အလွဲ

အန္တိမ သစ္စာ ဆိုတဲ့ ပါဠိသက် စကားလုံး လှလှအောက်မှာ – ကြည်လင်တဲ့ အသွင် သာ စီးဆင်း တည်ရှိ တယ်။ လူပေါင်း များစွာ လည်း ဒါကို ရှာဖွေ ကြတယ် လို့ အမည် ကြွေးကြော် တယ်။ လိုချင်ကြတယ်။ ဒါဟာ ငြိမ်းချမ်းရာပါ လို့ တမ်းတတယ်။ အဲ့ဒီ သစ္စာတရား ဟာ အဝေးကြီး မှာ မဟုတ်ဘူး။ အကွာအဝေး မဟုတ်ဘူး ရယ်။ တစ်နည်း – အတိုင်းအထွာ အတွင်း တည်ရှိ နေတာ မဟုတ်ဘူး။ မိမိနဲ့ အနီးဆုံး၊ မိမိ ကိုယ်တိုင် ဆီကိုသာ ဦးညွှတ် ရှိနေပါတယ်။

မိမိ မျက်လုံး ဟာ သူ့ကိုယ်သူ ပြန်မမြင်ဘူး။ မြေနဲ့ နီးတဲ့ ခြေထောက် ဟာ မြေကို မမြင်ဘူး။ မြေပြင် မှာ နေထိုင် သွားလာနေ ပေမယ့် ကမ္ဘာအဝန်း ကို မမြင်ဘူး။ နီးလွန်းလို့ မမြင်တာနဲ့ – ကြီးလွန်းလို့ မမြင်တာ – ဒီနှစ်ခု ကွာတာပါပဲ။ ဒီလက္ခဏာ နှစ်ခု စလုံး ဟာ – တရား ဓမ္မရဲ့ သဏ္ဍာန်တူ လက္ခဏာရပ် များ ဖြစ်ပါတယ်။ ဒီ အကြောင်းကြောင့်လည်း သစ္စာ ဓမ္မနဲ့ အကြိမ်ပေါင်း များစွာ လွဲခဲ့ကြ ရတယ်။ နှစ်ကာလ ပေါင်း များစွာ စံစား ခံစား ဖြတ်သန်း ခဲ့ရတယ်။

အများ ပြုကျင့်ရင်း အထုံဓလေ့ ဖြစ်ခဲ့တဲ့ အမှု တွေထဲမှာ – ထပ်ဖန် တလဲလဲ လွဲချော်နေရခြင်း အဖြစ် ဟာ အထင်ကရ နေရာမှာ ရှိတယ်။ အများစု ဟာ ဒီလို လွဲချော် နေ ရတာကို ကျင့်သား ရနေကြ ပြီးသားရယ်။ ဒီ အကျင့်ကို မပြင် နိုင်မချင်း၊ အနီးဆုံးဟာ အဝေးဆုံး မှာ ရှိနေ ပြီး၊ အနားပါး နေရက်နဲ့ မမြင်နိုင်ဆုံး အရာ ဖြစ်နေ ဦးမှာပဲ။ ဒီ လွဲချော် နေတဲ့ အကျင့်ကို မပြင် နိုင်မချင်း၊ “ဘုရားသခင်၊ သစ္စာ တရား၊ ကောင်းကင်ဘုံ၊ ဂျန္နသ်၊ နိဗ္ဗာန” ဒါမှမဟုတ် ကြိုက်ရာ အမည်တစ်ခုခု နဲ့ ဘယ်လို တမ်းမှန်း ကြပါစေ – နက်နဲ သိရ ခက် နေဦး မှာပဲ။ သီအိုရီ တွေ၊ ဝါဒတွေ အငြင်းပွား နေဦးမှာပဲ။ ယုံကြည်ရမယ် – မယုံကြည်ရဘူး- ကျင့်မယ်- မကျင့်ဘူး တွေနဲ့ … စင်စစ် ဓမ္မ က လွဲချော် နေကြ ဦးမှာပဲ။

Read more of this post

Freedom

"Freedom" is the another name of "God".
"လွတ်မြောက်ခြင်း" ကိုယ်၌က "ဘုရားသခင်" ၏ အခြား အမည်နာမ ဖြစ်၏။

လွတ်မြောက်မှု သည် နက်ရှိုင်း ၍ ဖြူစင် နူးညံ့သော အရာ ဖြစ်သည် ဟု ကျနော် နားလည် ထားပါ သည်။ အကြောင်းမူ လွတ်မြောက်မှု ဟူသော ဝေါဟာရ သည် ဘုရားသခင် ဟူသော ဝေါဟာရ နှင့် တစ်ထပ်တည်း ဖြစ်သောကြောင့် (ဝါ) တူမျှ သောကြောင့် ဖြစ်၏။

Read more of this post

“စောင့်ကြည့်မှု” ကို “တွေးကြည့်” သည့် အခါ

Question: စောင့်ကြည့်မှု ( Witnessing ) ကို – ဘာဝနာ လို့ ခင်ဗျား မကြာခဏ ပြောပြောနေတယ်။ ကျနော့ ကိုယ်၊ စိတ်၊ အတွေးတွေ ကို ကျနော့ ဘာသာ တကယ် စောင့်ကြည့် နေပါတယ်လို့ ကျနော် ဘယ်လိုနည်း နဲ့ သိနိုင်မလဲ။ ကျနော့်ဘာသာ ကျနော် စောင့်ကြည့် နေပါတယ် လို့ ဟန်ဆောင် နေလိုက် လို့ ကော မဖြစ်နိုင်ဘူးလား ။

Answer: အခု မေးခွန်းက တွေးတောပြီး မေးတဲ့ မေးခွန်း ဖြစ်ပါတယ်။ ဘာလို့ဆို – တကယ်တမ်း ခင်ဗျား ကိုယ် ခင်ဗျား ဟန်ဆောင် လို့ မရလို့ပါ။ စပြီး စောင့်ကြည့်မှု လုပ်ပြီ ဆိုတာနဲ့ ဒါဟာ ဟန်ဆောင်လို့ မရမှန်း ခင်ဗျား သိနိုင် ပါတယ်။ ဟန်ဆောင် နေမယ် လို့ ထင်တာက စိတ်ကူး အတွေး တစ်ခုပဲ။ အဲ့ဒီ ဟန်ဆောင် စောင့်ကြည့် နေမယ် ဆိုတဲ့ စိတ်ကူး အတွေး ကို ဘယ်သူ တွေးလဲ။ ဆိုလိုတာက အဲ့ဒီ အတွေး နောက်ကွယ်မှာ ဘာရှိသလဲ။ တစ်ခုခု ရှိနေတယ်။ အဲ့ဒါက အဲ့အတွေးကို သိနေတဲ့ စောင့်ကြည့်မှုပဲ။

ဒါ့ကြောင့်မို့ အဲ့ဒါနဲ့ ပတ်သက်လို့ တော့ ခင်ဗျား တကယ့်လက်တွေ့မှာ ရှုပ်ထွေးမသွား ဘူး။ ဘာလို့ဆို စောင့်ကြည့်မှု သိမှုရဲ့ နောက်မှာ ဘာမှ မရှိဘူး ။ ခင်ဗျား စောင့်ကြည့်တာကို ပြန်စောင့်ကြည့် မနေနိုင်ဘူး။ ဆိုလိုတာက စောင့်ကြည့်မှု သဘော သက်သက်ဟာ အတွေး၊ စိတ်ကူး ကနေ သီးခြား ကင်းလွတ် နေပါတယ် ။ ဒါ့ကြောင့် ခင်ဗျား ဟန်ဆောင် စောင့်ကြည့် နေပါတယ် – ဆိုပါစို့။ အဲ့ဒီ ဟန်ဆောင် စောင့်ကြည့် နေတယ် ဆိုတာ ကိုပါ စောင့်ကြည့် သိနိုင်နေတယ်။ အဲ့ဒီ ဟန်ဆောင် နေတဲ့ အဖြစ် က သိသိသာသာ ပေါ်လွင် နေပါတယ်။

Read more of this post

ကျွန်တော် – ဟစ်ပီ

ဟစ်ပီ ( Hippie ) တွေကို ခင်ဗျား ဘယ်လို နားလည် ထားလဲ။ နားသန်ကွင်း၊ ဂေါ်ကွင်း တန်းလန်း ထားမယ့် ကောင်တွေ – ဒါမှ မဟုတ် ပတ်ဝန်းကျင် နဲ့ ဘယ်လိုမှ သဟဇာတ မဖြစ်တဲ့ အဝတ်အဆင် မျိုး ဝတ်ဆင် တတ်တဲ့ ကောင်တွေ လို့ မြင်ပါသလား။ အနေအထိုင်၊ အပြောအဆို ကိုယ့်ကိုယ်ကိုယ် ဆောင့်ကြွား ဆောင့်ကြွား ရှိတဲ့ ကောင်တွေ ၊ လူ့ လဒ တွေ လို့ မြင်ပါသလား။ လူကြီးသော ဘာသော နားမလည်ဘူး – ပြောချင် ပြောမယ် – မပြောချင် မပြောဘူး – အဲ့လို နေတတ်တဲ့ မိမဆုံးမ ဖမဆုံးမလေး တွေ လို့ မြင်ပါသလား။ အဲ့လိုမြင်ကြမယ့် လူကြီးမင်း စာရှုသူ များ ရှိမယ် ဆိုရင် – အဲ့ဒီ ဟစ်ပီ ( Hippie ) ဆိုတဲ့ အပေါ်ကို ကျနော် ကာကွယ်ပြီး ပြောချင်တာ ရှိပါတယ်။

ဟစ်ပီ တွေကို လူကြီးမင်းတို့ အများစုက ဆိုးသွမ်းလူငယ် တွေလို့ တွေးကြ ထင်ကြတယ်။ ဟုတ်တယ်ဟုတ်။ အဲ့ဒါ မှားယွင်းနေပါတယ်။ ဘာလို့ဆို ခင်ဗျား တို့ သတ်မှတ်တဲ့ မြင်ကြတဲ့ – ဟစ်ပီ ဆိုတာ – ဟစ်ပီ အကုန်လုံး မဟုတ်သေး လို့ပဲ။ ခင်ဗျားတို့ သဘောမတွေ့တဲ့ ဟစ်ပီ လူငယ် တစ်ချို့ကို ကြည့်ပြီး “ဟစ်ပီ” တွေက “စရိုက်” တွေပါကွာလို့ ဝါးလုံးရမ်း ပြောရင် – လူကြီးမင်းတို့ – လူကြီးမင်း မပီသရာ ကျပါလိမ့်မယ်။ နောက်ပြီး – ဟစ်ပီ ဆိုတာကို ခင်ဗျားတို့ သေသေချာချာ နားမလည် သေးလို့လည်း ဖြစ်မယ်။ ကျနော် ဒီနေရာမှာ “ဟစ်ပီ” ဆိုတာတွေ ရဲ့ ဘက်က ကာကွယ်ပြီး ပြောရတာဟာ .. ( အဟက် – စိတ်တော့ မရှိပါနဲ့ ) ကျနော်လည်း ဟစ်ပီ မို့လို့ပါပဲ။

အဲ့တော့ ဟစ်ပီ ရဲ့ သဘောတရားကို နားလည်အောင် နည်းနည်း ပြောကြည့်မယ်။ ဟစ်ပီ တွေရဲ့ အဓိက အလုပ်က – “ဟုတ်ပါ့ဘုရား၊ မှန်ပါ့ဘုရား – လူသား” တွေရဲ့ လမ်းစဉ်ကို ငြင်းပယ်ခြင်း ဖြစ်ပါတယ်။ ဟစ်ပီတွေဟာ သူတို့ မှန်ကန်တယ် လို့ သူတို့ကိုယ်တိုင် မြင်၊ သိ၊ ခံစား ရတာကိုပဲ သူတို့ လုပ်တယ်။ အဲ့ဒါကြောင့်မို့လဲ သူတို့မှာ – အခက်အခဲ အမျိုးမျိုး ကြုံရပါတယ်။ သူတို့တွေဟာ သင့်တာ မသင့်တာ ထက် သူတို့ မှန်မယ် မြင်ရာ ကိုသာ လုပ်တတ် ကြလို့ပါ။

ဒါကို အခြေခံပြီး ကျနော် ဟစ်ပီ အမျိုးအစား နှစ်မျိုး ခွဲကြည့်တယ်။ လူကြီးမင်းတို့ လက်ညှိုးငေါက်ငေါက် ထိုးပြီး ပြောဆိုတတ်တဲ့ ဟစ်ပီ တွေက တစ်မျိုး တစ်စားပဲ ရှိပါသေးတယ်။ ခင်ဗျားတို့ လူကြီးမင်း အများ က သူတို့ရဲ့ နားသန်ကွင်း၊ ဂေါ်ကွင်း၊ အဝတ်အဆင် အကြောင် အကြားနဲ့၊ ထစ်ခနဲ တုတ်ဆွဲ ဓားဆွဲ၊ လမ်းဘေးထိုင် ဘုပြော၊ ဂစ်တာတီးရင်း အာပြဲ နေတာတွေပဲ ကြည့်ပြီး ပြောနေတာ ဖြစ်ပါလိမ့်မယ်။ တကယ်တမ်းက သူတို့တွေဟာ အကြမ်းထည်ပါ။ သူတို့ တွေရဲ့ နောက်ခံ အကြောင်းရင်းကို သေသေချာချာ မြင်အောင် ကြည့်ပါ။ ဟစ်ပီ နောက်တစ်မျိုး ရှိတယ်။ အဲ့ဒါကတော့ – လမ်းဘေးထိုင် ဘုပြောတယ် ဆိုတာထက် – ကိုယ် မှန်တယ် လို့ မြင်ရင် — ပတ်ဝန်းကျင်၊ ကိုယ့် ဓလေ့ထုံးစံ တွေတင် မကဘူး၊ ကိုယ့် အတွေးအခေါ် အယူအဆ ကိုပါ ပြောင်းလဲပစ်ရဲ သူတွေ ဖြစ်ပါတယ်။ သူတို့ တွေကလည်း အများအားဖြင့် ပတ်ဝန်းကျင်ရဲ့ လက်ညှိုး ထိုးတာ၊ ဖဲကျဉ်တာကို ခံရတတ်တယ်။

Read more of this post

ဇင် ( Paradox 1,2 )

ဥဿုံဗလာကျင်း ကောင်းကင်ပြင်ကျယ်လို
ဘောင်မရှိ၊ ကလနား မရှိ။ ။
လေးနက် ရှင်းလင်းတဲ့ ဒီနေရာလေး တစ်ခုသာ ရှိတယ်။

ခင်ဗျား ရှာကြည့်တဲ့အခါ
ဘယ်လိုများ တွေ့နိုင်ပါ့မလဲ
ခင်ဗျား ဘယ်လိုများ ဖမ်းယူ နိုင်ပါ့မလဲ
ဒါပေမယ့် ခင်ဗျားအတွက် ဘယ်တော့မှ မဆုံးရှုံးသွားမယ့် တစ်ခုလည်း ဖြစ်ပါတယ်။
ဖမ်းယူလို့ မရမယ့် ပစ္စည်းမဟုတ်တဲ့ ပစ္စည်းလို့ မြင်တဲ့အခါ ခင်ဗျား သူ့ကို ရမှာပဲ။
တိတ်တိတ်လေး နေကြည့်၊ သူ စကားပြောလိမ့်မယ်။
စကားနည်းနည်း ပြောကြည့်ပါ၊ သူ အသံတိတ်သွားလိမ့်မယ်။

မဟာ့မဟာတံခါးဝက လက်တံရှည်ကြီးနဲ့ ဟင်းလင်းဖွင့်ထားလေရဲ့
အဆီး မရှိ၊ အတားမရှိ။

၁။
အရှင်းလင်းဆုံးက စပြောတာ ကောင်းမယ်။ ဇင် ဟာ ဘုရားသခင်ဝါဒ မဟုတ်ဘူး။ သူက ဘာသာရေး တစ်ခုပဲ ။ ဘုရားသခင် ဝါဒ မဟုတ်တဲ့ ဘာသာရေးပါ။ ရှာမှရှားပဲ ဆိုပါတော့။ အခြား အခြား ဘာသာရေး တွေ ကမ္ဘာမှာ ရှိတယ်။ အားလုံးနီးပါး ဘုရားသခင် ဆိုတဲ့ အယူ အပေါ်မှာ အခြေခံကြတယ်။ ဘုရားသခင် ဝါဒတွေလို့ ခြုံပြီး ခေါ်နိုင်ပါတယ်။ ဘုရားသခင်ကို သာ အဓိက ဗဟိုပြုထားပြီး လူသားကို အဓိက မထားဘူး။ လူသားမှာ အဆုံးမသတ်ဘူး။ သူတို့ရဲ့ အဆုံးသတ်က ဘုရားသခင် ဆိုတာမှာသာ ရှိပါတယ်။ သို့ပေမယ့် ဇင်ကတော့ ဒီလို မဟုတ်ဘူး။ ဇင်ဟာ လူသားကို ပန်းတိုင် ထားတယ်။ လူသားဟာ သူကိုယ်တိုင်မှာသာ အဆုံးသတ်ရှိတယ်။ လူသားရဲ့ အထက်မှာ ဘုရားသခင် မရှိဘူး။ ဘုရားသခင် ဆိုတာ ရှိခဲ့ရင် လူသားအတွင်း ပုန်းကွယ်နေတဲ့ တစ်စုံတစ်ခုပဲ ဖြစ်ပါတယ်။

ဆိုလိုတာကတော့ ဇင်မှာ ဘုရားသခင် အယူအဆ မရှိဘူး။ ရှိစေချင်ရင်လည်း ခင်ဗျားရဲ့ ဇင်ဟာ ဘာသာရေး မဟုတ်တော့ဘူး။ ဒါဆို ခင်ဗျားက ပြန်မေးမယ်။ ဘုရားသခင် မရှိဘဲ ဒီ ဇင်ကို ဘာသာရေးလို့ ဘာလို့ ခေါ်ရတာလဲ လို့။ စင်စစ် ခရစ်ယာန်၊ မိုဟာမက်၊ ဟိန္ဒူ၊ ဂျူး တို့လို ဘာသာတွေဟာ ဇင်နဲ့ ဘယ်လိုမှ မတူဘူး။ ဒါဆို ဘုရားသခင် ဆိုတာ မရှိဘူး ဆိုရင် ဘုရားမဲ့ဝါဒ ပေါ့လို့ ခင်ဗျား ထပ်မေးမယ်။ ဘုရားသခင်မပါတဲ့ ဘုရားဝါဒပါလို့ ကျနော် ပြန်ဖြေရပါလိမ့်မယ်။

အရင်းခံ အကျဆုံး တစ်ခုက ဒီလိုပါ။ ခင်ဗျား ကိုယ်တွင်းကို ခင်ဗျား နက်နက်ရှိုင်းရှိုင်း မြင်ကြည့်ဖို့သာ လိုတယ်။ အဲ့အခါ ရှင်းရှင်းလင်းလင်း နားလည်သွားမှာပဲ။

Read more of this post

ကျနော်တို့ ဘာအတွက် ပညာသင်

ပညာရေး ရဲ့ အဓိပ္ပာယ်က ဘာလဲ လို့ မေးခဲ့ကြဖူးသလား။ ကျနော်တို့ ကျောင်းကို ဘာကြောင့်သွားရသလဲ။ ဘာသာရပ်ခွဲ အမျိုးမျိုးကို ဘာလို့ သင်ရသလဲ။ တစ်တန်း ပြီး တစ်တန်း ၊ တစ်ဆင့် ပြီး တစ်ဆင့် တက်ဖို့ ဘာလို့ ကြိုးစားကြသလဲ။ ဒါဟာ ပညာရေး ရဲ့ ပုံစံ အစစ် ဖြစ်သလား။ ပညာရေး ဆိုတာ ဘာလဲ။ ဒီမေးခွန်းတွေဟာ ကျောင်းသား အတွက်သာ အရေးကြီးတာ မဟုတ်ပါဘူး။ မိဘတွေ ဆရာတွေ အတွက်၊ လူသား အားလုံးအတွက် အရေးကြီးပါတယ်။ ပညာသင်ဖို့ ပညာတတ်တွေ ဖြစ်ဖို့ ဘယ် အကြောင်းကြောင့် ကျနော်တို့ ကြိုးပမ်း ရသလဲ။ စာမေးပွဲ အချို့ကို ကျော်ဖြတ်ပြီး လက်မှတ် စာရွက်ယူ၊ အလုပ် တစ်ခု ရှာဖို့ အတွက်ပဲလား။ ဘဝ ဆိုတာရဲ့ ဖြစ်စဉ်ကို နားလည် နိုင်ဖို့ ငယ်ရွယ် လွန်းနေ တဲ့ ကလေး အရွယ် အတွက် ပညာရေး ဆိုတာနဲ့ မွမ်းမံပေးဖို့ ။ အဲ့သလို ရည်ရွယ်တာ မဟုတ်လား။ အတတ်ပညာ သင်ကြားပြီး အသက်မွေး ဝမ်းကျောင်း မှု ပြုကြဖို့ ဆိုတာ လိုအပ်ပါတယ်။ ဒါပေမယ့် ပညာရေးဟာ ဒါပဲလား။ ဘဝရဲ့ အချိန် သုံးချိုး တစ်ချိုး ၊ လေးချိုး တစ်ချိုးကို အကုန်ခံပြီး ပညာဆိုတာ ကို ဒီအတွက်ပဲ တွန်းပို့ လိုက်ကြတာလား။

စင်စစ် ဘဝဟာ အလုပ် တစ်ခုသက်သက် မဟုတ်ဘူး။ ပိုင်ဆိုင်မှု အတွက် သက်သက် မဟုတ်ဘူး။ ဘဝဟာ လေးနက်ပြီး ထူးခြားတဲ့ တစ်စုံတစ်ခု ဖြစ်ပါတယ်။ နက်နဲတယ်။ လူသား တစ်မျိုးတည်း အတွက်မှာတင် ဘဝ အဓိပ္ပာယ်က ကျယ်ပြန့်တယ်။ အသက်မွေးမှု အတွက် ပြင်ဆင် ရုံမျှ သက်သက်ပဲ ဆိုရင် ကျနော်တို့ ရည်ရွယ်ရာဟာ လွဲမှားနေပြီ လို့ ပြောရမယ် ။ ဘဝရဲ့ အဓိပ္ပာယ် အပြည့်အဝ နားမလည်တော့ ဘဲ လွဲနေပြီ လို့ ဆိုရပါမယ်။ ဘဝ ကို နားလည် သဘောပေါက်ဖို့ က စာမေးပွဲ ဖြေဖို့ ပြင်ဆင်တာ ထက် တော့ ပို အရေးကြီး မယ် မဟုတ်လား။ သင်္ချာ၊ ရူပဗေဒ စသဖြင့် ဘာသာရပ် တွေ သင်ကြားနေရုံ ထက်တော့ ပို အရေးကြီး လာမယ် မဟုတ်လား။

ဆရာပဲ ဖြစ်ဖြစ် ၊ ကျောင်းသားပဲ ဖြစ်ဖြစ် သင်ကြားခြင်း ဆိုတာ ဘာလဲ၊ ပညာရေးကို ဘာကြောင့် ပြုကြရသလဲ ဆိုတာ ခြေခြေမြစ်မြစ် မေးခွန်း ရှိသင့်ပါတယ်။ ပညာရေးဟာ ဘဝနဲ့ ဆက်နွယ်မယ့် အတွက် ဘဝကိုလည်း မေးခွန်း ထုတ်ပါမယ်။ ဘဝရဲ့ ဒင်ပြည့် ကျပ်ပြည့် အဓိပ္ပာယ်က ဘာလဲ။ ငှက်ကျေးသာရကာ၊ သစ်ပင် ပန်းမန်၊ ကောင်းကင်၊ မြေပြင်၊ ကြယ်စင် စတာတွေကလည်း ဘဝထဲ အကျုံးဝင် နေမယ်။ ဆင်းရဲ ခြင်း၊ ချမ်းသာခြင်း ဟာလည်း ဘဝမှာ ရှိမယ်။ လူတန်စားချင်း၊ အုပ်စုချင်း၊ နိုင်ငံချင်း တိုက်ပွဲ တွေလည်း ပါမယ်။ ဘာဝနာလည်း ရှိမယ်။ ဘာသာရေး လို့ ကျနော်တို့ ခေါ်ဆိုကြ တာလည်း ဘဝမှာ ရှိတယ်။ နူးညံ့သိမ်မွေ့တဲ့ စိတ်၊ နက်နဲမယ့် စရိုက်တွေလည်း ဘဝမှာ ပါဝင် ပါတယ်။ မျှော်မှန်းချက်တွေ၊ ရည်ရွယ်ချက်တွေ၊ ခံစားချက်တွေ၊ ကြောက်ရွံ့စိတ်တွေ၊ အာသာ ရမ္မက်နဲ့ စိတ်လှုပ်ရှားမှုတွေ စတာ တွေလည်း ဘဝမှာ ရှိနေတယ်။ ဒါတွေ အားလုံးဟာ ဘဝ ဖြစ်တယ်။ ဒါ့ထက်လည်း ပိုမယ်။

ဒါကို ကျနော်တို့ အများစုက အသက်မွေး ဝမ်းကျောင်း – ဆိုတဲ့ ရှုထောင့် တစ်ခုတည်းကနေ ၊ ကလေးတွေကို ( ဒါမှမဟုတ် ) ကျနော်တို့ ကလေးဘဝကို – ဆယ့်ငါးနှစ် ၊ နှစ်နှစ်ဆယ်လောက် အချိန်ကုန်ခံခဲ့ပြီး ပြင်ဆင်သွားခဲ့ကြတယ်။ စာမေးပွဲတွေ ဝင်ဖြေ၊ အလုပ်အကိုင် တစ်ခုလုပ်၊ အိမ်ထောင်၊ သားမွေး၊ စက်ရဟတ်ကြီး လည်သလို လည်ပတ်နေကြ တယ်။ အဲ့ဒီ အချိန်တွေထိ Read more of this post

Freedom

Jiddu Krishnamurti

လွတ်လပ်ရေး ဆိုတာဘာလဲ

ဒဿနဆရာ အများစုက လွတ်လပ်ရေး၊ လွတ်လပ်မှုနဲ့ ပတ်သက်ပြီး ရေးသားပြောကြားနေကြတယ်။ ကျနော် တို့လည်း လွတ်လပ်မှု အကြောင်း ပြောကြတယ် ။ ဘယ်လို လွတ်လပ်မှုလဲ။ မိမိ စိတ်ကြိုက်လုပ်ပိုင်ခွင့်၊ မိမိ နှစ်သက်ရာ ကိုင်တွယ်ခွင့်၊ မိန်းမတစ်ယောက်ကို /ယောင်္ကျား တစ်ယောက်ကို လွတ်လပ်စွာ ရွေးချယ်နိုင်ခွင့်၊ မိမိနှစ်သက်ရာ ဖတ်ရှုခွင့်၊ မိမိ မနှစ်သက်ရာ ပစ်ပယ်ခွင့် စသည်။ ကျနော် တို့ ကိုယ်ကိုယ် ကျနော်တို့ လွတ်လပ်တယ်လို့ ဆိုတာနဲ့ မေးစရာ ရှိလာတဲ့ တစ်ခုက – အဲ့လွတ်လပ်မှုနဲ့ ကျနော်တို့ ဘာလုပ်ကြသလဲ ဆိုတာပါ။ ကျနော်တို့ ကိုယ် ကျနော်တို့ ဖော်ကျူးပြနိုင်ဖို့ လွတ်လပ်မှုကို သုံးတယ်။ ကျနော်တို့ စိတ်ကြိုက်လုပ်နိုင်ဖို့ လွတ်လပ်မှု ကို သုံးတယ်။ အဲ့လို ဘဝကို လွတ်လပ်ခွင့်တွေ ပေးလာရင်း ပေးလာရင်း နောက်ဆုံး ဘာဖြစ်လာမလဲ ပြည်သူအလယ်မှာ၊ ပန်းခြံထဲမှာ မိတ်လိုက်ကြ၊ သံဝါသ ပြုလာကြတော့တယ်။

ကျနော်တို့မှာ လွတ်လပ်မှု ပုံစံအမျိုးမျိုး ရှိနေပါတယ်။ အဲ့အတိုင်းလည်း လုပ်ကိုင်နေကြတယ်။ ကျနော်တို့ ထင်ကြတာက ရွေးချယ်စရာ ကိစ္စတစ်ခုခု ပေါ်ပေါက်လာပြီဆိုရင် လွတ်လပ်မှု ဆိုတာ ဝင်လာတာပဲ ။ အဲ့လိုမဟုတ်လား။ ခင်ဗျား ပြင်ဦးလွင်သွားမလား၊ ရန်ကုန်မှာ နေမလား။ ဒီအလုပ်ဆက်လုပ်မှာလား ၊ အလုပ်ထွက်မှာလား ။ ဆိုလိုတာက ဒါတွေဟာ ရွေးချယ်မှု သက်သက်ပါ။ ရွေးချယ်မှုက လွတ်လပ်မှုကို ပေးတာ ဟုတ်ပါသလား။ ခင်ဗျားရဲ့ အမြင်၊ ခင်ဗျားရဲ့ အတွေးတွေကသာ ရှင်းလင်း နေရင် ပြတ်သားနေရင် ရွေးချယ်မှု ဆိုတာ ပေါ်ပေါက်လာစရာ မရှိပါဘူး။ အဲ့ဒီ ပြတ်သားတဲ့ အမြင်ကနေသာ မှန်ကန်တဲ့ လုပ်ရပ် ထွက်ပေါ်လာတာ ဖြစ်ပါတယ်။ သံသယတွေ ၊ မကျိန်းသေ မသေချာမှုတွေ ရှိလာတဲ့ အခါမှသာ ကျနော်တို့ ရွေးချယ်တဲ့ လုပ်ငန်းကို စကြတယ်။ ဒါကြောင့် ပြောလို့ ရမယ်ဆို ပြောချင်ပါတယ် – ရွေးချယ်ခိုင်းတာဟာ လွတ်လပ်မှုကို ပိတ်ပင်တာ တစ်မျိုးပါပဲ။

Read more of this post