တောက်တယ်ကျင်း အပိုဒ် (၁၉)

သူတော်ကောင်း(ဘဝင်)ကို ပယ်၍၊ ငါသိငါတတ်များကို စွန့်ပစ်ကြလော့။

လောကသားတို့ အဆရာထောင် သက်သာချိမ့်မည်။

လူသားဆန်ခြင်းကို ပယ်၍၊ ဥပဒေစည်းမျဉ်းတို့ကို စွန့်ပစ်ကြလော့။

လောကသားတို့ဘာဝ ချစ်ခြင်းမေတ္တာ သင်းပျံ့လာကြလိမ့်မည်။

တတ်ပွန်လိမ္မာခြင်းကို ပယ်၍၊ အသုံးဝင်ခြင်းကို စွန့်ပစ်ကြလော့။

ခိုးသားဓားပြတို့ ကွယ်ပျောက်သွားကြလိမ့်မည်။

ဤသုံးပါးသည် ဗဟိဒ္ဓအရာသာ ဖြစ်၏။ မပြည့်စုံသေး။

ထို့ကြောင့် အရင်းစစ်၍ အမြစ်ကို ဆောင်ရလျှင်-

ရိုးရိုးစင်းစင်း ထင်လင်းကြကုန်။

မူလ ဘာဝမျှ စိုက်စိုက်စူးစူး ဆောက်တည်ကြကုန်။

အတ္တကို ပါးစေ၍၊ ဆန္ဒကို သိမ်းဆည်းကြကုန်။

…………………….

道徳経第十九章

…………………….