ငရဲခွေးကြီးအကြောင်း ( ကောက်နှုတ်ချက် )

အိုးဝေ ဦးညိုမြ၏ ကိုယ်တိုင်ရေး အတ္ထုပ္ပတ္တိ အကျဉ်းချုပ်မှ ကောက်နုတ်ချက်

- အိုးဝေ စိန်ရတု ၇၅ နှစ်ပြည့် -

(၁၉၃၅) ခုနှစ်တွင် ကိုအောင်ဆန်းက တက္ကသိုလ် သမဂ္ဂ အဖွဲ့၌ အယ်ဒီတာ လုပ်ရန် ကျွန်တော့်ထံ လာရောက် စည်းရုံး၏။ ကျွန်တော်က အိုင်အေ မအောင်သေး၍ ထိုနှစ် အဖို့ သူပင် အယ်ဒီတာ လုပ်ပါ။ ရှေ့နှစ်ခါမှ လုပ်ပါရစေ ဟု အပေးအယူ မျှတ သွား၏။ ထိုသို့ သူနှင့် ကျွန်တော် ပူးတွဲ မိရာမှ သမဂ္ဂ မဂ္ဂဇင်း၌ (ငရဲခွေးကြီး လွတ်ပြေး နေပြီ) ဟူသော ဆောင်းပါး ပါရှိကာ မဂ္ဂဇင်း ထွက်ပေါ်ချိန်၌ (၁၉၃၆)ခု၊ ရန်ကုန် တက္ကသိုလ် သပိတ် ဖြစ်ပွားရလေသည်။

ထိုနှစ်က ကျောင်းသား လောကတွင် လှုပ်ရှားမှုများ ရှိရာ သခင်တို့၏ နိုင်ငံရေး လှုံ့ဆော်မှု များလည်း ရှိ၏။ တက္ကသိုလ်၌ လည်း အလိုတော်ရိ ကျောင်းသားများ နှင့် သမဂ္ဂ အုပ်စု တို့၏ ပဋိပက္ခ များလည်း ရှိ၏။ ကျောင်းတက်ချိန်၌ တက်သူ၊ မတက်သူများ နာမည် ခေါ်ချိန်တွင် အင်္ဂလိပ်လို Present, Sir. (ရှိပါသည် ခင်ဗျား) ဟု ဆိုရမြဲ ဖြစ်ရာ ကျောင်းသား တစ်ဦးက ( Sir -ဆာ) ဟူသော စကားလုံးကို ချန်လှပ် ခဲ့သည် ဆိုကာ ကျောင်းထုတ်၏။ ထို့နောက် ကောလိပ်ကျောင်း၌ ကြေညာချက်များ ကပ်ထားသော သင်ပုန်းမှ စက္ကူကို ဖြုတ်သည် ဆိုသော ကျောင်းသား ကိုလည်း ကျောင်းထုတ် ပစ်ပြန်၏။ ကျောင်းလခ ပေးရန် နောက်ကျသူများ အတွက် အလိုတော်ရိ အုပ်စုဝင် မဟုတ်လျှင် ဒဏ်ရိုက် ခံရ၏။ ထိုနှစ်က သမဂ္ဂ ဥက္ကဋ္ဌမှာ ဦးနု ဖြစ်လေသည်။ သူ့ကိုလည်း နိုင်ငံရေး မိန့်ခွန်းများ ဟောပြောသည် ဆိုကာ ကျောင်းထုတ် ပြန်၏။ အကြောင်းကြောင်း ကြောင့် ကျောင်းထုတ် ခံရသူများ များပြားလာရာ ဥက္ကဋ္ဌ ကိုနုကို ထုတ်ခြင်းဖြင့် ကျောင်းသား သမဂ္ဂကို ဖိနှိပ်လိုကြောင်း ထင်ရှား လာတော့၏။

ဤတွင် သမဂ္ဂ အာဘော် ဖြစ်သော အိုးဝေမဂ္ဂဇင်း၌ တာဝန်ခံ ထုတ်လုပ်သူ များမှာ ကိုအောင်ဆန်းနှင့် ကျွန်တော် ဖြစ်နေ၏။ သမဂ္ဂ၏ ပြန်ကြားရေး တာဝန်ကို ထမ်းဆောင် ရသူများ ဖြစ်၍ သူနှင့် ကျွန်တော့် အနေဖြင့် တစ်နည်းတစ်ဖုံ ထိရောက်စွာ တုံ့ပြန်ရန်မှာ ရှောင်လွှဲ၍ မဖြစ် တော့ချေ။ စာပေ အရေးအသား၌ ကိုအောင်ဆန်းက ကျွန်တော့်ကို အားကိုးသည် ဖြစ်၍ ထို “ငရဲခွေးစာပေ”ကို ကျွန်တော်ပင် ရေးသား ပါသည်။ ထိုစာကို ရေးသားရာ၌ မည်သူ့ကိုမျှ မတိုင်ပင်ဘဲ သန်းခေါင် အချိန် ကျွန်တော်၏ သထုံ ဆောင် အခန်း၌ တံခါးပိတ် ရေးသား ခဲ့သည်။

ယခင် မိမိရေးသားသော စာပေ ကဗျာ စသည် တို့ကို ရေးပြီးလျှင် ဟိုဆရာ၊ ဒီဆရာပြကာ ဝေဖန်ချက် တောင်းခံလေ့ရှိ၏။ သို့သော် ယခု တစ်ကြိမ် ၌ကား မည်သူ့ကိုမျှ မပြချေ။ အန္တရာယ် ရှိသော စာပေဖြစ်၍ နောင်အခါ အမှုအခင်း ဖြစ်သော် ဆရာများ၊ သူငယ်ချင်းများကို မထိခိုက်စေလို၍ ဖြစ်သည်။ ထိုဆောင်းပါးကို အယ်ဒီတာထံ ပေးစာ အသွင်၊ ခပ်တိုတိုပင် အင်္ဂလိပ် ဘာသာဖြင့် ရေးလိုက်သည်။ ထိုခေတ်က လူများမှာ စာမေးပွဲ ကျရှုံးသူများ၊ သခင် ပေါက်စများ၊ နောင်ရေး အလားအလာ ကင်းမဲ့သူများ စသည်ဖြင့်အာဏာပိုင်တို့က ပုတ်ခတ် ၀ါဒ ဖြန့်လေ့ ရှိသဖြင့် မြန်မာ ဘာသာနှင့် သာမက အင်္ဂလိပ်လိုလည်း ရေးတတ် ဆဲတတ်ပါသည် ဆိုသော အချက်ကို စေရန် ဖြစ်သည်။ အင်္ဂလိပ် ကျောင်းအုပ်ကြီး အနေဖြင့် မြန်မာလို ရေးလျှင် သူတစ်ပါးက ဘာသာပြန် ပေးရာတွင် လိုတိုး ပိုလျှော့ လုပ်မည် စိုးရိမ်၍ လည်း အင်္ဂလိပ်လို ရေးလိုက်ခြင်း ဖြစ်၏။

ထိုစာမှာ ပုဂံ ကျောက်စာ ကဲ့သို့ ကျိန်ဆဲစာ သဘောမျိုး ဖြစ်သည်။ ငရဲပြည်ကို အုပ်စိုးသော ယမမင်းက ကြေညာချက် တစ်ရပ် ထုတ်ပြန်ရာ“အ၀ီစိမှ ခွေးနက်ကြီး တစ်ကောင် လွတ်ပြေးကြောင်း နောက်ဆုံး သတင်းအရ တက္ကသိုလ် နယ်မြေသို့ ရောက်ရှိ သောင်းကျန်းနေသည် ဆိုကြောင်း၊ ခွေးနက်ကြီး၏ ပုံပန်း သဏ္ဌာန်ကို အများသိ နိုင်အောင် ရာဇ၀တ်ကောင် ကြေညာ သကဲ့သို့ ဖော်ပြပါရှိ၏။ ထိုခွေးကို တွေ့ရှိက အ၀ီစိသို့ ပြန်လည် ကန်ချလိုက်ပါ”ဟု တိုက်တွန်း ထား၏။

အိုးဝေ မဂ္ဂဇင်း၌ ထိုဆောင်းပါး ပါရှိလာ သောအခါ ကျောင်းအုပ်ကြီး ဒေါက်တာ ဆလော့က ကိုအောင်ဆန်းကို ခေါ်ယူကာ ရေးသူ တရားခံ၏ အမည်ကို ဖော်ထုတ် ခိုင်း၏။ ကိုအောင်ဆန်းက အယ်ဒီတာ တို့သည် စာရေးသူ အမည်ကို ဖွင့်ပြောရိုး ထုံးစံမရှိ ဟု ပြန်ပြော၏။ ဤတွင် သူ့ကို လည်း ကျောင်းမှ ထုတ်လိုက်၏။ ဤသို့ဖြင့် (၁၉၃၆) ခုနှစ် တက္ကသိုလ် သပိတ်ကြီး ပေါ်ခဲ့သည်။

ညိုမြ

ခရစ် (၁၉၃၆) ခုနှစ်၊ တက္ကသိုလ် ကျောင်းသား သပိတ်နှင့် ပတ်သက် ခဲ့သော “ငရဲခွေးကြီး လွတ်နေပြီ”ဆောင်းပါး ကိစ္စကို အိုးဝေ ဦးညိုမြက သူ၏ ကိုယ်တိုင်ရေး အတ္တုပ္ပတ္တိအကျဉ်း၊ လက်ရေး စာမူ တွင် အထက်ပါအတိုင်း ဖော်ပြခဲ့သည်။ ထိုဖြစ်ရပ်နှင့် ပတ်သက်၍ ဆရာ ဦးညိုမြကို တပည့် အိုးဝေ ဂျာနယ် အယ်ဒီတာ တက္ကသိုလ်စိန်တင် က မေးမြန်းသောအခါ ပြုံးရယ်ရန် ခဲယဉ်းသော ဆရာ ဦးညိုမြ သည် အတိတ် ဖြစ်ရပ်များ ကို ပြန်သတိရပြီး ရယ်ရယ် ပြုံးပြုံးနှင့် ဤသို့ ပြောပြလေသည်။

“အဲဒီတုန်းက ကိုယ်နဲ့ ကိုအောင်ဆန်းတို့ ရန်ကုန်မြို့ထဲက စာအုပ်ချုပ် ကုလားဆီက အိုးဝေမဂ္ဂဇင်း စာအုပ်တွေကို တက္ကစီကားနဲ့ သယ်ယူပြီး ကမာရွတ် ကို ပြန်ခဲ့ကြတယ်။ စာအုပ်ပုံပေါ်မှာ နှစ်ယောက်သား တင်ပလ္လင်ခွေ ထိုင်ပြီး ရယ်စရာတွေ ပြောလာကြတယ်။ ကိုယ်တို့ ထိုင်ထား တဲ့ မဂ္ဂဇင်းတွေ က မီးခဲတွေဆိုတာ မေ့နေကြတယ်”

ယခုအခါ (၁၉၃၆) ခုနှစ် က “ယမမင်း” ကလောင် နာမည်ခံ၍ အိုးဝေဦးညိုမြ ရေးခဲ့သော A HELL HOUND AT LARGE (ငရဲခွေးကြီး လွတ်နေပြီ) ဆောင်းပါး မှာ (၂၀၁၁) ခုနှစ် တွင် အချိန်ကာလ အားဖြင့် (၇၅)နှစ် တင်းတင်းပြည့်၊ စိန်ရတု ကာလသို့ တိုင်ခဲ့ပြီ။ ဆိုရလျှင် နယ်ချဲ့ ဆန့်ကျင်ရေး နှင့် အမျိုးသား လွတ်မြောက်ရေး တိုက်ပွဲ ကာလက နယ်ချဲ့ ဗြိတိသျှနှင့် သူ၏ အလိုတော်ရိ အမှုထမ်း တို့အား အယ်ဒီတာ “ကိုအောင်ဆန်း”နှင့် စာရေးသူ “ယမမင်း” (ညိုမြ) တို့၏ တိုက်ခိုက် ထိုးနှက်ခဲ့သော စာပေ လက်သီး တစ်ချက်၏ သမိုင်းကာလ သည် (၇၅) နှစ် တင်းတင်း ပြည့်ခဲ့ကြောင်း တန်ဖိုး ကြီးမားလှသော သမိုင်း မှတ်တမ်းတစ်ခု အဖြစ် တင်ပြရပါသည်။

တက္ကသိုလ်စိန်တင် ခွင့်ပြုချက် ဖြင့်

မော်နီတာ ဂျာနယ်မှ –

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: