ပုဒ်မ ၃၀၇ အတွေးစများ

 

လိမ်လည်မှုများနှင့် အသိတရား

လွဲချော်မှုများသည် ဖြစ်တတ်သည်။ တဒင်္ဂလေး အတွင်းတွင်ပင် အများကြီး ဖြစ်နေတတ်သည်။
နကိုကတည်းက မသေချာ မရေရာ သည့် အနေအထားဖြင့် ဆိုလျင် ပိုဆိုးသည်။
မိုးရာသီတိုင်းတွင် မိုးရွာမည်ဟု တရားသေ သတ်မှတ်၍ မရသလိုမျိုး ။ လမ်းကောင်းမကောင်းကို ကြည့်ပြီး ဒီလမ်းကို အဆုံးသတ် အထိ ရောက်ကောင်းရောက်မည်ဟု စဉ်းစား၍ မရသလိုမျိုး။

မရေရာ မသေချာသောကြောင့် ဘာမှ မလုပ်ဘဲ နေခြင်းသည်လည်း မှန်ကန်သော လုပ်ဆောင်ချက်တစ်ရပ်တော့ မဟုတ်ချေ။ မိမိ၊ မိမိဘ၀ ၊ မိမိနေထိုင်ရာ၊ မိမိနိုင်ငံသည် သေချာသော ရေရာသော ဦးတည်ချက် ရှိဖို့ လိုအပ်သည်။ ထိုထက် ပို၍တော့ ဘာမှ မလုပ် နိုင်သေးပေ။ တွန်းတိုက် ကျားကိုက် လုပ်ဖို့ ဆိုသည်ကလည်း မိမိစိတ်ဆန္ဒ ၊ ဖြစ်ချင်သည်များကို ပြည့်ဝဖို့ အချိန် နင့်နေအောင် ပေးနေရတုန်းဖြစ်ကြောင်း သိနေကြသည်။ ထို့ပြင် အတားအဆီးများအတွက် ကိုယ့်အရည်အသွေးတို့ ပြည့်ဝနေဖို့ ဂရုစိုက်ရသည်။ အားဖြည့် ပေး နေရသည်။ မွမ်းမံပေးနေရသည်။

ဒီကြားထဲတွင်ပင် ဤမရေရာမှုများသည် ဆထက်ထမ်းပိုး တိုး၍ ရှိနေတုန်း ဖြစ်သည်။ ကိုယ်ခံယူသည် ဖြစ်စေ၊ မခံယူသည် ဖြစ်စေ ရှိနေသော ယင်းအတွက် ပြေပျောက်သွားဖို့ မရှိ ။ ဖြေလျော့သွားဖို့သာ အာရုံစိုက်နေရသည်။ အဘယ်နည်းဖြင့် ဖြေလျော့ ကြမည်နည်း။

ရိုးသားသော ဘ၀တွင် မရေရာခြင်းသဘော ယှဉ်တွဲနေသော်လည်း ခံသာသော အကြောင်းလက္ခဏာရှိသေးသည်။မရိုးသားသော ဘ၀ တွင်ကား ရေရာသော သဘော အကြွင်းအကျန် သာ ယှဉ်တွဲနေ၍ ခံသာ စရာ တစ်ကွက်မျှ မရှိ။ မရိုးသားသော သဘောဖြင့် တည်ရှိသော လူပုဂ္ဂိုလ် တစ်ဦး ချင်း ဖြစ်စေ၊ အဖွဲ့အစည်းဖြစ်စေ ၎င်းတွင် ရေရာ မှု ရှိသော်ငြားလည်း အေးချမ်းစရာ တစ်ကွက်မရှိ။ ရေရာမှု တစ်ခုတည်း ကိုသာ ဦးစိုက်၍ ကမူးရှူးထိုး ၊ ( နွားသိုးကြိုးပြတ် ) လိုလားတတ်ကြသောကြောင့် အေးချမ်းရာကို အေးချမ်းရာ အဖြစ် မသတ်မှတ် တတ်ကြ တော့ဟန် တူသည်။ ထို့ကြောင့် နေ့ရှိသရွေ့ ပူလောင်နေကြရသည်။ ညရှိသရွေ့ ကောက်ကျစ်နေကြရသည်။ မနေမနား ကြိုးပမ်းနေကြရသည်။ ယင်းတို့၏ ခွန်အားသည်လည်း မသေးချေ။ စိုက်ထုတ်သော လုံ့လ ၊ ၀ီရိယ၊ ဇွဲသည် လည်း လေးစား လောက် အောင် ကြီးမားသည် ဟု ဆိုရမည်။ သို့သော် မိမိ၏ ရပ်တည်ချက်လေး တစ်ခုအတွက် အခြား ရပ်တည်ချက်များကို မသမာသော အားဖြင့် နင်း ချေဖျက်နေရသည် ။ သို့ဖြစ်၍ မကောင်းသော သဘောဖြင့် အကြောင်းခံသောကြောင့် ( မည်မျှ လုံ့လ၊ ဇွဲ၊ အား စိုက်ထုတ် သည် ဖြစ်စေ ) မကောင်းသော သဘောသို့ ဦးတည်နေခြင်းကား ၀မ်းနည်းဖွယ်ကောင်းလှပါသည်။

ဆိုလိုသည်မှာ မသေချာမရေရာမှုများ သာ ပြည့်လျမ်းနေသော အကြောင်းများ အောက်တွင် – လူသည် မိမိရပ်တည်ချက်ဟူ၍ စည်းစိမ် ဥစ္စာ ၊ အခွင့် အာဏာ ကို မည်မျှ တွယ်တာသည်ဖြစ်စေ အရေးထားသင့်သည့်အရာကား ကိုယ်ကျင့်သိက္ခာနှင့် အမှန်တရားကို မြတ်နိုးသော စိတ်သာ ဖြစ်သည်။ သို့သော် ဤအသိကို အလွယ်တကူ ရနိုင်သည် မဟုတ်ချေ။ အသိတရားသစ် တစ်ခုဟူသည် ရှေ့ရှိခဲ့သော အသိတရားအပေါ် ကျော်လွှားပြီးမှ သာလျင် ဖြစ်ပေါ်လာရိုးထုံးစံ ရှိပါသည်။ အချို့အသိတို့သည် ပြန်လည် ပြင်ဆင်မွမ်းမံခြင်း ဖြင့် ပြီးသော်လည်း – အချို့အသိတရားများသည် ရှေ့ ရှိခဲ့ပြီးသော ၊ စွဲလမ်းပြီး ဖြစ်သော အသိဟောင်း များကို သုတ်သင် ဖယ်ရှားပြီးမှ သာ ဖြစ်ပေါ်လာလေ့ရှိသည်။ အသိတရားဟောင်းတစ်ခု ကို မှားယွင်းသည် ဟု နားလည် သည်နှင့် တစ်ပြိုင်နက်  သုတ်သင်ရဲသော သူသာလျင် အသိတရား အသစ်ဖြင့် ဘ၀သစ်သို့ ပြောင်းလဲ ဦးတည်နိုင်သည်။

အများအားဖြင့် ကျနော်တို့သည် အသိတစ်ခု ရရှိသည်နှင့် ရှေ့အသိစိတ်ဟောင်းကို မသုတ်သင်ရဲချေ။ မက်မောတကြီး တွယ်တာစွာ အဟောင်းကို မြတ်နိုးလျက်ရှိမြဲဖြစ်သည်။ ထို့ကြောင့်လည်း ဤသဘောတရားကို သိမြင်နားလည် ကြသော ဂုရုကြီးများသည် ကျနော်တို့ကို အသိပညာမှိုင်းမိအောင် ၊ ထုံထိုင်းအောင် လုပ်ဆောင်ရန် လွယ်ကူကြခြင်း ဖြစ်သည်။ ကျနော်တို့၏ အသိဟောင်းများကို ကြိမ်ဖန်များစွာ ဖန်တရာတေအောင် အပ်ကြောင်းထပ်ပေးခြင်းဖြင့် ကျနော်တို့သည် အကြံတုံး ၊ ဥာဏ်တုံး၊ အသိတုံး သွားစေသည်။ အကြံသစ် ၊ ဥာဏ်သစ် ဖြစ်ပေါ်စေသော အရာမှန်သမျှကို ပိတ်ပင်ပေးလိုက်ခြင်း ဖြင့် ကျနော်တို့ အသိဥာဏ်များသည် အဟောင်းများအတွင်း တွင် သာ လျင် ၀ဲလှည့်၍ ထိုင်းမှိုင်း ကုန်ကြသည်။ အကြံသစ်၊ ဥာဏ်သစ်များ အတွက် တွန်းပို့နိုင်စွမ်းသော သဲလွန်စများ ဖယ်ရှားခြင်း၊ အကြံသစ် ရစေနိုင်သော လမ်းကြောင်းများ ၊ အခွင့်အလမ်းများ မဖွင့်ပေးခြင်း ( ၀ါ ) တတ်စွမ်းသရွေ့ ပိတ်ပင်ထားခြင်း ဖြင့် ကျနော်တို့ အသိဥာဏ်ကို သေအောင် ပြုလုပ်နိုင်ကြကြောင်း ပညာရှိသူများ ၊ ဆင်ခြင်တတ်သူများ မမေ့အပ်ချေ။

ထို့ကြောင့်
အဓိက ဆိုလိုသည်မှာ ဘ၀သစ်ကို လိုလားသူအတွက် အသိသစ်သည် လိုအပ်သည်။ အသိသစ်ရရှိရန်သည် အသိဟောင်းကို မွမ်းမံတတ်ရန် နှင့် လိုအပ်လာလျင် ယင်းအသိဟောင်းကို သုတ်သင် ရဲရမည့် အကြောင်း နှလုံးသွင်းထားဖို့ ဖြစ်သည်။ ဘ၀သစ်ကို လိုချင်လျင် ဘ၀ဟောင်းကို တော့ စွန့်ရဲ ရမည်။ အသိသစ်ကို လိုချင်လျင် အသိဟောင်းကိုတော့ စွန့်ရဲ ရပါမည်။

လွယ်တော့ မလွယ်ကူချေ။ သို့သော် မဖြစ်နိုင်သော အရာလည်း မဟုတ်ချေ။

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: