ခေါင်းဆောင်ကောင်းနှင့် စိတ်အခံ

ကျနော့သူငယ်ချင်းတစ်ယောက်က ဆရာနေဇင်လတ် စာအုပ်တွေ တော်တော်ကြိုက်တယ်။ အရူးအမူးဖြစ်တာလား တကယ်ပဲ ကြိုက်လို့ လေးစားလို့လားတော့မသိဘူး ။သူ့စာအုပ်တွေ ဆို …လိုချင်သတဲ့။ ပူဆာနေတတ်တယ် ။ အွန်လိုင်းပေါ်က ဟိုတစ်စ ဒီတစ်စလေးတွေ လဲ သိမ်းထားတတ်သေးတယ်။
နောင်ကို နေဇင်လတ် စာပေါင်းချုပ်ဆိုပြီး သူဦးစီးပြီး ထုတ်မလို့ ထင်တယ်။ ထားတော့..။

အွန်လိုင်းပေါ်မှာက နေဇင်လတ် စာအုပ် e-book မရှိဘူးလို့ ပြောတယ်။ ရှိတော့ရှိမယ် များများစားစားမရှိတာလဲ ဖြစ်နိုင်တယ်။

အခု သူ့အတွက် ။ ကျနော် ဒီလ the Waves မဂ္ဂဇင်း ၀ယ်ဖြစ်တော့ နေဇင်လတ်ဆောင်းပါးလေး တွေ့ပြီး ဒီကောင်ကြီးကို သတိရသွားလို့။ မဂ္ဂဇင်းမှာသာ ပါထားလို့… စလုံးမှာ စာငတ်နေရရှာတဲ့ အဲ့ဒီ ကျနော့ကောင်ကြီး အတွက် အဲ့ဒီစာကို ကူးရေးပေးလိုက်ပါတယ်။ နေဇင်လတ် စာပေါင်းချုပ်ကြီး ချောမော အောင်မြင်စွာ ပြီးစီးပါစေ သယ်ရင်း …:D
_________________________________

ခေါင်းဆောင်ကောင်းနှင့် စိတ်အခံ

ရှုထောင့်တစ်ခုမှ လေ့လာလျင် လူနှစ်မျိုးကို တွေ့ရသည်။ တက်ကြွမှုမရှိသော (Inactive Person ) လူမျိုးနှင့် တက်ကြွ၍ တုန့်ပြန်မှုရှိသော (Active Person ) ဟူ၍ ဖြစ်သည်။ တက်ကြမှု မရှိသော၊ တုန့်ပြန်မှုမရှိသော သူများအတွက် များစွာ ရေးစရာမရှိ၊ ကျေနပ် ရောင့်ရဲမှု မရှိ သည်လား ၊ လက်ကြောမတင်း သည်လား မပြောတတ်၊ ထိုလူမျိုးတို့ မတိုးတက် မထွန်းကား သည် မှာလည်း အဆန်းတကြယ် တော့ မဟုတ်ချေ။ တိုးတက်လိုစ်ိတ် အမှန်တကယ်ရှိသူ သည် တက်ကြွစိတ်၊ တုန့်ပြန်စိတ် တစ်စုံတစ်ရာ အားကောင်းစွာ ရှိရမည်သာ ဖြစ်သည်။ ဤအရည်အချင်းက အခြေခံတွန်းအား တစ်ခု ဖြစ်သည်။

တက်ကြွ၍ တုန့်ပြန်မှု ရှိသော လူမျိုးမှာပင် နှစ်ပိုင်း၊ နှစ်မျိုး အနည်းဆုံး ထပ်မံ ခွဲထုတ်ပါသေးသည်။ တစ်မျိုးမှာ Reactive ဖြစ်သောသူနှင့် နောက်တစ်မျိုးမှာ Proactive ဖြစ်သောသူ ဟူ၍ ဖြစ်သည်။ Reactive ကို Acting in response to a situation rather than creating or controlling it ဟု အဓိပ္ပါယ် ဖွင့်ဆိုသည်။ သက်ရောက်မှု တစ်စုံတစ်ရာ ရှိလျင် ပြန်လည် တုန့်ပြန်ကြသူများ ဖြစ်သည်။ သက်ရောက်မှု မရှိလျင် အခြေအနေ တစ်ရပ်ရပ်က ဖန်တီးမပေးလျင် ထိုသူမျိုးတို့ တွင် တုန့်ပြန်အား မကောင်းကြ။ Reactive ဖြစ်သောသူများသည် ကိုယ်တိုင် စတင်၍ တီထွင် ကြံဆ ဆောင်ရွက်ခြင်း မျိုး မပြုကြချေ။ မည်သို့ဆိုစေ Inactive ဆိုသော လူတန်းစား ထက်စာလျင် တစ်စုံ တစ်ရာ အရည်အသွေး ရှိကြသူများ ဖြစ်သည်။ သို့သော် ခေါင်းဆောင်ကောင်း များ မဖြစ်နိုင်ကြချေ။ “ဆန်အိုးထဲ ဆန်မရှိမှ အလုပ်လုပ်ကြသူများ” နှင့် သဏ္ဍာန်တူသည်။

နောက်တစ်မျိုးမှာ Proactive သမားများ ဖြစ်ကြသည်။ “Creating or controlling a situation rather than just responding to it” ၊ ထိုသူများသည် သက်ရောက်မှု တစ်ခု အပေါ်တွင်သာ တုန့်ပြန်တတ်ကြသူများ မဟုတ်ဘဲ ကိုယ်တိုင် တီထွင်မှု၊ ကိုယ်တိုင် စတင် လုပ်ဆောင်မှု ဖြင့် အခြေအနေ တစ်ရပ်ကို ထိန်းချုပ်နိုင်ကြသူများ ဖြစ်သည်။

ခေါင်းဆောင်တိုင်း ခေါင်းဆောင်ကောင်းမဟုတ်

နောက်လိုက် အနည်းငယ် ရှိလျင် ခေါင်းဆောင်ဖြစ်သည်။ သို့သော်လည်း ခေါင်းဆောင်တိုင်း ခေါင်းဆောင်ကောင်းတော့ မဟုတ်ကြချေ၊ သာမာန်ခေါင်းဆောင်များ နှင့် ထူးချွန်သော ခေါင်းဆောင်တို့၏ ဦးဆောင်မှု အရည်အချင်း များစွာ ကွဲပြားပါ သည်။ သမားရိုးကျ ခေါင်းဆောင် “Transactional Leader”သည် သာမာန် နိစ္စဓူဝကို စီမံခန့်ခွဲခြင်းထက် များစွာ မပို၊ ရ လာဒ်ကောင်းများကို ကောင်းစွာ ဆောင်ကြဉ်းရေး ထက် အလုပ်ကိစ္စများ ပြီးမြောက်ရေးကိုသာ ဆောင်ရွက်နိုင်ကြသူ များ ဖြစ်သည်။ကျွမ်းကျင်မှု ( Skill ) ပေါ်သာ အခြေခံလေ့ရှိကြပြီး အယူအဆ၊ သဘောတရားရေးရာ၊ အနာဂတ်အမြင်များ တွင် တစ်စုံတစ်ရာ အားနည်း တတ်သည်။ သာမန်စီစဉ်မှု ( Planning ) ဖြင့်သာ ကျေနပ်ကြသူများ ဖြစ်သည်။

ထိရောက် စွမ်းရည်ရှိ ခေါင်းဆောင်များ (Effective Leaders) သည် ခေါင်းဆောင်ကောင်းများ ဖြစ်ခွင့် ရှိသူများ ဖြစ်သည်။ ရလဒ် ပေါ် အခြေခံသည်။ အနာဂတ် အမြင် ( Vision ) နှင့် အယူအဆ သဘောတရား ( Concept ) ပေါ်တွင် အားပြုကြ သူများ ဖြစ်သည်။ သာမာန် အစီအစဉ် ( Planning ) များထက် မဟာဗျူဟာ အစီအစဉ် ( Strategic Planning ) များကို စိတ်ထက်သန် ကြသူများဖြစ်သည်။ အနီးအနာဂတ်ထက် အဝေး အနာဂတ် ( Far Future ) ကို မျော်မှန်း ဆောင်ရွက်နိုင် ကြ သည်။ လိုအပ်ပါက အသွင်ကူးပြောင်း ( Transformation ) နိုင်စွမ်း ရှိကြသည်။

အပြောင်းအလဲမြန်ဆန်၍ ပြိုင်ဆိုင်မှု ပြင်းထန်သော မျက်မှောက်ကာလ သည် သာမန် ခေါင်းဆောင်များ အတွက် နေရာ ကျဉ်းမြောင်း လာပြီဖြစ်သည်။ ထိရောက်စွမ်းရည် မြင့် ခေါင်းဆောင်များ၏ ခေတ်ဖြစ်လာပြီး မည်သည့်ခေါင်းဆောင်က မည်မျှ ဝေးဝေးမြင်နိုင်သည်။ မည်သည့်ရလာဒ် ကောင်းများ ရရှိအောင် စွမ်းဆောင်နိုင်သည်။ မည်သို့သော စိန်ခေါ်မှုများကို ကျော်လွှား နိုင်စွမ်း ရှိသည် ဟူသော အရည်အချင်းများဖြင့် တိုင်းတာ ခံနေကြရပါသည်။

စိတ်စရိုက်

ခေါင်းဆောင်များ၏ စိတ်အခြေအနေသည် မူလဘူတကျပြီး သူတို့၏ Mind Set သဘောထား၊ စိတ်စရိုက်သည် ခေါင်းဆောင်များကို ကောင်းစွာ ခွဲခြား ပေးလိုက် သော အကြောင်းအရာ တစ်ခု ဖြစ်သည်ဟု ကျွမ်းကျင်သူများက ဖော်ထုတ်ခဲ့ကြသည်။

ပုံတွင် ခေါင်းဆောင်များ ဖြစ်ကြသော မန်နေဂျာများ၏ မတူသော စိတ်စရိုက်နှစ်ခုကို သုတေသန ပြုဖော်ပြပေးထားသည်။ ပုံတွင် အဆိုး သံသရာ(Vicious Cycle) တွင်း မထွက်နိုင်သော ပုံသေသဘောထားရှိ (Fixed Mindset)သမား မန်နေဂျာ ( ခေါင်းဆောင်ငယ် ) တစ်ဦးနှင့် အကောင်းသံသရာ ( Virtuous Cycle )တွင်း အကျိုး တစ်စုံတစ်ရာ ရရှိနိုင်သော တိုးတက်စိတ်ထား ( Growth Mindset ) နှစ်မျိုးတို့၏ ကွာခြားပုံကို နှိုင်းယှဉ်ဖော်ပြထားသည်။ အဆိုးသံသရာတွင် ပုံသေ သဘောထား ရှိသူတစ်ဦး၏ အရည်အချင်း သည် ပြောင်းလဲ နိုင်စွမ်း မရှိ( Immutable ) ချေ။ ဆိုလိုသည်မှာ ပိုမို တိုးတက် သော အရည်အချင်းကို လက်ခံနိုင်စွမ်း မရှိခြင်း ဖြစ်သည်။ ထိုသူတို့၏ ရှုမြင်ပုံ ( Outlook )မှာ ဘ၀ကို စမ်းသပ်မှု တစ်ခုဟု ခံယူပြီး ခက်ခဲသော အရာများ ၊ ရူးသွပ်သည်ဟု ယူဆသော အရာများကို ရှောင်ရှားလေ့ ရှိကြသည်။

A Matter of Mindset

မရေရာ မသေချာမှုများ (Uncertainty)နှင့် ရင်ဆိုင်ရသောအခါ ရွံကြောက်လေ့ရှိကြပြီး တတ်နိုင်လျင် ရှောင်ရှားလေ့ ရှိကြသည်။ စိန်ခေါ်မှုများကို ရင်ဆိုင်ရခြင်း သည် မရေရာမသေချာမှုတစ်ခုဟု ခံယူထားတတ်ကြသူများလည်း ဖြစ်သည်။ အတွေ့အကြုံအသစ် ( New Experience )များကို ရယူလိုသူများ မဟုတ်။ ရှောင်ဖယ် လေ့ရှိသူများ ဖြစ်သည်။ ဤတွင် တိုက်ရိုက်အချိုးကျသော သင်ခန်းစာ တစ်ခု ရှိသည်။ သာမာန် အရောင်းကို ဈေးဆိုင်များတွင်သာ ရောင်းချရာမှ နေ၍ Amazon.com က အင်တာနက်ပေါ်တင် ရောင်းချသော အတွေ့အကြုံသစ်ကို ဖန်တီးလိုက်သည်။ လိုက်ပါနိုင်ကြသော သူတို့က အောင်မြင်သွားကြပြီး Fixed Mindset ရှိသော ကုမ္ပဏီ CEO တစ်ချို့က ဤအတွေ့အကြုံသစ်ကို မရေရာမှု အသွင်ဖြင့် စိုးရွံ့ငြင်းဆို ကြသောကြောင့် မအောင်မြင် ခဲ့ကြသည်များကို တွေ့ရပါသည်။

အတွေ့အကြုံသစ်များကို မရယူသဖြင့် ထိုခေါင်းဆောင်များ၏ အရည်အသွေးဖြစ်သော သိရှိမှု၊ နည်းစနစ်များ ( Repertoire) မှာ အကန့်အသတ်ဖြင့် ကျဉ်းမြောင်း နေရပါသည်။ ဤအကျိုးရလာဒ်က မိမိ၏ ဖောက်သည်များ အကြောင်းကို အချက်အလက် ( Data )အရသာ သိရှိနားလည်နိုင်သူ ဖြစ်စေပါသည်။ ဤမှတစ်ဆင့် တက်သောအခါ ဖွံဖြိ်ုးမှု အခွင့်အလမ်း အသစ်များကို ယေဘုယျ သဘောမျှသာ မြင်တွေ့နိုင်တော့သည်။ အသေအချာ နားလည် သိမြင်မှု မရှိသဖြင့် စွန့်စားမှုတို့ ဆောင်ရွက်ရာတွင် ခွဲခြမ်းစိတ်ဖြာမှု မှ တစ်ဆင့်သာ ဆောင်ရွက်ကြလေ့ ရှိတော့သည် ( Manage risk throught analysis ) ။

ပုံသေ သဘောထား ရှိသူများသည် လုပ်ငန်းဆောင်ရွက်ရာတွင် ကြီးမားသော အလောင်းအစားတစ်ခု အခြေအနေသို့ ရောက်သွားတတ်သည်။ ဖြေးလေးစွာ ဆောင်ရွက်ကြလေ့လည်း ရှိသည်။ ထိုခေါင်းဆောင်တို့၏ လုပ်ရပ်အများစုကို လေ့လာလျင် အခြေအနေသစ်များ၌ မကြခဏ ဆုံးရှုံးတတ်သည် ကို တွေ့ရပေသည်။ ၂၀၀၈ ကမ္ဘာ့စီးပွားပျက်ကပ် ဟူသော အခြေအနေတစ်ရပ်တွင် ကျဆုံးသွားသော ကုမ္ပဏီထောင်ပေါင်းများစွာတို့ကို တွေ့နိုင်၏။ သုတေသန ပြုချက်များအရ ထိုကုမ္ပဏီများ၏ ခေါင်းဆောင်အများစုသည် Fixed Mindset ဖြစ်ကြသူများ ဖြစ်သည်ကို တွေ့ရသည်။

အကောင်းသံသရာမှ တိုးတက်စိတ်ထား ( Growth Mindset ) ရှိသူများ မှာကား Fixed Mindset သမားများနှင့် ဆန့်ကျင်ဘက် ဖြစ်သည်။ ကောင်းသော အကျိုးများကို ခံစားရပြီး ၊ ပင်ကိုယ်အရည်အချင်း တိုးတက်ပြီး လုပ်ငန်းခွင် ရလာဒ် များပါ ကောင်းစွာ တိုးတက်ရှိကြသူများ ဖြစ်သည်။ ထိုသူတို့၏ စွမ်းဆောင် ရည်မှာ လေ့လာချင်စိတ်နှင့် ယှဉ်ပြီး ပျော့ပျောင်း ပုံသွင်းယူနိုင်ကြသူများ ဖြစ်သည်။ ဘ၀ကို ရှုမြင်ရာ၌ ခရီးရှည်တစ်ခုအဖြစ် ရှုမြင်ကြပြီး၊ အမြဲတမ်း လေ့လာ နေရမည်ဟု ခံယူထားကြသည်။ ထို့ကြောင့် မရေရာ မသေချာမှု ( Uncertainty )များကို ရွံကြောက်မှုမရှိဘဲ အေးဆေးတည်ငြိမ်စွာ ရင်ဆိုင် ကျော်ဖြတ် နိုင်ကြသူများ ဖြစ်သည်။ အမြဲတက်ကြွစွာ ရှိနေတတ်ကြပြီး အတွေ့အကြုံသစ်များကို ရှာဖွေလေ့ရှိကြသည်။ ဤရလာဒ်ကြောင့် သူတို့၏ သိရှိတတ်ကျွမ်းမှုများမှာ ပို၍ ကျယ်ပြန့်နက်နဲ လာကြသည်။ ၂၀၀၈ စီးပွားပျက်ကပ်တွင် ကုမ္ပဏီ တော်တော်များများ ကျဆုံးခဲ့သော်လည်း ကုမ္ပဏီတော်တော် များများ မှာ ထိုအခက်အခဲ ကို ကောင်းစွာ ကျော်လွှားနိုင်ခဲ့သည်။ ဦးဆောင်သူ CEO များကို လေ့လာသောအခါ အားလုံးနီးပါးမှာ Growth Mindset ရှိကြသူများ၊ တစ်နည်းဆိုလျင် အခြေအနေ တစ်ရပ်နှင့် လိုက်လျောညီထွေ အသွင် ကူးပြောင်းနိုင်ကြ သော Transformational Leaders များ ဖြစ်ကြသည်ကို တွေ့ရပါသည်။

ဤတိုးတက်စိတ် ထားရှိကြသော ခေါင်းဆောင်တို့သည်သာ မိမိတို့နှင့် ဆက်ဆံနေရသူများ အကြောင်းကို အမှန်စင်စစ် နားလည်ကြသူများ ဖြစ်ပြီး ဖွံ့ဖြိုးမှု အသစ်၏ အခွင့်အလမ်းများကို အမှန်တကယ် တွေ့မြင်သိရှိနိုင်ကြသူများ ဖြစ်သည်။ ထိုသူများ၏ စွန့်စားမှုကို စီမံခန့်ခွဲရာတွင် ပုံသေသဘောထား ရှိသူများကဲ့သို့ အချက်အလက် အပေါ်တွင် အခြေ မခံတော့ဘဲ၊ ၎င်းတို့၏ ဆောင်ရွက်မှုအပေါ်တွင် အခြေခံကာ စွန့်စားမှုများကို စီမံခန့်ခွဲကြသည်။ အသေအချာ သိရှိနားလည်ကြ သူများ ဖြစ်၍ ၎င်းတို့၏ လုပ်ဆောင်ချက်များမှာ လောင်းကစားဆန်ဆန် မကြီးမားတော့ဘဲ၊ လျင်လျင်မြန်မြန် ဆောင်ရွက်နိုင်ကြသူ များ ဖြစ်သည်။

“Who dare wins” ဟူသော စကားတစ်ရပ်လည်း ရှိသည်။ “ရဲသူနိုင်” ဟု အဓိပ္ပါယ်ရသည်။ ဤသူများမှာ Growth Mindset ရှိသူများ ဖြစ်ကြပြီး အခြေအနေ သစ်တစ်ရပ်နှင့် ၊ အတွေ့အကြုံသစ် တစ်ရပ်နှင့် လိုက်လျော ညီထွေဆောင်ရွက် လုပ်ကိုင် နိုင်ကြသဖြင့် အောင်မြင်မှုများ မကြာခဏ ရရှိကြပေသည်။ ယနေ့ စီးပွားရေး လောက၊ နိုင်ငံရေး လောက၏ ယှဉ်ပြိုင်မှုကို “Red Ocean” နည်းဟု ၀ိဂြိုလ်ပြုကြပြီး၊ ပို၍ မဟာဗျူဟာကျသော၊ သူများမမြင်နိုင်သည့် ကိစ္စရပ်များ ကို တီထွင် ဆောင်ရွက်သောနည်းကို “Blue Ocean” ဟု တင်စားကြသည်။ ဤ Blue Ocean နည်းစဉ်ကို ကောင်းစွာ အသုံးပြုနိုင်ကြသူများမှာ Growth Minded ရှိသူများသာ ဖြစ်သည်။ ဤနည်းသည် အခြေအနေသစ် တစ်ရပ်ကို အမြဲဖန်တီး ဆောင်ရွက်နေရသည့် မဟာဗျူဟာ ဖြစ်ပြီး ပြိုင်ဘက်များကို ပုံစံသစ်၊ ပရိယာယ်သစ်၊ အခြေအနေသစ်ဖြင့် အမြဲတမ်း ဦးဆောင်နေရပါသည်။

တိုးတက်စိတ်ထား များများလိုအပ်

၂၁ ရာစုသည် ၂၀ ရာစုနှင့် သိသာစွာ ကွဲပြား ခြားနားပါလိမ့်မည်။ ခေါင်းဆောင်လုပ်မည့် သူများသည် အများထက် များစွာ စွမ်းဆောင်ရည် မြင့်မားရမည် ဖြစ်ပါသည်။ နိုင်ငံတစ်ခု တိုးတက်ဖွံ့ဖြိုးရန် တိုးတက်စိတ်ထား ရှိသော ခေါင်းဆောင် အများ အပြား လိုအပ်ပါသည်။ သာမန် အရည်အချင်းတစ်ရပ်ဖြင့် သာမာန် တိုးတက်မှုမျှသာ ရနိုင်မည်။ ခေါင်းဆောင်နှစ်မျိုး နှစ်စား တွင် အဓိက ကွာခြားချက်မှာ “ရပ်နေသူ” နှင့် “ပြေးနေသူ” ဖြစ်ခြင်းသာ ဖြစ်သည်။ ရပ်နေသူ၊ မိမိစိတ်ထား ကို မပြောင်းလဲ နိုင်သူက မရေရာမှုများကို ရွံကြောက်ပြီး တိုးတက် စိတ်ထားရှိသူက မရေရာမှုများကို ရင်ဆိုင်ရဲသူ ဖြစ်ပါသည်။ အတွေ့အကြုံသစ် များကို လက်မခံရဲသူ၊ လက်မခံဝံ့သူ အဖြစ်နှင့် အတွေ့အကြုံသစ်များကို အမြဲတမ်း ရှာဖွေလက်ကမ်း ကြိုဆိုမှုကလည်း ဆန့်ကျင်ဘက် ကွဲပြားသော အရည်အသွေး များ ဖြစ်ကြပါသည်။

ကမ္ဘာကြီးသည် အခြေအနေကောင်းပေါ်တွင် ရပ်တည်နေတော့မည် မဟုတ်ပါ။ တိုးတက်မှုအတွက် ယှဉ်ပြိုင်မှုများကြောင့် အခြေအနေသစ်များ မကြာခဏ ဖြစ်ပေါ်နေမည်သာ ဖြစ်ပါသည်။ ထို အခြေအနေသစ်နှင့် လိုက်လျောညီထွေစွာ လိုက်ပါနိုင်ရန်အတွက် Growth Mindset ရှိသော ခေါင်းဆောင်များ များများ လိုအပ်နေပါသည်။

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: