Embodying the Tao : 1st verse of Tao Teh Ching

ဤစာ၏ ရည်ရွယ်ရင်းမှာ — အတွေးအမြင်အနေအားဖြင့် ဘ၀လမ်းအတွင်း ငြိမ်းအေးစေနိုင်ဖို့ရန်သာ ရည်ရွယ်ပါသည်။
ကျနော်လွန်ခဲ့သော ငါးနှစ်အကျော်ကာလကတည်းက တမ်းတခဲ့သော ရည်ရွယ်ချက်ကလေးတစ်ခုကို ကြိုးစားကြည့်ချင်စိတ်ဖြစ်လာမိသောကြောင့်ဖြစ်သည်။

( အောက်ပါစာတို့တွင် ထေရ၀ါဒ ဟူသောစကားလုံးကို အနည်းငယ် သုံးစွဲပါလိမ့်မည်။ ယင်းအသုံးအနှံးကို အသုံးပြုရခြင်းမှာ သက်ဆိုင်ရာနေရာ၌
သုံးသောအမြင်တို့သည်
ကျနော့်အနေဖြင့် ထေရ၀ါဒဗုဒ္ဓဘာသာမှဖြစ်သည် ဟု အယူရှိသောကြောင့်ဖြစ်ပါသည်။ ကျနော်၏ အယူမှားခဲ့သည်ရှိသော် ကျနော်၏တာဝန်သာဖြစ်ပြီး။တကယ့်အစစ်အမှန်ရှိသော ထေရ၀ါဒဗုဒ္ဓဘာသာနှင့် မည်သို့မှ သက်ဆိုင်မှုမရှိကြောင်း နားလည်ပေးစေလိုသည်။)

ထေရ၀ါဒဗုဒ္ဓဘာသာနှင့် ယှဉ်ထိုး၍ ဖြစ်စေ၊ ယှဉ်ပြိုင်၍ဖြစ်စေ၊ ဆက်နွယ်၍ဖြစ်စေ ပြဆိုတတ်ကြသည်မှာ အများအားဖြင့် အိန္ဒိယ မှ စင်ပြိုင်ဝါဒများဖြစ်ကြသော ဂျိန်း၊ သချာင်္ဒဿန၊ ဝေဒန္တစသည်တို့နှင့်သာ
ယှဉ်တွဲဖော်ပြတတ်ကြပါသည်..။ယင်းတို့မှ လွဲလျင် တရုတ်မှ မဟာယာန၊ ဂျပန်ပြည်မှ ဇင်( ဈာန်)ဗုဒ္ဓဘာသာ တို့ဖြင့်နှိုင်းယှဉ်ပြတတ်ကြသည်ကိုတွေ့ခဲ့ရဖူးပါသည်…။ကျနော်ယခုရေးလိုသော တာအိုဘာသာနှင့်တွဲယှဉ်၍ ဖော်ပြတတ်ကြသောစာရွက်စာတမ်းများကား မရှိသလောက်နည်းပါးသည်။ မရှိမဟုတ် ၊ ရှိသော်လည်း ရှားပါးလှသည်။( အခြားဘာသာစကားများဖြင့်မူ အများအပြားရှိပါသည်။ သို့သော် ၎င်းစာရေးသူများသည် ထေရ၀ါဒဗုဒ္ဓဘာသာကိုထဲထဲ ၀င်ဝင် မသိဘဲ သမိုင်းအထောက်အထား အချက်အလက် ၊ကျမ်းကိုး ကျမ်းစာတစ်ပိုဒ်မျှဖြင့် ဝေဖန်ရေးသားနေကြသည် ဟု ထင်သည် ။)..မြန်မာဘာသာဖြင့် သိသာထင်ရှားစွာရှိသော စာမှာ ဆရာသက်လုံ၏ စေ့ထားသော တံခါးများအတွဲ(၁)နှင့်အတွဲ (၂ ) ဖြစ်ပါသည်။ သို့သော် ၄င်းတွင်မူ ထေရ၀ါဒဟူသောအမြင်ထက်
. ဝေဒအမြင်နှင့်လည်းကောင်း ၊ စိတ်ပညာအမြင်နှင့်လည်းကောင်း တင်ပြထားသည်ဟု
ကျနော်မှတ်ယူထားပါသည်။ ကျနော့အနေဖြင့်လည်း ဆရာသက်လုံသည်သာ
သက်ရှိထင်ရှားရှိနေသေးလျင် သိချင်လှသောမေးခွန်းများ မေးရန်
ကျန်ရှိနေပါသေးသည်။

တာအိုဘာသာသည် မူရင်းအားဖြင့် ဘာသာရေးတစ်ခုမဟုတ်ပေ။အတွေးအမြင်စာစုသက်သက်သာဖြစ်ပြီး…နောက်ပိုင်းမှသာ ဘာသာတစ်ခုအဖြစ်သဘောထားလာကြခြင်းဖြစ်သည်ဟုဆိုပါသည်။ ဗုဒ္ဓဘာသာတွင် ပိဋကတ်သုံးပုံ၊ ခရစ်ယာန်ဘာသာတွင် သမ္မာကျမ်းစာ၊ မွတ်ဆလင်ဘာသာတွင်
ကိုအာရ် ကျမ်းစာ စသည်အသီးသီး ရှိသကဲ့သို့ – ယခု တာအိုဘာသာတွင်လည်း ကျမ်းစာရှိပါသည် ။လေ့လာကြသော ဆရာ့ဆရာ သုတေသီများ၏ အဆိုအရ –
ယင်းကျမ်းသည် ကမ္ဘာ့ဒဿန စာပေနယ်တွင် အသေးငယ်ဆုံးသောကျမ်းတစ်စောင်ဖြစ်သည် ဟု သိရသည်။အပိုဒ်ရေ ၈၁ ပိုဒ် ပါဝင်ပြီး တရုတ်ဘာသာဖြင့် အပြည့်အစုံဖော်ပြလျင် ယနေ့ခေတ်တရုတ်သတင်းစာ စာမျက်နှာ တစ်မျက်နှာတည်းနှင့်ပင် ဖော်ပြနိုင်သည် ဟု အဆိုရှိသည်။ ပသို့ဆိုစေ… ဤကျမ်းနှင့် ပတ်သက်၍ ဖွင့်ဆိုကြသော ဋီကာများ ..အင်္ဂလိပ်ဘာသာ ၊တရုတ်ဘာသာတို့ဖြင့် အများအပြားရှိနေဆဲဖြစ်သည်။
ယင်းအတွက် နှစ်ခြိုက်သောသူများရှိနိုင်သလို မနှစ်ခြိုက်သောသူများလည်း ရှိနိုင်ပါသည်။ အယူဝါဒတစ်ခုအတွက် လူသားတိုင်းလွတ်လပ်စွာ စဉ်းစား လက်ခံ( သို့မဟုတ် ) ပယ်ချနိုင်ခွင့်ရှိပါသည်။
လိုအပ်သော အတွေးပိုင်းလောက်ကို သာ တင်ပြလိုသော ဆန္ဒကြောင့် ဤကျမ်း၏ သမိုင်းနှင့်တကွ …အချီးနိဒါန်းကို ပယ်လှပ်ထားခဲ့ပါမည်။

အပိုဒ် (၁)

ပြောဟောပြရုံမျှဖြင့် ပြီးပြည့်စုံသွားသော ဓမ္မသည်
မှန်ကန်သော ဓမ္မတရား မဟုတ်ချေ။
အမည်နာမ တပ်စွဲခေါ်ဝေါ်ထားသော အမည်နာမသည်လည်း
အမည်နာမ အစစ်မဟုတ်ချေ။

ယင်းကိုသဘောပေါက်နားလည်လျက်-
အမည်နာမ မတပ်စွဲခြင်းသည်
ကောင်းကင်နှင့် မြေပထ၀ီတို့၏ အစဖြစ်လာ၏။

ယင်းကို သဘောပေါက်နားလည်လျက်-
အမည်နာမ တပ်စွဲခြင်းသည်
လောက သုံးပါး၏ မိခင်ဖြစ်လာ၏ ။

အလိုဆန္ဒထာဝရကင်းမဲ့ခြင်းဖြင့် အရာအားလုံးကို ရှာတွေ့နိုင်၏။
လျို့ ၀ှက်သော နက်နဲမှုဖြင့် အားလုံးကို ကြားနိုင်၏ ။
သို့သော်
အလိုရမ္မက်ဖြင့်ကြည့်လျင်ကား
အရာရာ၏ ပြင်ပ အသွင်သဏ္ဍာန်ကို မြင်ရ၏။

ဤသဘောနှစ်ဘက်သည် အမှန်စင်စစ် တူညီပြီး
ဖြစ်ပေါ်ရာကို မူတည်၍ကား ကွဲပြားနေရခြင်းဖြစ်၏။
ယင်းတို့ကို ပေါင်းစည်း၍ နက်နဲမှု ဟုခေါ်ဆိုနိုင်ပါသည်။
နက်နဲမှု၏ အနက်နဲဆုံးသည် နူးညံ့အံ့ဩဖွယ်သော အရာတို့၏ တံခါးဝ ပင် ဖြစ်၏။

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: