ကဗျာရွတ်လို့ ထကြစို့

ပြာရီမှောင် ညို့စဉ်က

ပြာရီမှောင် ညို့စဉ်က

 

ကဗျာတွေ ရွတ်ဆိုလို့ နိုးထလာချိန်က စရမယ်။

မြက်ခင်း အဖျား အနားတွေဟာ သူ့ကဗျာသံကြောင့် မြူးထူး ကခုန်နေကြတယ်။ သူတို့က သူတို့ အပါး ကပ်မြှူနေကြတဲ့ နှင်းမှုန်စလေးတွေကို တပျော်တပါး ခါယမ်းကြလိမ့်မယ်။ ခါယမ်းခံရတဲ့ သူတို့တွေ တဝေးဝေး တဝါးဝါး ခုန်ဆင်းသွားကြမှာပဲ။ ပြုံးရယ်ရင်း ကြိုလင့်နေတဲ့ မြေလွှာပြင်ပေါ်မှာ လွတ်လပ်ခွင့် ရသွားကြမှာပဲ။ ဒီလိုနဲ့ လောကဟာ ဂီတသံတွေကြား၊ ကဗျာတေးချင်းတွေကြားမှာ ချစ်ခြင်းတရားကို ဒလဟော ဖြန့်ဝေနေကြတယ်လို့ အလိုလို ခံစားမိလာကြမှာပါပဲ။

တကယ်တမ်း လောကမှာ စစ်မက်တွေ မရှိဘူး ဆိုရင်၊
တကယ်တမ်း လောကမှာ ခိုက်ရန်တွေ မရှိဘူး ဆိုရင်၊
တကယ်တမ်း လောကမှာ အမနာပ အတင်းအဖျဉ်းတွေ မရှိကြတော့ဘူး ဆိုရင်
Read more of this post

Ode to Joy ကို ပြန်ဆိုကြည့်ခြင်း

ချမ်းမြေ့မှုသို့ တမ်းချင်း (Ode to Joy) ရဲ့ မူရင်းဟာ ၁၇၈၅ ခုနှစ်က။ ဂျာမန်ကဗျာဆရာ ဖရက်ဒရစ်ရှီလာ ရဲ့ “Ode an die Freude” ဂျာမန်ကဗျာပါ။ ဒီကဗျာကို ဂီတဆရာကြီး Beethoven က သူ့ရဲ့ Symphony No. 9 မှာ ထည့်သွင်းပုံဖော်ခဲ့တယ်။

ပုံပြင်လေးတစ်ခုပေါ့ဗျာ။ လွန်ခဲ့တဲ့ နှစ်နှစ်ဆယ် ခြောက်တန်းနှစ် ကျောင်းသားလေး တစ်ယောက် ရှိတယ်။ ကျောင်းလွယ်အိတ်ကို လွယ်လို့၊ အိမ်အပြန် လမ်းတစ်နေရာ၊ ဆိုင်တစ်ဆိုင်က ဖွင့်ထားတဲ့ တေးသွား- သူ ကြားလိုက်ရတယ်။ ဟိန်းထွက်လာတဲ့ အသံနဲ့ ခိုင်မာတဲ့ Tone တွေ ကြားမှာ ဒီကလေး သွေးတွေ ဆူဝေသွားခဲ့တယ်။ လမ်းလျောက်နေတဲ့ ကိုယ့်အဖြစ်ကို မေ့သွား၊ ပတ်ဝန်းကျင်ကို မေ့သွား၊ ပလက်ဖောင်းကိုမေ့သွား၊ စူးစူးရဲရဲ ညနေနေရောင်ကိုလည်း မေ့သွား။ အဲ့တေးသွား ဆုံးတဲ့အထိ တွေတွေငေးငေး ရပ်တန့်နေခဲ့သတဲ့။

ဒီအချိန်မှာ ဦးလေးအရွယ် လူတစ်ယောက် ရောက်လာတယ်။ အဲ့ဆိုင်ထဲကပဲ။ ဒီကလေးကို ပုခုံးဖက်ပြီး မင်း ဒီသီချင်း နားထောင်နေတာလားလို့ မေးတယ်။ ခေါင်းညိမ့်ပြတော့- မင်း နားရောနားလည်လို့လား လို့ ထပ်မေးတယ်။ ကောင်လေးက ခေါင်းခါပြတော့- သား ခဏထိုင် တဲ့။ ဆိုင်ဝက ခုံလေးမှာ နှစ်ယောက်သား ထိုင်တယ်။ အဲ့ဦးလေးက ဒီတေးသွားကိုပဲ နောက်တစ်ခေါက် ထပ်ဖွင့်တယ်။ ဒီ့နောက်တော့ ချမ်းမြေ့မှု၊ ကြည်လင်မှု၊ ချစ်ခြင်းမေတ္တာအကြောင်း အေးအေးလူလူ ရှင်းပြနေတော့တာပဲ။

အဲ့နေ့က စလို့၊ ဒီကျောင်းသားလေးဟာ- လောကမှာ အခြားအရာတွေ မလိုချင်။ ချစ်ခြင်းမေတ္တာသာ လိုချင်ခဲ့တော့တယ်။ “အေးချမ်းမှု ဘယ်မှာလဲ။ လူတွေ ဘယ်လိုချစ်ကြသလဲ။ နူးညံ့မှု၊ သိမ်မွေ့မှု ဘယ်မှာလဲ။ နားလည်မှု၊ ချစ်ကြည်မှု၊ ရွှင်လန်းမှု၊ ပေါ့ပါးမှု၊ ခိုင်မာမှု၊ လွတ်လပ်မှု၊ အသိပညာတရား- ဒါတွေဟာ အထည်ဒြပ်ဆုပ်ကိုင် မပြနိုင်ပေမယ့် လူသားတိုင်း မြတ်နိုးလိုချင်ကြတဲ့ အရာတွေပဲ မဟုတ်လား။ ငွေကြေး၊ ဥစ္စာ၊ ဂုဏ်၊ ရာထူးတွေ အကုန်ဖယ်ချ။ အဲ့အရာတွေနောက် ဒီကောင်လေး ကောက်ကောက်ပါအောင် ရှာဖွေနေခဲ့တယ်ပေါ့။

Read more of this post

ကလေးအိပ်မက်

1382414_1128012973880616_1593414743390748664_nကလေးငယ်ဟာ
အိပ်မက်ကို အိပ်မက်မက်တယ်
ပန်းရုံတွေ ရှိတယ်
လိပ်ပြာတွေ ရှိတယ်
ခွေးလေးတစ်ကောင်လည်း ရှိတယ်။

အရုပ်ဝယ်ပြီး ပြန်လာနေတဲ့
အဖေလည်း ရှိတယ်။
ညညဆို ချော့သိပ်ပေးတဲ့
အမေလည်း ရှိတယ်။

ကလေးငယ်ဟာ
အိပ်မက်ကို
အိပ်မက် မက်နေရှာလေရဲ့။

Read more of this post

ရေလျဉ်ပမာ

ဝတ်မှုန် တို့ ၏ ဤ တိုက်ပွဲ ၌
ရနံ့ တို့ အလဲအကွဲ ဖရိုဖရဲဖြင့် တပ်လန်ကုန်လေပြီ။
ဟိုမှာ တစ်စ၊ သည်မှာ တစ်စ – ပျံ့နှံ့ ပြေးလွှားလျက်၊
ပွင့်ဖတ် တို့သည်လည်း အတုံးအရုံး
ကျဆုံး၊ ကြွေဆင်း ရှိကြကုန်၏။

ရင်ခတ်ပန်းတို့ နွမ်းသော်ကော ~

ကဗျာ တစ်ပုဒ် ဖြစ်စေ၊ စာ တစ်အုပ် ဖြစ်စေ၊
ရင်ခွင်ပိုက် တရားနှင့် – စကားအကြွေတို့
အသက်ခြွေ၊ အပ်နှင်း၊ စစ်ခင်းနေသော သဘောသာ ဖြစ်၏။
အနု အရွ – အတိမ် အနက် တို့၏ အလှဗေဒ သည်
နှလုံးအိမ်ကို ခတ်၍လည်း သီကုံးပြည့်စုံရ၏။
ဘဝအိမ်ကို လှပ်၍လည်း စီသွယ် ဆေးခြယ်ရ၏။

အမတလမ်းသို့ လှမ်းသော်ကော ~

သီလာ တောင်ကို ပတ်ခွေ၍
သီတာ ရေတို့ စီးဆင်းစမြဲ ဓမ္မတာတွင်
ခွေပတ်၍လည်း စီး၏။
ဖြောင့်တန်း၍လည်း စီး၏။ Read more of this post

အရှင်-သနားနေသလော-မူးနေသလော


သူသည် ကျွန်တော့်အတွက် တစ်ပွင့်တည်းသော စကားပြောတတ်သည့် ပန်းကလေး ဖြစ်ပါသည်။ နှင်းခဲ နှင်းဆိုင် တို့ကဲ့သို့ ဖြူလွှနေသော ပွင့်ဖတ်များ ဖြင့် ဖွဲ့တည်ထားသည်။ စိမ်းမြသော ရွက်ကြမ်းတို့ဖြင့် ခြံရံ၍ ပျား၊လိပ်ပြာတို့ ဝတ်ရည်ကူးရန် ဆွဲဆောင် နေဟန် ရှိသည်။ သို့သော် ကျွန်တော် ကိုယ်၌က ယိမ်းထိုး လှုပ်ရှားနေပါသည်။

မိတ်ဆွေ ။ ဒေါင်ချာဆိုင်း နေအောင် အရက်သောက်ဖူးပါသလား။ ဒါမှမဟုတ် တွေဝေ ပေါ့ပါးနေအောင် ဘိန်း သုံးဖူးပါသလား။ ဘိန်း၊ အရက်၊ ( သို့မဟုတ် ) မူးယစ်ဆေး တစ်ခုခု ( သို့မဟုတ် ) လူငယ်များ ပြောလေ့ရှိသည့် အချစ်လည်း ဖြစ်နိုင်သည်။ ယင်း တစ်ခုခုကို သုံး၍ ညအမှောင်မကျ တကျမှာ လမ်းလျောက် ကြည့်ဖူးပါသလား။

ယင်းအချိန်တွင် ဘဝ သံသရာနှင့် တူသော အတွေ့အကြုံမျိုးကို ရလိမ့်မည်ဟု ကြားဖူးပါသည်။

ဆရာပါရဂူ တစ်ခါက ပြောခဲ့ဖူးသည့် ဇာတ်လမ်းတစ်ပုဒ်ရှိသည်။ မုလ္လာနဆရုဒင် ဆိုသည့် လူတစ်ယောက် ညဘက် အိမ်ပြန်လာသည်။ အရက်သောက်ထားသည် ဖြစ်၍ သိုင်းကွက်နင်းပြီး လာသည်။ လက်ထဲက သော့နှင့် သော့ခလောက်ကို ဖွင့်သည်။ သို့သော် လက်က တုန်ရီ လှုပ်ရှားနေသည့် အတွက် သော့ခလောက်အပေါက်ထဲ သော့က မဝင်။ ယင်းအချိန်တွင် ပုလိပ်တစ်ယောက်က တံခါးဝတွင် ရပ်ပြီး အချိန်အတန်ကြာသည် အထိ ကြည့်နေသည်။ တော်လေးကြာသောအခါ ပုလိပ်က-

“နဆရုဒင်၊ ကျုပ် ကူညီပေးရမလား၊ သော့ပေး၊ ကျုပ်ဖွင့်ပေးမယ်” ဟု ပြောသည်။ နဆရုဒင်က-

“သော့က အရေးမကြီးဘူး၊ လှုပ်နေတဲ့ အိမ်ကို ခင်ဗျား တစ်ဆိတ်လောက် မလှုပ်အောင် ကိုင်ပေးပါ၊ ကျုပ်ကိုယ်တိုင် သော့ခလောက် အပေါက်ထဲ ဝင်အောင် သော့ထည့်လို့ ရပါတယ်” ဟု ပြန်ပြောသည်။

ဤပုံပမာနှင့် အလားတူပင် ၊ မိမိဘာသာ လှုပ်ခတ်နေသော ကျွန်တော်၏ စိတ် မီးညွှန့်ကလေးကို ကြည့်၍ “လေတိုက်သောကြောင့်သာ လှုပ်ခတ်နေရသည်” ဟု အပြစ်ဖို့တတ်သော အတွေးသည် နဆရုဒင်အိမ်လှုပ်နေသကဲ့သို့သာ ဖြစ်ပါလိမ့်မည်။

ကျွန်တော်တို့၏ စိတ်နှလုံးသည် စကားပြောတတ်သော အကြင် ပန်းကလေးများကြောင့် လှုပ်ရှားယိမ်းထိုးနေခြင်းလော။ စားသောက်နေကျ စားခွက်ကို အာသာငမ်းငမ်း တွယ်တာစိတ်ဖြင့် လှုပ်ခတ် တွေဝေ နေခြင်းလော။ သင်္ခါရလောက ကိုယ်၌က ဖောက်ပြန်ပြောင်းလဲ နေသောကြောင့် ကျနော်တို့ အဇ္ဈတ္တသည်လည်း လိုက်ပါ တုန်လှုပ်နေရခြင်းလော ဆိုသည်ကို မတွေးတတ်ပါပြီ။ Read more of this post

မိုး

ချစ်သူရေ

ဟော့ဒီ
ကောင်းကင် တစ်ရိုးက
ရေခိုးရေငွေ့ အိုးကြီးကို
မိုးတိမ်လို့ ခေါ်ကြလေရဲ့။

ကိုရွှေ မုတ်သုံလေက
သူ့ခြေထောက် သူ ဂရုမစိုက်
အိုးကြီးကို တည့်တည့် ၀င်တိုက်တယ်။

အိုးကြီးလည်း ဗိုက်ပွင့် ကွဲကြေ
သေပါလေရော။
Read more of this post

ဖေနဲ့ သားနဲ့-

ပြာရီမှောင် ညို့စဉ်က

ခလောက်သံ ညံစီပေး
ခြေအေး ဝမ်းရောင်
နောက်မိုးခေါင် ပြာညိုထက်ဆီက
သိုင်းဖွဲ့လို့ မှောင်။

ရုန်းလိုက်ဟဲ့ ငါ့အကောင်။
တမိုး တရွှေ – အောင် တဲ့ မှ
တောင်တစ်ရိုးခင် ရွာစဉ်ရွှေ့မယ်
ဖေ့ချစ်တဲ့ မောင်။

Read more of this post