ကျွန်ုပ်တစ်ခါကသိခဲ့ဖူးသောဦးအောင်ဆန်း

ကျွန်ုပ်တစ်ခါက သိခဲ့ဖူးသော ဦးအောင်ဆန်း – ဤဆောင်းပါးကို ဆရာ ဒဂုန်တာရာ ရေးပါသည်။ ပွင့်လင်းသော အရေးအသား မျိုးဖြင့် ဗိုလ်ချုပ်၏ အမူအကျင့် များကို မြင်၊ မြင်သည့်အတိုင်း၊ ထင်၊ ထင်သည့် အတိုင်း ရေးထားသည်ကို တွေ့ရသည်။ အချို့နေရာများ၌ ဗိုလ်ချုပ်အပေါ် ပြစ်ပြစ်နှစ်နှစ်ရေးထားသည် ဟုပင် ထင်မိရသော်လည်း ဗိုလ်ချုပ်၏ နေထိုင်မှု သဘာဝကို ဖော်ပြထားပုံမှာ ချစ်စရာ ကောင်းသည်။ ဆရာ ဒဂုန်တာရာသည် သူကြုံတွေ့ သိခဲ့ရသော တစ်ထောင့် တစ်နေရာမှ ဗိုလ်ချုပ်၏ ဘဝ တစ်စိတ် တစ်ဒေသကို ပြောသွား ခဲ့သည်မှာ ရိုးသားလှသည်။

ဆောင်းပါး၏ နောက်ဆုံးစာကြောင်း ဖြစ်သော “သူသည် လူထုထဲမှ လူတစ်ဦး ဖြစ်၍၊ လူထုနှင့် ဆက်စပ်နေ၍၊ လူထုခေါင်းဆောင် ဖြစ်လာသည်” ဟူသည့် ရည်ရွယ်ရင်း အတွက် ဆောင်းပါး တစ်ခုလုံးကို ပုံဖော် သွားခဲ့ခြင်း ဖြစ်ပေလိမ့်မည်။

“သူသည် ရိုင်း၏။ ကြမ်း၏။ ကြောင်၏။ ကိစ္စမရှိ။ သူသည် ဧည့်ခန်းဆောင်မှ ဂုဏ်သရေရှိ လူကြီးလူကောင်း မဟုတ်။ တစ်ခုတည်းသော ယုံကြည်ချက်နှင့် တစ်ခုတည်းကိုသာ လုပ်သော နိုင်ငံရေး သတ္တဝါ ဖြစ်၏။ ထို့ကြောင့် ကိစ္စ မရှိ။” ဟု ပြောင်ပြောင်တင်းတင်း အရေးအသား မျိုးကို ကျနော် ကြိုက်ပါသည်။ ယင်းတို့ကြောင့်ပင် ကျွန်တော်တို့ ဗိုလ်ချုပ်၏ ပုံပန်းကို မြင်ယောင်ရင်း၊ ပို၍ မြတ်နိုး၊ တန်ဖိုး ထားမိသေး တော့သည်။

ဇေယျ
……………………………………………………..

ကျွန်ုပ်တစ်ခါက သိခဲ့ဖူးသော ဦးအောင်ဆန်း
ဒဂုန်တာရာ

ဗိုလ်ချုပ်နှင့် အလယ်ပစ္စယံ

သူ၏အောက်မှ လူထုကြီးသည် စည်းကမ်းသေဝပ်ခြင်း အတန်ငယ် ကင်းမဲ့စွာ နားထောင်လျက် ရှိ၏။ လူထုကြီးသည် စူးစိုက်ခြင်းမရှိ။ တချို့က ပြုံးရယ်၍ နေ၏။ နောက်နားရှိ လူထုအစိတ်အပိုင်း တစ်ခုကား အချင်းချင်း ခေါင်းချင်းကပ်ကာ တီးတိုးပြော၍ နေ၏။ သို့သော် ပျက်ရယ်ပြုခြင်းကား မရှိ။ လေးစားခြင်းသည် အားလုံး၌ တညီတညွတ်တည်း တည်ရှိ၏။ အစိမ်းပုပ်ရောက် ကတ္တီပါကားကြီးသည် သူ့ကို နောက်ခံ၍ ထား၏။ ကားလိပ်ကြီးမှာ ဘာရုပ်ပုံတောတောင်မှ ချယ်လှယ်ထားခြင်း မရှိ။ ပကတိ ပိန်းပြောင်ပြောင် ဖြစ်၏။ ကတ္တီပါကားသည် အခြား ဘာအဓိပ္ပာယ်ကိုမှ ထူးထူးထွေထွေ မဖော်ပြ၊ သို့သော် မှိုင်းညှို့ခြင်း တစ်ခုကိုသာ ရဲဝံ့စွာ ဆောင်နေသည်။ သူသည် သည်စိမ်းညို မှိုင်းသော ကားကြီး၏ ရှေ့၊ စင်မြင့် ဇာတ်ခုံပေါ့် ရပ်ကာ စကားပြော၍ နေသည်။ သူသည် မဟာပထဝီ မြေကြီးမှ မြန်မာ ဝါဂွမ်းစစ်ဖြင့် ရက်လုပ်သည့် ပင်နီဖျင်ကြမ်းကြီးကို ဝတ်ထား၏။ လုံချည်မှာ နီရဲသော ရွှေတောင် ပိုးလုံချည် ဖြစ်၏။ ခေါင်းမှာ ပွယောင်းယောင်းနှင့် မသေမသပ်၊ မျက်နှာ အသွင်အပြင် မှာ အပူပိုင်း ဒေသ အီကွေတာ ပေါ်ရှိ ကျွန်းစုများတွင် နေထိုင်သော မွန်ဂိုလီယံ အနွယ် လူရိုင်းမျက်နှာနှင့် တူ၏။ သို့မဟုတ် တောင်ပေါ် ချင်းတစ်ယောက်၏ မျက်နှာနှင့်လည်း တူ၏။ တက္ကသိုလ် ကျောင်းသား လူလတ်တန်းစား၏ လက္ခဏာ ဖြစ်သော ထည်ဝါခြင်း၊ ယဉ်ကျေး သိမ်မွေ့ခြင်း တို့သည် သူ့တွင် လုံးဝ မခိုအောင်း။ လမ်းပေါ်တွင် နေရာ တကာ တွေ့မြင်နိုင်သော သာမာန် ဆင်းရဲသား တစ်ဦးနှင့်သာ တူ၏။ မြန်မာ လူထုကြီးထဲမှ လူတစ်ဦး၏ အသွင်အပြင် မျိုးသား ဖြစ်၏။ သူသည် လက်နှစ်ဖက်ကို ဘေးသို့ ကား၍ လှုပ်ကာ၊ လှုပ်ကာ စကားကို ပြော၏။ သူ၏ စကားလုံးများက ပြေပြစ်ခြင်း မရှိ၊ ချောမွေ့ခြင်း မရှိ။ သို့သော် အတွင်း၌ကား အနက် ပါ၏။

သင်ပထမဦးဆုံး တွေ့မြင်သော ကိုအောင်ဆန်း၏ ပုံပန်းကို ရေးပြပါ ဆိုလျှင် ကျွန်တော်သည် သည်ပုံကို ရေးပြမည် ဖြစ်၏။

မနက်ခင်းအာရုံ လွင့်ပျံခြင်း နှင့် ကမောက်ကမများ

တစ်ချိန်တုန်းက အမှားအယွင်းလေးတွေ
ဦးထုပ်ထက်မှာ မှီတွယ်ရင်း ငိုက်မြည်းကုန်ကြတယ်။
ကွမ်းတစ်ယာညက် အကြာမှာ ဆေးခါးတွေထည့်ဝါးရင်း မူးကုန်ကြတာပါ တဲ့။
မယုံရခက် ယုံရခက်။

စက်ရုပ်လက်များနဲ့ ထွေးပွေ့ကြင်နာ
သတဿတုသံ အက်ကွဲကွဲနဲ့ တီးတိုးစကားဆို
မာယာတွေကို အပိုအလိုမရှိ ၊ ပိပိရိရိ သုံးတတ်လာပြီ တဲ့။
ငါ့မျက်စိ အောက်မှာ သွားနေတဲ့ ပုရွက်ဆိတ်တန်းက
ပင်ပန်းတကြီး ညည်းတွားနေရှာပြီပေါ့။

ဇက်ကျိုးကျသွားတယ်။
မူးဝေတဲ့ ဝေဒနာက သုညရဲ့နောက်မှာ သိန်းသန်းကုဋေ ကုဋာ၊
ရင်ထဲမှာ အပြာရောင် အလံတစ်ရွက် လွှင့်လိုက်တယ်။
ပွင့်ပွင့်လင်းလင်းပဲ ပြောကြစို့ကွယ်။
ငါလည်း ခရီးသည် ၊ မင်းလည်း ခရီးသည်၊
လည်လည်ဝယ်ဝယ်တွေကြားမှာ၊ မအူမလည် ည အကြောင်းတွေပေါ့။
အတင်းဆွဲ ညှိထားတဲ့ ကာရန်တွေနဲ့ ကဗျာ အကြောင်းတွေပေါ့။
ပွင့်ပွင့်လင်းလင်းပဲ ပြောကြမယ်။

ဘာသာစကားကဗျာ နှင့် နောက်ဆက်တွဲ

ရုံးကိစ္စ တွေ ရှင်းရင်း စာတစ်ပုဒ်တော့ ရေးရမယ်ဆိုတော့ ရေးချင်တာက ကဗျာ။ ဒါပေမယ့် ကဗျာဆိုတာကို နာမည်တပ်ပြီး ထွက်လာတာ တွေက တကယ့် ကဗျာ ဟုတ်လို့လား လို့ တွေးမိပြန်တယ်။ ကဗျာ ဆိုတဲ့ စကားကလည်း ကြီးမြတ်နေတာလား ။ ဒါမှမဟုတ် စကား မဟုတ်တာလား ဟုတ်တာလားလည်း မသိဘူးလေ။ ကဗျာဆိုတာ ………….. ရယ်လို့ ကိုယ့်ကိုယ်ကိုယ် ပြန်မေး ၊ ပြန်ဖြေ အတွေးနယ်ချဲ့တော့လည်း နလပိန်းတုံး – ငါ – ရှေ့ကို မတိုးနိုင်ဘူး။ ရင်ဘတ်ထဲက ထွက်အံကျလာသမျှ သွန်ချမိတာလေး တွေကို ကဗျာလို့ ထင်ယောင် မြင်ယောင် သတ်မှတ်တာ။ အများသူငါ မသတ်မှတ်လည်း ကိုယ် သတ်မှတ်ခဲ့တာလေ။

အဲ့မှာ ဖြတ်သန်းလာခဲ့တဲ့ တစ်လျောက် ရင်ထဲ ထိမိ ရှမိတဲ့ အကြောင်းကတော့ ကဗျာကို ချစ်တာ။ ကဗျာလို့ ခေါ်တဲ့ ရင်တွင်း အမှန် ထွက်လာတဲ့ စီးဆင်း လာတဲ့ သဘောလေး ( Flow ) လေးကို ချစ်တယ်။ ဆိုလိုတာက ကိုယ်ကိုယ်တိုင်မှာ မရှိတဲ့ ရိုးသားမှု လေးကို ဒီကဗျာဆိုတာ မှာ တွေ့ရလို့ ချစ်တယ်။ ဒါဆို ကဗျာဆရာတိုင်း ရိုးသား ကြသလား မေးမယ်။ မရိုးသားပါဘူး။ ကဗျာကို စကားလုံးလှလှ သုံးတိုင်း ကဗျာလို့ ထင်ကြတာရှိမယ်။ စိတ်ကူးထဲမှာ စွတ်ဆက် ခံစားရတိုင်း သွန်ချနေတာ ရှိမယ်။ ကဗျာဆရာ ဆိုတာ အနည်းဆုံး ကိုယ့်ရင်ထဲတော့ ကိုယ်ပြန်မြင်ရမယ်လေ။ ( ကျနော့ ခံယူချက်ပါ ၊ မှားရင်လည်း မှားမယ် )

စာပေသီဝရီလို့ စကားလုံးထွားထွား ခဏငှားသုံးပြီး ပြောရင် Psychical Criticism အရ စာရေးသူ၊ ကဗျာရေးသူက သူ့ စိတ်ပုံရိပ်တွေ၊ သူ့စိတ် အရောင်တွေ သူ့စာမှာ ဖြန့်ကျက်ထားမှာ။ ဒီစာပေါ်မှာ သူ့စိတ်တွေက ရှပ်ပြေးနေမှာ။ စိတ်အရောင်တွေ သွားနေသမျှကို ကျနော်ကြိုက်တယ်။ ဒါနဲ့ပဲ၊ ဒါကိုပဲ ကဗျာလို့ သတ်မှတ်ပြီး ကျနော့် ဘာသာ ကဗျာ ဆိုတာကို ကြိုက်မိတယ်။

အောက်မှာ ကဗျာ ဆိုတာ နဲ့ပတ်သက်ပြီး ၊ ကဗျာဆရာ နဲ့ ပတ်သက်ပြီး ဆရာများ ပြောထားတာ တွေ့ရပါလိမ့်မယ်။ ကျနော့် ဘာသာ သတ်မှတ်တဲ့ ကဗျာဆိုတာများ နဲ့ ဘယ်လိုများ ဖြစ်နေသလဲတော့ မသိ။ ကျနော် မခွဲခြားတတ်၊ ။ ဆိုလိုတာကတော့ ကဗျာ ဆိုတဲ့ ဝေါဟာရက ကျနော် သွန်ချချင်ရာ သွန်ချ မိသွားတဲ့ စကားစုလိုပဲ သတ်မှတ် လိုက်ရမလား ။ တကယ့် တိတိပပ သတ်မှတ်ကြသလား။ ဝိဝါဒတွေ တော့ မငြိမ်သက်သေး၊ စီးဆင်းမြဲ၊ ရွှေ့လျားမြဲ၊ ပြောင်းလဲ နေမြဲဆိုတာ အကိုဇေယျာလင်း ရဲ့ Topics မှာ တွေ့ကြရမယ် ထင်ပါတယ်။

ကိုဇေယျာလင်း ပြောထားတာ တွေက ကျနော် အထက်မှာ ပြောတာတွေနဲ့ ဆိုင်ချင်မှ ဆိုင်မှာပါ။ ကျနော့် အတွေးကိုသာ ကျနော် ရေးထားတာ ဖြစ်ပါတယ်။ အောက်ပါ ပို့စ်ရဲ့ ဖော်ပြခွင့်ကို အကိုတို့ ဆိုဒ်မှာ ခွင့်တောင်းထားပြီးပါပြီ။ အဲ့ ဆိုဒ်က ဒီမှာ ပါ။ ပညာသား ပါတယ် လို့ မပြောလိုပါဘူး။ အဲ့လို ပြောတာထက် ကဗျာ အပေါ် ဘယ်လို စိတ်စေတနာ ရှိတယ် ဆိုတာကို ဒီစာ၊စကားမှာ မြင်ရမယ် ထင်ပါတယ်။ အဲ့လို ပြောတာ ပိုကောင်းမယ် ထင်ပါတယ်။

အကို့ ဂစ်တာလေး ကြိုးမညီ

ရင်ဘောင်တန်း ယန္တရားနဲ့
ကာလ ဒေသမညီမျှတဲ့ မင်းရှေ့မှာ
မားမားရပ်နေမယ့် ငါ
အသံ မသာနိုင်သေးဘူး။

နေရောင်၊ လရောင်၊
အယောင်ဆောင် အမှောင်ညတွေ
ငုပ်လိုက် ပေါ်လိုက်၊ ဖလင်ပြားတွေလို အလိပ်လိုက် အလွှာလိုက်
တဖြတ်ဖြတ် လွင့်မျောသွား
မင်း အကို – ငါလေ
ဒီတေး အစကို မရနိုင်သေးဘူး။

မိုးချုပ်ပြီ။
အေးစိမ့်တဲ့ မှောင်ရိပ်ကို ကိုးပြီး
ဒုက္ခကို ဒီထက်နက်အောင် မတိုးချင်နဲ့တော့ကွဲ့
စိုးစိတ်နဲ့ ယက်လုပ်တဲ့
အကို့ ဂစ်တာလေး ကြိုးမညီသေးဘူး။

အရင်တုန်းက ဂစ်တာသံ ကဗျာလေး တစ်ပုဒ် ပျောက်ဆုံးသွားတာကို ပြန်တွေး ကြည့်ရင်း ရေးမိပါတယ်။

ဖေဖော်ဝါရီ ၁၃

http://assets.mixpod.com/swf/mp3/mixpod.swf?myid=77083964&path=2011/02/12

ခွန်အားချိနဲ့နေတဲ့
ဒီအိမ်တိုင်ကို
ကျားကန် ပုခုံးထောက်
ခွန်အားနဲ့တည်ဆောက်ဖို့
ကြိုးစားခဲ့တဲ့……အဖေ

ငတ်ပြတ်နေမယ့် ဒုက္ခကို
ဖွားဖက်တော်လို ယုံမှတ်
ဟိုး မိုးစွန်ပြဿဒ်ကြယ်ကိုမှ
မမှိတ်မသုန် တောင်းဆို ရယူဖို့
လုံ့လစိုက်ခဲ့တဲ့ …အဖေ

ရိုးရိုးကြီးနေ
ယဉ်ယဉ်လေးသွားလို့
ဘေးစကားကိုမယုံ
အသွေးအသားက လွတ်လပ်မှုကိုပဲ
တသက်တာလုံးတောင်းတ
မွန်မြတ်လှတဲ့ ….အဖေ

ဒီအိမ် ၊ ဒီမိသားစုအတွက်
ကိုယ့်ဓါးနဲ့ ကိုယ်ထွင်
ကိုယ့်လမ်းကို ကိုယ်ဖောက်
အသက်ပျောက်သည်အထိ
ပေးဆပ်ခြင်းနဲ့ပဲ
ဘ၀ကို တည်ဆောက်ခဲ့တဲ့ ….အဖေ

ငါ့သားများ
ကြီးလာရင်လေ
ဒီမြေ ဒီခြံလေးအတွက်
အသက်ကို မငဲ့ကြပါနဲ့
စည်းလုံးမှုဆိုတဲ့ အင်အား
အခြားဘယ်အရာနဲ့မှ
မလဲကြပါနဲ့

ချစ်ခြင်းတွေနဲ့ အတိပြီးလို့
ရက်ရက်စက်စက်တိုက်ပွဲဝင်ခဲ့ရတဲ့

ပါးပါးလေးတော့ လျော့

နည်းနည်း လျော့၊
နည်းနည်း၊ နည်းနည်း
လျော့၊

ပွက်လောတွေ ရိုက်
သူ့အမြင် ၊ ကိုယ့်အထင် မလုပ်လဲ
ကြောင်တောင်မှာ ခိုးခဲ့ မိုက်ခဲ့
ဒေါသတွေထိပ်ထွက်လာရင်
မင်းအသက်
ဖက်နဲ့ထုပ်ဟဲ့

နည်းနည်းလျော့
နည်းနည်း၊ နည်းနည်း
လျော့

ဟိုလိုလိုနဲ့၊ ဒီလိုလို၊
ဘာညာတွေ လာမဆိုနဲ့
အပိုဝင်ငွေ တစ်ပြားမရှိဘဲ
ငိုလိုက်မယ်တဲ့

နည်းနည်းလျော့
နည်းနည်း၊ နည်းနည်း
လျော့

အိမ်တစ်လုံး ( အက်ဆေး )

အိမ်ကလေးတစ်လုံး ရှိပါသည်။

သည်အိမ်ကို ကျနော့်တွင်သာ မဟုတ် ၊ ခင်ဗျားလည်း ပိုင်သည်။ ကိုယ်ပိုင်ဆိုင်ရသော အိမ်ကလေးတွင် ခိုင်မာအောင် ထည်ဝါအောင် ပြင်ဆင်ကြသည်။ လိုအပ်သည်ကို ပြုပြင်ဖာထေးကြသည်။ မွမ်းမံပြင်ဆင်ကြသည် ။ ဝိုင်းဝန်း ညှိနှိုင်းကြသည်။ တိုင်ပင် ဆွေးနွေးကြသည်။ ဧည့်သည် ဆောင်ကောင်း မျှော်လင့်ကြသည်။ သံသရာမှ ကံပုံချ၍ ဆုံတွေ့ လာကြရသော ကျွန်တော်တို့ အတွက် ဤနေရာလေး သည် နွေးထွေးရာလည်း ဖြစ်သည်။ ငြိမ်းချမ်းရာ လည်း ဖြစ်သည်။ ဆူညံ ပွက်လော ရိုက်နေရာလည်း ဖြစ်ပါသည်။

ဆည်းလည်းသံလည်း ရှိသည်။ ဘင်ခရာသံလည်း ရှိသည်။ ဤအိမ်ကလေးတွင် အဘယ်အသံ ညံစေလိုသနည်း။ တည်ငြိမ် လေးနက်သော ဓမ္မသံစဉ်များလည်း မျောလွင့် နေနိုင်သည်။ ကလေးသူငယ်တို့ ဘာသာဘာဝ ချစ်တေးများ၊ လွမ်းတေးများ သီနိုင်ကြသည်။ အိမ်အပြင် ခြံဝင်းငယ်လေးတွင် အော်ဟစ် ကခုန် မြူးထူး ကစားနေကြမည်။ ချစ်သူခင်သူများ စကားတီးတိုးဆိုကြမည်။ ဤအိမ်လေးတွင် မြူးထူးပျော်ပါးဖွယ် ဂီတများလည်း ပျံ့လွင့်နိုင်သလို၊ ကြေကွဲတမ်းတချင်စဖွယ် လွမ်းတေးများလည်း ကြားနေရနိုင်မည်။ မည်သို့ပင် ဖြစ်စေ ဤအိမ်လေးထဲတွင် ခံစားချက်များကို သံစဉ်များ အဖြစ် ရိုးသားစွာ သီကျူးတေးဆိုနိုင်ပါသည်။

သံသရာသည် ချစ်ခြင်းဖြင့် အစဖွဲ့တည်သည်ဟု ဆိုသည်။ သေချာသည်က သံယောဇဉ်သည် ချစ်ခြင်းမဟုတ်ပေ။ ချည်နှောင်ခြင်းသည် ချစ်ခြင်း မဟုတ်ပေ။ ပူလောင်ခြင်း သည်လည်း ချစ်ခြင်း မဟုတ်ပေ။ ချစ်ခြင်းမှန်လျင် အေးမြ ရသည် သာချည်း။ စစ်မှန်သော မေတ္တာဓာတ် မည်သည် အေးချမ်း ရာကိုသာ ပေးနိုင်စွမ်း ရှိရသည် ချည်းသာ ဖြစ်သည်။ ဤအိမ်ကလေးတွင် ယင်း ချစ်ခြင်း မေတ္တာ ကိန်းခိုထားပါသည်။ ( မဟုတ်ဟု ယူဆ လျင်လည်း ရှိစေ )

ကင်းပတ်ကြီးကြိုး

Hip Hop, Punk, Pop , Rock, Classic, ခေတ်ပေါ်၊ ခေတ်နှောင်း၊ ခေတ်ဟောင်း – စသည့် ဂီတအမျိုးမျိုး ဘယ်လိုပဲ ပြောင်းပြောင်း အသံပါဒနဲ့ နားဝင်၊ စိတ်အကြိုက်ပေါ်မူတည်ပြီး ခေတ်စား ကြသည်ချည်းပဲ ဖြစ်ပါတယ်။

လွန်ခဲ့တဲ့ ဆယ့်နှစ်နှစ်၊ ကျနော် ကိုးတန်းအခါက ဂစ်တာ တီးတတ်ချင်တယ်။ သူငယ်ချင်းတွေ ဂစ်တာတီး သီချင်းဆို၊ ကျနော် ဆိုကြည့်ချင်တယ်။ အတန်းထဲမှာ ခုံခေါက်တော့ ဆရာမက မတ်တတ်ထရပ်ခိုင်းတယ် ဆိုတဲ့ လွှမ်းမိုးသီချင်းက ကျနော်တို့ ကျောင်းသား ဘဝနဲ့ အများကြီး နီးစပ်ပါတယ်။ ဒါပေမယ့် အိမ်က ခွင့်မပြုလို့ မဆိုခဲ့ရ၊ မတီးခဲ့ရ။

ကိုးတန်း စာမေးပွဲကြီး ဖြေခါနီးမှာ စုထားတဲ့ ပိုက်ဆံလေး ပြည့်လို့ ဂစ်တာတစ်လုံး ခိုးဝယ်တယ်။ သင်ပေးမယ့် ဆရာ မရှိလို့ သူငယ်ချင်းတွေဆီမှာ အောက်ကျ ခံလိုက်တယ်။ တီးနည်းစာအုပ်တွေ စုံအောင် ထပ်ဝယ်ရတယ်။ တစ်နေ့ တစ်နေ့ကို တော်တော် ကြာကြာနဲ့ အခန်းထဲက မထွက် ကြိတ်-နေပြီး၊ တိုးတိုး လေး သင်တီး တီးနေတာ သိပ်မကြာပါဘူး။ အမေ သိရော။ — မိုးမီးလောင်တယ် ။ အကျိုးရှိတာ မဝယ်ဘဲ – ဂစ်တာ ဝယ်လို့တဲ့။

အမေ့အချစ်တော် အဖေပါ သိတော့ ဂစ်တာ သိမ်းတယ်။ အဖေနဲ့ အမေဆိုတော့ ဘာမှ ပြန်မပြောရဲဝူးလေ။ သားလိမ္မာလေး တော့ မဟုတ်ပါဘူး။ ကြောက်ခဲ့ရတာ ကို ပြောတာပါ။ ဂစ်တာ သိမ်းတာကလဲ တော်တော် လုံလုံခြုံခြုံဆိုတော့ ညဘက်ကို တိတ်တိတ်လေး တက်ယူပြီး အိပ်ခန်းထဲ ပြန်ကျင့်။ လက်ကွက်က A,B,C,D, E,F,G, Am,Bm, ဆိုတာမျိုးတွေကကို မတက်ဘူး။ Go Go, Slow Go Go,Rock, Bosanova,တို့က နေလဲ ရှေ့မဆက်နိုင်ဘူး။ အမေက သိမှာပါ ညဘက် ခိုးတီးနေတယ်ဆိုတာကို ။ တားမရလို့ မသိချင်ယောင်ဆောင်ပေးထားတာ ဖြစ်မယ်။

သိပ်မကြာပါဝူး။ အဖေ သိပြန်တော့- လုပ်ရလားဆိုပြီး နဘန်ကျင်း၊ အရှိုက်ကိုထိုး၊ ဆဲ ပါလေရော။ ( အဲ့တုန်းက နဘန်ကျင်းတဲ့ အချက်က ငယ်ငယ်တုန်း အချိန်ကလဲ နဘန်ကျင်းထားလို့ ထိထား၊ ဝါးတားတားဖြစ်နေတဲ့ ညာဘက်နားက လုံးဝ မကြားရတော့ဘူး ဖြစ်သွားတယ် ခုထိ ။ ဟီးး ) အဲ့နား ထိသွားတာမှာ အဖေလည်း စိတ်မကောင်းပုံရပါတယ်။ “မင်းကို လမ်းဘေးမှာ ဂစ်တာတီးနေတဲ့ ဂျလေဘီလိုကောင်မျိုး မဖြစ်စေချင်လို့” တဲ့ ” ဒီလောက်လုပ်ချင်နေရင် သေသေချာချာ သင်ရမယ်” တဲ့။ ပျော်ချက်။
နားပင်းရကျိုး နပ်တယ်။

တာမွေနတ်ချောင်းမှာ အခုလက်ရှိထိ ရှိနေတုန်း ဖြစ်တဲ့ ဂီတ အစည်းအရုံးမှာ သင်တန်းသွားပို့ပေးတယ်။ ခက်တာက ဂစ်တာသင်တန်းက လူပြည့်နေပြီဆိုလို့… အခြားကြိုက်တာ ဘာသာရပ်ရွေးပါ ဆိုတော့ အဆို၊ အရေး၊ စောင်း၊ ပတ္တလား၊ တယော ၊ စန္ဒရား – ကြိုက်ရာရွေး – ဆိုကိုး။ သိပ်ထွေထွေထူးထူး လုပ် မနေတော့ပါဘူး။ ဂီတဆိုရင် ကြိုက်တယ်လို့ – ပေါ့ပေါ့ပါးပါး တူရိယာ – တယောကို ရွေးလိုက်တယ်။

အဲ့မှာ စတော့တာပဲ ပြဿနာက ။ တယောကြိုးမှာမှ ကြိုးက လေးကြိုးထဲရှိတာ။ ဂီတ ပါရမီ ဘယ်လောက် ကြီးလဲ မကြီးလဲ လက်ကွက် မနှိပ်ရဘဲ ကျင့်တာ- လေးလ လောက် ကျင့်ယူရတယ်။ အဲ့လေးလ အတွင်းမှာ သီချင်းကြီး သီချင်းခန့်ဆိုတာ ဘာလဲ။ အနောက်တိုင်း ဂန္တဝင်ဆိုတာ ဘာလဲ ။ ဆရာက လက်ချာ ပေးတယ်။

ရွက်လွှင့်သွားသော ပလွေသံအက်ကြောင်းများ

လက်ကလေးတွေက နူးညံ့လွန်းတယ်။ အေးစက်စက် တီးကွက်တစ်ကွက် အတိုင်း ပေါ်လာတဲ့ သံစဉ်က ပြေပြေချောချော ရင်ထဲကို လှိုင်းခတ်……..

Homesick with Cloudy flute song

မျောလွင့်နေတဲ့ တိမ်လွှာပေါ်ကို
အလိုက်သင့်များ ခိုစီးသွားလေသလား
ဟိုးအတိတ်ရေ…….။
မင်းမပါဘဲ ခရီးမဆက်ခဲ့ပါဘူး။
ဗျပ်စောင်းနဲ့ ပလွေသံချိုရဲ့ ရှေးဟောင်းဂန္တဝင်ဂီတ
ရှက်ပြုံးလေးနဲ့ စဖွင့်ပြီး
ဒီရွက်ကို ဆက်လွှင့်မယ်။

ရာသီတစ်ရာသီ ကုန်ပါပြီ။ ကျနော် အိမ်က ထွက်လာ ခဲ့သည်က သုံးလတော့ ပြည့်ပြီ။ အဖေ၊ အမေ၊ ညီ၊ ညီမနဲ့ ကျနော့်ကိုမှ ခင်တွယ် စောင့်မျှော်နေတတ်တဲ့ အိမ်မွေး ခွေးမလေး ဆန်းမီကို လွမ်းသည်။ ဘယ်တော့ ပြန်တွေ့ ကြပါ့မလဲ။