မဟာဝန် – ပြဇာတ်

အဝတ်အစားများ စုတ်ပြတ်နေလျက် ၊ ဆာလောင်နေဟန်ရှိသော အကလေးငယ် တစ်ဦးကို ဝန်းရံ၍ ဗောင်းတော်ပြည့် ဝန်ကြီး လေးပါး ထိုင်နေစေ။

ယင်း ဝန် လေးပါး အနက် တစ်ပါး၏ လက်၌ ငှက်ပျောသီး တစ်လုံးကို ကိုင်ဆောင်ထားစေ။

ဝန်မင်းတို့၏ အမည်များကား –

၁။ ရတနာဂီရိ ကုန်ပြောင်ရှင်း ဝန်မင်း။

၂။ သီဟသူရ ကြောက်ဒူးတုန် ဝန်မင်း။

၃။ ပါရာဇိန မာရ်အောင် တာဝန်ရှောင် ဝန်မင်း။ ( မင်းတိုင်ပင် အမတ်ကြီးလည်း ဖြစ်အံ့။ )

၎။ သိသုပ မာလာ၊ ငါ့ဥစ္စာ ဝန်မင်း။ ( ဘဏ္ဍာတော်ထိန်းလည်း ဖြစ်အံ့ ။ )

ဤဝန်မင်း လေးပါးတို့သည် သိမ်မွေ့နက်နဲ ခက်ခဲလှစွာသော ဂမ္ဘီရ ပြဿနာ ပုစ္ဆာတစ်ရပ်ကို လေးနက်ချင့်ချိန် သုံးသပ်ဝေဖန်နေဟန် ရှိစေ။ ယင်းတို့ စဉ်းစားနေသော ပြဿနာသည်ကား “ရှေ့အလယ်တွင် တုန်ရင်စွာ ထိုင်နေရှာသော အကလေးငယ်သို့ ဘဝရှင်မင်းတရားကြီးပိုင် ဖီးကြမ်းငှက်ပျောတော် တစ်လုံးကို ကျွေးအံ့ ၊ မကျွေးအံ့” ဝေခွဲပိုင်းဖြတ်နေခြင်း ဖြစ်သတည်း။

ဝန်မင်း ( ၁ ) ၊ ရတနာဂီရိ ကုန်ပြောင်ရှင်း ဝန်မင်း။ ။ ။ “ဝန်မင်းတို့ရဲ့ ။ ဤအမှုကို ဤသို့ အချိန်လင့်ခံ၍ ဆင်ခြင် သုံးသပ်ရန် တော်မည် မထင်။ အလွယ်လင့်သော အဖြေကား၊ ဤအကလေးငယ်ကို ပ-ထုတ်၍ ၊ ဤငှက်ပျောတော်ကို အကျွန်ုပ်တို့သာလျှင် ဘုဉ်းတော်မူလိုက်လျှင် မသင့်လော”

ဝန်မင်း ( ၂ ) ၊ သီဟသူရ ကြောက်ဒူးတုန် ဝန်မင်း။ ။ “ရတနာဂီရိ ဝန်မင်း တင်လျောက်သော အဖြေသည် အကျွန်ုပ် စဉ်းစားမိသော အဖြေတွင် အဝင်အပါ ဖြစ်ပါ၏။ သို့သော် မင်းတြားကြီး ကိုယ်တော်တိုင်က ၎င်းပိုင် ဥစ္စာသည် ပြည်သူများအတွက်သာလျှင် ဖြစ်ဆံ့ ဟု အကြင်နာ စကား ဆိုထားသည်က တစ်ချက်။ မင်းပိုင် စိုးပိုင် ပစ္စည်းဥစ္စာ ဘဏ္ဍာ ဟူသမျှကို စာရင်းဇယား တိကျမှန်ကန် စိစစ်သုံးစွဲကြစေရန်ဟု အမိန့်မှာစကား ထားသည်က တစ်ချက်။ ဤအချက်တို့ကို ထောက်ရှု၍ အကလေးငယ်ကို ပလပ်ပြန်လျှင်လည်း အကြင်နာမဲ့ရာ ရောက်တော့သည်။ ဤငှက်ပျောကို ကျွေးအံ့ ဆိုပြန်လျှင်လည်း မင်းတြားကြီး ထံ အသိအမှတ် စာမပြန်ရလေသောကြောင့် စာရင်းဇယား မဝင်၊ အလွှတ်မဲ့ သုံးရာ ရောက်တော့သည်။ အကျွန်ုပ်တော့ မင်းပြစ်မင်းဒဏ်သင့်မှာ ကြောက်လှ၍ စဉ်းစားရပါသည်။”

ဝန်မင်း ( ၃ ) ၊ ပါရာဇိန မာရ်အောင် တာဝန်ရှောင် ဝန်မင်း။ ။ “အကယ်စင်စစ် ချင့်တွက် ကြည့်ပါလျှင် အကျွန်ုပ်တို့ ဝန်မင်းများသည် အရှင်သခင် မျက်နှာ မော်ဖူးနေရသော ကျွန်တော်ရင်းများသာ ဖြစ်သည် ဝန်မင်းတို့။ သို့အတွက်ကြောင့် အကျွန်ုပ်တို့ လက်တွင် ရှိသော ဤမင်းပိုင် ငှက်ပျောတော်သည် မင်းတရားကြီးသာလျှင် ဝေဖန် ခွဲခန့် အပ်သည် ဖြစ်သောကြောင့် ဤမွတ်သိပ်နေထသော အကလေးငယ်ကို ငှက်ပျော်တော် ကျွေးအံ့ မကျွေးအံ့ကိစ္စကား မင်းတရားကြီး ညီလာခံဝင်အံ့သော အခါမှသာ အကျွန်ုပ် မင်းတိုင်ပင် အမတ်ကြီး လျောက်တင်ရချိမ့်မည်။ အကျွန်ုပ်တို့ ဝန်မင်းများ အလုပ် မဟုတ်ဟု ထင်ပါ၏”

ဝန်မင်း ( ၄ ) ၊ သိသုပ မာလာ၊ ငါ့ဥစ္စာ ဝန်မင်း။ ။ “ဝန်မင်းတို့ သုံးပါး ဆိုစကားကို သုံးသပ်ရသော် မင်းတရားကြီး၏ အရေးကိစ္စတွင် ဝင်မပါလိုကြသော်လည်း ငှက်ပျောတော်ကား အကျွန်ုပ်တို့လက်ဝယ်တွင်ရှိနေသော ကြောင့် ထိန်းသိမ်းရချေတော့မည် ဝန်မင်းများ။ သို့အတွက်ကြောင့် မင်းဘဏ္ဍာ ဥစ္စာများ ထိန်းသိမ်းစောင့်ရှောက်ရန် အလို့ငှာ ဤငှက်ပျောကို အကျွန်ုပ်သာလျှင် သိမ်းချေမည်။ ယင်းငှက်ပျော၏သဘောသဘာဝ ရင့်မှည့်၍ သိမ်းမထားဝံ့သာ ကာလသို့ရောက်လျှင် အကျွန်ုပ်သာလျှင် ဘုဉ်းတော်မူရန် တာဝန်ရှိချိမ့်မည်။ သို့အတွက်ကြောင့် ဤအကလေးငယ်ကို တော်ရာသို့ လွှတ်စေ။ အရှင်ဝန်မင်းတို့ လက်မှ ငှက်ပျောတော်ကိုလည်း အလုံးအရပ် ထွာဆိုင်နှင့် နေ့ရက် နာရီ အတိအကျ အကျွန်ုပ်လက်သို့ အပ်စေ။”

ကျန်ဝန်မင်းသုံးပါးမှာ လေးဖင့်စွာ စဉ်းစားခဲ့ရသော အဖြေကို မကြာချက်ချင်း ဆုံးဖြတ်ပေးသော ဝန်မင်း ( ၄ ) အား ကျေးဇူးတင်စကားများဖြင့်

“ကောင်းလင့်တေး။ ကောင်းလင့်တေး၊ ကောင်းလင့်တေး” ဟု မြွက်ကြားပြောဆို ချီးမြှောက်ကြစေသတည်း။ အကလေးငယ်လည်း တုန်ရီစွာဖြင့်ထပြန်စေ။ ငှက်ပျောသီးတော်လည်း ဝန်မင်းများ လက်တွင်ပင် ပျောက်စေ။

……………………………….

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: