ရေသာများ၍ ငါးမတွေ့

ငါးသည် ရေတွင်မွေး၍
အကြင်သူ သည် Tao တွင် မွေးဖွားသည် ။

ရေတွင် မွေးသော ငါးသည် ရေ၏ နက်ရာသို့ တိုးဝင်၍
အလိုဖြည့်သကဲ့သို့
Tao တွင် မွေးဖွားသော အကြင်သူ သည်
ဥပါဒါန်၊ လိုအင်ဆန္ဒတို့ ကင်းချုပ်စေ၍
အသင်္ခါရ အပြုအမူကို နက်နဲစေခြင်း အားဖြင့်သာ
ဘဝ၏ ဘေးကင်းရာသို့ လျိုးဝင်သည်။

Chaung Tzu
Osho: When The Shoe fits

ကျနော်တို့ ဘဝတွေမှာ လိုအပ်ချက်တွေ ( Needs ) ရှိပါတယ်။ အဲ့ဒီ လိုအပ်ချက်တွေကို ပြည့်စုံအောင် ဖြည့်စွမ်းကောင်း ဖြည့်စွမ်းနိုင် ပါလိမ့်မယ်။ ဒါပေမယ့် လိုအင်ဆန္ဒ၊ လိုဘ ( Desire ) ကိုတော့ ပြည့်စုံအောင် ဘယ်တော့မှ မဖြည့်စွမ်း ပေးနိုင်ဘူး။

လိုအပ်ချက် ဆိုတာက ရိုးစင်းပါတယ်။ သဘာဝ ကပဲ လာပါတယ်။ လိုအင်ဆန္ဒ ဆိုတာ ကတော့ ရှုပ်ထွေးသွားတယ်။ ဆိုလိုတာက – သူက သဘာဝ မဟုတ်ဘူး။ ကျနော်တို့ ရဲ့ စိတ်အကြံ၊ အစွဲတွေ ပဲ ဖြစ်ပါတယ်။ သူက အနာဂတ် ဆိုတာ အတွက်ပဲ အမြဲ ရှိတယ်။ ရှင်သန်နေမှု ဘဝ ဖြစ်တည်ချက် က ဖန်တီးတာ မဟုတ်ဘူး။ စိတ်၊ အကြံအတွေး တွေက ပုံရိပ်ထိုး လှုံ့ဆော် ပေးထားတာမျိုး ဖြစ်ပါတယ်။ ဒါ့ကြောင့် လိုအပ်ဆန္ဒ ဟာ အဲ့သလို စိတ်ကူး ပုံရိပ်နဲ့ လှုံ့ဆော်ထားတဲ့ အရာတစ်မျိုး သက်သက်က လွဲရင် သူတို့ဟာ တကယ့် လိုအပ်ချက်တွေ မဟုတ်ကြဘူး လို့ ကျနော် ဆိုချင်တယ်။

ဒါကို ခင်ဗျား ပိုပြီး နားလည်လာနိုင်မယ် ဆိုရင် – ခင်ဗျား ဘဝ ရှင်သန်မှုမှာ ပိုပြီး အေးချမ်းလာနိုင် လိမ့်မယ်။ ဒါဆို လိုအင်ဆန္ဒ ဆိုတာ ဘာလဲ။ စေ့စေ့ငှငှ မေးပြီ ဆိုပါတော့။ အနာဂတ်ကို မျှော်ခေါ်နေတဲ့ စိတ်အဟုန် တစ်ခု လို့ ကျနော် ဆိုရပါမယ်။ လိုအပ်ချက် ( Needs ) နဲ့ လိုအင် ဆန္ဒ ( Desires ) က မတူဘူး။ လိုအပ်ချက် ဆိုတာ အခု ဒီ “ခဏ” နဲ့ သက်ဆိုင်တယ်။ ခင်ဗျား အခု ဆာလာရင် – အခု အစာ စားချင်တယ်။ အစာ ဖြည့်ပေးမယ်။ ဖြည့်လိုက်တယ်။ ဒါ ထွေထွေထူးထူး ပြဿနာ မရှိလောက်ဘူး မဟုတ်လား။ ခင်ဗျား အခု၊ ဒီနေရာမှာတင် ရေဆာတယ်၊ အဲ့အတွက် ရေရှာတယ်။ သောက်လိုက်တယ်။ ဒါဟာ ခင်ဗျားရဲ့ ရှင်သန်နေမှုမှာ ၊ ဘဝမှာ ရှိတဲ့ လိုအပ်ချက် ရိုးရိုးလေးပါ။ ဒါပေမယ့် လိုအင်ဆန္ဒ ကတော့ အဲ့လို မဟုတ်ဘူး။ ခင်ဗျားမှာ စားစရာ မရှိမှာ စိတ်ပူတယ်။ သောက်စရာ မရှိမှာ စိတ်ပူတယ်။ ဒါပေတဲ့ ဒါလေးက ရိုးသေးတယ်။ စားစရာ သောက်စရာ ရလာပြန်ရင် ခင်ဗျား လိုဘ ( Desire ) က ထပ်တွေးတယ်။ ငါနေထိုင်မကောင်း၊ မကျန်းမမာ ဖြစ်ရင် သုံးဖို့ စွဲဖို့ ရှာရဦးမယ်။ – အဲ့ဒီနောက်တော့ ခင်ဗျား သန္တာန်မှာ လိုဘ ဆန္ဒ ( Desires ) တွေ တစ်စစ များပြားလာတယ်။

ဆိုပါစို့ရယ် ခင်ဗျား နိုင်ငံတော် သမ္မတကြီး ဖြစ်ချင်တယ်။ အဲ့ဒါ လိုအပ်ချက် မဟုတ်တော့ဘူး – ခင်ဗျား ရဲ့ ရည်ရွယ်ချက်၊ စိတ်ကူး ဆိုတာကြီး သက်သက်။ ခင်ဗျား အနာဂတ်ကို ပုံဖော်ချင်တဲ့ ခင်ဗျားရဲ့ အတ္တ သက်သက်။ ဒါမှ မဟုတ်ဘဲ ခင်ဗျားက ကောင်းကင်ဘုံ ရောက်ချင်တယ်။ ဒါလည်း ခင်ဗျား အနာဂတ်ကို မျှော်ကြည့်နေတဲ့ အရာ တစ်ခုပဲ။ – ဒါမှ မဟုတ် ခင်ဗျား ဘုရား ဖြစ်ချင်တယ် – ဒါလည်း ခင်ဗျားရဲ့ အနာဂတ် မျှော်တွေးနေမှုပဲ ဖြစ်ပါတယ ။

Read more of this post

မေးခွန်း

ဤကမ္ဘာသား တို့သည် အလှအပ ကို အလှအပဟု သိလာကြ သောအခါ
အကျည်းတန်ခြင်း သည် ပေါ်ပေါက်လာရသည်။
ဤကမ္ဘာသားတို့သည် ကောင်းမြတ်ခြင်းကို ကောင်းမြတ်ခြင်းဟု သိလာကြ သောအခါ
ဆိုးယုတ်ခြင်း ပေါ်ပေါက်လာရသည်။

လောက်ဇူ ဟာ စင်စစ် ပြည့်ဝတဲ့ မင်းမဲ့ဝါဒီ တစ်ယောက် လို့ ပြောရမလားပဲ။ ဒီနေရာ မှာ မင်းမဲ့ဝါဒီ ဆိုတာဟာ – Anarchist ကို သုံးထားတာ ဖြစ်ပါတယ်။ မင်းမဲ့ စရိုက် လို့ ဆိုရင် ဆိုးသွမ်းတဲ့ အပြုအမူ၊ စည်းမရှိ ကလနား မရှိ လုပ်ချင်ရာ လုပ်တဲ့သူတွေလို့ အမြင် ရှိတတ်ကြတယ်။ စင်စစ် Anarchist ဆိုတာ အဲ့ဒီ ဆိုးသွမ်းမှုကို ဆိုလိုတာ မဟုတ် ဘူး။ အကြမ်းဖျဉ်း ပြောရင် – မင်းအစိုးရ တည်ရှိနေမှု ကို ဆန့်ကျင်တာ သက်သက် ဖြစ်ပါတယ်။ Anarchist ဆိုသူတွေ ရဲ့ အတွင်းမှာတင် အမျိုးမျိုးအစားစား ကွဲပြားနေ ပါသေးတယ်။ Anarchist တွေရဲ့ မူရင်းသရုပ် က အအုပ်ချုပ်ခံနဲ့ အုပ်ချုပ်သူ ရယ်လို့ ခွဲခြားနေမှု ကို ဖယ်ရှား ထားခြင်း သက်သက်၊ တစ်ဦးပုဂ္ဂလ ကြိုးပမ်းအားထုတ်မှု ကို ရည်ညွှန်းခြင်း သက်သက် လို့ – ဒီနေရာမှာ အကြမ်းဖျဉ်း ပြောနိုင်မယ်။ ဒါ့ကြောင့် Aarchist တွေကို လွတ်လပ်တဲ့ တစ်ဦးတည်း သီးခြား ပုဂ္ဂလိက ဝါဒီတွေလို့ ဒဿန ဆရာတွေ နဲ့ နိုင်ငံရေး သမား အုပ်စုတွေက ခေါ်ဆိုတတ်ကြပါတယ်။ Aarchist အကြောင်းကို ဒီနေရာမှာ ပြောရင် မပြည့်စုံဘူး။ အလျဉ်းသင့်ရင် နောက်မှ နည်းနည်း ရေးကြည့်ပါမယ်။ လိုရင်းကို ပြန်ဆက်မယ်။

လောက်ဇူဟာ ပြည့်ဝတဲ့ Anarchist တစ်ယောက်ပဲ။ သူ့မှာ မင်းအစိုးရ မရှိဘူး။ သူနေထိုင်တာဟာ သဘာဝ အတိုင်းပဲ။ သူ့အတွက် နိုင်ငံ ဆိုတာ၊ လူ့အသိုင်းအဝိုင်း တစ်အုပ်စု၊ တစ်ဘာသာ ဆိုတာ မရှိဘူး။ သူဟာ “သူ” သက်သက်ပဲ။ ဒီကမ္ဘာလောက တစ်ခုလုံးမှာ သူ ရပ်တည်နေတဲ့ ဒီ ခဏတာမှာ လွတ်လပ်စွာ ရှင်သန်တယ်။ အဲ့ဒါပဲ ရှိတယ်။ သူက ဘယ်သူ့ကို မှ မအုပ်ချုပ်နေသလို၊ ဘယ်သူကမှလည်း သူ့ကို အအုပ်ချုပ် မခံဘူး။ သူ့မြေ ၊ သူ့နိုင်ငံ၊ သူဘာလူမျိုးဆိုတဲ့ အစွဲမျိုးလည်း မရှိဘူး။ သူ့ရဲ့ ရှင်သန်နေမှုကို အပြည့်အဝ “ရှင်သန်နေမှု” အဖြစ် သက်သက်ပဲ ထားရှိတယ်။ ( ဒီနေရာမှာ “ထားရှိတယ်” ဆိုတဲ့ စကားကလည်း လိုရင်းကို အတိအကျ မရောက်ပါဘူး။ သူဟာ “သူ” ဖြစ်နေတယ်။ အဲ့ဒါပဲ။ )

သူ ပြောတယ်။ “ခင်ဗျား အမိန့်အာဏာ ရယ်လို့ စပြီး စဉ်းစားတာနဲ့ – တစ်ဖက်မှာ အမိန့်အာဏာဖီဆန်မှု ဆိုတာ ပေါ်လာမှာပဲ။ အလားတူ – ခင်ဗျားက ဘုရားသခင် အကြောင်း စဉ်းစား နေပြီ ဆိုတာနဲ့ – တစ်ဖက်မှာ စေတန် မိစ္ဆာ ဆိုတာ ပေါ်ပေါက်လာမှာပဲ” ဒီစကားကို သူပြောရခြင်း အကြောင်းက – တွေးခေါ်မှုတွေ၊ စိတ်ကူး အမြင်တွေဟာ ဆန့်ကျင်ဘက် အသွင် နှစ်ရပ်ကို အမြဲတမ်း ဖော်ကျူး ပေးထားတယ်။ အတွေးတွေမှာ အမြဲတမ်း ဒွိသဘာဝ ရှိတယ်။ ဒါ့ကြောင့် အတွေး၊ ယုတ္တိ၊ ဆင်ခြင်ဥာဏ် တွေ အားလုံးမှာ နက်နဲတဲ့ သိမ်မွေ့တဲ့ – ပဋိပက္ခတွေ အမြဲ ရှိနေကြပါတယ်။ ဆိုလိုတာက တွေးတောမှု တိုင်းဟာ ကစဥ့်ကလျား အမြဲ ဖြစ်နေတတ်တယ်။ ဒါ့ကြောင့် ဒီလို ပဋိပက္ခတွေနဲ့ ၊ ဒီလို အစွန်းနှစ်ဖက် ကစဥ့်ကလျား ဖြစ်သမျှ တွေကို ဖယ်ရှားဖို့ ကြိုးစားမယ် ဆိုရင် – တွေးတောမှု တိုင်းကို လျော့နည်း အောင် ဖယ်ရှား သုတ်သင် ပစ်ကြရတယ်။ နောက်ဆုံး ခင်ဗျား အပြည့်အဝ ငြိမ်းချမ်း ချင်တာ ဆိုရင် – ဘယ်တွေးခေါ်မှုမှ ရှိမနေတော့တဲ့ ၊ ဘယ်အတွေး ဘယ် စကားလုံးမှ ရှိမနေတော့တဲ့ သန္တာန် ၊ ဖြစ်စဉ် – အဖြစ် ကို ရရှိဖို့ ကြိုးစား ကြရတော့တယ်။

အကြောင်းက – ဒီလို တွေးတောမှု သရုပ်သကန် တွေ ပျောက်ကွယ်သွားမှ ဒွိသဘာဝတွေလည်း ပျောက်ကွယ် သွားမှာ မို့လို့ပါပဲ ။ အဲ့အချိန်မှာ ခင်ဗျား သန္တာန် အတွင်း ဘယ် ဒွိသဘောမှ မရှိတော့ဘူး။ ဘယ် ပဋိပက္ခ မှ ရှိမနေ တော့ဘူး။ အလွန်ဆုံး ပြောနိုင်တာက ခင်ဗျားဟာ “ခင်ဗျား” အဖြစ်သက်သက်ပဲ ဖြစ်သွားတယ်။ အဲ့ဒီမှာ အခြား ဘာမှ မပါဘူး။ ဧက၊ တစ်ခုတည်း ဖြစ်သွားတယ်။ ဒီလိုမှ မဟုတ်ဘဲ ခင်ဗျားက တွေးစရာတွေ၊ စဉ်းစားနေမှာတွေ၊ စိတ်ကူးတွေ ဆက်ပြီး ထားရှိနေသရွေ့- ခင်ဗျား သန္တာန်မှာ အမြဲတမ်း ( အနည်းဆုံး ) နှစ်ခု ဖြစ်နေမယ်။ နှစ်ပိုင်းကွဲနေမယ်။ ခင်ဗျား က “ဒီဟာက ကောင်းတယ်” လို့ စဉ်းစားရင် “ဟိုဟာက မကောင်းဘူး” ဆိုတာ အလိုအလျောက် ခွဲခြားပြီး ဖြစ်နေမယ်။ ကောင်းတယ် – မကောင်းဘူး ၊ ဆိုးတယ် – မဆိုးဘူး ၊ ချမ်းသာ – ဆင်းရဲ၊ ချမ်းမြေ့တယ် – စိတ်ရှုတ်တယ် စသဖြင့် အဲ့သလို – ခင်ဗျား သန္တာန်ဟာ ကစဥ့်ကလျား ဖြစ်နေဦးမှာပဲ။

Read more of this post

ကျမ်းတစ်အုပ် ရဲ့ အစ

ပြောပြနိုင်သော ဓမ္မ ( Tao ) သည်
ပြီးပြည့်စုံသော ဓမ္မ ( Tao ) မဟုတ်ပေ။

ဒါဟာ တောက်တယ်ကျင်း စာအုပ်ငယ်ရဲ့ ပထမဆုံး ကျမ်းစာပိုဒ် ဖြစ်ပါတယ်။ ဒီကျမ်းစာအုပ် ဖြစ်ပေါ်လာပုံကို ပြောသင့်တယ်လို့ ထင်တယ်။ အဲ့ဒါမှ ဒီစာပိုဒ်ကို နားလည်ဖို့ အထောက်အကူ ရပါလိမ့်မယ်။

လောက်ဇူဟာ နှစ်ကိုးဆယ် နေထိုင် ခဲ့တယ်။ အဲ့ဒီ နှစ်ကိုးဆယ် လုံးလုံးမှာ “နေထိုင်ခဲ့တယ်” ဆိုတာက လွဲလို့ အခြား ဘာမှ မလုပ်ခဲ့ဘူး။ သူဟာ သူ့ဘာသာ “အပြည့်အဝ နေထိုင် သွားတယ်” ။ သူ့အနီးအပါး က ရောင်းရင်းတွေက သူ့ကို စာ တစ်စောင် ပေတစ်ဖွဲ့ ရေးသား ထားခဲ့ဖို့ အကြိမ်ကြိမ် တိုက်တွန်း တယ်။ ဒါပေမယ့် အဲ့လို တိုက်တွန်း တိုင်း သူ ပြန်ပြောလေ့ ရှိတဲ့ စကားက – Tao ဟာ ပြောလို့ရပြီ ဆိုရင် Tao စင်စစ် မဟုတ် တော့ဘူး။ သစ္စာတရား ကို ပြောပြပြီ ဆိုတာနဲ့ တစ်ပြိုင်နက် အဲ့ဒီ ပြောစကား “သစ္စာ” ဟာ စစ်မှန်တဲ့ သစ္စာတရား မဟုတ်တော့ဘူး။ ဒါ့ကြောင့် သူ ဘာမှ မပြော သလို၊ ဘာမှလည်း မရေးခဲ့ဘူး။

ဒီလိုဆိုရင် ခင်ဗျားက ပြန်မေးမယ်။ သူ့ရောင်းရင်းတွေဟာ သူနဲ့ အတူနေပြီး ဘာလုပ်ကြသလဲ လို့။ သူတို့ဟာ လောက်ဇူနဲ့ အတူ နေထိုင်နေ ရုံမျှလေးသာ ဖြစ်ပါတယ်။ သူနဲ့ အတူ ယှဉ်တွဲ ဖြစ်တည်နေတယ်။ သူနဲ့ အတူ ရှင်သန် နေထိုင်တယ်။ သူ လျောက်တဲ့အတိုင်း လျောက်တယ်။ သူ့ရဲ့ ဖြစ်တည်မှု အတွင်းမှာ သူတို့ အားလုံး ရောထွေး စိမ့်ဝင် နေကြတယ်။ သူ့အနားမှာ နေထိုင်နေကြတဲ့ အတွက် သူတို့ အားလုံးက သူ့ဆီက ဖွင့်အာ လာမယ့် တစ်ခုခုကို ရဖို့ ကြိုးပမ်းကြတယ်။ သူတို့ အခြား ကိစ္စတွေကို မတွေး ဖြစ်ဖို့၊ မစဉ်းစား ဖြစ်ဖို့ လုံးပမ်း ကြတယ်။ သူ့အနားမှာ နေတဲ့ အတွက် သူတို့အားလုံး တိတ်ဆိတ်ပြီးရင်း တိတ်ဆိတ် နေဖို့ အားထုတ် လာကြတယ်။ အဲ့ဒီ တိတ်ဆိတ်မှု အားဖြင့်သာ လောက်ဇူဟာ သူတို့ဆီကို သက်ရောက်နိုင်တာ ဖြစ်ပါတယ်။ တ်ိတ်ဆိတ်မှု အတွင်းကနေ သူတို့ဆီကို ရောက်လာမယ် – သူတို့ရဲ့ တံခါးကို ခေါက်မယ်။

လောက်ဇူဟာ နှစ်ကိုးဆယ် လုံးလုံး တစ်ခုခုဆိုတာကို ရေးသားဖို့ ပြောကြားဖို့ ငြင်းဆန်ခဲ့တယ်။ သူ့ရဲ့ အရင်းအကျဆုံး အကြောင်းက – အမှန်တရား ဆိုတာ သင်ကြားပေးလို့ မရဘူး ဆိုတဲ့ အချက်ပဲ။ ခင်ဗျားက အမှန်တရား ဆိုတာရဲ့ အကြောင်းကို တစ်ခုခု ပြောပြီ ဆိုရင် – အဲ့ဒါ အမှန်တရား စင်စစ် မဟုတ်ဘူး။ ခင်ဗျား စကားတွေက အမှန်တရားကို မှားအောင် လုပ်တာပဲ ဖြစ်လိမ့်မယ်။ အဲ့လိုပဲ – အမှန်တရားကို ခင်ဗျား သင်ကြားပေးလို့ မရဘူး။ အလွန်ဆုံး လုပ်နိုင်တာက ခင်ဗျား ညွှန်ပဲ ညွှန်ပြနိုင်တယ်။ အဲ့ဒီ ညွှန်ပြတယ် ဆိုတာက ခင်ဗျား ရဲ့ ဖြစ်တည်မှု၊ ခင်ဗျားရဲ့ ဘဝ တစ်ခုလုံးကို ဆိုလိုပါတယ်။ အဲ့ဒါကို ဘယ်လို စကားလုံးတွေနဲ့ အပြည့်အဝ ညွှန်းဆို ပြမလဲ။ သူက စကားလုံးတွေ ကို ဆန့်ကျင်တယ်။ ဘာသာစကား ဆိုတာတွေကို ချေဖျက် ပစ်တယ်။

Read more of this post

မိမိ ကိုယ်ကို နားလည်ခြင်း ( သို့ ) လောက်ဇူ

ပြောပြရုံမျှဖြင့် ပြည့်စုံသွားမည့် ဓမ္မသည်
ပြီးပြည့်စုံသည့် ဓမ္မ မဟုတ်။

ဆန့်ကျင်ဘက် တို့၏ အညမည ၊ သဟဇာတ အားဖြင့်

လောကသား တို့သည် အလှတရားကို အလှတရား အဖြစ် သိမြင်ကြသောအခါ
အရုပ်ဆိုး အကျည်းတန်ခြင်းသည် ပေါ်ပေါက်လာရ၏။

လောကသား တို့သည် ကောင်းမြတ်ခြင်း ကို ကောင်းမြတ်ခြင်း အဖြစ် သိမြင် လာကြသော အခါ
ဆိုးယုတ်ခြင်း မိစ္ဆာ သည် ပေါ်ပေါက်လာရ၏။

ထို့ကြောင့်
ဖြစ်တည်ခြင်း နှင့် မဖြစ်တည်ခြင်းတို့သည်
ကြီးထွားမှု အပေါ်၌သာ အညမည မှီခိုသည်။
ခက်ခဲခြင်း နှင့် လွယ်ကူခြင်း တို့သည်
ပြည့်စုံမှု အပေါ်၌သာ အညမည မှီခို၏။
ရှည်ခြင်း နှင့် တိုခြင်း တို့သည်
နှိုင်းယှဉ်မှု အပေါ်၌သာ အညမည မှီခိုသည်။
မြင့်ခြင်း နှင့် နိမ့်ခြင်း တို့သည်
တည်နေရာ ဒေသ အပေါ်၌သာ အညမည မှီခို၏။
ဂီတ နှင့် ဆူညံသံ တို့သည်
အသံတွဲဆက်မှု အပေါ်၌သာ အညမည မှီခိုသည်။
အရှေ့ရောက်ခြင်း နှင့် အနောက်ရောက်ခြင်း တို့သည်
တွဲဖက် အပေါ်၌သာ အညမည မှီခို၏။

သို့ဖြစ်၍ ပညာရှိသောသူသည် –
အပြုအမူ လှုပ်ရှား မပါရှိဘဲ အရေးကိစ္စတို့ကို စီမံသည်။
ဝေါဟာရ စကားတို့ မပါရှိဘဲ နည်းလမ်း တို့ကို ဟောကြားသည်။
အရာအားလုံး ဖြစ်ထွန်း လာသည်ကို လက်ခံ ရှင်သန်စေသည် – ရှောင်ဖယ် ပိတ်ပင် ထားခြင်း မရှိ။
သူတို့ အတွက် ဘဝကို ပေးသည်။ သူတို့ကို ပိုင်ဆိုင် ရယူလိုခြင်း မရှိ။
သူတို့အတွက် ပြုမူဆောင်ရွက်သည် – သဘောဆန္ဒအလျောက် ပြုမူခြင်း မျိုး မရှိ။
ပြီးပြည့်စုံ သွားစေသည် – မိမိ ကိုယ်ကိုယ် ဂုဏ်ဖော် ယူခြင်း မရှိ။

ယင်းသို့ ဂုဏ် ဖော်ယူခြင်း မရှိသောကြောင့်လည်း
၎င်းထံမှ ဂုဏ်ကို မည်သူမှ လုယူမသွားနိုင်တော့ပေ။

Lao Tzu: Tao Teh Ching . Verse ( 2 )

……………………………………………….

မဟာဝီရ ( မဟာဗီးရ် : Mahavir ) နဲ့ ပတ်သက်လို့ ကျနော် ပြောတယ်။ ကျနော့ တာဝန် တစ်ခု အနေနဲ့ ပြောပါတယ်။ ကျနော့ နှလုံးသား ထဲက ပြောတာတော့ မဟုတ်ဘူးရယ်။ သူက သင်္ချာ ဆန်တယ်။ နက်နဲ ခက်ခဲ နေတဲ့ ဂမ္ဘီရဆန်ဆန် လူသား တော့ မဟုတ်ပါဘူး။ ဖြစ်တည်မှုနဲ့ ပတ်သက်လို့ ကဗျာ မဆန်ဘူး။ ကြီးမြတ်တဲ့သူ ၊ အသိဥာဏ် အလင်း ရတဲ့သူ ဟုတ်တယ်။ ဒါပေမယ့် ကန္တာရ တလင်းပြင် ကျယ် ကြီး တစ်ခုနဲ့ တူပါတယ်။ ဘယ်လို အိုအေစစ်မျိုးမှ မတွေ့ရမယ့် ကန္တာရ မျိုးပေါ့။ ကျနော် မွေးဖွားလာရာ ဘာသာ ဟာ ဂျိန်း ဘာသာ ပါ။ ဒါ့ကြောင့် သူ့ကိုတော့ အရိုအသေ ပေးရတာမျိုး ရှိတယ်။ သူ့ကို တာဝန် တစ်ရပ် အနေနဲ့ ကျနော် ပြောရတယ်။ ဒါပေမယ့် ကျနော့ နှလုံးသား ကတော့ သူ့ဆီမှာ မရှိဘူး။ သူ့အကြောင်းကို စိတ်ကူး ကနေသာ ပြောတာ သက်သက်ပဲ ။ မဟာ ဝီရ လို့ ခေါ်တဲ့ သူ့ အကြောင်းကို ပြောရင် ကျနော် စည်းအပြင်က လူတစ်ယောက် လို ဖြစ်လာ တယ်။ ကျနော့ ထဲမှာ သူမရှိဘူး – သူ့ထဲမှာ ကျနော် မရှိဘူး။

မောရှေ နဲ့ မိုဟာမက် ( Moses, Mohammed ) တို့ကိုလည်း အလားတူပါပဲ။ သူတို့ကို ပြောတာမှာ စိတ်ရော ကိုယ်ပါ မပါခဲ့ဘူး။ တကယ်လည်း မပြော ခဲ့ပါဘူး။ ဒါဟာ ကျနော် ဂျိန်းဘာသာဝင် ဖြစ်ခဲ့လို့ မဟုတ်ဘူး။ ဂျိန်းဘာသာ ဝင် မဟုတ်ခဲ့ရင်လည်း ကျနော် ပြောဖြစ်မှာ မဟုတ်ဘူး။ ကျနော့ မိုဟာမက် ဘာသာဝင် ရောင်းရင်းတွေ၊ ဂျူး ဘာသာဝင် ရောင်းရင်းတွေ ရှိတယ်။ သူတို့ ကျနော့နဲ့ တွေ့ဖြစ်ရင် ပြောကြတယ်။ “ခင်ဗျား ဘာလို့ မိုဟာမက်နဲ့ မိုးဇက် တို့ အကြောင်း မပြောရတာလဲ” တဲ့။ ဒီမေးခွန်း ရှိလာရင် သူတို့ကို ရှင်းပြဖို့ ခက်ပါတယ်။ အခါ တော်တော် များများ သူတို့ မျက်နှာကို ကြည့်ပြီး ကျနော် ပြောဖို့ ဆုံးဖြတ်မိသေးတယ်။ အကြိမ် တော်တော် များများလည်း မောရှေ၊ မိုဟာမက်တို့ ဆိုစကားတွေကို ကျနော် အထပ်ထပ် အခါခါ ကြည့်မိ သေးတယ်။ ဒါပေမယ့် အဲ့ဒီ နောက်တော့ ကျနော် တုန့်နှေး သွားရပြန်တယ်။ ကျနော့် နှလုံးသားမှာ ဘာအသံမှ မမြည်ဘူး။ ကျနော့ နှလုံးသား က မလှုပ်ရှားဘူး ၊ အသက်မဝင်ခဲ့ဘူး။ အဲ့တော့ ကျနော် ပြောရင် ကျနော့ စကားက အသက်မဲ့တဲ့ စကားပဲ ဖြစ်နေတော့မှာ။ မဟာဝီရ ( မဟာဗီးရ် ) ကို ပြောသလိုမျိုး ကျနော့်ဆီမှာ တာဝန်အနေနဲ့တောင် မရှိဘူး ။

တကယ်တော့ သူတို့ သုံးယောက် စလုံးက ခေါင်းစဉ်တစ်ခု တည်း အောက်မှာ ရှိပါတယ်။ သိပ် တွက်ချက်တတ်တယ်။ တစ်ဖက် အစွန်းမှာ အမြဲ ရှိနေတယ်။ သူတို့မှာ တစ်ဖက် အစွန်းကို လစ်လပ်နေတယ်။ ဖယ်ထား တယ်။ ဂီတ နုတ် ( note ) အသံ တစ်သံတည်း၊ တစ်ခုတည်း လိုပဲ။ တွဲဖက် ဟာမိုနီ ဖြစ်တာ မရှိဘူး။ သံစုံ မဟုတ်ဘူး။ တစ်သံတည်း ထွက်နေတဲ့ ဂီတနုတ် ဆိုတာ သူ့အလှနဲ့ သူ ရှိပါတယ်။ တကယ် မြင့်မြတ်တဲ့ အလှ ရှိတယ်။ ဒါပေတဲ့ တစ်သံတည်း ဖြစ်နေတယ်။ တစ်ခဏ တော့ အဲ့ အသံက အဆင်ပြေ နေမှာ ။ နားထောင် ကောင်းနေမှာပါ။ ဒါပေမယ့် အဲ့ဒီ အသံ ချည်းပဲ ဆက်လာနေရင် ခင်ဗျား ပျင်းသွားရော။ ပြီးတော့ ခင်ဗျား အဲ့ဒါကို ရပ်ပစ် ချင်သွားရော။ မဟာဝီရ ၊ မိုးဇက်၊ မိုဟာမက် တို့ရဲ့ ပုဂ္ဂိုလ်ရေး ဘဝတွေက အဲ့ဒီ တစ်သံတည်း ဂီတ နုတ်တွေနဲ့ အလား သဏ္ဍာန် တူပါတယ်။ ရိုးစင်းတယ်။ မြင့်မြတ်တယ်။ လှပတယ်။ Read more of this post

ချမ်းမြေ့၊ သုခ၊ ပြည့်ဝတဲ့ အိမ်ထောင်ရေး

အိမ်ထောင်ရေး မှာ ပျော်ရွှင် သာယာ စွာ အဆုံးသတ် ကြလေ သတည်း ဆိုတာ တကယ် ရှိပါသလား။ ချမ်းမြေ့ သုခ ပြည့်ဝတဲ့ အိမ်ထောင်ရေး အတွက် လျို့ဝှက် ချက် ရှိသလား ။ အိမ်ထောင်ရေး အဘိဓမ္မာ ရှိသလား။

( က )  ကျနော် မသိပါဘူး။ အဲ့အဖြေကို ဘယ်သူမှလည်း မသိနိုင်ကြဘူး။ ဝါးလုံးရှည်နဲ့ သိမ်းရမ်းတာပဲ လို့ ထင်ကြ၊ ပြောကြမလား မသိ။ ထင်မယ်ဆိုလည်း ထင်ပါ။ ပြောမယ် ဆိုလဲ ပြောပါ။ စာရှုသူတို့ ဝေဖန်စကားနဲ့ အထင်အမြင် ကို စာရေးတဲ့သူ ကျနော် တားလို့ မရပါဘူး။ ကျနော် ဖြေရတဲ့ အကြောင်းတွေကိုပဲ စဉ်းစားကြည့်ပါမယ်။

ယေရှုခရစ် ဟာ ဘုရားသခင်ရဲ့ ကောင်းကင် နိုင်ငံတော် လျို့ဝှက်ချက်ကို သိတယ် လို့ ဆိုတယ်။ အဲ့လိုတောင် သိမယ်ဆိုရင် ဒီလို ကိစ္စ လျို့ဝှက်ချက် ကိုလည်း သိရလိမ့်မယ် ထင်ပါတယ်။ ဒါပေမယ့် သူ ဘာလို့ အိမ်ထောင် မပြုခဲ့သလဲ။ သူ ဘာလို့ “ဘဝဆုံးတိုင် ချမ်းမြေ့ ပျော်ရွှင်မယ့် အိမ်ထောင်ရေး လျို့ဝှက်ချက်” ကြီး ကို မသိရတာလဲ။ တကယ်ပဲ မရှိလို့ တကယ် မသိတာလား။ ယေရှုဟာ သိရက်နဲ့တော့ လျိုထားမလား။ ကျနော် သူ့အပေါ် အဲ့လို မထင်ပါဘူး။

သူတော်စင်ကြီး တစ်ပါး ဖြစ်တဲ့ သူ တင် မကဘူး။ မဟာဝီရ၊ လောက်ဇူ ၊ ချောင်ဇူး တို့လည်း အိမ်ထောင်မပြု ခဲ့ကြဘူး။ ဘာဖြစ်လို့လဲ တကယ်ပဲ အဲ့ဒီ လျို့ဝှက်ချက်ကြီးက အခြား အရာ အားလုံးထက် နက်နဲခက်ခဲ နေတာလား။ ဂမ္ဘီရ ဆန် ပြီး ရှာမရ ဖွေမရ ဖြစ်နေသလား။ ဒီပညာရှိတွေ ဟာ သူတို့ ကိုယ်စီ နက်နဲတဲ့ အဆုံးစွန် အန္တိမ တရားကို ရှာဖွေ ခဲ့ကြသူတွေ ပါ။ ဒီ ချမ်းမြေ့သုခ ပြည့်စုံတဲ့ အိမ်ထောင်ရေး လျို့ဝှက်ချက် သာ တကယ် ရှိတယ် ဆိုရင် သူတို့ တွေ့ခဲ့ဖို့ ကောင်းပါတယ်။ သူတို့ဟာ ဘုရားသခင် ကို ရှုမြင်ဖို့ အထိ ကြိုးစားကောင်း ကြိုးစား နိုင်ခဲ့မယ်။ အိမ်ထောင်ရေး ကိုတော့ ကောင်းကောင်း မရှုမြင် နိုင်ခဲ့ကြဘူးရယ်။ အံ့ဖွယ် ကောင်းလေစွ။

ဆော့ခရတ္တိ ( ဆိုကရေးတီး၊ Socrates ) ကတော့ လက်ထပ်ခဲ့တယ်။ အိမ်ထောင်ပြုခဲ့တယ်။ သူ့ဘဝ တစ်ခုလုံး လည်း ကောင်းကောင်းကြီး ခံစားခဲ့ ရတယ်။ ဒါပေမယ့် သူလည်း ပျော်ရွှင် သာယာတဲ့ အိမ်ထောင်ရေး လျို့ဝှက်ချက် ကို သိခဲ့ဟန် မတူဘူး။ သူရှာတွေ့ခဲ့တာက “လက်မထပ် တာမှ ကောင်းသေးတယ်” ဆိုတာပဲ။ တကယ်တော့ ဆိုကရေးတီးဟာ လောက်ဇူတို့၊ မဟာဝီရ တို့နဲ့ တစ်ခေတ်တည်းပါ။ အိမ်ထောင် မပြု ခဲ့ကြပါဘူး ဆိုတဲ့ သူတို့တွေနဲ့သာ  ဆော့ခရတ္တိဟာ- အဲ့ဒီခေတ်အတွင်း အင်တာနက် ချိတ်ဆက်၊ နော့လစ် ရှဲရင်း – လုပ်နိုင်ခဲ့ရင် တိကျတဲ့ အဖြေတော့ ထွက်လာ နိုင် ပါလိမ့်မယ် ။

Read more of this post

အိုရှိုး ( သို့မဟုတ် ) ညရဲ့ သခင်

အိုရှိုး ကို ဗုဒ္ဓဝါဒီ၊ မဟာယာနဂိုဏ်းသား၊ ဇင်ဘုန်းကြီး၊ ဘယ်ဝါဒီ ၊ ညာဝါဒီ စသဖြင့် ဘယ်လို တံဆိပ်ကပ်မလဲ မသိ။ နှစ်သက်ရာ တံဆိပ် ကပ်ပြီး ထားကောင်း ထားပါလိမ့်မယ်။ ဒါပေမယ့် သူဟောပြောခဲ့ရာ သဘော အများစု က ပုဂ္ဂိုလ်သတ္တဝါ ဘယ်သူမဆို ဘာတံဆိပ်မှ မကပ်မိစေဖို့ ဖြစ်ပါတယ်။ ဒီအတွေးရှိတဲ့ သူ တစ်ယောက်အတွက် သူ့ကိုရော ဘယ်တံဆိပ်နဲ့ ကပ်ပြီး ဘယ်လို နာမည် ပေး မလဲ။

မြန်မာပြည်မှာ အိုရှိုး ဆိုတဲ့ နာမည်ကို သိကြသူတွေ ရှိတယ်လို့ ဆိုပေမယ့် သိပ်အများကြီး မရှိဘူး။ ဇင်ဗုဒ္ဓဘာသာ၊ တာအိုဘာသာ၊ ဟိန္ဒူ၊ အိန္ဒိယ ဘာသာရေး၊ ဒဿန စသဖြင့် အဲ့နယ်ပယ် မှာ ကျင်လည် သူလောက်သာ အသိများကြမယ် ထင်ပါတယ်။ ဆရာပါရဂူက အိုရှိုး ရယ်လို့ တွင်တွင်ကျယ်ကျယ် မပြောခဲ့ပေမယ့် သူ့စာအုပ်တွေက အိုရှိုးရဲ့ အရိပ် စိုးမိုးထားတယ်လို့ ပြောထား ခဲ့တယ်။ ကျနော်မှာလည်း အလားတူပါပဲ ။ ဒါပေမယ့် ကျနော်က ဆရာပါရဂူရဲ့ ကြားခံ ဆက်စပ် ပေးတာကြောင့်သာ သိခဲ့ရတာ ဖြစ်ပါတယ်။

အခုနောက်ပိုင်း အိုရှိုးရဲ့ စာအုပ်တွေ တော်တော်များများ ကျနော့ဆီမှာ ရှိလာပါတယ်။ အိုရှိုး မူရင်းဘာသာ မဟုတ် တောင် အင်္ဂလိပ်လို အပြည့်အဝတော့ တိုက်ရိုက် ထိတွေ့ခွင့် ရတယ်။ အဲ့အထဲက ကြိုက်မိတာလေး ရှိခဲ့ရင် ကိုယ်ထင်ရာ မြင်ရာနဲ့ ပေါင်းစပ်ပြီး တစ်ပုဒ်စ နှစ်ပုဒ်စ ရေးခဲ့တယ်။ အခုနောက်ပိုင်း ရေးသမျှမှာ လည်း အိုရှိုးရဲ့ စာတွေထဲက အာဘော်တွေ များပါတယ်။

တစ်နေ့က မိတ်ဆွေတစ်ယောက်က မေးတယ်။ “မင်းက အိုရှိုးလို့သာ ပြောပြောနေတာ၊ အိုရှိုးဆိုတာ ဘယ်သူလဲ” တဲ့ ။ ကျနော် ပြန်ရှင်းပြမယ့် အစား http://www.osho.com/, http://www.oshoworld.com/ တို့ကို ဝင်ကြည့်ပါ လို့ပဲ ပြောခဲ့လိုက်တယ်။ ဒါပေမယ့် ဟိုတစ်နေ့က ဆရာရဲထက်ရဲ့ အိုရှိုး စာအုပ် ထွက်လာပါတယ်။ ( ကျနော် မြင်ဖူးသလောက်မှာ – အိုရှိုးနဲ့ ပတ်သက်လို့ ဒီတစ်အုပ်က ထင်ထင်ပေါ်ပေါ် ပထမဆုံးပါ။ တကယ်လို့ ကျနော် မသိခဲ့ဘဲ အခြား ရှိရင်လည်း ပြောနိုင်ပါတယ် ) အဲ့အထဲက အိုရှိုးနဲ့ ပတ်သက်လို့ ဆရာရဲထက်ရဲ့ နိဒါန်းဟာ အိုရှိုး အတ္ထုပ္ပတ္တိကို သိလိုသူတွေ အတွက် အာသာ အနည်းငယ်တော့ ပြေလောက်မယ် ထင်ပါတယ်။ ဆရာ့စာက နည်းနည်း ရှည်နေပါတယ်။ သဘောတရားဆန်ဆန် တွေက ကြားမှာ နည်းနည်းပါနေတယ်။ အွန်လိုင်းပေါ် တင်လို့ လွယ်အောင် – ကျနော် သိမိသလောက်နဲ့ တစ်ချို့ ကို ဖြတ်တောက် ထားတယ်၊ တစ်ချို့ကို ဖြည့်စွက်ထားပါတယ်။

တကယ်လို့ အမှားအယွင်း တစ်စုံတစ်ရာ ရှိလာခဲ့ရင် ကျနော့ချို့ယွင်းချက်သာ ဖြစ်ပြီး၊ သဘောကျ နှစ်သက်နိုင်မယ် ဆိုရင်တော့ ဆရာရဲထက်ရဲ့ ကြိုးပမ်းအားထုတ်မှုကြောင့်သာ ဖြစ်ကြောင်း လက်ခံပေး စေလိုပါတယ်။

ဇေယျ
……………………………………………………….

အိုရှိုး ( သို့မဟုတ် ) ညရဲ့ သခင်
( ၁၉၃၁ – ၁၉၉၀ )

အိုရှိုး ( Osho ) ရဲ့ စာပေလက်ရာ တွေနဲ့ ပတ်သက်လို့ နှစ်သက်သူတွေ ရှိသလို ၊ မနှစ်သက်သူ တွေလည်း ရှိတယ်။ အထူးသဖြင့် အိုရှိုးရဲ့ စကားလုံးတွေ ဟာ ပြောင်မြောက်တယ် ။ စူးရှထက်မြက်တယ်။ အိုရှိုး အကြောင်းကို လေ့လာတော့မယ် ဆိုရင် ပထမ ဦးဆုံး အရေးကြီးတာက လေ့လာမယ့်သူဟာ အလယ်အလတ်လမ်းစဉ် အတိုင်း စိတ်ထားနိုင်ဖို့။ ပျော့ပျောင်းတဲ့ သဘောထား ရှိဖို့ အဓိက လိုအပ်ပါတယ်။ ဘာကြောင့်လဲ ဆိုတော့ အိုရှိုးရဲ့ ဟောပြောစကား၊ သူ့ရဲ့ ဒဿနတွေဟာ အစဉ်အလာနဲ့ လမ်းခွဲတယ်။ အနာဂတ် လူသား အသစ်ရဲ့ လွတ်လပ်မှုကို ရည်စူး ဟောပြောနေတာ တွေ ဖြစ်ပါတယ်။

အိုရှိုးဟာ သူ့ကိုယ်သူ ဖြစ်တည်မှု ပဓာန ဝါဒီ ( Existentialist ) စစ်စစ် တစ်ယောက် ဖြစ်တယ်လို့ ယုံကြည်ထားသူ ဖြစ်တယ်တဲ့။ ဒါပေမယ့် ကမ္ဘာ့ စာပေ အနုပညာ နယ်ပယ်မှာ ရှိနေတဲ့ ဖြစ်တည်မှု ဝါဒီတွေနဲ့တော့ မတူဘူး။ Existentialism ဖြစ်တည်မှု ပဓာန ဝါဒကို ရှေ့ဆောင်ခဲ့ကြတဲ့ ကဲဂီးဂတ်၊ ပြင်သစ်စာရေး ဆရာကြီး ယန်းပေါဆတ် ( Jean Paul Satre: 1905 )၊ ဆိုင်မွန် ဒီဗူးဗွား ( Simone Debauvoir: 1908 ) နဲ့ အဲလ်ဘတ်ကမူး တို့ အယူအဆတွေဟာ အိုရှိုးရဲ့ သဘောထားတွေနဲ့ ခြားနားပါတယ်။

ဥပမာ ယန်းပေါဆတ်ရဲ့ ဖြစ်တည်မှု ပဓာန ဝါဒက ဘုရားမဲ့ အယူအဆဘက်ကို တိမ်းညွတ်တယ်။ မတ်စ်ဝါဒ ကို အစားထိုးချင်တဲ့ နိုင်ငံရေး အယူအဆ တစ်မျိုး ဖြစ်တယ်လို့ ဝေဖန်ရေး ဆရာတွေက အကဲဖြတ်ပါတယ်။ အိုရှိုးရဲ့ ဖြစ်တည်မှု ပဓာန ဝါဒကတော့ Read more of this post

ဝေါဟာရ/ အဓိပ္ပာယ်/ သိမှု/ ရှိမှု = ပြဿနာ

ဒီညမှာ အိန္ဒိယ ဒဿန ဆရာ အိုရှိုးရဲ့ စာတွေ လိုက်ဖတ် ဖြစ်တယ်။ ရှေးဟောင်းတရုတ် ဒဿနတွေထဲက တာအိုဝါဒအပေါ်မှာ အားပြုနေတာ တွေ့ရတယ်။ သူရဲ့ The Way of Tao ကို ကြိုက်တယ်။ မြန်မာပြန်ဆို ကြည့်ဖို့ စဉ်းစားလိုက်တော့ မကျေလည်တာ တစ်ခု တွေ့ရပါတယ်။ အဲ့ဒါက Tao ( တောက် ) ဆိုတဲ့ ဝေါဟာရ နေရာပါ။ ဆရာသက်လုံရဲ့ စေ့ထားသော တံခါးများ ( ပ+ဒု ) မှာတော့ Tao ကို ဓမ္မတရား၊ တောက် လို့ ပဲ ထည်လဲသုံး ဖွင့်ဆိုပြထားတယ်။

Tao ဟာ ( ကျနော် နားလည်သလောက် ပြောရင် ) ဓမ္မတရား ဟုတ်ပါသလား။ အဲ့ဒီ ဝေါဟာရနဲ့ ဖလှယ်သုံးလို့ ရပါ့မလား။ ဓမ္မ ဆိုတာ ဗုဒ္ဓဝါဒနဲ့ နွယ်ပြီး သိရတဲ့ ပါဠိစကား ဖြစ်ပါတယ်။ ဗုဒ္ဓဘာသာမှာ ဓမ္မ ဆိုတာ လမ်း ဖြစ်ပါတယ်။ ဟုတ်တယ်ဟုတ်။

ဒီမှာ သုံးထားတဲ့ Tao ဟာ လမ်းလား။ လမ်း မဟုတ်ဘူးလို့ မြင်ပါတယ်။ အနောက်တိုင်း ဆရာတွေ သူတို့ဘာသာအလိုက် ပြန်ဆိုရာမှာ Tao ကို God နဲ့ ဖလှယ်သုံးနှုန်းထားတယ်။ အများအားဖြင့် တော့ Tao ကို Tao အတိုင်းပဲ ပြန်ဆိုကြတယ်။ ဘာလို့ဆို Tao ရဲ့ အနက်အဓိပ္ပာယ် ကိုယ်နှိုက်က ဖွင့်ဆိုရ ခက်ခဲနေလို့ပါပဲ။

တာအိုဝါဒရဲ့ ဆရာသခင် ဖြစ်တဲ့ Lao Tzu က သူရဲ့ Tao Teh Ching မှာ ရေးသားထားခဲ့တာ ရှိပါတယ်။ အပိုဒ်ရေ ( ၈၁ ) ပိုဒ် ရှိတဲ့ အနက် ပထမဆုံး အပိုဒ်မှာတင် ရှင်းထားတာက –

ရှင်းလင်းပြောပြနိုင်တဲ့ ဓမ္မ ( Tao ) ဟာ စစ်မှန်တဲ့ အသင်္ခါရ ဓမ္မ ( Tao ) မဟုတ်ဘူး။
ပညတ်သတ်မှတ်နိုင်တဲ့ အမည်သညာကလည်း စစ်မှန်တဲ့ အသင်္ခါရ အမည်သညာ မဟုတ်ဘူး။

– လို့ ဆိုထားပါတယ်။

ဆရာ အိုရှိုးက Lao Tzu ကို အတော်များများ အမွှမ်းတင်ထားတယ်။ စကားလုံးတွေ မပါဘဲ၊ ဖော်ပြချက်တွေ မရှိဘဲ ဘဝမှာ သမားရိုးကျ ရိုးရိုးလေး နေထိုင်သွားတတ်ကြသူတွေမှာ Lao Tzu ဟာ တစ်ယောက် အပါအဝင် ဖြစ်တယ်၊ လူတွေ သိနားလည်တဲ့ ဝေါဟာရတွေနဲ့ပဲ လူတွေ မသိကြသေးတဲ့ အရာတစ်ခုကို ဘယ်လိုရှင်းပြမလဲ ဆိုတဲ့ ပြဿနာ – အဲ့ပြဿနာကို ဖြေရှင်းရာမှာ Lao Tzu ဟာ ဆရာတစ်ဆူဖြစ်တယ်လို့ ဆိုပါတယ်။ Read more of this post