~ ရှာဖွေသူ ~

ဂီတ (Gita) တွင် ဆိုခဲ့သော ခရစ်ရှန ၏ စကား တို့ အနက်- Seeker (ရှာဖွေသူ) ဟူသော ဝေါဟာရ ကို နားလည် သလို ဖွင့်ဆိုပါမည် ~

“သစ္စာ တရား ရှာဖွေသူ သည် – အခြားသူတို့ အိပ်ပျော် နေချိန် ၌ လည်း နိုးကြား လျက် ရှိ သူ ဖြစ် သည်။ အခြားသူ များ အတွက် ည၌၊ သူ့ အတွက် ကား နေ့ ဖြစ် ၏။ ထိုသူ ၏ အတွင်း သန္တာန် သည် အစဉ် နိုးကြား မှု ဖြင့်သာ သက်ဝင် နေ၍ နေ့ သည် နေ့နှင့် မတူ၊ ညသည် ညနှင့် မတူ။ အများ တကာ အိပ်စက် မွေ့ပျော် သော ည အခါ တွင် – သူ အဖို့မှာ အရာရာအတွက် အဆင် သင့် ပြင် ဆင်ပြီးသူ ဖြစ်သည်။ သတိတမံ ထားရှိပြီး သူ ဖြစ် သည်။ တွေဝေ မှု မရှိ၊ သက်ဝင် လျက် ရှိနေနှင့် သူ ဖြစ် သည်။ အစွန်း နှစ်ပါး မဖက်တွဲ၊ တိတ်ဆိတ် မြဲ တိတ်ဆိတ် နေသူ ဖြစ်သည်။ ငြိမ် သက် သော နှလုံး ဖြင့် မျှတ လျက် ရှိနေ သူ ဖြစ်သည်။ ခန္ဓာကိုယ် နားနေ သော် လည်း စိတ် သန္တာန် က လန်းဆန်း နေ၏။ မောပန်းခြင်း မရှိ၊ အိပ်စက်ခြင်း လည်း မရှိ။ သိမြင် မှု ဖြင့် စောင့်ကြည့် မှု သတိ သာ စက္ကန့်မလပ် ထုံမွှမ်း ထား ရှိသူ ဖြစ် ၏။

“သစ္စာတရား ရှာဖွေသူ သည် – သူ့အတွက် ပေါ်ပေါက် လာတတ် သည့် – မေးခွန်းငယ် တစ်ခု မျှ ကိုပင် သေရေး ရှင်ရေး တမျှ အရေး ပါကြောင်း အသိအမှတ် ပြု၏။

“ကျနော် နားလည် သရွေ့ ထပ်မံ ဆိုရလျှင် – သစ္စာ တရား ရှာဖွေသူ ၏ အခြေ အမြစ် အကျဆုံး အရည် အသွေးသည် ယုံကြည်မှု စနစ် အားလုံး မှ ဖယ်ခွာ လာခဲ့ခြင်း ဖြစ်သည်။ အသွတ်သွင်း ခံ အသိ သညာ များ မှ – လွတ်လွတ် ကင်းကင်း ခွာချ လာနိုင်ခဲ့ခြင်း ဖြစ်သည်။ မသိ သည့် အရာကို မသိကြောင်း လက်ခံရန် အဆင်သင့် ရှိနေသူ ဖြစ်သည်။ ထိုသူ အတွက် “မသိခြင်း” ဟူသည် အရုပ် ဆိုး အကျည်း တန် သော အရာ မဟုတ်ပေ။ လှပသော အရာ သာ ဖြစ် သည်။ ရိုးသားမှုသည်သာ အလှပ ဆုံး အရာ ဖြစ်သည်။ ပုဂ္ဂိုလ်၊ အဖွဲ့ အစည်း၊ ဂိုဏ်းဂဏတို့တွင် မတွယ်ငြိသူ၊ သီးခြား ဆန်သော အထီးတည်း လူသား တစ်ဦး သာ ဖြစ်သည်။

“သစ္စာ တရား ရှာဖွေသူသည် မိမိ စိတ်သန္တာန် ကို တစ်ခုတည်း သော အကြောင်း အားဖြင့် သာ ပြဋ္ဌာန်း ညွှန်ကြားသည်။ ၎င်း အကြောင်း မှာ – “ရရှိရာ တခဏ တိုင်းကို အသိ၊ သတိ ဖြင့် နိုးကြားနေ ရန်” ဖြစ်ပါသည်။ ဆာလောင်မှု၊ မွတ်သိပ်မှု၊ လိုချင် တပ်မက် မှု၊ လောဘ၊ ရာဂ၊ ဒေါသ စသဖြင့် ရင်ဆိုင် လာရာ – ခံစားမှု၊ စိတ်စေတသိက် အဝဝ ကို “သိမြင်မှု သတိ” ဆီ သို့သာ ရှေးရှုပြု ၏။ မိမိ၏ စိတ် သန္တာန် လှုပ်ခတ်မှု မှန်သမျှကို – အသိ သက်သက် ထံသို့ ဦးတည် စေလွှတ် သည်။ ထိုသို့ဖြင့် သင် ၏ အသိ (ဝါ) မတြာမျှ မလပ် စောင့်ကြည့် နေ မှု သည် အား အရှိန် ပြင်းသော မီးတောက် ကဲ့သို့ တရှိန်ရှိန် တောက်လက် လာကြောင်း တွေ့ရပေ လိမ့်မည်။ ယင်း စိတ် ၊စေတသိက် တို့ကို သတိတည်းဟူသော မီးညွှန့်က ဝါးမြို ချေမှုန်း သည်။ ယင်း မီး ၏ အရှိန် အဝါ အလင်း ဖြင့် – သင်၏ ည သည်လည်း နေ့ သဖွယ် ဖြစ် သည်။ – အမှောင် ခွင်း ၍ – အလင်း သက်သက် တည်ရှိ၏။။

“သင်၏ အာရုံ တို့ သည် သတိ အလင်း၏ စဉ်ဆက် မပြတ် နှိုးဆော် မှု ကြောင့် နိုး ထ ကြ ကုန်၏။ သင် ကိုယ်တိုင် သည် လည်း ထို မီးတောက် အတွင်း ၌ လောင်ကျွမ်း ဝါးမြိုခံလိုက်ရ သည်။ သင် ဟု မှတ်ယူ ခဲ့သည့် အသိသညာ သည် မီးညွှန့် အလင်း သက်သက် သာဖြစ်ကြောင်း ထို ခဏ ၌ မြင်နိုင် ပါ သည်။ ယင်း အတိုင်း သာ ရှင်သန် နေသည့် – အလင်း ချည်း ရှိသော ထိုခဏ ၌ လောက၏ အလွန် ကို သင် မြင်ရန် (ဝါ) ကြုံတွေ့ နိုင်ရန် – အကြောင်း ရှိပါသည်။ အဘယ်ကြောင့် ဆိုသော် ယင်း အလွန် ဌာန သို့ လှစ်ဟပေး ရာ တံခါးဝ ၌ ရပ်လျက် – ရှေးအတီတေကပင် – တည်ရှိနေ ခဲ့ကြောင်း ထို ခဏ ၌ မြင်တွေ့ ရသောကြောင့် ဖြစ်သည်။”

……………………
~ On Seeker
……………………
June 4th 2012 at 2:30 PM
……………………
https://zayya.wordpress.com/
http://zayya.blog.com/
http://zayyah.blogspot.com/

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: