ဗိုလ်ချုပ်တို့ လယ်ဝေးတွင် ဆုံစဉ်က

ဤဆောင်းပါးတွင် ပါသည့် အချက်အလက် များမှာ အလို သာလျှင် ရှိနိုင်ပါသည်။ အပို ချဲ့ထွင် ထားခြင်းတော့ မရှိပါဟု ၀န်ခံလိုပါ သည်။ တစ်နည်း အားဖြင့် ဆိုသော် ဆောင်းပါးတွင် ပါသော အကြောင်းအရာ များမှာ အမှန်အတိုင်း ဖြစ်ရုံမက အငြင်းပွားမှု ပြုလို ကြလျှင်လည်း သက်သေ ပြုနိုင်သော ပုဂ္ဂိုလ်ကြီးများ အသက် ထင်ရှားရှိနေ ကြပါသဖြင့် ရှည်လျားစွာ အငြင်းပွားဖို့ မလိုသော အဖြစ်အပျက် ဆောင်းပါးပင် ဖြစ်ပါသည်။

အချိန်ကား (၁၉၄၇) ခုနှစ်၊ ဧပြီ (၅) ရက်။ ထိုနေ့သည် ကြားဖြတ် အစိုးရဟု ခေါ်သော ဘုရင်ခံ အတိုင်ပင် ကောင်စီ (ဒု) သဘာပတိ နှင့် ကာကွယ်ရေး ၀န်ကြီး၊ ဖဆပလ အဖွဲ့ချုပ် ဥက္ကဋ္ဌကြီး ဗိုလ်ချုပ်အောင်ဆန်း သည် လယ်ဝေးမြို့သို့ လာရောက်၍ တိုင်းပြည်ပြု လွှတ်တော် ရွေးကောက်ပွဲ အတွက် တရား ဟောရန် ရောက်ရှိလာမည့် နေ့ဖြစ်ပါသည်။

လယ်ဝေး သူပုန်ထချိန်

ကျွန်တော်သည် ထိုအချိန်က လယ်ဝေးမြို့နယ် ဖဆပလအဖွဲ့ ဒု-ဥက္ကဋ္ဌ အဖြစ် လည်းကောင်း၊ မြို့နယ် ဆိုရှယ်လစ် ပါတီ ဥက္ကဋ္ဌ အဖြစ် လည်းကောင်း တာဝန် ယူနေရသူ ဖြစ်ပါသည်။ တစ်ချိန်တည်းမှာပင် လယ်ဝေး မြို့နယ် တွင်း၌ ဗမာပြည် ကွန်မြူနစ်ပါတီ၏ ကြိုတင် တောခိုပြီး ဆူပူ လှုပ်ရှားနေသော ဗိုလ်မှူး တာရာ (ရဲဘော်သုံးကျိပ်) ခေါင်းဆောင်သည့် (၁) ဘုန်းကြီး ခေါင်းစံဒွန်း၊ (၂) ဗိုလ်အောင်ကြီး (ကရင် အရေးတော်ပုံ ထသောအခါ စာရေးသူနှင့် လာပေါင်းသူ)၊ (၃) ဗိုလ်ရွှေဗျိုင်း၊ (၄) ဗိုလ်မဲလေး နှင့် (၅) မြင်းဖြူရှင် မခင်ညွန့် အစရှိသည့် ကွန်မြူနစ် တို့ကလည်း လယ်ဝေးနယ် အတွင်း မီးဟုန်းဟုန်း တောက်လောင်နေ စေသော အခါကာလလည်း ဖြစ်ပါသည်။ သို့မဟုတ် လယ်ဝေး သူပုန်ကြီး အဟုန်ပြင်းစွာ လှုပ်ရှားတက်ကြွ နေသော အချိန်ကာလလည်း ဖြစ်ပေသည်။ တပ်မတော်မှ နှိမ်နင်းရန် ထိုထကြွ ဆူပူ လှုပ်ရှား နေသော ဗမာပြည် ကွန်မြူနစ်ပါတီ ၏ လယ်ဝေး သူပုန်ကြီး ကို နှိမ်နင်း ဖယ်ရှားရန် အတွက် ဗိုလ်ချုပ်အောင်ဆန်း ခေါင်းဆောင်သော ကြားဖြတ်အစိုးရ က ဗမာ့ သေနတ်ကိုင် တပ်ရင်း အမှတ် (၄) ကို ပျဉ်းမနားသို့ ပို့၍ ရှေ့တန်း စစ်ဆင်ရေးရုံး ကို လယ်ဝေးမြို့ အနောက်ဘက် သရက်ပင်ကုန်း ဘုန်းကြီးကျောင်း ၀ိုင်းဟောင်းအတွင်း ဒု-တပ်ရင်းမှူး ဗိုလ်မှူးနေ၀င်း (ယခု တော်လှန်ရေး ကောင်စီနှင့် တော်လှန်ရေး အစိုးရအဖွဲ့ ဥက္ကဋ္ဌ ဗိုလ်ချုပ်ကြီးနေ၀င်း) ခေါင်းဆောင်၍ ဖွင့်လှစ်ထားပြီး တပ်မတော်က အင်တိုက် အားတိုက် ဆက်တိုက် ကွန်မြူနစ် သူပုန်များကို နှိမ်နင်းနေသည့် ကာလ ဖြစ်ပါသည်။

ဗိုလ်ချုပ် အသက် လုံခြုံရေး

ကျွန်တော်သည် ထို (၁၉၄၇) ခုနှစ်၊ ဧပြီ (၅) ရက်၊ နံနက် (၅း၃၀) နာရီ အချိန် ရှေ့တန်း စစ်ဆင်ရေး ရုံးခန်းသို့ ရောက်ရှိ သွားပါသည်။ ဗိုလ်ချုပ်က (ထိုစဉ်က ဗိုလ်ချုပ်ကြီး နေ၀င်းသည် ဗိုလ်မှူးအဆင့်၊ ဒု-တပ်ရင်းမှူး ရာထူးပင် ရှိသော်လည်း ကျွန်တော်တို့က ဗိုလ်ချုပ် ဟုပင် ခေါ်ပါသည်။ အဘယ့်ကြောင့် ဆိုသော် ဗိုလ်ချုပ်သည် ဂျပန်ခေတ် ဗမာ့တပ်မတော်တွင် စစ်သေနာပတိ တာဝန်ကို ထမ်းဆောင်ခဲ့သဖြင့် လည်းကောင်း၊ ဗိုလ်ချုပ်သည် လေးလိုင်း-သုံးပွင့် နှင့် တစ်ဘား ရာထူး ရရှိခဲ့သဖြင့် လည်းကောင်း၊ ဗိုလ်ချုပ်ဟုပင် ခေါ်ကြပါသည်။) “လာ ကြည်ရှိန်၊ ထိုိုင်၊ မင်းကိုို ငါ မနေ့က ပြောလိုိုက်တဲ့ အစီအစဉ် အားလုံး လုပ်ပြီးပလား” ဟု မေးပါသည်။ ကျွန်တော်လည်း ကုလားထိုင်တွင် ၀င်ထိုင်ပြီး ဗိုလ်ချုပ် မနေ့က အမိန့်ပေးသည့် အတိုင်း ဆောင်ရွက် ပြီးပြီ ဖြစ်ကြောင်း အစီရင်ခံပြီး အခြေအနေ အားလုံးကို တင်ပြ လိုက်ပါသည်။ ဗိုလ်ချုပ်က ကျွန်တော့်ကို ဗိုလ်ချုပ်အောင်ဆန်း ၏ အသက် လုံခြုံရေး ကို အဓိက ဂရုစိုက်ရန် ထပ်ခါ ထပ်ခါ မှာကြားလျက် ရှိပါသည်။ အကြောင်းမှာ ကွန်မြူနစ် ပါများ အင်အား အကြီးဆုံးနယ် ဖြစ်နေသည့် အပြင် သတင်းများက လည်း ဗိုလ်ချုပ်အောင်ဆန်း အပေါ် မရှုစိမ့်နိုင်သော စိတ်ထားဖြင့် တစ်စုံတစ်ခု လုပ်ကြလိမ့်မည်ဟု သတင်း ထွက်ပေါ်နေသော ကာလလည်း ဖြစ်ပါသည်။

ကြိုဆိုရန် တာဝန်ပေး

ထိုစဉ် ဗိုလ်ချုပ်က ရဲဘော် တစ်ယောက်အား ဗိုလ်တင်ဖေကို ခေါ်လိုက်စမ်းဟု လှမ်းပြောလိုက်ပြီး မကြာမီ ဗိုလ်ကြီးတင်ဖေ (ယခု ဗိုလ်မှူးချုပ် ဟောင်း တင်ဖေ) ရောက်လာသည့်အခါ – ဗိုလ်ချုပ်နေ၀င်း က “ဗိုလ်ချုပ်အောင်ဆန်း ကိုို ရေတာရှည်ဘက် သွားကြိုပြီး လုံခြုံရေး အတွက် စောင့်ရှောက် ခေါ်လာရန် ဘယ်သူ့ကို တာဝန် ပေးထားသလဲ” ဟု မေးပါသည်။ ဗိုလ်ကြီး တင်ဖေက “ဗိုလ်သိန်းနဲ့ သူ့တပ်စုကို တာဝန် ပေးလိုက်လို့ ခု သွားခေါ်ပါပြီ ဗိုလ်ချုပ်””(ဗိုလ်ချုပ်နေ၀င်း) “ခင်ဗျား ဒီလောင်တောင် ဗိုလ်ရှား သလားဗျာ၊ ဒီ ဗိုလ်သိန်း ကိုမှ (ဗိုလ်သိန်း ဆိုသူမှာ ကွန်မြူနစ်ဝါဒ ကို သက်ဝင်ယုံကြည်ပြီး တောခို သွား၍ ၁၉၅၉ ခုနှစ် မေလ ၂၈ ရက်နေ့၌ စကြာမောင် စစ်ဆင်ရေး တွင် စစ်ကြောင်း တစ်ခု နှင့်တိုးပြီး တိုက်ပွဲ၌ ကျဆုံးသွားသော နစ်ဖြူ မြစ်ဖျား ဒေသတိုင်း အတွင်းရေးမှူး နှင့် တိုင်း ကော်မတီဝင်၊ အရေးပါသော နစ်ဖြူဗိုလ်သိန်း ဖြစ်သည် ) တာဝန် ပေးလိုက်ရသလား”(ဗိုလ်ကြီး တင်ဖေ) “ဒီနေ့ အလှည့်ကျ စောင့်ရှောက်ရေး တာဝန်က သူ့တပ်စု ဖြစ်နေပါတယ် ဗိုလ်ချုပ်”(ဗိုလ်ချုပ်နေ၀င်း) “ဒါဖြင့် ပြီးရောဗျ၊ ခင်ဗျား လုပ်စရာရှိတာ မလစ်ဟင်းအောင် ဆက်လုပ်၊ ကဲ သွားနိုင်ပြီ”ထို့နောက် ဗိုလ်ချုပ်က “ကဲ ကြည်ရှိန်၊ မင်း ဗိုလ်ချုပ်အောင်ဆန်းကို ရေတာရှည်ကနေ သွားကြို၊ ဗိုလ်သိန်းကို မျက်ခြည် မပြတ်စေနဲ့၊ သတိ အမြဲထား၊ အခြေအနေက မဟုတ်တာ လုပ်လိမ့်မယ်လို့ ထင်ရင်မြင်ရင် မင်းဘာသာ ဆုံးဖြတ်ပြီး လုပ်” ဟုပြောပြီး တစ်ဆက်တည်း ပင် “ဒီမြို့ထဲက တရားဟောမယ့် နေရာ လုံခြုံရေးကို မင်းဘယ်သူတွေ တာဝန် ပေးထားသလဲ ”ဟုမေးပါသည်။ ကျွန်တော်က သခင်သိန်းမောင် နှင့် ယခင် ဗမာ့တပ်မတော် ဒု ဗိုလ်ဟောင်းများ ဖြစ်ကြသည့် ဗိုလ်ဝင်းငြိမ်း၊ ဗိုလ်ကျော်မြ၊ ( နှစ်ဦးလုံး ကွန်မြူနစ်များ သတ်ဖြတ်ခြင်း ခံသွားရသည် ) တို့နှင့် ရဲဘော်များကို တာဝန် ပေးထားကြောင်း ပြောပြ လိုက်ပါသည်။ ဗိုလ်ချုပ်က ထပ်မံ၍ “မင်းနဲ့ ရဲဘော် ဘယ်နှစ်ယောက် သွားမှာလဲ” ဟု မေးသဖြင့် ကျွန်တော်က ယခု ၅ ယောက် ပါလာကြောင်း၊ ရေတာရှည် အသွားတွင် သပြေပင် (ကျွန်တော် နေထိုင်ရာရွာ) မှ နောက်ထပ် ၇ယောက် ထပ်မံ ခေါ်သွားမည် ဖြစ်ကြောင်း ဖြေကြား လိုက်ပါသည်။ ထိုအခါ ဗိုလ်ချုပ်က ဗိုလ်ချုပ် အောင်ဆန်းနှင့် တွေ့သောအခါ ဦးတင်ထွဋ် ကို ဖဆပလ အမတ်လောင်း ရွေးသည့်ကိစ္စ နှင့် ပတ် သက်၍ ကွန်မြူနစ်များက တိုက်ကွက် လုပ်ထားကြောင်း နှင့် ဗိုလ်တာရာ သောင်းကျန်းနေသည့် အကြောင်းများကို အဓိက ဟောကြား ရှင်းလင်းပေးရန် မှာလိုက်ကြောင်း တို့ကို သတင်းပို့ရန် မှာကြားပြီး နောက် ကျွန်တော့်အား သွားရန် အမိန့်ပေးသဖြင့် ကျွန်တော်လည်း ရေတာရှည်သို့ ဦးတည် ထွက်ခွာ လာခဲ့ပါသည်။ ဗိုလ်ချုပ်အောင်ဆန်း ရေတာရှည်တွင် တရားဟော နေစဉ်ပင် ကျွန်တော် ရောက်ရှိ သွားပါသည်။ ကျွန်တော်လည်း ဗိုလ်သိန်းကို အဓိကထားပြီး ကြည့်နေခဲ့ပါသည်။ ဗိုလ်ချုပ် အောင်ဆန်း ရေတာရှည် တရားပွဲပြီးလျှင် ပြီးချင်း လယ်ဝေးသို့ ထွက်လာပါသည်။ ကျွန်တော် သိထားသည်မှာ မြို့လှမြို့ တွင် တရားတစ်ပွဲ ရှိသေးသဖြင့် ဗိုလ်ချုပ်ထံ မြို့လှတွင်မှ သတင်းပို့မည် ဆုံးဖြတ်ပြီး သွားရောက် မတွေ့ဆုံသေးပါ။ မြို့လှတွင် တရား ဟောပွဲ ပြီးလျှင် ပြီးချင်း ဗိုလ်ချုပ်အောင်ဆန်းထံ သွား၍ သတင်းပို့ပါသည်။ ဗိုလ်ချုပ်က ကားပေါ်တက် ခိုင်းပြီး“ဗိုလ်နေ၀င်းက ဘာမှာလိုက်သလဲ” ဟု မေးပါသည်။ ကျွန်တော်လည်း ဗိုလ်ချုပ်နေ၀င်း မှာကြားချက် နှစ်ချက်လုံးပင် သတင်း ပို့ပါသည်။ ဗိုလ်ချုပ် အောင်ဆန်း က တက်တစ်ချက် ခေါက်ပြီး “ဒီကွန်မြူနစ် တွေဟာ တော်တော်ခက်တဲ့ လူတွေပဲကွာ၊ ဦးတင်ထွဋ် က ICS ဖြစ်တာနဲ့ပဲ လွတ်လပ်ရေး မလုပ်ရတော့ဘူး တဲ့လား။ တိုင်းပြည် လွတ်လပ်ရေး ဆိုတာ တစ်မျိုးသားလုံး ၀ိုင်းဝန်း လုပ်ရတယ်၊ လုပ်သင့် လုပ်ထိုက်တယ် ဆိုတာ မသိကြဘူးလား၊ သူတို့က တိုင်းပြည် အလုပ်ကို ကိုယ်ပိုင်ပါတီ လုပ်ငန်းများ ထင်နေကြသလား မသိဘူး”ဟု ငြီးတွားပါသည်။ ကျွန်တော်လည်း လယ်ဝေးမြို့သို့ ရောက်လျှင် ပြုလုပ်မည့် အစီအစဉ်များကို ရှင်းလင်း အစီရင်ခံသည့် အခါ ဗိုလ်ချုပ် အောင်ဆန်းက“အေးကွာ မင်းတို့ စီစဉ်ထားသလို လုပ်ရတာပေါ့” ဟုဆိုပြီး အစီအစဉ်ကို လက်ခံကြည့်ရှုပါသည်။ လယ်ဝေးမြို့ တရားပွဲတွင် ဗိုလ်ချုပ်အောင်ဆန်း လယ်ဝေးမြို့သို့ အ၀င်တွင် များပြားလှသော လူထု အုပ်စုကြီးများက ဗိုလ်ချုပ်အား တွေ့မြင်ရပါစေ၊ နှုတ်ဆက် ပါရစေ ဟု လမ်းမပေါ်၌ ပိတ်ဆို့ကာ တောင်းဆိုကြ၍ တစ်နေရာ၌ နှစ်မိနစ်မျှ ကားခေါင်ပေါ်သို့ တက်၍ နှုတ်ဆက်ရသည်မှာ အကြိမ် (၂၀) ခန့်မျှပင် ရှိပါသည်။ တရားပွဲ ကျင်းပပြုလုပ်ရန် စီစဉ်ထားသည့် လယ်ဝေးမြို့လယ် ဘောလုံးကွင်းသို့ ရောက်လျှင် ရောက်ချင်းပင် ဗိုလ်ချုပ် အောင်ဆန်းက တရားဟော ပါတော့သည်။ ဗိုလ်ချုပ်အောင်ဆန်း သည် ICS ဦးတင်ထွဋ်နှင့် ပတ်သက်၍ အထက်တွင် ဖော်ပြခဲ့သည့် အချက်အလက် များအား အကျယ်တ၀င့် ရှင်းလင်း ဟောကြားပြီးနောက် ဗိုလ်တာရာနှင့် ပတ်သက်၍“ကွန်မြူနစ်ဝါဒ မှိုင်းဝင်နေတဲ့ လူတိုင်း ဟာတော့ သူတို့ ကွန်မြူနစ်ပါတီ အကျိုးအတွက်ဆိုရင် ဘာလုပ်ရလုပ်ရ ၀န်မလေးကြဘူး။ ကွန်မြူနစ် ရန်နဲ့ ပတ်သက်ပြီးတော့ ခင်ဗျားတို့ သိပ်ကြောက်စရာ မလိုပါဘူး။ ခုဆိုရင် ခင်ဗျားတို့ နယ်မှာ ဗိုလ်နေ၀င်း ဦးစီးတဲ့ ဗမာ့ သေနတ်ကိုင် တပ်ရင်း (၄) က ခင်ဗျားတို့ အတွက် မားမား မတ်မတ် ရပ်တည်ပြီး ကွန်မြူနစ် ရန်အေးအောင် လုပ်ပေးပါလိမ့်မယ်။“ကွန်မြူနစ်ရန်ကို ကြောက် နေရတာနဲ့ တိုင်းပြည် လွတ်လပ်ရေး တိုက်ပွဲကို မျက်ခြည်ပြတ် နေဦးမယ်။ အဓိကက တိုင်းပြည် လွတ်လပ်ရေးကို ဦးတည်ပြီး လုပ်ကြပါ လို့ ကျွန်တော် ပြောချင်ပါတယ်။”စသည်ဖြင့် ဟောပြောပြီး တရားပွဲကို နိဂုံးချုပ် လိုက်ပါသည်။ သောင်းနှင့်ချီ၍ တက်ရောက်ခဲ့သော လူထုပရိသတ်ကြီး၏ သြဘာသံများ ကလည်း တစ်မြို့လုံး နီးပါးပင် ဟိန်းသွားခဲ့ပါသည်။

ဗိုလ်ချုပ် နှစ်ဦး တွေ့ဆုံကြစဉ်

တရားပွဲ ပြီးသည့်နောက် ဗိုလ်ချုပ်အောင်ဆန်းအား ကျွန်တော်က လယ်ဝေးမြို့ အနောက်စွန်းရှိ ဆရာတော် ဦးဇောတ သီတင်းသုံးရာ ပေါက်မြိုင် ဘုန်းကြီး ကျောင်းဝင်းသို့ ခေါ်ဆောင် ခဲ့ပါသည်။ ထိုကျောင်းဝင်းတွင် အသင့် စောင့်ဆိုင်းနေသော ဗိုလ်ချုပ်နေ၀င်းက ဗိုလ်ချုပ် အောင်ဆန်း အား ဘုန်းကြီး ဆွမ်းစား ကျောင်းထိပ်မှ သရက်ပင် အောက်တွင် အလေးပြု၍ ဆီးကြိုပါသည်။ ဗိုလ်ချုပ် အောင်ဆန်းက “ဗိုလ်နေ၀င်း ခင်ဗျား ပင်ပန်းသလား” ဟု မေးပါသည်။ ဗိုလ်ချုပ်နေ၀င်း က “မပင်ပန်းပါဘူးဗိုလ်ချုပ်”ဟု ပြန်ဖြေပါသည်။ ဗိုလ်ချုပ် အောင်ဆန်း က ဆက်လက်၍“ကျွန်တော်တို့လည်း ဒီလယ်ဝေး သူပုန်က ဦးမနှိမ်နိုင်ရင် ရောင့်တက်ပြီး ဇက်ရဲလက်ရဲ တစ်ဆင့်တက် လာမယ်လို့ ယူဆတယ်။ ဒါနဲ့ သေသေချာချာ လူရွေးကြတော့ ခင်ဗျားကိုပဲ ၀ိုင်းရွေးကြတာနဲ့ ပို့လိုက်ရတာပဲဗျာ” ဟု ပြောပါသည်။ ဗိုလ်ချုပ်နေ၀င်း က “ကိစ္စမရှိပါဘူး ဗိုလ်ချုပ်၊ ကျွန်တော် တာဝန်ယူပြီး လုပ်ပါ့မယ်”ဟု ပြန်ပြောပါသည်။ ထိုအခါ ဗိုလ်ချုပ်အောင်ဆန်းက “အေးဗျာ နည်းနည်း အသားကျသွားရင်တော့ ချက်ချင်း လူလဲလိုက်မယ်။ ခင်ဗျားကိုလည်း ရန်ကုန်ခေါ်ဖို့ ကျွန်တော် စဉ်းစားပြီးပြီ။ ရန်ကုန်မှာ ခင်ဗျားကို တာဝန်ကြီးတွေ ပေးစရာ အများကြီး ရှိသေးတယ်ဗျ” ဟု ပြောပါသည်။ ဗိုလ်ချုပ်နေ၀င်းက “ကောင်းပါပြီ ဗိုလ်ချုပ်” ဟုသာ ပြန်ပြောပါသည်။

သမိုိုင်း ဝင် ဓာတ်ပုံ

ဤကဲ့သို့ ဗိုလ်ချုပ်နှစ်ဦး ရပ်၍ စကားပြော နေစဉ် ဗိုလ်ချုပ်အောင်ဆန်းနှင့် အတူပါလာသော ကွယ်လွန်သူ သတင်းထောက် ဦးပုကလေးက ယခု မြန်မာပြည်တွင် ရှားရှားပါးပါး တစ်ပုံတည်းရှိသော ပြည်သူ့ရဲဘော် သေနာပတိ စစ်ဝတ်စုံ ၀တ်ထားသော ဗိုလ်ချုပ်အောင်ဆန်း နှင့် အင်္ဂလိပ် စစ်တပ် စစ်ဝတ်စုံ ၀တ်ထားသော ဗိုလ်ချုပ်ကြီး နေ၀င်းတို့၏ နှစ်ယောက်တွဲပုံကို ရိုက်ယူပါသည်။ ထိုပုံနှင့် ပတ်သက်၍ စာနယ်ဇင်း မျိုးစုံတွင် မည်သည့်နေရာ၊ မည်သည်စခန်း ဟု တိကျစွာ ယနေ့တိုင် ဖော်ပြနိုင်ခြင်း မရှိဘဲ တပ်စခန်း တစ်နေရာတွင် ဟုသာ ဖော်ပြနေခြင်း တွေ့နေရပါသဖြင့် ဤသမိုင်းဝင် ဓာတ်ပုံကို လယ်ဝေးမြို့ ဆရာတော် ဦးဇောတ၏ ပေါက်မြိုင် ကျောင်းဝင်း အတွင်း ရိုက်ကူးကြောင်း မှတ်တမ်း ပြုလိုက်ပါသည်။ ထိုသို့ ဗိုလ်ချုပ်နှစ်ဦး စကားပြော နေကြစဉ်မှာပင် ဗိုလ်ကြီး တင်ဖေ ရောက်ရှိလာကာ တပ်ရင်း (၄) ၏ ဗိုလ် အကြပ်တပ်သားများ ဧည့်ခံရန် ပြင်ဆင်ထားသည့် လက်ဖက်ရည်ဝိုင်း ဆီသို့ ဗိုလ်ချုပ်နှစ်ဦးအား ဖိတ်ကြား ခေါ်ဆောင်သွားပါသည်။ ဗိုလ်ချုပ် အောင်ဆန်းသည် လက်ဖက်ရည်ဝိုင်းတွင် တွေ့ရှိသော ဗိုလ်၊ အကြပ်၊ တပ်သားများအား နှုတ်ဆက်၍ အားပေးစကားများ ပြောကြားကာ လက်ဖက်ရည်နှင့် စမူဆာများ စားသောက်ပါသည်။ စားသောက်ပြီးလျှင် ပြီးချင်း ဗိုလ်ချုပ် အောင်ဆန်းသည် ပျဉ်းမနား မြို့သို့ ခရီး ဆက်လက် ထွက်ခွာရာ ဗိုလ်ချုပ် နေ၀င်း ကိုယ်တိုင် အစောင့်အရှောက် အဖြစ် အတူတကွ လိုက်ပါသွားခဲ့ပါသည်။ ဤကဲ့သို့ ဗိုလ်ချုပ် နှစ်ဦး လယ်ဝေးတွင် ဆုံခဲ့စဉ်က ကိုယ်တွေ့ အကြောင်းအရာများ သည် အချိန် အားဖြင့် (၂၄) နှစ်တိုင် ကြာညောင်းခဲ့ပါပြီ။
ရည်ရွယ်ချက် နှစ်ချက်
ဤအကြောင်းအရာများ ကို ဆောင်းပါးဖြင့် တင်ပြခြင်း မှာ ကျွန်တော့်တွင် ရည်ရွယ်ချက် နှစ်ခု ရှိပေသည်။ ပထမ အချက် အားဖြင့် ဗိုလ်ချုပ် အောင်ဆန်းသည် ဗိုလ်ချုပ်နေ၀င်းအား ရဲဘော် ရဲဘက်အနေဖြင့် မည်မျှ အားကိုးအားထား ချစ်ခင်လေးစားမှု ရှိခြင်းနှင့် ဗိုလ်ချုပ်ကြီး နေ၀င်း သည်လည်း ဗိုလ်ချုပ်အောင်ဆန်း အပေါ်တွင် ရဲဘော်ရဲဘက် အနေဖြင့် မည်မျှ အသက်အန္တရာယ်ကို စိုးရိမ်ကြီးခဲ့၊ ဂရုစိုက် အရေးတယူ ချစ်ခင်လေးစားမှု ရှိခဲ့သည် တို့ကို လည်းကောင်း- ဒုတိယအချက် အနေဖြင့် ဤ တစ်ပုံတည်း သော သမိုင်းဝင် ဗိုလ်ချုပ် နှစ်ဦး၏ ပုံကို စာနယ်များ၌ အလျဉ်းသင့်၍ ဖော်ပြလေတိုင်း မည်သည့်မြို့၊ မည်သည့်နေရာ၊ မည်သည့်နှစ်တွင် မည်သို့သော အကြောင်းအရာနှင့် စပ်လျဉ်း၍ ရိုက်ကူးခဲ့ကြောင်းကို ယနေ့တိုင် တိကျစွာ ဖော်ပြနိုင်ခြင်း မရှိသေး၍ သမိုင်းဝင် မှတ်တမ်းဓာတ်ပုံတို့၏ အင်္ဂါရပ်နှင့် လျော်ညီစွာ မှတ်တမ်းပြုနိုင်ရန် ရည်ရွယ်လျက် ဤကိုယ်တွေ့ အဖြစ်အပျက် မှတ်တမ်းကို ရေးသားဖော်ပြခြင်း ဖြစ်ပါသည်။

သခင်ကြည်ရှိန် အိုးဝေ၊

အမှတ်(၇၁)၊ ၁၅၊ ၇၊ ၁၉၇၁ထုတ် မှ
မော်နီတာ-အတွဲ(၁)အမှတ်(၁၃)မှ

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: