေ့ရေး မြင်ပြီးတော့ ဆောင်ရွက်နိုင်တယ် ဆိုတာ ထင်ရှားတာ တော်တော်ကို ချီးကျူး စရာ ကောင်းတဲ့ ဗိုလ်ချုပ် အောင်ဆန်းပါ။

ဒီ့ပြင် ပုဂ္ဂိုလ်တွေ တုန်းက အခုလို တစ်တိုင်း တစ်ပြည်လုံး သူများ လက်အောက် ကနေ ပြီးတော့ ကယ်တင်ဖို့ တိုက်ခိုက်ဖို့ မပါခဲ့ဘူး။ ဗိုလ်ချုပ်အောင်ဆန်း လက်ထက် ရောက်တော့မှ တစ်တိုင်းပြည်လုံး အင်္ဂလိပ်ရဲ့ ကျွန် ဖြစ်နေတာကို ကယ်တင်ဖို့ ပေါ်လာတယ်။ ပြီးလည်း ပြီးရော တစ်တိုင်း တစ်ပြည်လုံး လူမျိုးစုတွေ ကွဲပြီးတော့ နေတာကို ဗိုလ်ချုပ်အောင်ဆန်းက အကုန်လုံးကို ညီညွတ်အောင် လိုက်ပြီး စည်းရုံးနိုင်တာ သိပ်အံ့သြစရာ ကောင်းတယ်။ သူ့ အသက်အရွယ်နဲ့ ယှဉ်လိုက်ရင် ဗိုလ်ချုပ် အောင်ဆန်းက အဲ့ဒီတုန်းက အသက် (၃၀) ကျော် အရွယ်ပဲ ရှိသေးတာ။ အဲဒီအရွယ် နဲ့ တစ်တိုင်းပြည်လုံး မှာ ရှိနေတဲ့ လူမျိုးစုတွေ အားလုံးကို ညီညီညွတ်ညွတ်နဲ့ အကုန်လုံး ညီညွတ်အောင် လုပ်တာ တကယ် ချီးကျူးစရာ ကောင်းတယ်။ အဲ့လို ချီးကျူးစရာ ကောင်းအောင် ဗိုလ်ချုပ် အောင်ဆန်း လုပ်နေတုန်းကို အင်္ဂလိပ် အစိုးရက ပြည်ထောင်စုသား တွေကို အကုန် လုံးခွဲ ထုတ်ဖို့ အတွက် နောက်က လိုက်ပြီး နှောင့် ယှက်သေးတယ်။

ငရဲခွေးကြီးအကြောင်း ( ကောက်နှုတ်ချက် )

အိုးဝေ ဦးညိုမြ၏ ကိုယ်တိုင်ရေး အတ္ထုပ္ပတ္တိ အကျဉ်းချုပ်မှ ကောက်နုတ်ချက်

- အိုးဝေ စိန်ရတု ၇၅ နှစ်ပြည့် -

(၁၉၃၅) ခုနှစ်တွင် ကိုအောင်ဆန်းက တက္ကသိုလ် သမဂ္ဂ အဖွဲ့၌ အယ်ဒီတာ လုပ်ရန် ကျွန်တော့်ထံ လာရောက် စည်းရုံး၏။ ကျွန်တော်က အိုင်အေ မအောင်သေး၍ ထိုနှစ် အဖို့ သူပင် အယ်ဒီတာ လုပ်ပါ။ ရှေ့နှစ်ခါမှ လုပ်ပါရစေ ဟု အပေးအယူ မျှတ သွား၏။ ထိုသို့ သူနှင့် ကျွန်တော် ပူးတွဲ မိရာမှ သမဂ္ဂ မဂ္ဂဇင်း၌ (ငရဲခွေးကြီး လွတ်ပြေး နေပြီ) ဟူသော ဆောင်းပါး ပါရှိကာ မဂ္ဂဇင်း ထွက်ပေါ်ချိန်၌ (၁၉၃၆)ခု၊ ရန်ကုန် တက္ကသိုလ် သပိတ် ဖြစ်ပွားရလေသည်။

ထိုနှစ်က ကျောင်းသား လောကတွင် လှုပ်ရှားမှုများ ရှိရာ သခင်တို့၏ နိုင်ငံရေး လှုံ့ဆော်မှု များလည်း ရှိ၏။ တက္ကသိုလ်၌ လည်း အလိုတော်ရိ ကျောင်းသားများ နှင့် သမဂ္ဂ အုပ်စု တို့၏ ပဋိပက္ခ များလည်း ရှိ၏။ ကျောင်းတက်ချိန်၌ တက်သူ၊ မတက်သူများ နာမည် ခေါ်ချိန်တွင် အင်္ဂလိပ်လို Present, Sir. (ရှိပါသည် ခင်ဗျား) ဟု ဆိုရမြဲ ဖြစ်ရာ ကျောင်းသား တစ်ဦးက ( Sir -ဆာ) ဟူသော စကားလုံးကို ချန်လှပ် ခဲ့သည် ဆိုကာ ကျောင်းထုတ်၏။ ထို့နောက် ကောလိပ်ကျောင်း၌ ကြေညာချက်များ ကပ်ထားသော သင်ပုန်းမှ စက္ကူကို ဖြုတ်သည် ဆိုသော ကျောင်းသား ကိုလည်း ကျောင်းထုတ် ပစ်ပြန်၏။ ကျောင်းလခ ပေးရန် နောက်ကျသူများ အတွက် အလိုတော်ရိ အုပ်စုဝင် မဟုတ်လျှင် ဒဏ်ရိုက် ခံရ၏။ ထိုနှစ်က သမဂ္ဂ ဥက္ကဋ္ဌမှာ ဦးနု ဖြစ်လေသည်။ သူ့ကိုလည်း နိုင်ငံရေး မိန့်ခွန်းများ ဟောပြောသည် ဆိုကာ ကျောင်းထုတ် ပြန်၏။ အကြောင်းကြောင်း ကြောင့် ကျောင်းထုတ် ခံရသူများ များပြားလာရာ ဥက္ကဋ္ဌ ကိုနုကို ထုတ်ခြင်းဖြင့် ကျောင်းသား သမဂ္ဂကို ဖိနှိပ်လိုကြောင်း ထင်ရှား လာတော့၏။

ဤတွင် သမဂ္ဂ အာဘော် ဖြစ်သော အိုးဝေမဂ္ဂဇင်း၌ တာဝန်ခံ ထုတ်လုပ်သူ များမှာ ကိုအောင်ဆန်းနှင့် ကျွန်တော် ဖြစ်နေ၏။ သမဂ္ဂ၏ ပြန်ကြားရေး တာဝန်ကို ထမ်းဆောင် ရသူများ ဖြစ်၍ သူနှင့် ကျွန်တော့် အနေဖြင့် တစ်နည်းတစ်ဖုံ ထိရောက်စွာ တုံ့ပြန်ရန်မှာ ရှောင်လွှဲ၍ မဖြစ် တော့ချေ။ စာပေ အရေးအသား၌ ကိုအောင်ဆန်းက ကျွန်တော့်ကို အားကိုးသည် ဖြစ်၍ ထို “ငရဲခွေးစာပေ”ကို ကျွန်တော်ပင် ရေးသား ပါသည်။ ထိုစာကို ရေးသားရာ၌ မည်သူ့ကိုမျှ မတိုင်ပင်ဘဲ သန်းခေါင် အချိန် ကျွန်တော်၏ သထုံ ဆောင် အခန်း၌ တံခါးပိတ် ရေးသား ခဲ့သည်။

ဦးနုပြောတဲ့ ဦးအောင်ဆန်း

U Aung San

မော်နီတာ – မှာ ဆရာ မောင်ဆန်းကြယ် ဘာသာပြန် ထားတာ ဖြစ်ပါတယ်။
…………………………………………

(၁၉၃၄-၃၅) ပညာသင်နှစ်ထဲ ရန်ကုန် တက္ကသိုလ်မှာ ကိုအောင်ဆန်း ကို ကျွန်တော် ပထမဆုံး တွေ့ဖူးတာ။ သူက အင်တာ မီဒီယိတ် ကျောင်းသား။ ကျွန်တော် ကတော့ တက္ကသိုလ်ကို တတိယ အကြိမ် ပြန်ရောက် လာပြီး ဥပဒေတန်း တက်နေတယ်။ ခုလန်ဒန်မှာ AFPEL ကိုယ်စားလှယ် လုပ်နေတဲ့ ကိုအုန်းက ကျောင်းသား သုံးယောက်နဲ့ တွေ့ဖို့ ကျွန်တော့်ကို တိုက်တွန်းတယ်။ ဒီသုံးယောက်က မြန်မာ့သမိုင်းမှာ ဧရာမ ပြယုဂ်ကြီးတွေ ဖြစ်လာမယ် လို့ သူက တွေ့ရှိ ထားတယ်။ အဲဒီ သုံးယောက်ထဲမှာ ကိုအောင်ဆန်းက တစ်ယောက် အပါအ၀င်။ ကျန်တဲ့ နှစ်ယောက်ကတော့ ပြည်ထဲရေး ၀န်ကြီး ကိုကျော်ငြိမ်းနဲ့ တက်ဘုန်းကြီး စာအုပ်ရေးလို့ တက်ဘုန်းကြီး လို့ နာမည် ကျော်လာတဲ့ ကိုသိန်းဖေ။ ကိုအောင်ဆန်း ရဲ့ ကိုယ်ရည် ကိုယ်သွေး ကတော့ ပြိုင်ဘက် ကင်းပါပဲ။

သူက စကား နည်းတယ်။ ကျွန်တော်နဲ့ စတွေ့တွေ့ ချင်းတောင် လှိုက်လှိုက်လှဲလှဲ ပျူပျူငှာငှာ ပြောဆိုတာမျိုး မရှိဘူး။ သူ့ကို ကျွန်တော်က လူ့ခွစာ လို့ပဲ ထင်လိုက်တယ်။ ကိုကျော်ငြိမ်း၊ ကိုသိန်းဖေ၊ ကိုအုန်းနဲ့ ကျွန်တော်တို့ ကတော့ ရင်းနှီး ကျွမ်းဝင်တဲ့ မိတ်ဆွေတွေ ဖြစ်လာ ကြတယ်။ လမ်းတွေ့ရင် သဲလှိုက်၊ အူလှိုက် နှုတ်ဆက်ကြတယ်။ ကိုအောင်ဆန်း ကတော့ အဲသလိုမျိုး မဟုတ်ဘူး။ လမ်းတွေ့လည်း နှုတ်ဆက်ချင် မှ နှုတ်ဆက်တာ။ တစ်ခါတလေ ကျွန်တော်တို့ဆီ ရောက်လာ တတ်ပြီး သူ့ကို ပြောစရာရှိရင် ပြောဖို့ ဖိတ်တယ်။

သူနဲ့ တော်တော် ရင်းနှီး လာတော့မှ သူ့အကြောင်းကို နားလည် သဘောပေါက်လာတယ်။ သူက အလဟဿ အလာပသလ္လာပတေ ပြောတာမျိုးတွေ၊ လူမှုရေးအရ အပေါ်ယံ နှုတ်ဆက် ပြောတာမျိုးတွေနဲ့ အချိန်ဖြုန်း နေတာတွေကို မယုံကြည်ဘူး။ တကယ့်ကို ရင်ဘတ်နဲ့ ပေါင်းသင်း ဆက်ဆံတာမှ လိုအပ်တာကို ကူညီ လုပ်ကိုင်ပေးနိုင်တယ် လို့ ယုံကြည်ထားတာ။ မိတ်ဆွေဆိုတာအချင်းချင်း ရင်ဘတ်ချင်းအပ်ပြီး လိုအပ်တာကို ပွင့်ပွင့်လင်းလင်းရှင်းပြနိုင်ရမယ်လို့ ယုံကြည်ထားတယ်။ သူက အပေါင်းအသင်း လုပ်လို့ မရတဲ့ လူမျိုး မဟုတ်ဘူး။ ကဖျက်ကယက် လုပ်တဲ့လူမျိုး မဟုတ်ဘူး။ သူက တိကျတယ်။ ပြတ်သားတယ်။ မှန်တယ်။

အဖွဲ့ အနေနဲ့ ကတော့ (၁၉၃၅-၃၆) ပညာသင်နှစ်၊ ရန်ကုန် တက္ကသိုလ် ကျောင်းသား သမဂ္ဂ အမှုဆောင် ရွေးကောက်ပွဲ အတွက် ကျွန်တော်တို့တွေ တစ်ဦးနဲ့ တစ်ဦး ဆက်သွယ် ကြရတယ်။ ကိုအောင်ဆန်း၊ ကိုကျော်ငြိမ်း၊ ကိုသိန်းဖေ တို့က အကြံပေးလို့ ကျွန်တော်က ဥက္ကဋ္ဌ နေရာ ကနေ အရွေးခံတယ်။ ကိုအောင်ဆန်း၊ ကိုကျော်ငြိမ်း၊ ကိုသိန်းဖေနဲ့ မစ္စတာ ရာရှစ် တို့ကတော့ အဖွဲ့ဝင်တွေပေ့ါ။ ကျွန်တော်တို့ အနိုင်ရတယ်။ ကျွန်တော်တို့ တွေ သမဂ္ဂမှာ စလုပ်တာနဲ့ သမဂ္ဂ အလုပ် တွေကို တက်တက်ကြွကြွ သူ့ထက် အရင် အောင်အောင်မြင်မြင် ဆောင်ရွက် ကြတယ်။ အဲဒီနှစ်မှာပဲ ကျောင်းသား သပိတ်ကြီး ပေါ်ပေါက် လာတယ်။ အဲဒီတုန်းက ယေဘုယျ အားနဲ့ ကျွန်တော် ယုံကြည်ထားတာ ကတော့

ရန်ကုန်မှာ ဒေတာ၊ ဘာဘာညာညာ

ဒီစနေနဲ့ တနင်္ဂနွေ ( ၂၀၁၁ ခုနှစ် ဖေဖော်ဝါရီလ ၁၉ နဲ့ ၂၀ ( စနေနဲ့ တနင်္ဂနွေ ) ) ဒီနှစ်ရက်- ရန်ကုန် MICT မှာ ပွဲတစ်ပွဲ လုပ်ပါတယ်။ဘားကန့် တဲ့ IT နည်းပညာများ ဖလှယ်တဲ့ပွဲလို့လဲ ခေါ်နိုင်မလားပဲ။ သိချင်သူတွေ အိုင်တီကို စိတ်ဝင်စားသူတွေ လာကြတယ်။ လူငယ် ၊ လူကြီး၊ သတင်းစာ ဂျာနယ်လစ်တွေ လည်း ပါမယ်။ အိုင်တီနဲ့ စီးပွားရေး လုပ်နေတဲ့သူများလည်း လာတယ်။ လာရောက်ကြသူတွေလဲ များပါတယ်။ အယောက် ၃၆၁၄ တက်ပါသတဲ့။ Register က နေ သိရသလောက်  ပြော ပါတယ်။  ( ပြီးခဲ့တဲ့ မန္တလေးက ပိုများတယ် လို့လည်း ပြောသေးတယ်။ )

IT ရန်ကုန် ဘားကန့်နဲ့ ပတ်သက်လို့ စီစဉ်ပေးသူ ( Organizer ) အယောက်ငါးဆယ်နဲ့ ထောက်ပံ့သူ ( Sponsor ) တွေအနေနဲ့ ဇေကမ္ဘာတို့၊ ကတ်စပါ စကီးတို့ ၊ လင်နိုဗိုတို့ ( ကျန်သေးတယ် ၊) ရှိကြသပေါ့ ။ သတင်းရေးတာ မဟုတ်လို့  အတိအကျ ပြောမနေ တော့ဘူး ဗျာ။ ပြောချင် တာက ဒီအိုင်တီပွဲမှာ ဘာလုပ်လဲ ။ ဒီကနေ ဘာမြင်ဖြစ်လိုက်လဲ ။  အဲ့ဒါပါ။