ဂိုဏ်းစွဲ ဂဏစွဲ

နားလည်မှု မရှိသူများလည်း ဂိုဏ်းဂဏကို တည်ထောင်ကြသည် ။ နားလည်မှု ရှိသူများလည်း ဂိုဏ်းဂဏကို တည်ထောင်ကြသည်။ သို့သော် နားလည်မှု မရှိသူများ၏ ဂိုဏ်းဂဏသည် အကျဉ်းစခန်းများ ဖြစ်ကုန်ပြီး ဂိုဏ်းစွဲ၊ ဂဏစွဲသည် ၎င်းတို့ကို ဒုက္ခပြုကုန်ကြသည်။ နားလည်မှု ရှိသူများ၏ ဂိုဏ်းဂဏကမူ ယင်းဂိုဏ်းဂဏတည်ထောင်သူများ အတွက် ဝိမုတ္တိ မဂ္ဂ လွတ်မြောက်ငြိမ်းချမ်းမှု သို့ သွားရာလမ်းကြောင်း ဖြစ်လာနိုင်ပါသည်။

ဗုဒ္ဓဘာသာ၌ ထေရဝါဒဂိုဏ်း နှင့် မဟာယာနဂိုဏ်းဟူ၍ ဂိုဏ်းကြီး နှစ်ခု အပြင် ယင်းဂိုဏ်းကြီး နှစ်ဂိုဏ်းမှာ ဖြာထွက်သွားသော ဂိုဏ်းဂဏ များလည်း အများအပြား ရှိသည်။ ယင်းဂိုဏ်းဂဏ များသည် တစ်ဂိုဏ်းနှင့် တစ်ဂိုဏ်း အပြစ် ပြောမနေကြဘဲ၊ လက်ညှိုး ထိုး မနေကြဘဲ ကိုယ့်လမ်း ကိုယ်သွား ကြမည် ဆိုလျှင် လိုရာခရီး မရောက်ဘဲ နေမည် မဟုတ်ပေ။ တစ်ဦးနှင့် တစ်ဦး တွန်းထိုး ၍ ရှေ့ရောက်အောင် သွားဖို့ ကြိုးစားနေသည် ဆိုလျှင်ကား မည်သူမျှ လိုရာ ခရီးမရောက်ဘဲ တပ်လန်ပြန်ကျ လာမည်မှာ မလွဲမသွေ ဧကန်ပင် ဖြစ်သည်။

မြန်မာနိုင်ငံ၌ ဝိပဿနာ ဘာဝနာနှင့် ပတ်သက်သော ဂိုဏ်းဂဏများလည်း အများအပြားရှိသည်။ တစ်ဂိုဏ်းနှင့် တစ်ဂိုဏ်း လုပ်နည်း ကိုင်နည်း ကွဲပြားခြားနားနေကြသော်လည်း ဦးတည်ချက်မှာ တစ်မျိုးတည်းသာ ဖြစ်သည်။ လုပ်နည်းကိုင်နည်း ကွဲပြားခြားနား နေသည့် အတွက် ငါတို့ဂိုဏ်းဂဏက ဗုဒ္ဓနည်းကျ ဂိုဏ်းဂဏ ဖြစ်သည်။ အခြားဂိုဏ်းဂဏ များက ဗုဒ္ဓနည်းကျမဟုတ်၊ တလွဲတချော်များသာ ဖြစ်သည် ဟု တစ်ယောက်နှင့် တစ်ယောက် အပြစ် ပြောဆိုနေကြလျှင် ၊ လက်ညှိုးထိုးနေကြလျှင် လိုရာခရီး မရောက်ဘဲ အချိန်ကုန် လူပန်းခြင်းသာ အဖတ်တင် ပေလိမ့်မည်။


ဂိုဏ်းဂဏ ထူထောင်ကြသော်လည်း နားလည်မှု ရှိသူများကမူ ဂိုဏ်းစွဲ၊ ဂဏစွဲ မထား။ လမ်းကိုလည်း ထွင်ကြသည်။ မိမိထွင်သောလမ်း အတိုင်းလည်း လျှောက်သွားကြသည်။ နားလည်မှု မရှိသူများကမူ သွားစရာ လမ်း မရှိသောကြောင့် ( သွားရာလမ်းကို မမြင်သောကြောင့် ) ဦးတည်ချက် ရှိရာသို့လည်း ရောက်သွားကြမည် မဟုတ်ပေ။ လမ်းသည် သူတို့ အတွက် ဝန်ထုပ်ဝန်ပိုးသာ ဖြစ်သွားကြလိမ့်မည်။ ရင်ဘတ်ပေါ် ၌ ကျောက်တုံးကျောက်ခဲ ကဲ့သို့သာ တင်နေကြလိမ့်မည်။

နားလည်မှု ရှိသူများကမူ လမ်းကို အသုံးချကြသည်။ နားလည်မှု မရှိသူများကမူ လမ်း၏ အနှောင်အဖွဲ့ကို ခံနေကြရသည်။ ယင်းအတွက် လိုရာခရီးသို့ ရောက်ခြင်း မရောက်ခြင်းတို့တွင် ဂိုဏ်းဂဏသည် မည်သို့မျှ အပြစ်ပြောစရာ မရှိပေ။

ဂိုဏ်းဂဏ ဟူသော စကားလုံးသည် အလွန်တရာ အဖိုးတန်သော စကားလုံး ဖြစ်သည်။ လိုရာခရီးသို့ သွားသော လမ်းသည် ဂိုဏ်းဂဏ ဖြစ်သည်။ သို့သော် နားလည်မှု မရှိသူများကြောင့် ဂိုဏ်းဂဏ ဟူသော စကားလုံးသည် သန့်စင် မွန်မြတ်သော စကားလုံး မဟုတ်ဘဲ ညစ်ညမ်းသော စကားလုံးဘဝသို့ ရောက်သွားရသည်။ သန့်စင် မွန်မြတ်ခြင်း မရှိဘဲ ညစ်ညမ်းသော ဘဝ ရောက်သွားရသော ဂိုဏ်းဂဏသည် ဂိုဏ်းဂဏ အစစ် မဟုတ်ပေ။

သွားသော ခရီးတစ်ခု၌ တစ်စုံတစ်ယောက်သော သူသည် လှေကို ဦးခေါင်းပေါ်တွင် ရွက်၍ သွားမည် ဆိုပါက လှေ၏ အပြစ်မဟုတ်ပေ။ လှေကို ဦးခေါင်းပေါ် တင်၍ သွားသောသူ၏ အပြစ်သာ ဖြစ်သည်။ လမ်းစဉ်နှင့် ပတ်သက်ပြီး ဝါဒ၊ ဝိဝါဒ ကွဲပြားနေကြသူများသည် အစစ်အမှန် ဂိုဏ်းဂဏကို သိရှိနားလည်သူများ မဟုတ်ကြပေ။ ဂိုဏ်းဂဏ အစစ်အမှန်ကို သိရှိနားလည်သူများကမူ လမ်းကို အသုံးပြုသူများ ဖြစ်သည်။ လိုရာ ရည်မှန်းချက်သို့ရောက်သော အခါ လမ်းမှ လွန်မြောက်သွားကြသည်။ လှေကို အသုံးပြုသူများဟု ဆိုရပေမည်။ လှေကို ဦးခေါင်းပေါ် တင်သွားသူ မဟုတ်ပေ။

ထို့ကြောင့် ဂိုဏ်းဂဏတွင် အပြစ်တစ်စုံတစ်ရာ မရှိ။ အမှားအယွင်း တစ်စုံတစ်ရာ မရှိ။ အပြစ်ရှိသူ မှားယွင်းသောသူမှာ နားလည်မှုမရှိသော ဂိုဏ်းစွဲ ဂဏစွဲများ ဖြစ်ကြသည်။

……………………..

ဆရာ ပါရဂူ၏ သနန္တနဓမ္မကို ဖတ်ရင်း အထက်ပါတို့ကို ကောက်နုတ်တင်ပြခြင်း ဖြစ်ပါသည်။

……………………..

http://zayya.blog.com/
http://zayyablogger.blogspot.com/
https://zayya.wordpress.com/

………………………

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: