ဦးအောင်ဆန်းတို့ အမေ

U Aung San and His Mother Daw Su

အာဇာနည် ခေါင်းဆောင်ကြီး များမှ အာဇာနည် ညီအစ်ကို (၂) ဦး ကို မွေးထုတ် ပေးခဲ့သူ မှာ အမျိုး သား ခေါင်းဆောင်ကြီး ဗိုလ်ချုပ် အောင်ဆန်း နှင့် ဗိုလ်ချုပ် အောင်ဆန်း ၏ အစ်ကို ဦးဘ၀င်း တို့ကို မွေးထုတ် ပေးခဲ့သူ မှာ အာဇာနည် မိခင်ကြီး ဒေါ်စု ဖြစ်ပေသည်။ အာဇာနည် ခေါင်းဆောင် ညီအစ်ကို နှစ်ဦးကို မွေးထုတ်ခဲ့သည့် ဒေါ်စု၏ ဘ၀မှာ စိတ်ဝင်စား စရာ လောကံဓံများကို ကြံ့ကြံ့ခိုင် နိုင်သူ အဖြစ် မှတ်တမ်းတင် ရမည် ဖြစ်သည်။ ဗိုလ်ချုပ် အောင်ဆန်း နှင့် ဦးဘ၀င်းတို့၏ မိခင်ကြီး ဒေါ်စုကို (၂၂၊ ၇၊ ၁၈၇၇) ရက်တွင် မကွေးခရိုင်၊ နတ်မောက်မြို့ ရှိ မင်းဝိုင်း နေအိမ် အဘ ဦးမြအေး၊ ဒေါ်သူဇာ တို့က မွေးဖွား ခဲ့သည်။ မွေးချင်း (၇) ဦး ရှိပြီး သမီး အကြီးဆုံး ဖြစ်သည်။ တနင်္ဂနွေ သမီး ဖြစ်ပေမဲ့ မိဘများ က နေ့သင့် နံသင့် မဟုတ်ဘဲ မစုဟု အမည်မှည့်ခေါ် ထားခဲ့ကြသည်။ ဒေါ်စု၏ ဦးလေးတော်သူ ပင်းမြို့၊ နတ်မောက်မြို့၊ ကျောက်ပန်းတောင်းမြို့ တို့၏ သုံးမြို့ဝန် ဦးမောင်က အစု ဟု ခေါ်ပေသည်။

ဒေါ်စု၏ အောက်တွင် မောင်များ ဖြစ်သည့် ဦးဖိုးသင်း၊ ဦးငွေနိုင်၊ ဦးငွေဆိုင်၊ ညီမဒေါ်ယု၊ ဒေါ်ပု၊ ဒေါ်ခင်မေတို့ ရှိပေသည်။ ဒေါ်စုမှာ အမေတူ သမီးဖြစ်၍ မျက်နှာ သေးသွယ်ကာ အသားညို၍ အရပ်မှာ မနိမ့်မမြင့် ဖြစ်သည်။ ကိုယ်ခန္ဓာ အနေအထားမှာ မပိန်လွန်း၊ မ၀လွန်းဘဲ ကြည့်၍ ကောင်းသည်။ ဒေါ်စုမှာ စကားနည်းသူ ဖြစ်ပြီး မျက်နှာမှာ ကျက်သရေ ရှိကာ ခံ့ညားလှသည်။ ဒေါ်စုသည် အစ်မအကြီးဆုံး ဖြစ်သည့် အပြင် သိက္ခာ သမာဓိနှင့် ပြည့်စုံကာ မွေးချင်းများ အားလုံးက အစ်မကြီးဟု ခေါ်ကြသဖြင့် အခြားသူများ ကလည်း အစ်မကြီး လိုက်ခေါ် ခဲ့ကြသည်။ ဒေါ်စုသည် ဗိုင်းကောင်း ကျောက်ဖိ အမျိုးသမီး ဖြစ်ကာ မိကောင်း ဖခင် သားသမီး ဖြစ်သည့် အတွက် မိဘများ၏ စကားကို ကောင်းစွာ နာယူ တတ်ခဲ့သည်။ သို့အတွက် ကြောင့်ပင် (၁၁) နှစ် သမီးအရွယ် ကပင် မြန်မာ အမျိုးသမီးတို့ တတ်အပ်သည့် ရက်ကန်းအတတ်ကို သူမတူ အောင် တတ်မြောက်ခဲ့သည်။ ဒေါ်စုသည် ရက်ကန်း အတတ် သာမက စက်ချုပ် အတတ်ကိုပါ သင်ကြား ခဲ့သေးသည်။

ဒေါ်စု အတွက် ကံဆိုးသည့် အချက်မှာ သူတို့ခေတ်က အမျိုးသမီးများ မှာ စာသင်ကြားမှု အလေ့အထ နည်းပါး သောကြောင့် စာရေး စာဖတ်ကိုပင် မတတ်မြောက် ခဲ့ရပေ။ စာပေ မသင်ကြားရ၍ စာမတတ် သော်လည်း ဒေါ်စု၏ မှတ်ဉာဏ်မှာ လူတကာ လက်ဖျား ခါခြင်း ခံရလောက်အောင် ကောင်းလှသည်။ ဒေါ်စု၏ မိဘများသည် ရှေးလူကြီးများ ပီပီ သမီးကညာ အခါမလင့်စေနှင့် ဆိုသည့်အတိုင်း ဒေါ်စု အသက်(၁၉)နှစ် တွင် နတ်မောက်မြို့ အနောက်ပိုင်းရှိ တောင်သူကြီး ဦးဒေကိုး နှင့် ဒေါ်ဆွဲလေး တို့၏ တစ်ဦး တည်းသော သား ဦးဖာနှင့် လက်ထပ် ထိမ်းမြား ပေးခဲ့သည်။ ဒေါ်စုမှာ မိဘနှစ်ပါး သဘောတူ၍သာ အကြောင်းပါ ရသော်လည်း လက်မထပ်မီ အချိန်က ဦးဖာကို တစ်ကြိမ် တစ်ခါမျှ မတွေ့မြင်ဖူး ခဲ့ချေ။ ထိမ်းမြား လက်ထပ်ပြီး၍ အကြောင်းပါသော အချိန်ကျမှသာ ဦးဖာမှ ကျောက်ပေါက်များ ပါသည်ကို သိရှိခဲ့ရခြင်း ဖြစ်သည်။ “မောင်ဖာမှာ ကျောက်ပေါက် ပါမှန်း အိမ်ထောင်ကျမှ သိရတယ်ကွယ်” ဟု ရယ်ရယ် မောမောဖြင့် တစ်ခါတရံ ရယ်စရာ မောစရာ အဖြစ် ပြောတတ်လေသည်။

ဒေါ်စုသည် ဦးဖာနှင့် အကြောင်းဆက်၍ ပေါင်းဖက်ပြီးနောက် ယောက္ခမ အိမ်တွင် လိုက်ပါ နေထိုင်စဉ် အတွင်း (၁၈၉၄) ခုနှစ်တွင် အကြီးဆုံး သမီး မခင်ညွန့်ကို ဖွားမြင်ခဲ့သည်။ (၁၈၉၅) ခုနှစ်တွင် ဒုတိယ သမီးဖြစ်သူ မ၀က်ကို ဖွားမြင်ခဲ့သည်။ (၁၁၊ ၆၊ ၁၉၀၁) ခုနှစ်တွင် မောင်ဘ၀င်း (အာဇာနည် ခေါင်းဆောင် ဦးဘ၀င်း) ကို ဖွားမြင်ခဲ့သည်။ မောင်ဘ၀င်း နောက် စတုတ္ထ ကလေး မရွှေမှန် ကို ဖွားမြင် ခဲ့သော်လည်း မရွှေမှန်မှာ (၁၃) နှစ် သမီးအရွယ် တွင် ကွယ်လွန် သွားခဲ့သည်။ ထိုအချိန်က ဒေါ်စုသည် ယောက္ခမများ အိမ်တွင်လည်း မနေ၊ မိဘများနှင့် လည်း မနေတော့ဘဲ ဒေါ်စုတို့၏ မင်းဝိုင်းကြီး အတွင်းမှာပင် အိမ်တစ်စောင် သီးသန့် ဆောက်ကာ နေထိုင်ခဲ့ လေသည်။ (၁၉၀၅) ခုနှစ် တွင် ပဉ္စမ မြောက် ကလေး မောင်နေအောင်ကို ဖွားမြင် လေသည်။ ထိုစဉ်က ဒေါ်စု၏ တိုက်တွန်းချက် အရ ဦးဖာသည် လယ်သမား ဘ၀ကို စွန့်၍ ပျော်ဘွယ်မြို့ တွင် ဥပဒေသင်တန်း သွားရောက် သင်ကြားခဲ့သည်။ ဦးဖာသည် ဥပဒေ သင်တန်း တက်ရောက် ပြီးနောက် တတိယတန်း အမိန့်တော်ရ စာမေးပွဲကို ၀င်ရောက်ဖြေဆိုရာ နှစ်ချင်းပေါက် အောင်မြင် ခဲ့လေသည်။ ထိုအချိန်မှစ၍ ဒေါ်စုသည် လယ်သမား မယားဘ၀မှ အမိန့်တော်ရ ရှေ့နေ ကတော် ဒေါ်စု ဘ၀သို့ မမျှော်လင့်ဘဲ ရောက်ရှိ ခဲ့ရတော့သည်။ ဦးဖာ ရှေ့နေ ဖြစ်ပြီး မကြာမီမှာပင် ဆဋ္ဌမ ကလေး ဦးမောင်ညိုမောင် နှင့် ငယ်စဉ်ကပင် ကွယ်လွန် သွားခဲ့သော သတ္တမ ကလေး မောင်ထွန်းလင်း တို့ကို တစ်နှစ်ခြားစီ ဖွားမြင် ခဲ့လေသည်။

အမေနှင့် သားနှင့် ချွေးမနှင့်

(၂၀၊ ၈၊ ၁၉၁၁) ရက် တွင် ဆဋ္ဌမ ကလေး မောင်အောင်သန်းကို မွေးဖွားရန် (၁၃၊ ၂၊ ၁၉၁၁) ရက်တွင် န၀မ ကလေး မောင်အောင်ဆန်း (ဗိုလ်ချုပ်အောင်ဆန်း) တို့ကို ဖွားမြင်ခဲ့သည်။ ထို့ကြောင့် ဒေါ်စုသည် သားသမီး (၉) ဦး တိတိ ဖွားမြင် ခဲ့သည့် မိခင်တစ်ဦး ဖြစ်သည်။ ဒေါ်စုသည် အိမ်ထောင်ကျသည့် အချိန်မှ စ၍ မောင်နေအောင် မွေးဖွားပြီးချိန် အထိ ပင်ပန်း ဆင်းရဲကြီးစွာဖြင့် လုပ်ကိုင် ရှာဖွေကာ အိမ်ထောင့် တာဝန်ကို ထိန်းသိမ်း စောင့်ရှောက်ခဲ့ရသည်။ ခင်ပွန်းသည် ဦးဖာက ငယ်စဉ်က မြင်းစီး အလွန် ၀ါသနာပါ၍ ထိုစဉ်က နတ်မောက်မြို့တွင် အလွန် ခေတ်စားခဲ့သော မြင်းပြိုင်ပွဲများတွင် ၀င်ရောက် ယှဉ်ပြိုင် စီးနေခြင်းဖြင့်သာ ဗိုလ်ချုပ် အောင်ဆန်းတို့ အမေ အချိန်ဖြုန်း ခဲ့သည်။ ဒေါ်စု တစ်ဦးတည်းသာ အိမ်ထောင့် တာဝန် ထမ်းကာ သားသမီးများကို ရင်အုပ် မကွာ ကျွေးမွေး ပြုစုခဲ့လေသည်။ ဒေါ်စုသည် ငယ်စဉ်က စ၍ ကွယ်လွန်ချိန် အထိ ရှေးဘုန်း ကံပါရမီနှင့် ပြည့်စုံခဲ့သည့် အမျိုးသမီး တစ်ဦး ဖြစ်ခဲ့သည်။ သမီး အကြီးဆုံး မခင်ညွန့်  မှာ ဒေါ်စုနှင့်အလွန်တူသည်။ မခင်ညွန့်သည် အိမ်ထောင်သားမွေးအလုပ်ကို စက်ဆုပ်သည်။

သို့အတွက်ကြောင့်ပင် အသက်(၄၆)နှစ်အရွယ်အထိ အိမ်ထောင်မပြုဘဲ အပျိုကြီးဘ၀နှင့် မိခင်ကြီးဒေါ်စုနှင့်အတူ နေထိုင်ခဲ့သည်။ ဒေါ်စုက ရှေ့ရေးကို မျှော်တွေးကာ သမီးကြီး မခင်ညွန့် အား မြေစာရင်း အင်စပက်တော် ဦးသာရင် နှင့် လက်ထပ် ပေးခဲ့သည်။ ဒုတိယ သမီး မ၀က်ကတော့ မိခင်ကြီး နှင့် ရာသက်ပန် မခွဲလိုသဖြင့် မိခင်ကြီးက တိုက်တွန်း သော်လည်း ကွယ်လွန်ချိန် အထိ အပျိုကြီးဘ၀နှင့် နေထိုင် သွားခဲ့ လေသည်။ သားကြီး မောင်ဘ၀င်း ကတော့ ဒေါ်စုအား အလွန် ကြည်ညိုသည်။ ရိုးသား ဖြောင့်မတ်သူ ဖြစ်သည်။ နတ်မောက်မြို့ တွင် မြန်မာ (၉) တန်း အောင်ပြီးနောက် ရေနံချောင်းမြို့က ဘီအိုစီ ကုမ္ပဏီတွင် စာရေး အလုပ်ကို လုပ်ကိုင်သည်။ ၎င်းရသော လစာကို စု၍ မိခင် ထောက်ပံ့သော ငွေနှင့် ပူးပေါင်းကာ တက္ကသိုလ် ဆက်တက်ခဲ့သည်။

ဤသို့ဖြင့် (၁၉၂၉) ခုနှစ် သင်္ချာ ဂုဏ်ထူးဖြင့် သိပ္ပံဘွဲ့ (B.Sc) အောင်မြင် ခဲ့သည်။ ထို့နောက် ရေနံချောင်း မြို့ တွင် ကျောင်းဆရာကြီး ဖြစ်ခဲ့သည်။ ဒေါ်စုသည် သားကြီး မောင်ဘ၀င်း အား ၎င်း သဘောကျသည့် တောင်တွင်းကြီး ဇာတိ ဦးအံ့ကြီး နှင့် ဒေါ်ရွှေမေတို့၏ သမီး မခင်စော နှင့် (၁၉၃၅) ခုတွင် ကိုယ်တိုင် စေ့စပ်၍ တောင်းရမ်း လက်ထပ် ပေးခဲ့သည်။ ဒေါ်စုသည် သား၊ ချွေးမ မခင်စော၊ မြေးများ ဖြစ်သော မတင်လှဝင်း၊ မောင်စောဝင်း၊ မောင်အေးဝင်း၊ ခင်မြ၀င်း၊ မောင်စိန်ဝင်း၊ မောင်ထွေးဝင်း တို့နှင့် အတူ ဂျပန် တစ်ခေတ်လုံး အတူတကွ နေထိုင်ခဲ့ရ သဖြင့် စိတ်ကျေနပ်မှု ရခဲ့သည်။ ဒေါ်စု၏ သားအလတ် ဖြစ်သူ မောင်နေအောင်မှာ (၁၉၂၇) ခုနှစ် တွင် တတိယတန်း ရှေ့နေ စာမေးပွဲ အောင်မြင်ပြီးနောက် နတ်မောက်မြို့ အနီးရှိ ဘုန်းတော် ပြည့်ရွာ သူကြီး ဦးဘိုးလှိုင်၏ သမီး မခင်လေး နှင့် (၁၉၃၀) ပြည့်တွင် အမေစု ကိုယ်တိုင် တောင်းရမ်း လက်ထပ်ပေး ခဲ့သည်။ မောင်နေအောင် သည် ဂျပန်ခေတ်တွင် တရားမမြို့အုပ် ခန့်ထားခြင်း ခံရသည်။ ဒေါ်စုသည် သား အားလုံးတွင် မောင်နေအောင် နှင့်အတူ နေရသည်က များသဖြင့် မောင်နေအောင် အပေါ် သံယောဇဉ် ပိုကြီးခဲ့သည်။

မိသားစုနဲ့ ဒီလို

ဒေါ်စုသည် နို့ညှာသား ဖြစ်သူ မောင်အောင်သန်း (၁၉၁၁ – ၁၉၉၁) ကိုလည်း ရန်ကုန် တက္ကသိုလ်တွင် (၁၉၃၄) တွင် ၀ိဇ္ဇာ (B.Sc) ဘွဲ့ ရရှိပြီးနောက် နယ်ပိုင် ၀န်ထောက် ရာထူး ရရှိသည်အထိ ပညာ သင်ကြား ပေးခဲ့သည်။ ဦးအောင်သန်း မှာ တက္ကသိုလ် တက်နေစဉ် ယစ်မျိုး ၀န်ထောက် ဦးဘ၊ ဒေါ်စံ တို့၏ တတိယ သမီး မခင်နုနှင့် အကြောင်း ဆက်ခဲ့သည်။ မခင်နု၏ အစ်မ မခင်တုတ်မှာ ရဲဘော် သုံးကျိပ်ဝင် သခင် ထွန်းအုပ်က ထက်ခဲ့သဖြင့် မောင်အောင်သန်း နှင့် သခင် ထွန်းအုပ် တို့သည် မယား ညီအစ်ကို တော်ကြလေသည်။ မခင်နုသည် ဒေါ်စုတို့နှင့် အမျိုးတော်သော တောင်တွင်းကြီး ဇာတိ ဦးဘတင်၏ သမီး ဖြစ်သည့် အတိုင်း ဒေါ်စုက သဘောကျ ကျေနပ်ကာ အင်းစိန်မြို့သို့ ကိုယ်တိုင် သွားရောက် စေ့စပ် တောင်းရမ်း၍ (၇၊ ၁၁၊ ၁၉၃၆) ရက်တွင် ကြီးကျယ် ခမ်းနားစွာ မင်္ဂလာဆောင် ပေးခဲ့လေသည်။ ဦးအောင်သန်း သည် မခင်နုနှင့် သားသမီး (၅) ဦး စောလှ အောင်သန်း၊ မရီရီသန်း၊ မတီတီအောင်သန်း၊ မောင်ချိုအောင်သန်း၊ မငယ်မမသန်း တို့ ထွန်းကား ခဲ့လေသည်။

ဒေါ်စုသည် သားအထွေးဆုံး နှင့် အလို လိုက်ရဆုံး မောင်အောင်ဆန်း ကိုကား နတ်မောက်မြို့ ဘုန်းတော်ကြီး ဦးသောဘိက ၏ အထက်တန်းကျောင်း တွင် (၇) တန်း အထိ ပညာ သင်ကြားပေးပြီးနောက် (၁၉၂၈) မှ (၁၉၃၂) ခုနှစ် အထိ ရေနံချောင်း အမျိုးသား အထက်တန်းကျောင်း တွင် (၁၀) တန်း အောင်မြင်သည် အထိ ကျောင်းထားခဲ့သလို ရန်ကုန် တက္ကသိုလ် သို့ ပို့၍ (၁၉၃၇) ခုနှစ်တွင် ၀ိဇ္ဇာ (B.Sc) ဘွဲ့ အောင်မြင်သည် အထိ ပညာသင် ပေးခဲ့သည်။ ဗိုလ်ချုပ် အောင်ဆန်း နှင့် မခင်ကြည် တို့မှာ ဂျပန်ခေတ်တွင် (၆၊ ၉၊ ၁၉၄၂) ရက်တွင် နှစ်ဦး သဘောတူ ချစ်ကြိုက်၍ BIA ပြည်သူ့ ဆေးရုံကြီး (ယခု နိုင်ငံတော် ကာကွယ်ရေး တက္ကသိုလ်) တွင် လက်ထပ် ခဲ့ကြရာ ဒေါ်စုမှာ အခြား သားသမီးများ ကဲ့သို့ ကိုယ်တိုင် ကိုယ်ကျ တောင်းရမ်း လက်ထပ် မပေးခဲ့ ရသော်လည်း ဗိုလ်ချုပ် ရာထူး လက်ခံရ ပြီးနောက် မယားပြ အဖြစ်နှင့် နတ်မောက်မြို့သို့ ဗိုလ်ချုပ်အောင်ဆန်း သွားရောက် လည်ပတ်စဉ် မခင်ကြည်အား ခေါ်ဆောင် သွားခဲ့ရာ ချွေးမကလေး မခင်ကြည်၏ ရိုသေ ကိုင်းရှိုင်းမှု၊ လိမ္မာရေးခြား ရှိမှု တို့ကို သိမြင် ရသောအခါ ဒေါ်စုမှာ သား အောင်ဆန်းနှင့် ချွေးမ မခင်ကြည် ကလေးတို့ အပေါ်တွင် တပြုံးပြုံး နှင့် ကျေနပ် ၀မ်းမြောက်မိ ရတော့သည်။

ဒေါ်စုသည် အသက် (၆၀) ပြည့်သော နှစ်တွင် ငယ်စဉ် တောင်ကျေးက စ၍ ပေါင်းသင်း ခဲ့ရသော ခင်ပွန်းသည် ဖြစ်သူ ဦးဖာ (၆၇) နှစ်မှာ လူကြီး ရောဂါဖြင့် (၁၈၊ ၅၊ ၁၉၃၁) ရက်တွင် ကွယ်လွန် အနိစ္စ ရောက်သွားခဲ့ ရကာ ဒေါ်စုမှာ မုဆိုးမ ဘ၀ဖြင့် သားသမီး များကို အုပ်ထိန်း စောင့်ရှောက် ခဲ့ရလေသည်။ ဤသည် ဒေါ်စု၏ ပထမဆုံး အကြိမ် လောကဓံကို ခံစား ရသမျှ ဖြစ်သည်။ ဒေါ်စုသည် အသက် (၆၄) နှစ် အရွယ် တွင် လောကဓံ ဒဏ်၏ ရိုက်ခတ်မှု ကို ဒုတိယ အကြိမ် ခံစားရမှု မှာ အချစ်ဆုံး သမီးကြီး ဖြစ်သူ မခင်ညွန့်မှာ (၁၉၄၆) ခုနှစ် တွင် မီးယပ် ရောဂါဖြင့် ကွယ်လွန် သွားခဲ့ရာ ပထမဆုံး သားသမီး အပူကို စတင် ခံစားခဲ့ရသည်။ ထို့နောက် ဒေါ်စုသည် (၁၉၊ ၇၊ ၁၉၄၇) ရက် တွင် သား နှစ်ဦး ၀န်ကြီး ဦးဘ၀င်း နှင့် ဗိုလ်ချုပ် အောင်ဆန်း တို့သည် မသမာသူ တို့၏ လက်ချက် ဖြင့် ကျဆုံး ခဲ့ရသဖြင့် ပရိဒေ၀မီး ကို ထပ်မံ တောက်လောင် ခဲ့ရပြန် လေသည်။ ထိုမှ တစ်ဖန် ဒေါ်စုသည် သား ဦးနေအောင်၏ သမီး မြင့်မြင့် ကလေး မှာ ငယ်စဉ်ကပင် ဒေါ်စုနှင့် လာရောက် နေထိုင်ခဲ့၍ သား အချစ် မြေး အနှစ် ဆိုသည့်အတိုင်း မြေးကလေးကို အလွန် အချစ် ပိုခဲ့သည်။ သို့သော် မြင့်မြင့်ကလေး မှာ နတ်မောက်မြို့၊ ဗိုလ်ချုပ် အထိမ်းအမှတ် နိုင်ငံတော် တန်းမြင့်ကျောင်း ၌ ဆဋ္ဌမတန်း ပညာ သင်ကြား နေစဉ် အဖျား ရောဂါဖြင့် ဒေါ်စု လက်ပေါ်တွင် ရုတ်တရက် အနိစ္စ ရောက်သွား လေရာ ဒေါ်စုမှာ လောကဓံ၏ အပူမီးကို မြေးအပူနှင့် ကြုံတွေ့ခဲ့ရ ပြန်လေသည်။

ဒေါ်စုသည် လောကဓံ တရားကို အကြိမ်ကြိမ် ကြုံတွေ့ခဲ့ရ သော်လည်း တုန်လှုပ် ချောက်ချားခြင်း မရှိဘဲ ရဲဝံ့စွာ ရင်ဆိုင် ကျော်လွှားရင်း နတ်မောက်မြို့ကို ရဲဘော်ဖြူများ သိမ်းပိုက် ထားချိန် အသက် (၇၅) နှစ် အရွယ် (၃၊ ၁၂၊ ၁၉၅၁) ရက် တွင် ကွယ်လွန် အနိစ္စ ရောက်ခဲ့လေသည်။ ဒေါ်စု၏ ဈာပနကို (၅) ရက် တိတိ ထားပြီး ဈာပန ကိစ္စ အ၀၀ ကို ဒေါ်စု၏ မောင်ဖြစ်သူ ဘုန်းကြီး ဦးသောဘိတ က ကြီးကြပ် စီစဉ် ပေးခဲ့သည်။ နတ်မောက်မြို့ တွင် ရှိသော ဆွေမျိုးများ က ဗိုလ်ချုပ်အောင်ဆန်း ၏ မိခင် ဖြစ်သည့် အတွက် ဂုဏ်ဒြပ် နှင့် လိုက်လျောစွာ မယ်တော်ပျံ ကဲ့သို့ ကြီးကျယ် ခမ်းနားစွာ ကျင်းပရန် စီစဉ် ခဲ့သော်လည်း ခေတ်ကာလ အခြေအနေ အရ အကျဉ်းရုံးကာ ကိစ္စပြီးအောင် ပြုလုပ်ရန် ဦးသောဘိတ က ဆုံးမခဲ့သဖြင့် အကျဉ်းရုံး၍ ကျင်းပခဲ့ ကြရလေသည်။ ဒေါ်စု၏ သက်စေ့အဖြစ် သံဃာတော် (၇၅) ပါး ပင့်ဆောင်၍ ၀တ္ထုငွေ ( ၅ ) ကျပ်စီ လှူဒါန်း ပူဇော်ခဲ့ကြခြင်း ဖြစ်သည်။

မော်နီတာ မှ –

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: