အော့စပန်းစကီး

ပြီးခဲ့တဲ့လလောက်က – ဆူဖီပဂေး ဂုရုကြီး ဂုဂျိယဖ် (G.I.Gurdjieff) အကြောင်း နဲ့ သူ့ စာအုပ်တွေ အကြောင်း နိဒါန်းပျိုးခဲ့ဖူးတယ်။ ဂုဂျိယဖ် အကြောင်း ပြောရင် သူ့တပည့်ဖြစ်ခဲ့တဲ့ အော့စပန်းစကီး (P.D.Ouspensky) ဟာ တစ်နွယ်ငင် တံဇဉ်ပါ ပါလာရတာ။ အခု သူ့အကြောင်း ရေးနေရင်း၊ ရေးပြီးသားစာက မရှည်သင့်ဘဲ ရှည်နေလို့။ အာ့ကြောင့် ပြီးသလောက် အထဲကပဲ တင်ချင်တာလေး ဖြတ်တင်လိုက်တယ်။ အော့စပန်းစကီး ကွယ်လွန်ပြီး ကာလ ၁၉၄၇ ကနေ – ကနေ့အထိ အင်္ဂလိပ်ဘာသာနဲ့ ထုတ်ဝေတဲ့ သူ့စာအုပ်ပေါင်း အထင်ကရ ခြောက်အုပ် ရှိတယ်။
.
၁။ Strange Life of Ivan Osokin,
၂။ Tertium Organum,
၃။ A New Model of the Universe,
၎။ The Psychology of Man’s Possible Evolution,
၅။ In Search of the Miraculous: Fragments of an Unknown Teaching,
၆။ The Fourth Way
.
အော့စပန်းစကီးဟာ အနောက်တိုင်း ဒဿန၊ သင်္ချာသမားဖြစ်ပေမယ့် ဘ၀သံသရာကို ယုံကြည်တဲ့သူ။ သူ့ကိုယ်သူ ဒီလူ့ဘ၀ကို တစ်ကျော့ပြန် ပြန်ရောက်လာတာလို့ မြင်ထားတာရယ်။
.
သူ့ရဲ့ ကိုယ်ရေး အထုပ္ပတ္တိ အတိုအထွာလေး တစ်ခုမှာ “၁၉၀၅ ခုနှစ်၊ မော်စကိုရဲ့ အရှုပ်အထွေး အရေးအရာတွေကြားထဲက၊ ဘ၀သံသရာ လည်ပတ်နေပုံပေါ် အခြေခံပြီး ကျုပ် ၀တ္ထုတစ်ပုဒ် ရေးခဲ့တယ်” တဲ့။ အဲ့ဒါက သူ့ရဲ့ အစောဆုံး လက်ရာ Strange Life of Ivan Osokin ပဲ။ အဲ့အချိန်က သူ့အသက် ၂၇ ပဲ ရှိသေးတယ်။ ၁၉၂၀ အတွင်းမှာ အင်္ဂလိပ်ဘာသာ ပြန်ဆိုပြီးပေမယ့် သူ့ကွယ်လွန်ခါနီးအထိ သိမ်းထားခဲ့ရာက နောက်ပိုင်းမှ ကနေ့နာမည်နဲ့ ထုတ်ဝေခဲ့တာ။
Read more of this post

ရူးသွပ်သူ တစ်ယောက်ရဲ့ အော်ဂနိုက်ဇ် ဆိုတာ

အတွေးအခေါ် ၊ အယူအဆ၊ ဥာဏ်ပညာ ပိုင်းမှာ ဂျာမဏီ နိုင်ငံဟာ ဘယ်တော့မှ နောက်ကျန် မနေခဲ့တဲ့ နိုင်ငံ တစ်နိုင်ငံ ဖြစ်ပါတယ်။ တစ်နည်း ပြောရရင် ဂျာမဏီ နိုင်ငံဟာ အသိဥာဏ် ပညာ ကြွယ်ဝဆုံး တိုင်းပြည်တွေထဲက တိုင်းပြည်တစ်ခုပဲ။ အီမန်နျူဝယ်ကန့်၊ ဟေဂယ်လ်၊ ဖျူးဘတ်ခ်၊ ကားလ်မာ့စ်၊ ဆစ်ဂမန် ဖရွိုက်၊ မာတင် ဟိုက်ဒဂါ တို့လို ထင်ရှားကျော်ကြားတဲ့ ဒဿနိက ဗေဒ ပညာရှင်တွေ၊ စိတ်ပညာရှင်တွေ အများအပြား ပေါ်ထွန်းခဲ့ရာ နိုင်ငံ တစ်ခုပါ။ ဒီလို နိုင်ငံကြီး တစ်နိုင်ငံမှာ ဒီလို အသိဥာဏ် ကြွယ်ဝတဲ့ ပညာရှင်၊ ပညာတတ်ကြီး တွေကို စုရုံး နိုင်၊ ညွှန်ကြားနိုင်ခဲ့ပြီး သူ့နောက်ကို တစ်ကောက်ကောက် လိုက်ဖို့ ၊ သူ့နောက်က တစ်ကောက်ကောက် ပါနေဖို့ ဦးဆောင်နိုင်ခဲ့သူဟာ တတိယတန်းစား ပညာမတတ်သူ တစ်ယောက် ဖြစ်နေခဲ့တယ် ဆိုရင် အံ့ဩစရာ မကောင်းပေဘူးလား။ သူဟာ အဒေါ့ဖ် ဟစ်တလာပါပဲ။

အဲ့ဒါဟာ ထင်ရှားတဲ့ သမိုင်း ဖြစ်ရပ်ပါ။ ဒါပေမယ့် အခု လက်ရှိ တစ်ချို့ လူ့အဖွဲ့အစည်းတွေဟာ ဒီသမိုင်းကနေ ဘယ်သင်ခန်းစာမှ ယူခဲ့ပုံ မရဘူး။ ခင်ဗျား ဒါကို မသင်ယူထားဘူး၊ သင်ခန်းစာ မရထားဘူး ဆိုရင် ဟစ်တလာလို သမိုင်းဟာ တပါတ် ပြန်လည် လာလိမ့်မယ်။

မာတင် ဟိုက်ဒဂါဟာ ဒီရာစုနှစ်ရဲ့ အထင်ရှား အထူးခြားဆုံး ဒဿန ပညာရှင်တွေထဲက တစ်ဦး ဖြစ်ပါတယ်။ အဒေါ့ဖ် ဟစ်တလာနဲ့ ခေတ်ပြိုင်။ သူက အဒေါ့ဖ် ဟစ်တလာကို ထောက်ခံခဲ့တဲ့သူလည်း ဖြစ်တယ်။ ချွင်းခြက်မရှိ ထောက်ခံ အားပေးခဲ့တယ်။ သူတင်လား ဆိုတော့ မဟုတ်သေးဘူး။ အဲ့ဒီ အချိန် အဲ့ဒီ အခါက လူငယ်ထု တစ်ရပ်လုံးပဲ။ လူငယ်၊ ကျောင်းသား၊ ပညာတတ်၊ တက္ကသိုလ်ပရဝုဏ် အတွင်းက ဆရာ့ဆရာတွေ ၊ ပါမောက္ခတွေ။ သူတို့တွေလည်း အဒေါ့ဖ် ဟစ်တလာကို တစ်ခဲနက် ထောက်ခံခဲ့ကြတယ်။ တကယ်တမ်းတော့ အဒေါ့ဖ် ဟစ်တလာဟာ ပညာမသင်ကြားခဲ့ရသူပါ။ အနုပညာ ပန်းချီသင်တန်းကျောင်းကလည်း ငြင်းပယ်ခဲ့တဲ့သူ၊ အနုသုခုမ ကျောင်းကလည်း လက်မခံခဲ့တဲ့သူ။ ဘာလို့ လက်မခံခဲ့သလဲ မေးရင် သူ့မှာ ဘယ်အသိဥာဏ်မှ မရှိလို့ပဲ။

ဒီလူဟာ ကမ္ဘာမှာ အသိဥာဏ်အကြွယ်ဝဆုံး တိုင်းပြည်ကြီးရဲ့ ခေါင်းဆောင် ဖြစ်ခဲ့ပါတယ်။ အကြမ်းတမ်း အရက်စက်ဆုံး ဖက်ဆစ်စနစ်ကို ဖန်တီး ခဲ့တယ်။ လူဆယ်သန်းကျော် သူ့ကြောင့် သေဆုံးရတဲ့တိုင်အောင် လူတွေဟာ သူ့ကို ထောက်ခံအားပေး နေဆဲပဲ။ အဲ့ဒါ ဘာဖြစ်လို့ပါလဲ။ လူတွေရဲ့ စိတ်ကို စိစစ်ကြည့်သင့်မယ် ထင်ပါတယ်။ Read more of this post

ဥာဏ်အလင်း ( or ) Enlightenment

မေး။ ။ဆရာအိုရှိုး။ ဥာဏ်အလင်း ရခြင်း ( Enlightenment ) အဖြစ်ကို ဆရာ ဘယ်လို ရှင်းလင်းမလဲ သိချင်ပါတယ်။ ဒီအဖြစ်က ပြောပြလို့ မလွယ်ဘူးလို့ သိရပါတယ်။ ဒါပေမယ့် တစ်ခုခု ပြောလို့တော့ ရနိုင်မလား။

ဖြေ။ ။ ကမ္ဘာမှာ ဥာဏ်လင်းပွင့်မှု ( Enlightenment ) လောက် လှပတာ ၊ ကျက်သရေ ရှိတာ အခြား မရှိပါဘူး။ ဥာဏ်အလင်း ရခြင်း အကြောင်း ၊ အဲ့ဒါနဲ့ ဆက်ဆိုင်တဲ့ အကြောင်း၊ အဲ့ဒီ ဥာဏ်လင်းပွင့်မှုက ထွက်လာတဲ့ အခြားတစ်ခုခု အကြောင်း အဲ့ဒါတွေဟာ လည်း လှပနေပါတယ်။ ဒါပေမယ့် တကယ့် ဥာဏ်အလင်းရရှိတဲ့ အဖြစ်ကိုတော့ မမှီဘူး။ ရေကန်ထဲမှာ ပေါ်နေတဲ့ လဟာ တကယ့် လ စင်စစ် မဟုတ်ဘူး။ ဒါပေမယ့် လှမြဲ လှနေဆဲပဲ မဟုတ်လား။ တကယ်လို့သာ ခင်ဗျားတို့ရဲ့ စိတ်တွင်း ရေပြင်ဟာ တိတ်ဆိတ် ငြိမ်သက်နေမယ် ဆိုရင် အဲ့ရေမှာ ပေါ်နေမယ့် လဟာလည်း တကယ့်လနဲ့ အတိအကျ တူနေမှာ။ Read more of this post

ဥပါဒါန်ကိုယ်စီနှင့်


ကျနော်တို့ နေ့စဉ် မြင်မြင်သမျှ တွေက ကျနော်တို့ ထင်သလို အစစ်အမှန်တွေ ဟုတ်ပါသလား။ အကြောင်းရှိရင် အကျိုးဖြစ်တယ် ဆိုတဲ့ နိယာမကို ကိုယ့်အသိ၊ ကိုယ့်အတွေ့နဲ့ မှတ်ယူတတ်ကြတာ ကျနော်တို့ အတွက် ကျင့်သားရနေပြီ မဟုတ်လား ။ ဘယ်အချိန် ၊ ဘယ်အနားမှာ အကြောင်း နဲ့ အကျိုး ကွင်းဆက်စီးကြောင်းတွေ ပြတ်တောက်ခဲ့သလဲ သိပါ့မလား ။

ဒီမေးခွန်းတွေကို ဖြေဖို့အတွက်က – ကျနော်တို့ ဘဝတစ်လျောက်လုံး မှန်မှန်ကန်ကန်တွေချည်း လုပ်ခဲ့ဖူးပါသလားဆိုတဲ့ အမေးက စရပါမယ်။ လူသားတိုင်းနီးနီး ဘဝခရီးေ လျာက်လှမ်းရာမှာ အမှားဆယ်ခါမှာမှ အမှန်တစ်ခါ ရခဲ့ကြတာ။ ကိုယ့်အမြင် ကိုယ့်ဥပါဒါန်နဲ့ ကိုယ်သန်ရာ ကိုယ်စွဲပြီး ကောက်ချက်ချ ၊ အဖြေထုတ်၊ အလုပ်လုပ်ခဲ့ကြတာ များပါတယ်။

အသိလက်လွတ် ရှိသူတွေ မဆိုထားနဲ့၊ ဆင်ခြင်တုံတရား ပြည့်ဝလှချည့် ဆိုသူများမှာတောင် မမျှော်လင့်ရာ တစ်ထောင့်တစ်နေရာက ဖောက်ပြန်မှု၊ သွေဖည်မှု ၊ မအောင်မြင်မှု ဆိုတာ ကြုံကြရတာချည်းပါ။ အဲ့တော့ .. လူတွေရဲ့ ဆင်ခြင်ဥာဏ် ( Reason ) နဲ့ လူတွေရဲ့ အလေ့အလာ၊ အရှုအမှတ် ( Observation ) ဟာ ပန်းတိုင်တစ်ခုအတွက် ၁၀၀% အကျိုးပြု နိုင်ပါ့မလား။

ဒီမေးခွန်းကို စဉ်းစားရင်း – အဖြေမထုတ်ခင်မှာ အောက်က ဖိုင်လေးနှစ်ခုကို ကြည့်စေချင်ပါတယ်။ ဒီဖိုင်ကို Richard Wiseman ဆိုတဲ့ စိတ်ပညာရှင်လည်းဖြစ် ပဉ္စလက်ပညာရှင်လည်း ဖြစ်သူက Read more of this post

ကြီးကျယ်ခမ်းနားသော အရေးအသားများ ပြီးဆုံးသွားရသည့်အကြောင်း

ဆရာမြင့်သန်း ရေးပါသည်။

ရေးနေတဲ့ဝတ္ထုနဲ့ ပတ်သက်လို့ ပြောချင်တာလေးတွေ ရှိလာတာနဲ့ ဘမြင့်ဆီ ထွက်လာခဲ့တယ်။ ဘမြင့်က လူတော်။ ဘယ်သူကမှ ပြောတာတော့ မဟုတ်ဘူး။ ကျွန်တော့်အမြင်အရ ပြောတာ။ ကျွန်တော့်အထင်အရ ကျွန်တော် လက်ခံထားတာ။ ဒီတော့လည်း ကျွန်တော့်ကိုယ်ပိုင် အမှန်တရားပဲလို့ ပြောချင်ရင် ပြောကြ။ ကိုယ်ပိုင် အမှန်တရား ဆိုတာကိုလာပြီး အကြောက်အကန် ငြင်းနေလို့ကဖြင့် နှစ်တစ်လက်မ ကောင်းကောင်းတစ်ချောင်းကိုင်ပြီး လက်တွေ့ နည်းလမ်း တကျ အမှန်တရား ဆိုတာကို ရှင်းပြလိုက်ရုံပဲ။

ဒီတော့ ခုကတည်းက ဘမြင့်ကို ဘာကြောင့် လူတော်ရယ်လို့ ကျွန်တော်က လက်ခံ ထားတယ် ဆိုတာကို ရှင်းပြ ထားချင်တယ်။ တကယ်တမ်း မှာတော့ ဘမြင့်ဟာ သူများတကာ ထက် ထူးခြားပြီး တော်တယ် လို့ ပြောလို့ ရလောက်တဲ့ အကြောင်း တစ်ခုမှ မရှိဘူး။ ကျွန်တော် လက်ခံထားတဲ့ သဘော တစ်ခုကို ပြောရရင် သူများ တကာ ထက် ထူးထူးခြားခြား ပိုပြီး မတော်လှဘူး ဆိုတဲ့ လူတိုင်းဟာ လူတော်ပဲ လို့ လက်ခံ ထားတာပဲ။ ဒီလို လက်မခံ လို့ကလည်း မဖြစ်ဘူး။ ကိုယ်လည်း လူတော် စာရင်းထဲတော့ ပါချင်သေး တာကိုး။

တကယ်တမ်းတော်မှ လူတော်လို့ သတ်မှတ်မယ် ဆိုရင်ဖြင့် လူတော် ဆိုတာတွေ သိပ်နည်း သွားလိမ့်မယ်။ လူတော် နည်းသွား တာက အကြောင်း မဟုတ်ဘူး။ လူတော် နည်းတဲ့ လူ့အဖွဲ့အစည်း ဟာ ခပ်ညံ့ညံ့ လူ့အဖွဲ့အစည်းပဲ လို့ လက်ခံ ထားကြလေတော့ ကိုယ် ပါဝင် ပတ်သက်နေရတဲ့ လူ့ အဖွဲ့အစည်းကြီး ကိုတော့ ခပ်ညံ့ညံ့ စာရင်းဝင် ဖြစ်မသွားစေချင်ဘူး။ ဒီတော့လည်း လူတော်တွေ ပေါများစေချင်တဲ့ စေတနာနဲ့လို့ ပြောရမှာပဲ။ လူ့ အဖွဲ့အစည်းကြီးကို ကောင်းစေချင်တာကိုး။

ရိုသေပြတယ်ဆိုတာ ... အရင်လူက နောက် လာတဲ့လူကို သူလုပ်ချင်တာ လုပ်လို့ ရအောင် ထွင် ထားခဲ့တာ။

တချို့ ကတော့ လူ့ အဖွဲ့အစည်းကြီး ကောင်းအောင် သစ်ပင်စိုက်တာတို့ ကြွပ်ကြွပ်အိတ် မသုံးဖို့တို့ လုပ်ကြတယ်။ ကမ္ဘာကြီးကောင်းလာအောင် ဂေဟစနစ်ဆိုလား၊ လုပ်ကြရမယ်လို့ ကြွေးကြော် ကြသေးတယ်။ တော်ပါသေးရဲ့ ဗာလစနစ်တို့ ဘာတို့ မထူထောင် ကြပေလို့ပဲ။ ဘာလစနစ်တို့ ဘာတို့သာ ရှိခဲ့ရင် ကျွန်တော့်လို အကောင်မျိုးတွေ အလုပ် အမှုဆောင် အဖွဲ့ဝင်တွေ ဘာတွေဖြစ်ပြီး အလုပ်များနေလို့ စာတောင် ကောင်းကောင်းရေးရမယ်တောင် မထင်တော့ဘူး။ ဒါပေတဲ့လည်း ကျွန်တော်ကတော့ အဲဒီလောက် အထိ မတွေးတတ်ဘူး။ နားလည်း မလည်ဘူး။ လူတော်တွေ များတဲ့ လူ့အဖွဲ့အစည်း ထဲက လူတော် ဆိုတော့လည်း အဲဒီလို အသေးအမွှားတွေ အထိ လိုက်သိနေဖို့ လည်း မလိုတော့ဘူး လို့ ထင်တယ်။

ကျွန်တော်က ဘမြင့်ကို သဘောကျတဲ့ အထဲမှာ အဲဒီ အချက်လည်း ပါတယ်။ သူကလည်း အဲဒါတွေကို စိတ်မ၀င်စားဘူး။ မြောက်ဝင်ရိုးစွန်းက ရေခဲတုံးတွေ အရည်ပျော် လာလို့ ကမ္ဘာကြီး ပိုမို ပူနွေးလာတယ်လို့ သူ့ရှေ့မှာ ပြောကြရင် ဒီလိုဖြင့် လာမယ့်ဆောင်းမှာ စောင်ထပ် ၀ယ်စရာ မလိုဘူးပေါ့ လို့ပဲ သူက ပြောလေ့ရှိတယ်။ နောက်တစ်ချက် သူ့ကို သဘောကျတာရှိသေးတယ်။ ဒီကောင်က စာအတော်ဖတ်တယ်။ တည့်တည့်ပြောရရင်တော့ အားရင် စာပဲဖတ်တယ်။ အားရင်ဆိုတဲ့ စကားလုံး ထည့်ပြော ရတာကတော့ ပြောရိုးပြောစဉ် ဖြစ်နေလို့ပါ။ ဒီကောင့်မှာက မအားစရာအကြောင်းမှ မရှိဘဲ။ ဘာအလုပ်မှ ရှိတာမှ မဟုတ်ဘဲ။ ဒီကောင်က မအားဘူးလို့ ပြောရင်တော့ စာဖတ်နေလို့ပဲ။

ကျွန်တော်တို့ ငယ်ငယ် ကျောင်းသား ဘ၀ကတည်းက သူက စာ အတော် ဖတ်တယ်။ သူ့ညီ ဘတင့် ကျတော့ သူ့လို မဟုတ်ဘူး။ သူတို့ နှစ်ယောက် က နှစ်နာရီ လောက်ပဲ ခြားတယ်။ အမွှာ။ သူ့ ကျတော့ ဘာ စာမှကို မဖတ် ချင်ဘူး။ ဖတ် လည်း မဖတ်ဘူး။ အ လိမ္မာ စာမှာ ရှိတယ် ဆိုတဲ့ စကားသာ မှန်ခဲ့ရင် ဘတင့် နဲ့ အလိမ္မာ ဆိုတာ ကြီးက အတော် ဝေးနေကြမှာ။ ဒါပေတဲ့ လည်း စီးပွားရေး သမား မဟုတ်လို့ ရှာရဖွေရကျပ်တဲ့ ကာလကြီးမှာ သင်းတို့က မကြောင့်မကြ နေနိုင်တယ်။ ဒါကတော့လည်း သင်းတို့တော်လို့ မဟုတ်ဘူး။ သင်းတို့ အဖေ သွားလေသူ ဦးဘ တော်ခဲ့ပေလို့ပဲ။

Read more of this post

Just Think

လူ့စင်စစ် မည်သို့ ဖြစ်သနည်း

ယုတ္တိဗေဒသည် တွေးတောခြင်း၏ သိပ္ပံပညာရပ် ဖြစ်သည်။ တွေးတော စဉ်းစားခြင်းသည် အသိပညာ ( သညာ ) များဖြင့် စိတ်ကို ဆေးကြောသည်။ ( သို့သော် သန့်စင်ချင်မှ သန့်စင်ပေမည်။ ) အသိသညာ များဖြင့် တည်ဆောက်လာခြင်းဖြင့် သိစိတ် အစဉ် ဖြစ်လာသည်။ ၎င်းသည် သေဆုံးရပ်တန့်နေသော အရာမဟုတ်။ ရှင်သန်နေသော ဖြစ်စဉ် တစ်ခု ဖြစ်သည်။ စွဲယူခြင်း၊ ဆန့်ကျင်ခြင်း တို့ကဲ့သို့ မက္ကင်းနစ် ဖြစ်စဉ် တစ်ခုလည်း မဟုတ်ပေ။ တွေးတောခြင်းသည် သိစိတ် ဖြစ်စဉ်၏ ဆက်နွယ်ချက် တစ်ရပ် ဖြစ်ပြီး ဇီဝရုပ် တိုးတက်လာသည် နှင့် အမျှ ဖွံ့ဖြိုးလာရသော လုပ်ဆောင်ချက် လည်း ဖြစ်သည်။ တွေးတောခြင်း ဖြစ်စဉ်သည် လူပုဂ္ဂိုလ်တစ်ဦးချင်း စီမှ တစ်ဆင့် မျိုးနွယ်အတွင်းသို့ စိမ့်ဝင် တိုးတက် ပျံ့ နှံ့သည်။ တွေးတောခြင်း ဖြစ်စဉ်တို့တွင် အခြေခံ ကျသည့် ကွဲပြား ခြားနားချက် မရှိ။ ဆင့်ကဲတိုးတက်လာသည့် ဖြစ်စဉ်အတွင်းတွင် ခွဲခန့်သတ်မှတ်ခြင်း၊ သုံးသပ်ခံယူခြင်း နှင့် ဝေဖန်သုံးသပ်ခြင်း ဟူသော အသိဥာဏ် အဆင့်ဆင့် အပိုင်းတို့ အဖြစ်သာ အမည်တပ်နိုင်မည် ။

ယနေ့ ခေတ်အခါတွင် ဖြစ်တည်မှု ဟူသော စကားလုံး၏ အနက်အဓိပ္ပာယ်မှန်ကို စနစ်တကျ ခွဲခြား တတ်ရန်လိုလာသည်။ အချို့ ဖြစ်တည်မှု များသည် အဓိပ္ပာယ် ရှိသော်လည်း အချို့ ဖြစ်တည်မှု များသည် အဓိပ္ပာယ် မရှိတော့။ ကျနော် တို့ သိသည်က မျက်မြင်ဒိဋ္ဌ အာရုံများဖြင့် ခွဲခြား သိရှိခြင်း ဖြစ်ရသကဲ့သို့ တစ်ဖက်တွင်လည်း ဆင်ခြင်ဥာဏ်ဖြင့် ပိုင်းခြား သိရှိရသည်။ Read more of this post

သစ္စာ ဟူသည်

ပြီးခဲ့သည့် ( ၉ ) ရက်နေ့က ဆရာပါရဂူ ကွယ်လွန်ကြောင်း သိခဲ့ ရပြီးနောက်ပိုင်း ဆရာ့စာတွေကို မှတ်မှတ်ရရ ပြန်ဖတ်ဖြစ်သည်။ ပြန်ရှာ ဖြစ်သည်။ ထိုထက် ပိုသည်က ဆရာ သွန်သင် ခဲ့သည် များကို ပြန် ဆင်ခြင်နေမိခြင်း ဖြစ်ပါသည်။ ဆရာမှတစ်ဆင့် သိခဲ့ရသည့် ပြည်ပ ဆရာများထဲတွင် တဂိုး၊ ရာဟုလာ သံကိစ္စည်း၊ ခရစ်သျှနား၊ ဟာမန်ဟက်စ် နှင့် ပေါလ်ကေရပ် တို့ ဖြစ်၏။ ကျနော် နောက်ပိုင်း အဖတ်အများဆုံး ရှိလာခဲ့သည်က ပေါ်လ်ကေရပ် ( Paul Carus ) ၏ စာများ ဖြစ်သည်။

ပထမဆုံး ပေါလ်ကေရပ် ၏ အရေးအသားကို စွဲလမ်းစေခဲ့သူမှာ ဆရာပါရဂူ ဖြစ်သည်။ သူ၏ ( ပေါလ်ကေရပ်၏ ) နိဗ္ဗာန် ( ၀တ္ထုတို နှစ်ပုဒ် ) တွင် ဆရာပါရဂူက ၎င်းကိုယ်တိုင် ရေးသားထားသည့် နိဗ္ဗာန် ဟူသော အမည်ပါ စာတမ်း နှင့် ကံ ဟူသော အမည်ပါ စာတမ်း တို့ကို ပူးတွဲထည့်သွင်း၍ ဘာသာ ပြန်ဆိုထားသည်။ ထိုအချိန်ကတည်းက ဆရာပါရဂူ ကိုရော၊ ဆရာ ပေါလ်ကေရပ် ကိုပါ လေးစားခဲ့သည်။ ၎င်းတို့၏ စာများကို တခုတ်တရ ရှာဖွေကြည့်လာခဲ့ရာ အပြည့်အစုံ မဟုတ်သော်ငြားလည်း အချို့ကိုမူ စုဆောင်းမိသည်။

သို့သော် အကြောင်းကြောင်းနှင့် မဖတ်ဖြစ်။ ထို မဖတ်ဖြစ် ခဲ့သော စာများကို ယခုအခါ ( ကျနော့အတွက် တာဝန်တစ်ရပ် အနေဖြင့် မလိုအပ်သော အလုပ်အချို့ကို လျော့၍ ) အချိန်ပေး ဖတ်ဖြစ်လာသည်။ ယင်းတို့ အနက်မှ ဖတ်မိသလောက် အချို့ကို ပြန်ဆိုရေးသားလိုသော ဆန္ဒလည်း ရှိခဲ့သည်။

လူတို့တွင် အိပ်မက် အမျိုးမျိုး ၊ ရည်မှန်းချက် အမျိုးမျိုး ရှိကြသည့် အလျောက် ကျနော့တွင်လည်း ဆရာများ၏ စာများ ဖတ်ရှုလိုခြင်း အာသီသ အိပ်မက် ရှိခဲ့ဖူးပါသည်။ ကျနော်နှင့် ထပ်တူ အာသီသ ရှိကြသူများ ကိုလည်း ရည်ရွယ်ပြီး ကောင်းနိုးရာရာ ဖတ်မိသမျှကို တတ်စွမ်းသရွေ့ ကြိုးစား ရေးကြည့်ဖို့လည်း စိတ်ကူးခဲ့ဖူးပါသည်။

ယခု ဆရာ ပေါလ်ကေရပ်၏ အမှန်တရားနှင့် အခြားကဗျာများ ( Truth and other poems ) စာအုပ်တွင် ပါဝင်သော အမှန်တရား ( Truth ) ကဗျာ ကို ကျနော် ဖတ်မိသည့်အတိုင်း မြန်မာပြန်ဆို၍ ပြန်လည် ဝေငှခြင်း ဖြစ်ပါသည်။ ယင်းသို့ ပြန်ဆိုရာတွင် အချို့ကို အကျဉ်း၊ အချို့ကို အကျယ် ဆီလျော်အောင် ပြန်ဆိုထားခြင်း ဖြစ်ပါကြောင်း ။

သစ္စာ

စင်စစ် အရာဝတ္ထုတိုင်း၏ အတိုင်းအတာကား လူသားပင် ဖြစ်သည်။
လူသားကိုလည်း
အလားတူ
အရာအားလုံး ( သို့မဟုတ် ) ဧက ၊ တစ်ပါးတည်းသော ဓမ္မတရားက အုပ်ချုပ်သည်။

လူသည် လောကဓာတ် အသေးစား ဖြစ်၏။
ဧကောဓမ္မော၊ တစ်ကြောင်းတည်းသောလမ်းနှင့် လျောက်လှမ်းမိသော အချိန်တိုင်း၌
ပြည့်ဝသော လူ့သဘာဝသို့ ရင့်သန် ကြီးထွားလာရ၏။

Read more of this post