မှန်တစ်ချပ်

Mirror - Picasso

သည်ကနေ့ စိတ်ကို ပုံမှန် အတိုင်း ဖြစ်အောင် ထားသော်လည်း အနည်းငယ် တော့ ရှုပ်ယှက်ခတ် နေမိသည်။ စိတ်ရှုပ်စရာတွေချည်း တွေ့နေရသော ကြောင့် ဟု ဆိုပါလျှင် ယောင်္ကျားစင်စစ် ညီးတွားခြင်းသာ ဖြစ်ပါ လိမ့်မည်။ တကယ်က စိတ်ရှုတ် စရာများ ရှိလာသောကြောင့် စိတ် ရှုပ်ခြင်း မဟုတ်။ စိတ် ကိုက ရှုပ်နေသောကြောင့် စိတ်ရှုပ်ခြင်း ဖြစ်သည်။

စိတ် ရှုပ်စရာ ဟူ၍ ဤကမ္ဘာတွင် ရှိမည် မဟုတ် ဟု ထင်ပါသည်။ စေ့စေ့ တွေးကြည့်ပါက နိုင်ငံရေးသည် လည်းကောင်း၊ စီးပွားရေးသည် လည်းကောင်း၊ လူမှုရေး တို့သည် လည်းကောင်း၊ အဆုံးစွန်ဆုံး- ပညာရေးသည် လည်းကောင်း အနည်းငယ်မျှ စိတ် ရှုပ်ထွေးစေ နိုင်သည် မဟုတ်ပေ။ ယင်းအရေး အရာများနှင့် တကွ သဘာဝ ပတ်ဝန်းကျင် နှင့် လူအပါ အဝင် သက်ရှိ သက်မဲ့ အရာတိုင်း သည် ၎င်းတို့ သဘော အလျောက် ဖြစ်ပျက် ပြောင်းလဲ ( တစ်ခါတစ်ရံ ဗြောင်းဆန်၍ ) သွားကြသည်သာ ဖြစ်သည်။

ဤနေရာတွင် သိထားရန် လိုသည်က မိမိသည်လည်း ယင်းသဘာဝ အတွင်း ပါဝင်လျက် ရှိနေသည် ဆိုသော အချက်နှင့် သူ့သဘော နှင့်သူ ဖြစ်ပျက် နေသော အနှီ သက်ရှိ သက်မဲ့ တို့သည်လည်း မိမိအား အနည်းနှင့် အများ အနှောင့်အယှက် ပြုနိုင်သေးသည် ဟူသော အချက် ဖြစ်ပါသည်။

“လူသည် နိုင်ငံရေး သတ္တဝါ ဖြစ်သည်” ဟူသော အဆိုများ၊ “လူသည် ပတ်ဝန်းကျင်၏ သားကောင် ဖြစ်သည်” ဟူသော မိန့်ကြားချက်များ၊ စသည်တို့သည် အကြင်လူ တစ်ယောက်၏ ပတ်ဝန်းကျင်တွင် ၎င်း၏ စိတ်ကို ကသိကအောက် ပြုစရာ ၊ အနှောက်အယှက် ပြုစရာ အရာရာ တို့ အပြည့်အနှက် ခြံရံ နေကြမည် ဟု အသိပေးထားခြင်း၊ သတိပေးထားခြင်း သာ ဖြစ်သည်။ တကယ် လည်း ခြံရံ နေပါသည်။

ယီမင် နိုင်ငံ သမ္မတနှင့် ဆန္ဒပြကြသူများ အကြောင်း၊ ဘင်လာဒင် သေဆုံးမှုမှ အိုဘားမား ဘဝင်ကြွမှုများ အကြောင်း၊ အရှေ့အလယ်ပိုင်းမှ သည် ကိုရီးယား၊ တရုတ် ၊ အိန္ဒိယ နျူလက်နက် များ အကြောင်း၊ တရုတ် အလယ်ပိုင်း မိုးခေါင်ခြင်း မှသည် အမေရိကန် မုန်တိုင်းများ အကြောင်း ၊ ရေနံဈေး မှသည် ဒေါ်လာဈေး ကျဆင်းခြင်း အကြောင်း စသည် တို့သည် မည်မျှ ရှုတ်ယှက်ခတ်၍ ကမ္ဘာပျက်ခမန်း ဗြောင်းဆန် နေပါစေ – ကျနော်တို့ နှင့် ( ဆက်နွယ်ပင် ဆက်နွယ်ငြားသော်လည်း ) ဝေးသေးသည် ဆိုကြပါစို့ ။

မြန်မာအိုင်တီ မှသည် နိုင်ငံတကာ နည်းပညာ ဂယက်/ကွာဟမှု အခြေအနေများ အကြောင်း၊
ပြည်ဝင်ခွင့် မှသည် အကျဉ်းထောင်တွင်း နိုင်ငံရေးသမားများ အကြောင်း၊
စိုင်းစိုင်း ခမ်းလှိုင် အစ၊
ဇေယျာသော်၊အောင်ဆန်း စုကြည် အလယ်၊
ဘလော့ဂါ သူလျို ဒလန် ရန်ပွဲများ အဆုံး – ရှိကြကုန်သော အွန်လိုင်း ပူစီနံ များ အကြောင်း၊
“မင်းတို့ လုပ်သမျှေ-ာက်သုံးမကျ” မှသည်
“သမ္မတကြီးတို့ လုပ်သမျှ ကောင်းကြပါသည် ခင်ဗျား” အထိ
စကား ဖောင်ဖွဲ့ အလုပ်လက်မဲ့ များ အကြောင်း၊
တစ်ရက် လုပ်၍မှ တစ်ရက် အနိုင်နိုင် စားကြရသော ဘဝများ မှသည်
ဇိမ်ခံရင်း ငွေမြင်သမျှ မျက်စ ပစ်ချင်ကြ သူများ အကြောင်း၊
“လုပ်ရဦးမယ်၊ ကြံရဦးမယ်၊ ကြိုးစားရဦးမယ်” မှသည် –
အစ အန “အောင်ပြီဟေ့ အောင်ပြီ” များ အဆုံး –
မဖြစ်ညစ်ကျယ် ကြိုးပမ်းရင်း မောဟိုက် နေကြ သူများ နှင့်
မဖြစ်ညစ်ကျယ် ကြိုးပမ်းရင်း ဘဝင် လေသလပ် နေကြသူများအကြောင်း၊

ဤအကြောင်း အရာတို့သည် ကျနော်တို့၏ စားဝတ်နေမှုကို တစ်နည်းတစ်ဖုံ နှီးနွယ် ရှုပ်ထွေး စေနိုင်ပါသည်။

သို့သော် စိတ်ရှုပ်ရခြင်းတို့သည် ဤအကြောင်းတို့ကြောင့် ဖြစ်သည် – ဟု လက်ညှိုးထိုး ပြ၍မရနိုင်ပေ။ စိတ်ကို ရှုပ်ထွေးစေနိုင်သော တရားခံသည် အသေအချာ ရှာဖွေကြည့်မည် ဆိုပါက ၎င်းတို့သည် အဓိက တရားခံ မဟုတ်ပေ။

လူ၏ စိတ်သည် အများအားဖြင့် ပြဒါးသုတ်ထားသော မှန်တစ်ချပ်နှင့် အလားသဏ္ဍာန် တူသည်ဟု ဆိုသည်။ သူ့ရှေ့ရှိသမျှ အရိပ်ထင် နေရသည်။ သို့အတွက်ကြောင့် နှင့်ပင် သူ့ရှေ့ ရှိသမျှ မလာကြပါနှင့် ဟု ပြော၍ မရပေ။ ပတ်ဝန်းကျင်သည် သူ့သဘော နှင့်သူ သွားလာ ဖြစ်ပျက်နေမည် သာ ဖြစ်သည်။

မှန်တစ်ချပ် အကြောင်း စဉ်းစားရင်း အဖြေရပါသည်။

မှန်ရှေ့ရှိ အရာဝတ္ထုများ။အကြောင်း အရာများ သည် တရားခံ မဟုတ်ပေ။

ရှာဖွေတွေ့ရသော တရားခံမှာ – မှန်တွင် သုတ်ထားသော ပြဒါးသာ ဖြစ်သည်။

ယင်း မှန်တွင် အရိပ်မထင်လိုလျှင် ယင်း ပြဒါးကို ခွာပစ်ဖို့သာ လိုအပ်သည်။

……………………………….

Yanni ၏ In the Mirror တေးသွားကို နားဆင်ရင်း – တွေးမိတွေးရာများ ။

Download
Hotfile

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: