ကြီးကျယ်ခမ်းနားသော အရေးအသားများ ပြီးဆုံးသွားရသည့်အကြောင်း

ဆရာမြင့်သန်း ရေးပါသည်။

ရေးနေတဲ့ဝတ္ထုနဲ့ ပတ်သက်လို့ ပြောချင်တာလေးတွေ ရှိလာတာနဲ့ ဘမြင့်ဆီ ထွက်လာခဲ့တယ်။ ဘမြင့်က လူတော်။ ဘယ်သူကမှ ပြောတာတော့ မဟုတ်ဘူး။ ကျွန်တော့်အမြင်အရ ပြောတာ။ ကျွန်တော့်အထင်အရ ကျွန်တော် လက်ခံထားတာ။ ဒီတော့လည်း ကျွန်တော့်ကိုယ်ပိုင် အမှန်တရားပဲလို့ ပြောချင်ရင် ပြောကြ။ ကိုယ်ပိုင် အမှန်တရား ဆိုတာကိုလာပြီး အကြောက်အကန် ငြင်းနေလို့ကဖြင့် နှစ်တစ်လက်မ ကောင်းကောင်းတစ်ချောင်းကိုင်ပြီး လက်တွေ့ နည်းလမ်း တကျ အမှန်တရား ဆိုတာကို ရှင်းပြလိုက်ရုံပဲ။

ဒီတော့ ခုကတည်းက ဘမြင့်ကို ဘာကြောင့် လူတော်ရယ်လို့ ကျွန်တော်က လက်ခံ ထားတယ် ဆိုတာကို ရှင်းပြ ထားချင်တယ်။ တကယ်တမ်း မှာတော့ ဘမြင့်ဟာ သူများတကာ ထက် ထူးခြားပြီး တော်တယ် လို့ ပြောလို့ ရလောက်တဲ့ အကြောင်း တစ်ခုမှ မရှိဘူး။ ကျွန်တော် လက်ခံထားတဲ့ သဘော တစ်ခုကို ပြောရရင် သူများ တကာ ထက် ထူးထူးခြားခြား ပိုပြီး မတော်လှဘူး ဆိုတဲ့ လူတိုင်းဟာ လူတော်ပဲ လို့ လက်ခံ ထားတာပဲ။ ဒီလို လက်မခံ လို့ကလည်း မဖြစ်ဘူး။ ကိုယ်လည်း လူတော် စာရင်းထဲတော့ ပါချင်သေး တာကိုး။

တကယ်တမ်းတော်မှ လူတော်လို့ သတ်မှတ်မယ် ဆိုရင်ဖြင့် လူတော် ဆိုတာတွေ သိပ်နည်း သွားလိမ့်မယ်။ လူတော် နည်းသွား တာက အကြောင်း မဟုတ်ဘူး။ လူတော် နည်းတဲ့ လူ့အဖွဲ့အစည်း ဟာ ခပ်ညံ့ညံ့ လူ့အဖွဲ့အစည်းပဲ လို့ လက်ခံ ထားကြလေတော့ ကိုယ် ပါဝင် ပတ်သက်နေရတဲ့ လူ့ အဖွဲ့အစည်းကြီး ကိုတော့ ခပ်ညံ့ညံ့ စာရင်းဝင် ဖြစ်မသွားစေချင်ဘူး။ ဒီတော့လည်း လူတော်တွေ ပေါများစေချင်တဲ့ စေတနာနဲ့လို့ ပြောရမှာပဲ။ လူ့ အဖွဲ့အစည်းကြီးကို ကောင်းစေချင်တာကိုး။

ရိုသေပြတယ်ဆိုတာ ... အရင်လူက နောက် လာတဲ့လူကို သူလုပ်ချင်တာ လုပ်လို့ ရအောင် ထွင် ထားခဲ့တာ။

တချို့ ကတော့ လူ့ အဖွဲ့အစည်းကြီး ကောင်းအောင် သစ်ပင်စိုက်တာတို့ ကြွပ်ကြွပ်အိတ် မသုံးဖို့တို့ လုပ်ကြတယ်။ ကမ္ဘာကြီးကောင်းလာအောင် ဂေဟစနစ်ဆိုလား၊ လုပ်ကြရမယ်လို့ ကြွေးကြော် ကြသေးတယ်။ တော်ပါသေးရဲ့ ဗာလစနစ်တို့ ဘာတို့ မထူထောင် ကြပေလို့ပဲ။ ဘာလစနစ်တို့ ဘာတို့သာ ရှိခဲ့ရင် ကျွန်တော့်လို အကောင်မျိုးတွေ အလုပ် အမှုဆောင် အဖွဲ့ဝင်တွေ ဘာတွေဖြစ်ပြီး အလုပ်များနေလို့ စာတောင် ကောင်းကောင်းရေးရမယ်တောင် မထင်တော့ဘူး။ ဒါပေတဲ့လည်း ကျွန်တော်ကတော့ အဲဒီလောက် အထိ မတွေးတတ်ဘူး။ နားလည်း မလည်ဘူး။ လူတော်တွေ များတဲ့ လူ့အဖွဲ့အစည်း ထဲက လူတော် ဆိုတော့လည်း အဲဒီလို အသေးအမွှားတွေ အထိ လိုက်သိနေဖို့ လည်း မလိုတော့ဘူး လို့ ထင်တယ်။

ကျွန်တော်က ဘမြင့်ကို သဘောကျတဲ့ အထဲမှာ အဲဒီ အချက်လည်း ပါတယ်။ သူကလည်း အဲဒါတွေကို စိတ်မ၀င်စားဘူး။ မြောက်ဝင်ရိုးစွန်းက ရေခဲတုံးတွေ အရည်ပျော် လာလို့ ကမ္ဘာကြီး ပိုမို ပူနွေးလာတယ်လို့ သူ့ရှေ့မှာ ပြောကြရင် ဒီလိုဖြင့် လာမယ့်ဆောင်းမှာ စောင်ထပ် ၀ယ်စရာ မလိုဘူးပေါ့ လို့ပဲ သူက ပြောလေ့ရှိတယ်။ နောက်တစ်ချက် သူ့ကို သဘောကျတာရှိသေးတယ်။ ဒီကောင်က စာအတော်ဖတ်တယ်။ တည့်တည့်ပြောရရင်တော့ အားရင် စာပဲဖတ်တယ်။ အားရင်ဆိုတဲ့ စကားလုံး ထည့်ပြော ရတာကတော့ ပြောရိုးပြောစဉ် ဖြစ်နေလို့ပါ။ ဒီကောင့်မှာက မအားစရာအကြောင်းမှ မရှိဘဲ။ ဘာအလုပ်မှ ရှိတာမှ မဟုတ်ဘဲ။ ဒီကောင်က မအားဘူးလို့ ပြောရင်တော့ စာဖတ်နေလို့ပဲ။

ကျွန်တော်တို့ ငယ်ငယ် ကျောင်းသား ဘ၀ကတည်းက သူက စာ အတော် ဖတ်တယ်။ သူ့ညီ ဘတင့် ကျတော့ သူ့လို မဟုတ်ဘူး။ သူတို့ နှစ်ယောက် က နှစ်နာရီ လောက်ပဲ ခြားတယ်။ အမွှာ။ သူ့ ကျတော့ ဘာ စာမှကို မဖတ် ချင်ဘူး။ ဖတ် လည်း မဖတ်ဘူး။ အ လိမ္မာ စာမှာ ရှိတယ် ဆိုတဲ့ စကားသာ မှန်ခဲ့ရင် ဘတင့် နဲ့ အလိမ္မာ ဆိုတာ ကြီးက အတော် ဝေးနေကြမှာ။ ဒါပေတဲ့ လည်း စီးပွားရေး သမား မဟုတ်လို့ ရှာရဖွေရကျပ်တဲ့ ကာလကြီးမှာ သင်းတို့က မကြောင့်မကြ နေနိုင်တယ်။ ဒါကတော့လည်း သင်းတို့တော်လို့ မဟုတ်ဘူး။ သင်းတို့ အဖေ သွားလေသူ ဦးဘ တော်ခဲ့ပေလို့ပဲ။

ကိုဓ

လက်တစ်ဖက် ဆုံးရင် လက်တစ်ဖက် ချင်း၊ မျက်လုံး တစ်ဖက် ကန်းရင် မျက်လုံး တစ်ဖက် ချင်း ဆိုတဲ့ ဟမ္မူရာဘီရဲ့ ကိုဓ ဥပဒေက ကြီးစိုးလျက် ပဲလား။ လူတွေ ရင်ထဲမှာ ရန် အငုတ်၊ အငြှောင့်တွေနဲ့ ဆိုတာ ရှိနေတာပဲလား ။ အဲ့လို တွေးဖြစ်လာတဲ့ သတင်း ဖတ်မိတာ ပြောရင် –

Ameneh Bahrami

၁၆ ရက်နေ့ နေ့စွဲနဲ့ တင်ရှိလာတဲ့ လော့စ် အိန်ဂျလိ တိုင်းမ်မှာ ပြီးခဲ့တဲ့ ခုနှစ်နှစ်လောက် အချိန်က အီရန် အမျိုးသမီး တစ်ယောက် ကို အက်ဆစ်နဲ့ ပက်ခဲ့တဲ့သူ – အဲ့လူကို အခု ဘယ်လို ပြစ်ဒဏ် ချမလဲ ။ ခုံရုံးက အကြိတ်အနယ် စဉ်းစားနေရတယ်။ ရွှေ့ဆိုင်းလိုက်ရတယ် ၊ ဆိုင်းငံ့ထားရတယ်လို့ ကြားတယ်။

မာဂျစ် မိုဗာဟယ်ဒီ ဆိုတဲ့ ၂၁ နှစ်အရွယ် လူငယ်က သူ့ကို လက်ထပ်ဖို့အတွက် ငြင်းဆန်ရကောင်းလား ဆိုတဲ့အကြောင်း ပြချက်နဲ့ အမီနာ ဘာရာမီဆိုတဲ့ အမျိုးသမီးကို ဆာလဖျူရစ် အက်ဆစ် တစ်ဂါလံ ကျော်ကျော် လောင်းချခဲ့တယ် ဆိုပဲ။ အဲ့အချိန်က လွန်ခဲ့တဲ့ ခုနှစ်နှစ် ၊ ၂၀၀၄ ခုနှစ်က ။ အဲ့တုန်းက ဘာရာမီက တဲဟ်ရန်းမှာ နေတယ်။ အောင်လည်း အောင်မြင်နေတဲ့၊ ရည်ရွယ်ချက် ရည်မှန်းချက် လည်း ကြီးတဲ့ မိန်းကလေး အင်ဂျင်နီယာ တစ်ယောက် အဖြစ် ဘဝရပ်တည် နေခဲ့တာ။ အခုတော့ သူ့အတွက် ဆာဂျရီ ခွဲစိတ်မှု ပြုရာ စပိန်မှာ နေ နေပါတယ်။

ဒီလို ပြစ်ဒဏ်မျိုးကို အီရန်နိုင်ငံရဲ့ အစ္စလာမ် ပြစ်မှုဆိုင်ရာ ဥပဒေတွေမှာ ခွင့်ပြုပါတယ်။ qisas လို့ ခေါ်မယ်။ retributive justice တဲ့။ တရားခံရဲ့ ခန္ဓာကိုယ်ကို တူမျှတဲ့ ပြစ်ဒဏ် ချမှတ်ခြင်း တစ်မျိုး လို့ပဲ ဆိုရမယ်။

ဘိုင်ရု က အစ္စလမ်လေ့လာရေး ပညာရှင် အာမက် မူဆာလီ ရဲ့ အပြောအရတော့ ဒီ retributive justice ဆိုတာ ပုဂ္ဂိုလ်ရေး အချင်းချင်း ပြစ်မှု ဖြေရှင်းရာမှာ ဘုံသုံးလေ့ ရှိတဲ့ နည်းလမ်း တစ်ခုပဲတဲ့။ တရားရုံး တွေမှာ ပြစ်ဒဏ် ချမှတ်တာ ထက် အများအားဖြင့် မိသားစုဝင် အချင်းချင်း ကြားမှာပဲ ဖြေရှင်းလေ့ ရှိတဲ့ နည်းပဲ လို့ ဆိုပါတယ်။

သေသည်၏ အခြားမဲ့မရှိဟူသော ဟောကင်း

Stephen Hawking

 ဝဘ် စာမျက်နှာများ လှန်လှော ကြည့်ရင်း ဘာသာပြန်ဆို ချင် လာသော ကြောင့် ပြန်ဆို ထားသော တစ်ပုဒ် ဖြစ်ပါသည်။

ကိန်းဘရစ်ခ်ျမှ ကမ္ဘာ ကျော် ရူပဗေဒ ပညာရှင် စတီဗင် ဟောကင်း ၏ ပြောကြားချက် အချို့ကို တင်ပြရန် ဖြစ်သည်။

ဟောကင်းက ၎င်း၏ ယုံကြည်ရာ မှာ ကောင်းကင်ဘုံ သို့မဟုတ် သေသည် ၏ အခြားမဲ့ ဘဝ ဟူသည် တို့သည် သေခြင်း တရားကို ကြောက်လန့် တတ်ကြသော သူများ အတွက် ခြောက်လှန့် တတ်သော ပုံဝတ္ထု များသာ ဖြစ်သည်ဟု ဆိုသည်။

အချိန်၏ သမိုင်း အကျဉ်း ဟူသော နာမည်ကျော် ရူပဗေဒ ဆိုင်ရာ ကျမ်းကို လူပိန်း နားလည်အောင် ရေးသားခဲ့သူ ဟောကင်း ကို ပြီးခဲ့သည့် တနင်္လာနေ့က ဂါးဒီးယန်း သတင်းစာမှ အင်တာဗျူး ခဲ့သည်။ ယင်း အင်တာဗျူးတွင် ဦးနှောက် အတွင်း တုံ့ပြန်မှု ဖြစ်ပေါ်သမျှ နောက်ဆုံး အချိန် ခဏတာ၏ အလွန်၌ မည်သည့် အရာမှ မရှိ ဟု ပြောကြားခဲ့သည်။

ဟောကင်းသည် အသက် ၂၁ နှစ် အရွယ်ကတည်းက အာရုံကြော ချို့တဲ့မှု ရောဂါတစ်မျိုးခံစားနေရသူ ဖြစ်သည်။

၎င်းက “လွန်ခဲ့တဲ့ လေးဆယ့် ကိုးနှစ် ကတည်းက သေမယ် ဆိုရင် သေနိုင်တဲ့ ရောဂါ ဝေဒနာနဲ့ ကျွန်တော် အသက် ဆက်လာ ခဲ့တာပါ။ သေတာကို မကြောက်ဘူး ။ ဒါပေမယ့် မြန်မြန် လည်း မသေချင်ပါဘူး။ လုပ်လို့ ရသရွေ့မှာ အဖြစ်ချင်ဆုံး အကောင်းဆုံး တော့ လုပ်သွားဦးမှာ” ဟု ဆိုသည်။

ဦးအောင်ဆန်းတို့ အမေ

U Aung San and His Mother Daw Su

အာဇာနည် ခေါင်းဆောင်ကြီး များမှ အာဇာနည် ညီအစ်ကို (၂) ဦး ကို မွေးထုတ် ပေးခဲ့သူ မှာ အမျိုး သား ခေါင်းဆောင်ကြီး ဗိုလ်ချုပ် အောင်ဆန်း နှင့် ဗိုလ်ချုပ် အောင်ဆန်း ၏ အစ်ကို ဦးဘ၀င်း တို့ကို မွေးထုတ် ပေးခဲ့သူ မှာ အာဇာနည် မိခင်ကြီး ဒေါ်စု ဖြစ်ပေသည်။ အာဇာနည် ခေါင်းဆောင် ညီအစ်ကို နှစ်ဦးကို မွေးထုတ်ခဲ့သည့် ဒေါ်စု၏ ဘ၀မှာ စိတ်ဝင်စား စရာ လောကံဓံများကို ကြံ့ကြံ့ခိုင် နိုင်သူ အဖြစ် မှတ်တမ်းတင် ရမည် ဖြစ်သည်။ ဗိုလ်ချုပ် အောင်ဆန်း နှင့် ဦးဘ၀င်းတို့၏ မိခင်ကြီး ဒေါ်စုကို (၂၂၊ ၇၊ ၁၈၇၇) ရက်တွင် မကွေးခရိုင်၊ နတ်မောက်မြို့ ရှိ မင်းဝိုင်း နေအိမ် အဘ ဦးမြအေး၊ ဒေါ်သူဇာ တို့က မွေးဖွား ခဲ့သည်။ မွေးချင်း (၇) ဦး ရှိပြီး သမီး အကြီးဆုံး ဖြစ်သည်။ တနင်္ဂနွေ သမီး ဖြစ်ပေမဲ့ မိဘများ က နေ့သင့် နံသင့် မဟုတ်ဘဲ မစုဟု အမည်မှည့်ခေါ် ထားခဲ့ကြသည်။ ဒေါ်စု၏ ဦးလေးတော်သူ ပင်းမြို့၊ နတ်မောက်မြို့၊ ကျောက်ပန်းတောင်းမြို့ တို့၏ သုံးမြို့ဝန် ဦးမောင်က အစု ဟု ခေါ်ပေသည်။

ဒေါ်စု၏ အောက်တွင် မောင်များ ဖြစ်သည့် ဦးဖိုးသင်း၊ ဦးငွေနိုင်၊ ဦးငွေဆိုင်၊ ညီမဒေါ်ယု၊ ဒေါ်ပု၊ ဒေါ်ခင်မေတို့ ရှိပေသည်။ ဒေါ်စုမှာ အမေတူ သမီးဖြစ်၍ မျက်နှာ သေးသွယ်ကာ အသားညို၍ အရပ်မှာ မနိမ့်မမြင့် ဖြစ်သည်။ ကိုယ်ခန္ဓာ အနေအထားမှာ မပိန်လွန်း၊ မ၀လွန်းဘဲ ကြည့်၍ ကောင်းသည်။ ဒေါ်စုမှာ စကားနည်းသူ ဖြစ်ပြီး မျက်နှာမှာ ကျက်သရေ ရှိကာ ခံ့ညားလှသည်။ ဒေါ်စုသည် အစ်မအကြီးဆုံး ဖြစ်သည့် အပြင် သိက္ခာ သမာဓိနှင့် ပြည့်စုံကာ မွေးချင်းများ အားလုံးက အစ်မကြီးဟု ခေါ်ကြသဖြင့် အခြားသူများ ကလည်း အစ်မကြီး လိုက်ခေါ် ခဲ့ကြသည်။ ဒေါ်စုသည် ဗိုင်းကောင်း ကျောက်ဖိ အမျိုးသမီး ဖြစ်ကာ မိကောင်း ဖခင် သားသမီး ဖြစ်သည့် အတွက် မိဘများ၏ စကားကို ကောင်းစွာ နာယူ တတ်ခဲ့သည်။ သို့အတွက် ကြောင့်ပင် (၁၁) နှစ် သမီးအရွယ် ကပင် မြန်မာ အမျိုးသမီးတို့ တတ်အပ်သည့် ရက်ကန်းအတတ်ကို သူမတူ အောင် တတ်မြောက်ခဲ့သည်။ ဒေါ်စုသည် ရက်ကန်း အတတ် သာမက စက်ချုပ် အတတ်ကိုပါ သင်ကြား ခဲ့သေးသည်။

ဒေါ်စု အတွက် ကံဆိုးသည့် အချက်မှာ သူတို့ခေတ်က အမျိုးသမီးများ မှာ စာသင်ကြားမှု အလေ့အထ နည်းပါး သောကြောင့် စာရေး စာဖတ်ကိုပင် မတတ်မြောက် ခဲ့ရပေ။ စာပေ မသင်ကြားရ၍ စာမတတ် သော်လည်း ဒေါ်စု၏ မှတ်ဉာဏ်မှာ လူတကာ လက်ဖျား ခါခြင်း ခံရလောက်အောင် ကောင်းလှသည်။ ဒေါ်စု၏ မိဘများသည် ရှေးလူကြီးများ ပီပီ သမီးကညာ အခါမလင့်စေနှင့် ဆိုသည့်အတိုင်း ဒေါ်စု အသက်(၁၉)နှစ် တွင် နတ်မောက်မြို့ အနောက်ပိုင်းရှိ တောင်သူကြီး ဦးဒေကိုး နှင့် ဒေါ်ဆွဲလေး တို့၏ တစ်ဦး တည်းသော သား ဦးဖာနှင့် လက်ထပ် ထိမ်းမြား ပေးခဲ့သည်။ ဒေါ်စုမှာ မိဘနှစ်ပါး သဘောတူ၍သာ အကြောင်းပါ ရသော်လည်း လက်မထပ်မီ အချိန်က ဦးဖာကို တစ်ကြိမ် တစ်ခါမျှ မတွေ့မြင်ဖူး ခဲ့ချေ။ ထိမ်းမြား လက်ထပ်ပြီး၍ အကြောင်းပါသော အချိန်ကျမှသာ ဦးဖာမှ ကျောက်ပေါက်များ ပါသည်ကို သိရှိခဲ့ရခြင်း ဖြစ်သည်။ “မောင်ဖာမှာ ကျောက်ပေါက် ပါမှန်း အိမ်ထောင်ကျမှ သိရတယ်ကွယ်” ဟု ရယ်ရယ် မောမောဖြင့် တစ်ခါတရံ ရယ်စရာ မောစရာ အဖြစ် ပြောတတ်လေသည်။

ဒေါ်စုသည် ဦးဖာနှင့် အကြောင်းဆက်၍ ပေါင်းဖက်ပြီးနောက် ယောက္ခမ အိမ်တွင် လိုက်ပါ နေထိုင်စဉ် အတွင်း (၁၈၉၄) ခုနှစ်တွင် အကြီးဆုံး သမီး မခင်ညွန့်ကို ဖွားမြင်ခဲ့သည်။ (၁၈၉၅) ခုနှစ်တွင် ဒုတိယ သမီးဖြစ်သူ မ၀က်ကို ဖွားမြင်ခဲ့သည်။ (၁၁၊ ၆၊ ၁၉၀၁) ခုနှစ်တွင် မောင်ဘ၀င်း (အာဇာနည် ခေါင်းဆောင် ဦးဘ၀င်း) ကို ဖွားမြင်ခဲ့သည်။ မောင်ဘ၀င်း နောက် စတုတ္ထ ကလေး မရွှေမှန် ကို ဖွားမြင် ခဲ့သော်လည်း မရွှေမှန်မှာ (၁၃) နှစ် သမီးအရွယ် တွင် ကွယ်လွန် သွားခဲ့သည်။ ထိုအချိန်က ဒေါ်စုသည် ယောက္ခမများ အိမ်တွင်လည်း မနေ၊ မိဘများနှင့် လည်း မနေတော့ဘဲ ဒေါ်စုတို့၏ မင်းဝိုင်းကြီး အတွင်းမှာပင် အိမ်တစ်စောင် သီးသန့် ဆောက်ကာ နေထိုင်ခဲ့ လေသည်။ (၁၉၀၅) ခုနှစ် တွင် ပဉ္စမ မြောက် ကလေး မောင်နေအောင်ကို ဖွားမြင် လေသည်။ ထိုစဉ်က ဒေါ်စု၏ တိုက်တွန်းချက် အရ ဦးဖာသည် လယ်သမား ဘ၀ကို စွန့်၍ ပျော်ဘွယ်မြို့ တွင် ဥပဒေသင်တန်း သွားရောက် သင်ကြားခဲ့သည်။ ဦးဖာသည် ဥပဒေ သင်တန်း တက်ရောက် ပြီးနောက် တတိယတန်း အမိန့်တော်ရ စာမေးပွဲကို ၀င်ရောက်ဖြေဆိုရာ နှစ်ချင်းပေါက် အောင်မြင် ခဲ့လေသည်။ ထိုအချိန်မှစ၍ ဒေါ်စုသည် လယ်သမား မယားဘ၀မှ အမိန့်တော်ရ ရှေ့နေ ကတော် ဒေါ်စု ဘ၀သို့ မမျှော်လင့်ဘဲ ရောက်ရှိ ခဲ့ရတော့သည်။ ဦးဖာ ရှေ့နေ ဖြစ်ပြီး မကြာမီမှာပင်

ပိတောက် ဆိုနာတာ

ပိတောက်သည် ကျနော်တို့ကြောင့် ပွင့်လာခြင်း မဟုတ်ပေ။

မနက်ဖြန် ပိတောက်ပန်းများ ပွင့်ကြမည် ဟု တစ်စုံတစ်ယောက်က ကျနော့ကို ပြောသည်။ ပိတောက်ပန်း ပွင့်ခြင်းသည် ခိုင်လုံသော အကြောင်း တစ်ရပ် ဖြစ်ဖို့ ( တစ်နည်း ) ပိတောက်ပန်း ဟုတ်ဟုတ် မဟုတ်ဟုတ် ပန်းပွင့်ဖို့ ရာတွင် ထိုသူက ပြောပြခြင်းသည် အခြေအမြစ် ကျသော အကြောင်းတရား မဖြစ်နိုင်ချေ။ ပိတောက်ပန်း ပွင့်ရန် အတွက် လုံလောက်သော ရည်ညွှန်းချက် သူ့တွင် ရှိပါသည် ဆိုလျှင်လည်း သူသည် ပိတောက်ပန်း ပွင့်ရန် ဖန်ဆင်းသူ မဟုတ်ပေ။ ပိတောက်ပန်း ပွင့်ရန်အတွက် ခိုင်လုံသော အကြောင်းတရားသည် ပိတောက်ပန်းများ ပွင့်လာခြင်းသာ ဖြစ်သည်။ ထိုထက် ဘာမျှ မပိုပေ။

Just Think

လူ့စင်စစ် မည်သို့ ဖြစ်သနည်း

ယုတ္တိဗေဒသည် တွေးတောခြင်း၏ သိပ္ပံပညာရပ် ဖြစ်သည်။ တွေးတော စဉ်းစားခြင်းသည် အသိပညာ ( သညာ ) များဖြင့် စိတ်ကို ဆေးကြောသည်။ ( သို့သော် သန့်စင်ချင်မှ သန့်စင်ပေမည်။ ) အသိသညာ များဖြင့် တည်ဆောက်လာခြင်းဖြင့် သိစိတ် အစဉ် ဖြစ်လာသည်။ ၎င်းသည် သေဆုံးရပ်တန့်နေသော အရာမဟုတ်။ ရှင်သန်နေသော ဖြစ်စဉ် တစ်ခု ဖြစ်သည်။ စွဲယူခြင်း၊ ဆန့်ကျင်ခြင်း တို့ကဲ့သို့ မက္ကင်းနစ် ဖြစ်စဉ် တစ်ခုလည်း မဟုတ်ပေ။ တွေးတောခြင်းသည် သိစိတ် ဖြစ်စဉ်၏ ဆက်နွယ်ချက် တစ်ရပ် ဖြစ်ပြီး ဇီဝရုပ် တိုးတက်လာသည် နှင့် အမျှ ဖွံ့ဖြိုးလာရသော လုပ်ဆောင်ချက် လည်း ဖြစ်သည်။ တွေးတောခြင်း ဖြစ်စဉ်သည် လူပုဂ္ဂိုလ်တစ်ဦးချင်း စီမှ တစ်ဆင့် မျိုးနွယ်အတွင်းသို့ စိမ့်ဝင် တိုးတက် ပျံ့ နှံ့သည်။ တွေးတောခြင်း ဖြစ်စဉ်တို့တွင် အခြေခံ ကျသည့် ကွဲပြား ခြားနားချက် မရှိ။ ဆင့်ကဲတိုးတက်လာသည့် ဖြစ်စဉ်အတွင်းတွင် ခွဲခန့်သတ်မှတ်ခြင်း၊ သုံးသပ်ခံယူခြင်း နှင့် ဝေဖန်သုံးသပ်ခြင်း ဟူသော အသိဥာဏ် အဆင့်ဆင့် အပိုင်းတို့ အဖြစ်သာ အမည်တပ်နိုင်မည် ။

ယနေ့ ခေတ်အခါတွင် ဖြစ်တည်မှု ဟူသော စကားလုံး၏ အနက်အဓိပ္ပာယ်မှန်ကို စနစ်တကျ ခွဲခြား တတ်ရန်လိုလာသည်။ အချို့ ဖြစ်တည်မှု များသည် အဓိပ္ပာယ် ရှိသော်လည်း အချို့ ဖြစ်တည်မှု များသည် အဓိပ္ပာယ် မရှိတော့။ ကျနော် တို့ သိသည်က မျက်မြင်ဒိဋ္ဌ အာရုံများဖြင့် ခွဲခြား သိရှိခြင်း ဖြစ်ရသကဲ့သို့ တစ်ဖက်တွင်လည်း ဆင်ခြင်ဥာဏ်ဖြင့် ပိုင်းခြား သိရှိရသည်။

လူနှစ်တန်း နှစ်စား ပုံပြင်

လွန်ခဲ့တဲ့ သုံးနှစ်က ဆိုတော့ ဒီဆောင်းပါးမှာ ပါတဲ့ အချို့ အချက်တွေက ဟောင်းနေပြီပေါ့။ ဒါပေမယ့် အချက်အလက် တွေကသာ ဟောင်းနေတာ သဘောတရားက ယခုထက်ထိ တည်ရှိ စဉ်းစား နေရပြီး လုပ်ကိုင်ကြရတဲ့ ဟာ တွေပဲ လို့ မြင်ပါတယ်။

၂၀၀၈ ခုနှစ် မေလထုတ် Waves က – အမတြာဆင်း ( Amartya Sen ) ရေးသားပြီး ဆရာဖေမြင့် ဘာသာပြန်ဆိုတာ ဖြစ်ပါတယ်။ အမတြာဆင်းဟာ ဟားဗတ် တက္ကသိုလ်မှာ စီးပွားရေးပညာနဲ့ ဒဿနိက ပညာရပ်ကို သင်ကြားပို့ချလျက် ရှိသူဖြစ်ပြီး ၁၉၉၈ က စီးပွားရေး ပညာရပ်ဆိုင်ရာ နိုဗယ်လ်ဆု ချီးမြှင့်ခံရသူ ဖြစ်တယ်လို့ ဆိုပါတယ်။ သူရဲ့ နောက်ဆုံး ထုတ် စာအုပ်ကတော့ – Identity and Violence: The Illusion of Density လို့ သိရပါတယ်။

ဇေယျ
……………………………

Amartya Sen

ကမ္ဘာ့ လူဦးရေ သန်းပေါင်း များစွာကို ခြိမ်းခြောက် လျက်ရှိသည့် စားနပ်ရိက္ခာ ပြဿနာသည်၊ ကာလတစ်ခုမှာ လျော့ပါး ပျောက်ကွယ် သွားမည်လား၊ သို့တည်းမဟုတ် ပို၍ ဆိုးဝါး လာမည်လား။ အဖြေက နှစ်မျိုးလုံး ဖြစ်နိုင်ပါသည်။ မကြာမီက ဖြစ်ပေါ်ခဲ့သည့် စားသောက် ကုန်ဈေးနှုန်း များ မြင့်တက်မှုသည် အဓိကအားဖြင့် သြစတြေးလျ၊ ယူကရိန်းနှင့်  အခြားနေရာ တချို့မှာ ပေါ်ပေါက်ခဲ့သည့် မိုးခေါင် ရေရှားခြင်း ကဲ့သို့သော ယာယီပြဿနာများကြောင့် ဖြစ်သည်။ သည်အတွက် အရေးပေါ် ကယ်ဆယ်ရေး လုပ်ငန်းတွေ ကြီးကြီး မားမား များများ စားစား လုပ်ရန် လိုအပ်ခဲ့သည်မှာ မှန်သော်လည်း၊ လက်ငင်းအကျပ်အတည်းမှာ အချိန်တန်လျှင် ပြီးဆုံးသွားမည်ဖြစ်သည်။ သို့သော် သည်ကိစ္စများ ဖြစ်ပွား စေခဲ့သည့် အရင်းခံ အကြောင်းတရားကို သိမြင်ကာ ယင်းအား ကုစားမှု မပြုခဲ့လျှင်မူ၊ သည်ပြဿနာသည် ရေရှည်၌ ပို၍ ကြီးထွားလာဖွယ် ရှိပါသည်။ယင်း အကြောင်းရင်းခံကား လူနှစ်မျိုး နှစ်စား ဖြစ်ပေါ် နေသည့်ကိစ္စဖြစ်သည်။

သည် လူနှစ်မျိုး ကိစ္စနှင့် စပ်လျဉ်း၍ တစ်ခုသော ရှုထောင့်မှ ပြောဆိုချက်က ဤသို့ဖြစ်သည်။ ဆင်းရဲသား ဦးရေ များပြားသော တိုင်းပြည်တစ်ပြည်၌၊ စီးပွားရေး လုပ်ငန်းတွေ ရုတ်တရက် လျင်မြန်စွာ ဖွံ့ဖြိုး ပေါ်ပေါက်လာသည့် အခါမျိုးတွင်၊ အသစ်ဖြစ်ပေါ်လာသော စီးပွားရေး ဖွံ့ဖြိုးမှု၏ အကျိုးအမြတ်ကို လူတစ်ဝက်ခန့် ကသာ ခံစားရလေ့ရှိသည်။ ထိုခံစားရသူတို့သည် ရရှိလာသည့်ဝင်ငွေသစ်များကို စားနပ် ရိက္ခာ ၀ယ်ယူရာ၌ အများအပြားသုံးစွဲကြရာ၊ အကယ်၍ စားနပ်ရိက္ခာရောင်းအား အလျှင်အမြန် တိုးတက်မလာပါက၊ ဈေးနှုန်းများ ထိုးတက် သွားကြမည် ဖြစ်သည်။ ထိုအခါ ၀င်ငွေအသစ် တိုးမလာသည့် ကျန်ဆင်းရဲသား များမှာ စားသောက်ကုန် ဈေးနှုန်း တိုးမြှင့်ခြင်း၏ ဒဏ်ကို တစ်ဖက်သတ် ခံရကာ ငတ်မွတ်မှုများ ဖြစ်ပေါ်လာပေမည်။ သည်နည်းမျိုးဖြင့် ဖြစ်သည့် ဘေးဒုက္ခများမှာ ကမ္ဘာ၌ ကြိမ်ဖန် များစွာ ပေါ်ပေါက်ခဲ့ပြီး ဖြစ်သည်။ ဆိုးဆိုးဝါးဝါး သာဓကတစ်ခုမှာ ဗြိတိသျှ အုပ်ချုပ်ရေး နှောင်းပိုင်းကာလ အိန္ဒိယတွင် ဖြစ်ပွားခဲ့သည့် ၁၉၄၃ ခုနှစ် ဘင်္ဂလား အငတ်ဘေးကြီး ဖြစ်သည်။ ထိုစဉ်က အိန္ဒိယတွင် အင်္ဂလိပ်အစိုးရက ဂျပန်နှင့် တိုက်မည့်စစ်ပွဲ အတွက် ငွေကြေးအမြောက်အမြား သုံးစွဲ ပြင်ဆင်လျက်ရှိရာ၊ စစ်စီးပွားရေးကို အကြောင်းပြု၍ မြို့နေဆင်းရဲသားများ အထူးသဖြင့် ကာလကတ္တားမြို့တွင် နေထိုင်သူများမှာ၊ ရုတ်တရက် ဝင်ငွေများ တိုးတက် ရရှိလာကြကာ၊ ယင်း၏ရလဒ်အဖြစ် စားသောက်ကုန် ဈေးနှုန်းများ မူလထက် ၄ ဆအထိ တိုးမြှင့် သွားခဲ့သည်။ သို့သော်၊ ကျေးလက်နေ ဆင်းရဲသားများမှာမူ ၀င်ငွေ တိုးစရာ အခွင့်အလမ်းများ မကြုံရဘဲ၊ ဈေးနှုန်းများ ခေါင်ခိုက်အောင် တက်သွားခြင်း ကိုသာ ရင်ဆိုင်ကြရသည်။

ဖေနဲ့ သားနဲ့-

ပြာရီမှောင် ညို့စဉ်က

ခလောက်သံ ညံစီပေး
ခြေအေး ဝမ်းရောင်
နောက်မိုးခေါင် ပြာညိုထက်ဆီက
သိုင်းဖွဲ့လို့ မှောင်။

ရုန်းလိုက်ဟဲ့ ငါ့အကောင်။
တမိုး တရွှေ – အောင် တဲ့ မှ
တောင်တစ်ရိုးခင် ရွာစဉ်ရွှေ့မယ်
ဖေ့ချစ်တဲ့ မောင်။

သစ္စာ ဟူသည်

ပြီးခဲ့သည့် ( ၉ ) ရက်နေ့က ဆရာပါရဂူ ကွယ်လွန်ကြောင်း သိခဲ့ ရပြီးနောက်ပိုင်း ဆရာ့စာတွေကို မှတ်မှတ်ရရ ပြန်ဖတ်ဖြစ်သည်။ ပြန်ရှာ ဖြစ်သည်။ ထိုထက် ပိုသည်က ဆရာ သွန်သင် ခဲ့သည် များကို ပြန် ဆင်ခြင်နေမိခြင်း ဖြစ်ပါသည်။ ဆရာမှတစ်ဆင့် သိခဲ့ရသည့် ပြည်ပ ဆရာများထဲတွင် တဂိုး၊ ရာဟုလာ သံကိစ္စည်း၊ ခရစ်သျှနား၊ ဟာမန်ဟက်စ် နှင့် ပေါလ်ကေရပ် တို့ ဖြစ်၏။ ကျနော် နောက်ပိုင်း အဖတ်အများဆုံး ရှိလာခဲ့သည်က ပေါ်လ်ကေရပ် ( Paul Carus ) ၏ စာများ ဖြစ်သည်။

ပထမဆုံး ပေါလ်ကေရပ် ၏ အရေးအသားကို စွဲလမ်းစေခဲ့သူမှာ ဆရာပါရဂူ ဖြစ်သည်။ သူ၏ ( ပေါလ်ကေရပ်၏ ) နိဗ္ဗာန် ( ၀တ္ထုတို နှစ်ပုဒ် ) တွင် ဆရာပါရဂူက ၎င်းကိုယ်တိုင် ရေးသားထားသည့် နိဗ္ဗာန် ဟူသော အမည်ပါ စာတမ်း နှင့် ကံ ဟူသော အမည်ပါ စာတမ်း တို့ကို ပူးတွဲထည့်သွင်း၍ ဘာသာ ပြန်ဆိုထားသည်။ ထိုအချိန်ကတည်းက ဆရာပါရဂူ ကိုရော၊ ဆရာ ပေါလ်ကေရပ် ကိုပါ လေးစားခဲ့သည်။ ၎င်းတို့၏ စာများကို တခုတ်တရ ရှာဖွေကြည့်လာခဲ့ရာ အပြည့်အစုံ မဟုတ်သော်ငြားလည်း အချို့ကိုမူ စုဆောင်းမိသည်။

သို့သော် အကြောင်းကြောင်းနှင့် မဖတ်ဖြစ်။ ထို မဖတ်ဖြစ် ခဲ့သော စာများကို ယခုအခါ ( ကျနော့အတွက် တာဝန်တစ်ရပ် အနေဖြင့် မလိုအပ်သော အလုပ်အချို့ကို လျော့၍ ) အချိန်ပေး ဖတ်ဖြစ်လာသည်။ ယင်းတို့ အနက်မှ ဖတ်မိသလောက် အချို့ကို ပြန်ဆိုရေးသားလိုသော ဆန္ဒလည်း ရှိခဲ့သည်။

လူတို့တွင် အိပ်မက် အမျိုးမျိုး ၊ ရည်မှန်းချက် အမျိုးမျိုး ရှိကြသည့် အလျောက် ကျနော့တွင်လည်း ဆရာများ၏ စာများ ဖတ်ရှုလိုခြင်း အာသီသ အိပ်မက် ရှိခဲ့ဖူးပါသည်။ ကျနော်နှင့် ထပ်တူ အာသီသ ရှိကြသူများ ကိုလည်း ရည်ရွယ်ပြီး ကောင်းနိုးရာရာ ဖတ်မိသမျှကို တတ်စွမ်းသရွေ့ ကြိုးစား ရေးကြည့်ဖို့လည်း စိတ်ကူးခဲ့ဖူးပါသည်။

ယခု ဆရာ ပေါလ်ကေရပ်၏ အမှန်တရားနှင့် အခြားကဗျာများ ( Truth and other poems ) စာအုပ်တွင် ပါဝင်သော အမှန်တရား ( Truth ) ကဗျာ ကို ကျနော် ဖတ်မိသည့်အတိုင်း မြန်မာပြန်ဆို၍ ပြန်လည် ဝေငှခြင်း ဖြစ်ပါသည်။ ယင်းသို့ ပြန်ဆိုရာတွင် အချို့ကို အကျဉ်း၊ အချို့ကို အကျယ် ဆီလျော်အောင် ပြန်ဆိုထားခြင်း ဖြစ်ပါကြောင်း ။

သစ္စာ

စင်စစ် အရာဝတ္ထုတိုင်း၏ အတိုင်းအတာကား လူသားပင် ဖြစ်သည်။
လူသားကိုလည်း
အလားတူ
အရာအားလုံး ( သို့မဟုတ် ) ဧက ၊ တစ်ပါးတည်းသော ဓမ္မတရားက အုပ်ချုပ်သည်။

လူသည် လောကဓာတ် အသေးစား ဖြစ်၏။
ဧကောဓမ္မော၊ တစ်ကြောင်းတည်းသောလမ်းနှင့် လျောက်လှမ်းမိသော အချိန်တိုင်း၌
ပြည့်ဝသော လူ့သဘာဝသို့ ရင့်သန် ကြီးထွားလာရ၏။