Flourescence

11705167_1147831155232131_5451971540815880165_n
မည်းပြောင်နေတဲ့ ကတ္တရာရောင် လမ်းမကြီးကို နောက်ခံထားပြီး၊ တိတ်တဆိတ် မောင်းထွက်သွားကြတဲ့ ကားကြီး ကားငယ်တွေကို ငေးကြည့်နေမိတယ်။ နို့ … တကယ် မောင်းထွက်သွားသူဟာ ကားတွေလား၊ နို့….. ရှည်လျားလှတဲ့ မည်းပြောင်ပြောင် ဒီလမ်းမကြီးလား၊ ဒါမှမဟုတ် ရပ်နေတယ်လို့ (ကိုယ့်ကိုယ်ကိုယ်) ထင်နေတဲ့ ကိုယ်ကိုယ်တိုင်လား မကွဲပြားမိ။

တစ်ခါက အဓိပတိလမ်းမကြီးပေါ်မှာ ဆေးလိပ်ပြာခြွေရင်း တွေးမိသလိုမျိုး။ အခြားနေရာမှာ ခြွေတဲ့ ဆေးလိပ်ပြာနဲ့ ဒီမှာ ခြွေတဲ့ ဆေးလိပ်ပြာ၊ ကြွေတာချင်း အတူတူ ဂုဏ်မတူသလိုလို။ စိန်ပန်းပင်ကြီးက ပွင့်နီတွေကြွေတာ မြင်တော့ အခုကြွေတဲ့ ပန်းဟာ အရင်က ကြွေတဲ့ ပန်းထက်ပဲ ပိုဂရုဏာ သက်ရမလိုလို။

တစ်ခါက မှတ်သားခဲ့ဖူးတယ်။ ရုရှားစာရေးဆရာကြီး ဒေါ့စတိုယက်စကီးကို တော်လှန်ရေးအတွင်း ဖမ်းမိတုန်းက။ အကျဉ်းတိုက်ထဲ၊ တိုက်ပိတ် နှိပ်စက်ပုံများ။ အသံဆို ဘာသံမှ မကြားရအောင် အစောင့်တွေတောင် ပိုးခြေအိတ်စီးလို့တဲ့။ ပြတင်း မရှိ၊ အလင်းမရှိ၊ ပကတိ အမှောင်မှာ နှစ်ပေါက်အောင် ချုပ်နှောင်ခဲ့ကြသတဲ့။ ပြင်ပ ပယောဂဆီက ဘာသံမှ မကြားရတဲ့ အဲ့ကာလမှာ သူ ကြားသိနိုင်ဆုံးအသံဟာ သူ့ အသက်ရှူသံရယ်…။ နောက်ပြီး….. သူ့ရဲ့ နှလုံးခုန်သံရယ်။

Read more of this post

ယန်းပေါလ်ဆက်ကြီးရယ် ခင်ဗျား မှားခဲ့တယ်

10968388_1050142255001022_8220544168114661821_n
No! Jean Paul Satre – No!

(၁) The Other is Hell. လို့ ယန်းပေါလ်ဆက်ကြီး ပြောခဲ့တယ်။ အဲ့စကား ကြားပြီးကတည်းက ကောင်းကင်ကို မော့ကြည့်လိုက်ချိန် တိုင်းမှာ တိမ်တောင်တွေဟာ နတ်ဘုရားတွေလို ပြိုပြိုကျ လာတော့တာပဲ။ နေ့အခါမှာ တိမ်တောင်တွေလို၊ ညအခါမှာ ကြယ်ရောင်တွေလို။

(၂) မနက်အစောကြီး ထဖို့ကလည်း အပျင်းထူတယ်။ ကျနော့အဖို့ မဖြစ်နိုင်ဘူး။ ကိုယ်စီးတဲ့ ဖိနပ်တောင် ထိပ်တွေ ပြောင်အောင် မတိုက်တတ်ဘူး မဟုတ်လား။ ငယ်ငယ်က အဖေ ဆူတယ်။ မိုးတွင်းအချိန် တစ်ခု။ မိုးကလည်း ကျောင်းဆင်းချိန်ကျမှ အငြိုးနဲ့။ သည်းသည်းမည်းမည်း ရွာတယ်။ ကျောင်းစိမ်းအင်္ကျီ၊ ပုဆိုး၊ အကုန်စိုရွှဲတယ်။ ရေလျံလို့ ဗွက်ပေါက်နေတဲ့ လမ်းမှာ လျောက်တော့ ကျောင်းစိမ်း ပုဆိုးကို မ-မဘဲ လျောက်တယ်။ ဘာဖြစ်လဲ ပုဆိုးက စိုနေပြီးသားပဲ။ မ-မလည်း စို၊ မ-လည်း စိုမှာပဲ မဟုတ်လား။ ဒါပေမယ့် ချစ်စရာကောင်းတဲ့ အဖေက ကျနော့ကို ဆူတယ်။

Read more of this post

သက်တံ့ရောင်းသူ

10380884_906814189333830_3277790917709087139_n

မနက်ပိုင်းမှာ အလင်းရောင်တွေ ဖြာကျလာတာမျိုး ကျနော် သိပ်ကြည့်ရတာ မဟုတ်ဘူး။ မရဆို – မိုးလင်းတာနဲ့ မျက်လုံး နှစ်ဖက်ကို ဇွတ်အတင်းဖြဲ ဝင်လာတာကိုး။ မနေနိုင်မထိုင်နိုင်အော်င အပူရှိန်တွေ တရစပ် လွှတ်တတ်တာကိုး။ ဘယ်မှာ လာ ကောင်းတော့မှာလဲ။ ဘာပဲ ပြောပြော ဒီနေ့ ပစ္စည်း ဝယ်ထွက်ဖို့ အိပ်ရာက ထခဲ့တယ်။

အဲ့နေ့ မနက်က သူ့ကို ကျနော်တွေ့တော့ ခုံတန်းလေး တစ်ခုပေါ်မှာ။ တင်ပလွှဲလေး ထိုင်နေတယ်။ ခါးသေးသေးလေးကို ကော့ညွှတ်လို့။ သားမြတ်အစုံကို ခပ်စွင့်စွင့် ချီ၊ ဦးခေါင်းကို မော့လို့။ မျက်တောင်လေးတွေတောင် ကော့နေတာ ကျနော် မှတ်မိသေးတယ်။

မြေပြင်မှာ နှင်းပေါက်တွေ မရှိဘူး။ ရွာပြီးကာစ မိုးစွတ်စွတ်၊ ရေပွက် ရေစတွေက ဟိုနားတစ်စ ဒီနားတစ်စ။ အသာအယာ ကြွပြီး ရှောင်နင်းရင်တောင် ကျနော့ဖိနပ်မှာ ရေမဖြစ်မနေ စိုမှာ။

“ချာတိတ် – မင်း လက်ထဲကဟာ ဘာလဲကွ”
“သက်တံ့တွေ”
“ဘာလုပ်တာလဲ”
“ရောင်းတာလေ” Read more of this post

ကဗျာရွတ်လို့ ထကြစို့

ပြာရီမှောင် ညို့စဉ်က

ပြာရီမှောင် ညို့စဉ်က

 

ကဗျာတွေ ရွတ်ဆိုလို့ နိုးထလာချိန်က စရမယ်။

မြက်ခင်း အဖျား အနားတွေဟာ သူ့ကဗျာသံကြောင့် မြူးထူး ကခုန်နေကြတယ်။ သူတို့က သူတို့ အပါး ကပ်မြှူနေကြတဲ့ နှင်းမှုန်စလေးတွေကို တပျော်တပါး ခါယမ်းကြလိမ့်မယ်။ ခါယမ်းခံရတဲ့ သူတို့တွေ တဝေးဝေး တဝါးဝါး ခုန်ဆင်းသွားကြမှာပဲ။ ပြုံးရယ်ရင်း ကြိုလင့်နေတဲ့ မြေလွှာပြင်ပေါ်မှာ လွတ်လပ်ခွင့် ရသွားကြမှာပဲ။ ဒီလိုနဲ့ လောကဟာ ဂီတသံတွေကြား၊ ကဗျာတေးချင်းတွေကြားမှာ ချစ်ခြင်းတရားကို ဒလဟော ဖြန့်ဝေနေကြတယ်လို့ အလိုလို ခံစားမိလာကြမှာပါပဲ။

တကယ်တမ်း လောကမှာ စစ်မက်တွေ မရှိဘူး ဆိုရင်၊
တကယ်တမ်း လောကမှာ ခိုက်ရန်တွေ မရှိဘူး ဆိုရင်၊
တကယ်တမ်း လောကမှာ အမနာပ အတင်းအဖျဉ်းတွေ မရှိကြတော့ဘူး ဆိုရင်
Read more of this post

ဣဿရ ထံပါးသို့ တစ်ခေါက်တစ်လေ

ကျွန်ုပ် သည် ဘဝပေါင်း များစွာ၊ ခန္ဓာပေါင်း များစွာ ဣဿရ အရှင် ကို ရှာဖွေ ခဲ့သူ ဖြစ်သည်။ သူ ရှိသည် ဟု သတင်း ကြား စဉ် ကပင် အမြတ် တနိုး ရှာဖွေ ခဲ့မိ သူ ဖြစ်သည်။ မျက်လုံး စုံမှိတ် ရှာဖွေ ခဲ့သည့် အကြိမ် ပေါင်းလည်း မနည်း လှ သကဲ့သို့ နည်းနာ နိဿယ အစုံဖြင့် ဖွေရှာ ခဲ့သည့် ဘဝပေါင်း လည်း မနည်းလှ။

နောက်ပိုင်း — မလှမ်း မကမ်း က ကြယ်တစ်ပွင့် အနီး အပါး တွင် သူ့ ကို ရံဖန် ရံခါ သဘောမျိုး မြင်တွေ့ လိုက်ရသည်။ ကျွန်ုပ် ပီတိ ဖြစ်မိ ၏။ ကြယ် ဟူသည် ကျွန်ုပ် နှင့် မည်မျှ ကွာဝေး နေသည် ဆိုဦး – သူ့ကို မြင်တွေ့ ရသည် မှာ ကျွန်ုပ် အတွက် အရေး ပါသည်။ ကျွန်ုပ် ၏ ရှာဖွေမှု သည် စင်စစ် အကျိုး မယုတ် ကြောင်း အာမခံ ချက် ဖြစ် သည်။ ကျွန်ုပ် ဘုရား သခင် ကို ရှာဖွေ နေ သည် ဆိုခြင်းမှာ အလဟဿ မဟုတ်ကြောင်း – (သူ့ထံ ရောက်ရှိရန် မည်မျှ ကွာဝေး သည် ဖြစ်ပါစေ) သူ့ကို အမှတ်မဲ့ မြင်လိုက် ရသည် ဆိုခြင်း ကပင် တနေ့နေ့ သူ့ဆီ ဆိုက်ဆိုက် မြိုက်မြိုက် ရောက် မည် ဖြစ်ကြောင်း ညွှန်းပြ လျက် ရှိသည်။

တစ်ချိန် တွင်မူ – ယင်း ကြယ်စင် အနား သို့ ကျွန်ုပ် ရောက် ခဲ့၏။ သို့သော် ၎င်း ဌာနေ တွင် ဣဿရ အရှင် မရှိ။ ကျွန်ုပ် ရောက် မဆိုက် တွင်ပင် သူ သည် အခြား တစ်နေရာ သို့ ပြောင်းရွှေ့ သွားခဲ့ ပြီ။ မည်သို့ ပြုရ မည် နည်း- ကိစ္စတော့ သိပ် မရှိ။ ကျွန်ုပ်သည် ရှာဖွေ သူ ဖြစ် ၍ မရောက် မချင်း၊ ရအောင် – ရှာဖွေ နေဦးမည်။ သူ့ကို မြင်နိုင် နေရ သည် ကပင် ကျွန်ုပ် ၏ အား ဖြစ်သည်။ သူ အဘယ် သို့ ရောက် နေ မည် ကို ကျွန်ုပ် မျက်ရမ်း မှန်းဆ၊ ကြည့်၍ ရသည်။ ကျွန်ုပ်၌ ဤခြေ၊ ဤ လက်၊ ဤနှလုံး အိမ် ရှိသည်။ သူ့ ခြေရာ လက်ရာ များ ကို ကျွန်ုပ် ရှာကြံ နေဦးမည်။ သူ မည်သည့် နေရာ သို့ ရောက်နေကြောင်း – တွေးဆ နေ ဦး မည်။ အဝေးကွာ ဆုံးတွင် တည်ရှိ နေပါ သည် ဆိုစေ သူသည် ကျွန်ုပ် ကို လက်ယပ် ခေါ်လျက် ရှိသည်။ – ကျွန်ုပ် အတွက် မျှော်လင့်ချက် များ ထုံမွှမ်း ပေးထားနေဆဲ ဖြစ်သည်။

Read more of this post

ရေလျဉ်ပမာ

ဝတ်မှုန် တို့ ၏ ဤ တိုက်ပွဲ ၌
ရနံ့ တို့ အလဲအကွဲ ဖရိုဖရဲဖြင့် တပ်လန်ကုန်လေပြီ။
ဟိုမှာ တစ်စ၊ သည်မှာ တစ်စ – ပျံ့နှံ့ ပြေးလွှားလျက်၊
ပွင့်ဖတ် တို့သည်လည်း အတုံးအရုံး
ကျဆုံး၊ ကြွေဆင်း ရှိကြကုန်၏။

ရင်ခတ်ပန်းတို့ နွမ်းသော်ကော ~

ကဗျာ တစ်ပုဒ် ဖြစ်စေ၊ စာ တစ်အုပ် ဖြစ်စေ၊
ရင်ခွင်ပိုက် တရားနှင့် – စကားအကြွေတို့
အသက်ခြွေ၊ အပ်နှင်း၊ စစ်ခင်းနေသော သဘောသာ ဖြစ်၏။
အနု အရွ – အတိမ် အနက် တို့၏ အလှဗေဒ သည်
နှလုံးအိမ်ကို ခတ်၍လည်း သီကုံးပြည့်စုံရ၏။
ဘဝအိမ်ကို လှပ်၍လည်း စီသွယ် ဆေးခြယ်ရ၏။

အမတလမ်းသို့ လှမ်းသော်ကော ~

သီလာ တောင်ကို ပတ်ခွေ၍
သီတာ ရေတို့ စီးဆင်းစမြဲ ဓမ္မတာတွင်
ခွေပတ်၍လည်း စီး၏။
ဖြောင့်တန်း၍လည်း စီး၏။ Read more of this post

စီးကရက် တစ်လိပ်ရဲ့ ကြွေးကြော်သံ

လာလာလေ ရဲဘော်တို့
သောက်လိုက်ကြစို့လား
တစ်လိပ်ကုန် ~ တစ်လိပ်သွား
“ပြာ” ဆိုတာ လောင်ကျွမ်းမှုရဲ့ အစအန – တရားဓမ္မ ဖြစ်တယ်။

Read more of this post