ရယ်/မော-ခြင်း

 10458894_891058837576032_5564392360253776534_n~ ခင်ဗျား ဟက်ဟက်ပက်ပက် ရယ်ခဲ့ဖူးပါလိမ့်မယ်။ အဲ့ဒီ ရယ်နေချိန်ကို သတိထားမိပါသလား။

ခလေးငယ် တစ်ယောက်လို ဟက်ဟက်ပက်ပက် ရယ်မော နေမိချိန်ဟာ ခဏကလေးလည်း ဖြစ်နိုင်ပါတယ်။ အဲ့ဒီ ခဏလေး အတွင်းမှာ မိမိကိုယ်မိမိ သတိတထား ကြည့်မိသလား။ တကယ်တမ်း အဲ့ဒီ အချိန်မှာ မိမိရဲ့ အတွေးတွေ မရှိဘူးရယ်။ အယူအဆတွေ၊ ခံယူချက်တွေ မရှိနေဘူးရယ်။ ပြဿနာတွေ၊ ပူပင်သောကတွေ မရှိဘူး။ အတိတ်တွေ မပါသလို၊ အနာဂတ်တွေလည်း ဝင်မလာကြဘူး။ ဟုတ်တယ် မဟုတ်လား။

~ ခင်ဗျား ဟက်ဟက်ပက်ပက် ရယ်မောခဲ့ဖူးမယ်။ အဲ့ဒီ ရယ်နေချိန်ကို မိမိကိုယ် မိမိ သတိထားမိရဲ့လား။

အဲ့ဒီ ရယ်မိချိန်ခဏ။ အဲ့ဒီခဏလေးဟာ အချိန်တိုလေးပါ။ ဒါပေမယ့် ဘယ်အချိန်ကာလမှာ ရယ်မောခဲ့သည် ဖြစ်စေ၊ အဲ့သည်ခဏမှာတော့ ခင်ဗျားအတွက် ဇရာ မရှိဘူး။ အိုမင်းမှု မရှိဘူး။ အချိန်ကာလ မရှိဘူး။ အနှောင်အဖွဲ့မရှိဘူး။ နောက်ဆုံး ခင်ဗျား ကိုယ်တိုင်လည်း မရှိဘူး။ ဟုတ်တယ် မဟုတ်လား။

သတိထားနိုင်မယ် ဆိုရင်ပေါ့။ မိမိကိုယ် မိမိ စေ့စေ့ ကြည့်ကြည့်ပါ။ ရယ်မောနေနိုင်တဲ့ ခဏဟာ တဒင်္ဂ အသိဉာဏ် လင်းပွင့်မှု (Enlightenment)လည်း ဖြစ်သေးတယ်။ ပေါ့ပါးတဲ့ ခဏ၊ အတွယ်အနှောင် မရှိတဲ့ ခဏ။ ပူပင်သောကတွေ ဖြတ်ခနဲ ပြုတ်ကျသွားတဲ့ ခဏ။ ကြည်လင်သွားတဲ့ တစ်ခဏလည်း ဖြစ်တယ်။ ဒါ့ကြောင့်လည်း ဒီတစ်ခဏကို အများက လိုလားကြတာပဲ။

ဒီလိုနဲ့ အများစုဟာ အဲ့ဒီခဏကို ထပ်ကာ ထပ်ကာ ရှာဖွေကြတယ်။ တစ်ခါ ရယ်မောမိပြီးရင်၊ နောက်တစ်ခါ ထပ်ရယ်မောနိုင်ဖို့ အကြောင်းတွေကို ဖန်တီးချင်ကြတယ်။ ဟာသ တစ်ခုပြီးရင် နောက်ဟာသ တစ်ခုကို ငံ့လင့်ကြတယ်။ မိမိရယ်နိုင်ဖို့ အကြောင်းတွေကို တစ်ခုပြီး တစ်ခု စုကြရတော့တယ်။

နောက်ဆုံးမှာ … မိမိ ရယ်နိုင်ဖို့အတွက် အမောတွေချည်း ရှာမိရက်သား ဖြစ်လာခဲ့ကြတယ်။

ဒါတွေအားလုံးဟာ ဘာကြောင့်လဲ။ မိမိရယ်ရွှင်မှု၊ ပျော်ရွှင်မှုအတွက် ပြင်ပ အကြောင်းတရားအပေါ် တည်မှီနေလို့ပါပဲ။ ပြင်ပအရာတွေကလည်း အမြဲပြောင်းလဲ နေသလို၊ ကိုယ့်ရဲ့ ပျော်ရွှင်မှု ကလည်း ပြောင်းလဲနေရတော့တယ်။

စင်စစ် ပျော်ရွှင်ရယ်မောနိုင်စွမ်းဟာ ပြင်ပအကြောင်းအပေါ် မမှီတည်ဘူး။ မိမိရဲ့ ရင်တွင်းနှလုံးအပေါ်ပဲ တည်မှီတယ်။ မိမိကိုယ် မိမိ သိရင်၊ မိမိဟာ ဘာမှမဟုတ်ဘူး ဆိုတာ သိရင်- မိမိငံ့လင့်မှု၊ မိမိ ရှာဖွေမှု ကိုယ်တိုင်ဟာ ဟာသ သက်သက် ဖြစ်နေကြောင်း တွေ့လိမ့်မယ်။

တင်းတင်းကျပ်ကျပ် ဆုပ်ကိုင်ထားမိတတ်တဲ့ မိမိနဲ့ မိမိဘဝဟာ ဟာလာဟင်းလင်း ဗလာကျင်းလျက်သား ဆိုတာ မြင်လိုက်ရလိမ့်မယ်။ အဲ့ဒီအချိန်မှာ လောကတစ်ခုလုံးဟာ အလေးနက်ဆုံးနဲ့ အကြီးမားဆုံး ပျက်လုံးတစ်ပုဒ်မှန်း သိလိုက်ရလိမ့်မယ်။ အဲ့ဒီအခါ မိမိ တစ်သက်လုံး ငတ်မွတ်ခဲ့တဲ့ ပျော်ရွှင် ရယ်မောနိုင်စွမ်းဟာ မိမိ ရင်ထဲ မပျောက်မပျက် ရောက် လာတော့တာပဲ။

……………………………….
Seekers on Happiness
……………………………….
With My Beloved Ma, Lin Lin Latt
June 10th 2014 at 1:20 PM

About zayya
Just Be. That's Enough! Shared words with Silence.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: