ဇူလိုင် ၁၉ မှ သင်ခန်းစာ

ကလောင် အမည် “ကိုဆောင်း” ရေးသားခဲ့တာက ပြီးခဲ့တဲ့ မ-ဆ-လ ခေတ်အခါက ဖြစ်ပါလိမ့်မယ်။ ခေတ်၊ စနစ် ( အမည်အားဖြင့် ) မတူတော့ပါဘူး။ ဒါပေတဲ့ အဲ့ဒါကို ခုချိန်မှာ တင်တာက ရှေ့လမှာ ကျရောက်မယ့် ဇူလိုင် ( ၁၉ ) အတွက် နောက်ပို့စ်တွေ တင်ဖို့ ရှိတာမို့ အစပျိုး သဘောသာ ဖြစ်ပါတယ်။ အတွင်း စာသားကို ( မူရင်း စာရေးဆရာကို လေးစားသောအားဖြင့် ) ဘာမှ မပြုမပြင် ထားပါ။ ပါရှိသည့် အတိုင်း တင်ပါတယ်။ ဓာတ်ပုံများ ကိုတော့ မော်နီတာ ( ဗိုလ်ချုပ်အောင်ဆန်း အထူးထုတ် ) ထဲက အတိုင်း ဖြည့်ယူ ပါတယ်။

ဇေယျ
……………………………………….

မြန်မာ တစ် နိုင်ငံလုံး နှင့် မြန်မာ တိုင်းရင်းသား တစ်ရပ်လုံး ၏ ဘ၀ မှတ်တိုင် တွင် ထာဝစဉ် အဓိကရ နေရာယူ နေမည့် “အာဇာနည်နေ့”နှင့် ပတ်သက်၍ အကျဉ်းချုပ် သုံးသပ် လေ့လာချက် တစ်ရပ် ပြုကြမည် ဆိုလျှင်

(၁) အာဇာနည်နေ့ မတိုင်မီ တိုင်းပြည်၏ အထွေထွေ အခြေအနေ
(၂) လုပ်ကြံမှု၏ ရည်ရွယ်ချက်၊
(၃)ပြည်သူလူထု၏ တုံ့ပြန်မှု၊
(၄)အာဇာနည်နေ့မှ ပေးသော သင်ခန်းစာများ ဟူ၍ အပိုင်း လေးပိုင်း ခွဲခြား လေ့လာခြင်း ပြုသင့်ပါသည်။

(၁)အာဇာနည်နေ့ မတိုင်မီ တိုင်းပြည်၏ အထွေထွေ အခြေအနေ

ဒုတိယ ကမ္ဘာ စစ်ပြီး ကာလ ဖြစ်သည့် (၁၉၄၅) ခုနှစ်မှ စ၍ (၁၉၄၇) ခုနှစ် အထိ (၃) နှစ် ကာလကို လေ့လာ သုံးသပ်ရန် လိုအပ် ပေမည်။ (၁၉၄၅) ခု၊ မတ်လ (၂၇) ရက်နေ့ မှစ၍ မြန်မာ တိုင်းရင်းသား အားလုံး တို့သည် ဖက်ဆစ် တိုက်ဖျက်ရေး ပြည်သူ့ လွတ်လပ်ရေး (ဖတပလ) အဖွဲ့ဝင်များ၊ ဗမာ့ ကာကွယ်ရေး တပ်မတော် နှင့် မျိုးချစ် ဗမာ့ တပ်မတော်သား များအဖြစ် တစ်စု တစည်းတည်း တိုက်ပွဲ ၀င်၍ ဖက်ဆစ် ဂျပန် များအား တော်လှန် တိုက်ခိုက်၍ မြန်မာနိုင်ငံ၏ မြေပြင်မှ မောင်းနှင် ထုတ်ခဲ့ကြ လေသည်။

(၁၉၄၅) ခုနှစ်တွင် ဗြိတိသျှ တို့သည် စစ်တပ်ကြီး များနှင့် မြန်မာနိုင်ငံ အတွင်းသို့ ပြန်လည် ၀င်ရောက် လာကြသည်။ သို့သော် တိုင်းရင်းသား အားလုံး အပါအ၀င် တပြည်လုံးက ဗြိတိသျှ တို့၏ စစ်အုပ်ချုပ်ရေး ကို အမြန်ဆုံး ရပ်စဲ ရုပ်သိမ်းရန် တောင်းဆို ကြသည်။ ထို့ကြောင့် (၁၉၄၅) ခုနှစ်၊ အောက်တိုဘာလ (၁၅) ရက်နေ့ တွင် ဗြိတိသျှ အပေါင်းပါ များ၏ စစ်အုပ်ချုပ်ရေး မှာ လုံးဝ ရပ်စဲ ခဲ့ရသည်။ သို့သော် ဗြိတိသျှတို့သည် မိမိ တို့နှင့် အတူ ပါလာသော ဆင်းမလား စီမံကိန်းခေါ် စက္ကူဖြူ စာတမ်းအရ မြန်မာနိုင်ငံ အား ဆက်လက် စိုးမိုးရန် ကြိုးစား ကြပြန်သည်။

Read more of this post