Oh! God.

ဘုရားသခင် သည် နေ့လည်း ဖြစ်သည်။ ညလည်း ဖြစ်သည်။
ဆောင်းလည်း ဖြစ်သည်။ နွေလည်း ဖြစ်သည်။
စစ်မက် လည်း ဖြစ်သည်။ ငြိမ်းချမ်းရေးလည်း ဖြစ်သည်။
ခြိုးခြံခြင်း လည်း ဖြစ်သည်။ အလိုရမ္မက် ရှိခြင်းလည်း ဖြစ်သည်။

ပင်လယ်ရေသည် တစ်ချိန်တည်း တွင်ပင် ကြည်လင်လျက် နှင့် နောက်ကျိ၏။
ငါး သတ္တဝါတို့ အတွက် သောက်သုံး စေနိုင်၍ ကျန်းမာအောင် စောင့်ရှောက် နိုင်သကဲ့သို့
လူတို့ အတွက် သောက်သုံး မရနိုင်အောင်ပြု၍ မရဏကို ဖန်တီးပေးတတ်၏။

နေ့နှင့်ည၏ သဘာဝကား ဧက၊ တစ်ခုတည်းသာ တည်း။
အထက်တက်ခြင်း၊ အောက်နိမ့်ခြင်းတို့သည်လည်း တစ်မျိုး၊ တစ်ခုတည်းသာတည်း။

အိပ်ပျော်သူများ သည် ( တစ်နည်းအားဖြင့် ) နိုးကြား နေကြသူများပင် ဖြစ်၍
လောကဓာတ် အတွင်း ကြိုးပမ်းဆောင်ရွက်နေကြသူများ ဖြစ်၏။

စက်ဝိုင်းတစ်ခု ကဲ့သို့ပင်
အစ နှင့် အဆုံးသည် ထပ်တူညီ နေကြရ၏။

Heraclitus
The Hidden Harmony

Then God said, “Let us make man in our image, in our likeness, and let them rule over the fish of the sea and the birds of the air, over the livestock, over all the earth, and over all the creatures that move along the ground.” So God created man in his own image, in the image of God he created him; male and female he created them.

ဘုရားသခင် ( God ) ဆိုတာ ပုဂ္ဂိုလ် တစ်ဦး တစ်ယောက် မဟုတ်ပါဘူး။ ဘုရားသခင် ကို ပုဂ္ဂိုလ် တစ်စုံတစ်ဦး အဖြစ်နဲ့ ကျနော်တို့ လူတွေ အမြဲတစေ ယူဆ တတ်ကြလွန်းလို့ – ကမ္ဘာမှာ ပြဿနာပေါင်း သောင်းခြောက်ထောင် ကြုံနေရတယ်။ ဘုရားသခင် အခြေပြု -ဘာသာ တရား လေ့လာတဲ့ Theology ဘာသာရပ် ကနေ– ခွဲခြမ်း စိတ်ဖြာ ထုတ်ပေးလိုက်သမျှ မေးခွန်းပုစ္ဆာ ပြဿနာတွေ အားလုံးဟာ– အဲ့ဒီ အသုံးမကျတဲ့ သင်ခန်းစာ တွေ ချည်းပဲ ဖြစ်ပါတယ်။ သူတို့ရဲ့ အရင်းအမြစ်က – ဘုရားသခင်ကို ပုဂ္ဂိုလ်တစ်ဦး အဖြစ် မှတ်ယူ နေလို့ပဲ။

ဘုရားသခင်ဟာ ပုဂ္ဂိုလ် တစ်ဦး မဟုတ်ဘူး။ ဖြစ်လည်း မဖြစ် နိုင်ဘူး။ – ဒီအချက်ကို နက်နက်ရှိုင်းရှိုင်း မြင်သာ နိုင်ဖို့ လိုလိမ့်မယ်။ ဥပမာ ပြောကြည့် မယ်။ ဂျူး၊ ခရစ်ယာန်၊ မိုဟာမက်ဒင် စတဲ့ ဘာသာဝင် တွေ အဖြစ် ကြီးပြင်း လာသူ တော်တော် များများဟာ ဘုရားသခင် ကို ပုဂ္ဂိုလ်တစ်ဦး အဖြစ် ခံယူ ထားတတ် ကြတယ်။ ခံယူ ထားတတ်ကြတာ များတယ်။ ဘုရားသခင် ဆိုတာ ပုဂ္ဂိုလ် မဟုတ်ဘူး ဆိုတဲ့ အကြောင်း လက်ခံနိုင်ဖို့ တော်တော် ခဲယဉ်းတယ်။ လူပုံစံ အဖြစ်၊ ပုဂ္ဂိုလ် အဖြစ် ဘုရားသခင်ကို တွေးထင် ကြမယ့် အမြင်ဟာ တကယ်က – အတ္တ ဗဟိုပြုတဲ့ အမြင်၊ လူသား ဗဟိုပြုတဲ့ အမြင် သာ ဖြစ်ပါတယ်။ သမ္မာကျမ်းစာ မှာ -“ဘုရားသခင်ဟာ သူနဲ့ ပုံစံတူ အဖြစ် လူသားကို ဖန်ဆင်းတယ်” လို့ ဖော်ပြထားတာ ရှိတယ်။ နို့ပေမယ့် တကယ့် လက်တွေ့မှာ ပြောင်းပြန်ပဲ ဖြစ်နေပါတယ်။ လူတွေ ကသာ သူတို့နဲ့ ပုံစံတူ အဖြစ် ဘုရားသခင် ကို ဖန်တီး နေကြတယ်။ လူတွေ ဆိုတာ ကလည်း အမျိုးမျိုး ကွဲပြား နေတယ် ။ ဒါ့ကြောင့် ကမ္ဘာမှာ ဘုရားသခင် အမျိုးမျိုး -အမြောက် အမြား ပေါ်ပေါက် လာရတော့တယ်။

စစ်နှင့် စစ်ပြင်ဆင်ရေး ကာလ : Osho

မေးတဲ့သူကလည်း မေးခဲ့တယ်။

မေး။ ။ ဒုတိယ ကမ္ဘာစစ်ကြီး ပြီးသွားတော့ ကမ္ဘာကြီးမှာ ငြိမ်းချမ်းရေး ပြန်ရလာခဲ့ပါတယ်။ ဒီအချိန်မှာ နိုင်ငံရေး သမားတွေ ဘာလုပ်နေမယ် လို့ ဆရာ ထင်ပါသလဲ။

ဖြေ။ ။ ငြိမ်းချမ်းရေး ဆိုတာ ဘယ်တုန်းကမှ မရှိခဲ့ပါဘူး။ ကမ္ဘာ့သမိုင်းမှာ အချိန်ကာလ အပိုင်းအခြားကြီး ( ၂ ) ခု တည်ရှိတယ်။ အဲ့ဒါကတော့ ကျနော်တို့ သိထားပြီး ဖြစ်တဲ့ ( ၁ ) စစ်ပွဲကာလ နဲ့ ( ၂ ) ငြိမ်းချမ်းရေးလို့ ကျနော်တို့ ခေါ်တွင်တဲ့ ကာလ တို့ပဲ ဖြစ်ပါတယ်။ ဒီနေရာမှာ ငြိမ်းချမ်းရေး ဆိုတာ မကောင်းမှုကို ဖုံးကွယ်တဲ့ မျက်နှာဖုံးစွပ် စကားလုံး တစ်ခုပဲ ။ သူ့ရဲ့ မူလဇာတ် သရုပ်အမှန်က နောက်တစ်ကြိမ် “စစ်ပွဲ” တစ်ခု ဖြစ်ဖို့ ပြင်ဆင်နေတာ ဖြစ်ပါတယ်။ သမိုင်း ဖြစ်စဉ် တစ်ခုလုံးမှာ အဓိကက အဲ့ဒီ အခြင်းအရာ ( ၂ ) ခုပဲ ပါဝင်တယ်။ စစ်ပွဲ နဲ့ စစ်ပွဲ ဖြစ်ဖို့ရာ ပြင်ဆင်ခြင်းပဲ။

Osho

အခု ခင်ဗျားက ကျွန်တော့ကို မေးတယ်။ ငြိမ်းချမ်းရေး ပြန်ရပြီ ဆိုတော့ နိုင်ငံရေးသမားတွေ ဘာလုပ်နေမလဲ ။ ဟုတ်တယ်ဟုတ်။

နိုင်ငံရေး သမားတွေကတော့ သူတို့ လုပ်နေကျ အလုပ်ကိုပဲ ဆက်လုပ်နေမှာ သေချာပါတယ်။ သူတို့ လုပ်နေကျ အလုပ်တွေ ဆိုတာက သဘောတရား တွေ၊ မူဝါဒတွေ အကွဲကွဲ အလွဲလွဲ ပိုဖန်တီး ဖြေရှင်းမယ်။ လူထု အုံကြွပြီး အခြေအနေတွေ မငြိမ်သက်အောင် လှုံ့ဆော်မယ်။ မတရားမှုတွေ ပိုများလာအောင် သွေးထိုးလာမယ်။ အဖျက်စွမ်းအား ပိုကောင်းမယ့် လက်နက်ဆန်းတွေ အဆမတန် ထုတ်မယ်။ အဲ့လိုနဲ့ တတိယ ကမ္ဘာစစ် ကို ဦးတည် ပြင်ဆင်နေမယ်။ အဲ့ဒါဟာ နိုင်ငံရေး သမားတွေ လုပ်မယ့် အလုပ်တွေပဲ ဖြစ်ပါတယ်။ နည်းနည်းများ ရွဲ့ရာ ကျနေ မလား။

တစ်ခါက သိပ္ပံပညာရှင်ကြီး အိုင်းစတိုင်းက ဒီလို အမေးခံရဖူးတယ်။ ခင်ဗျားက အဏုမြူ စွမ်းအားကို တီထွင်ခဲ့တဲ့ သိပ္ပံ ပညာရှင် တစ်ဦး အနေနဲ့ တတိယ ကမ္ဘာစစ်မှာ ဘာတွေဖြစ်လာမလဲ၊ ကျနော်တို့ကို ကြိုပြီး ပြောပြနိုင်မလား။ တဲ့။

အိုင်းစတိုင်းက မျက်ဝန်းထဲမှာ မျက်ရည်တွေ စို့ပြီး ပြန်ပြောခဲ့တယ်။ “တတိယ ကမ္ဘာစစ် အကြောင်း ကျနော့်ကို မမေးပါနဲ့။ တတိယ ကမ္ဘာစစ် အကြောင်း ကျနော် ဘာမှ မသိဘူး။ ဒါပေမယ့် ခင်ဗျားက စတုတ္ထကမ္ဘာစစ် အကြောင်း သိချင်တယ် ဆိုရင်တော့၊ တစ်ချို့တစ်ဝက် ပြောပြလို့ ရနိုင်မယ်”

ရုတ်တရက် မမျှော်လင့်ထားတဲ့ အဖြေမျိုးမို့ မေးခွန်းထုတ်တဲ့ သတင်းစာ ဆရာက အံ့အားသင့် သွားခဲ့တယ်။ ဒီလူကြီးက တတိယ ကမ္ဘာစစ် အကြောင်းကိုတော့ မသိဘူး ပြောပြီး၊ စတုတ္ထ ကမ္ဘာစစ် အကြောင်းကိုကျတော့ သိနေပြန်တယ်။ ဘယ့်နှယ်ဟာလဲပေါ့။ သတင်းစာ ဆရာလည်း စိတ်လှုပ်ရှားပြီး “ ဒါဆိုလည်း ဆရာကြီးရယ်၊ စတုတ္ထ ကမ္ဘာစစ် အကြောင်းပဲ ကျနော့ကို ပြောပါ” လို့ ထပ်မေးလိုက်တယ်။

အိုင်းစတိုင်းက “တစ်ခုပဲ ပြောစရာရှိတယ်။ အဲ့ဒါကတော့ စတုတ္ထ ကမ္ဘာစစ်ဟာ ဘယ်တော့မှ ဖြစ်လာမှာ မဟုတ်ဘူး” တဲ့။ အမှန်ကလည်း တတိယ ကမ္ဘာစစ်ဟာ ကမ္ဘာရဲ့ နောက်ဆုံး စစ်ပွဲ ဖြစ်ပါလိမ့်မယ်။ ဒီ နောက်ဆုံး စစ်ပွဲ အတွက် နိုင်ငံရေး သမားတွေဟာ ဒုတိယ ကမ္ဘာစစ်ကြီး ပြီးကတည်းက ငြိမ်းချမ်းရေး တို့ စစ်အေးကာလ တို့ ဆိုတဲ့ စကားလုံးတွေ သုံးပြီး အကြီးအကျယ် ပြင်ဆင်နေကြတာပဲ။ ကျနော်တို့ ကြုံတွေ့ သိရတာတွေထဲမှာ ဒီနိုင်ငံရေး သမားတွေနဲ့ သူတို့ရဲ့ ပရိယာယ်ဟာ အကျည်းတန်ဆုံး အရုပ်ဆိုး ဆုံးပဲ။ ပိန်းပိတ်အောင် မှောင်နေတဲ့ အမှောင်ည နဲ့ တူနေတယ်။ သတိရမိတဲ့ စကားပုံလေး တစ်ခုရှိတယ်။ ညဥ့်ရဲ့ အမှောင်ဆုံး ကာလဟာ အရုဏ်ကျင်းဖို့ နီးလာတာ ဖြစ်ပါတယ် တဲ့။ အဲ့အတိုင်း ဖြစ်ပါ့မလား။ ကျနော် သံသယ ရှိပါတယ်။ ကျနော်တို့ အခု ဝန်းရံပိတ်ဆို့နေတဲ့ ပိန်းပိတ်နေတဲ့ အမှောင်ထုကြီးက အရုဏ်တက်ဖို့ ဆိုတာကော ရှိနိုင်ပါ့မလား။

မရောက်သွားသောစာ

၁၉၄၅ ခုနှစ်၊ မတ်လ ၊ ရန်ကုန်မှ သရက်ဧရိယာ ရှေ့တန်းဌာနချုပ်သို့ ဗိုလ်ချုပ်အောင်ဆန်းတို့ ထွက်ခွာသော အခါတွင် ဂျပန်စစ်တပ်၏ ဓားစာခံ အဖြစ် ရန်ကုန်၌ ကျန်ရစ်ခဲ့သော ဒေါက်တာဘမော်ထံ ရေးသားခဲ့သော စာ ဖြစ်ပါသည်။ ရှေ့တန်း စစ်မျက်နှာတွင် ကမန်းကတန်း ရေးခြစ်ရသောကြောင့်လား၊ အကြမ်းရေးထားသည့် အတိုင်း ပေးပို့လိုက်သည်လားတော့ မပြောတတ်။ ဗိုလ်ချုပ်၏ မူရင်းလက်ရေးလက်သား ဖြစ်သောကြောင့် အမှတ်တရ တင်ရှိလိုက်ပါသည်။ ယင်းစာကို ဗိုလ်ချုပ်က ဆက်သား တစ်ယောက်ကို ပေး၍ စေလွှတ်လိုက်သည် ဟု အဆိုရှိသည်။ သို့သော် စာမှာ ဒေါက်တာ ဘမော်ထံ မရောက်ခဲ့။ စာပေဗိမာန်အသင်းမှ ဦးထင်ကြီးတို့ အဖွဲ့နှင့် ရန်ကုန်၊ ဦးအောင်ကြည်တို့ ကောင်းမှုကြောင့် ကာကွယ်ရေးဌာန ပြတိုက်သို့ ရောက်ရှိလာခဲ့သည်ဟု ပါရှိသည်။

တင်ရှိထားသော ဗိုလ်ချုပ်၏ မူရင်းလက်ရေး ဓာတ်ပုံတွင် အလယ်ပိုင်းမှ စာသား အချို့ ပြတ်လျက်ရှိပါသည်။ ယင်းပြတ်နေသော စာသားကို Dr. Maung Maung ၏ Aung San of Burma ကို ကိုးကား၍ ကျနော် ထည့်သွင်းထားသည်။

ဇေယျ
………………………………………

ဗမာ့အောင်ဆန်း ( ၂ )

ဤနေရာ မှ အဆက် –

သို့ပါ လျက်နှင့် အောင်ဆန်း၏ လှုပ်ရှားမှုကို အစီရင်ခံစာ ထဲ၌ မတွေ့ရချေ။ ယင်းသို့ မတွေ့ရခြင်း မှာ မဆန်းပါ။ အကြောင်း မူကား အောင်ဆန်း ဖောမိုဆာ သို့ ရောက်နေပြီ ဟူသော ပါးစပ် သတင်း သည် ရခိုင်ပြည် ၌ ချောင်ကျ လှသော တောင်ကုတ်မြို့ သို့ ရောက်လာ သောကြောင့် ဖြစ်သည်။ ထိုအချိန်၌ အနောက်နိုင်ငံ စစ်သတင်း တို့သည် ထိတ်လန့်ဖွယ် ပင် ဖြစ်တော့သည်။ ထို့ကြောင့် ရှေ့ရေး နောက်ရေး ကို ကြည့်၍ ကျွန်တော် ခွင့်ယူသည်။

(၁၉၄၁) ခုနှစ်၊ ဒီဇင်ဘာလ (၈) ရက်နေ့ ပါးလ်ဟာဘာ ကို ဗုံးကျ၍ (၁၂) နာရီ ခန့်မျှ အကြာ တွင် ကျွန်တော်လည်း ခွင့်ရ သောကြောင့် အလုပ်ကို အခြားသူ တစ်ဦးအား ၀မ်းမြောက် ၀မ်းသာစွာ နှင့် လွှဲပေး ခဲ့လေသည်။ (၁၉၄၁) ခုနှစ်၊ ဒီဇင်ဘာ (၂၀) ရက်နေ့ မှ (၂၆) ရက်နေ့ အထိ ကျွန်တော် တို့ သားအမိ သားအဖ တစ်တွေ တောင်ကုတ် မှ ပန်းတောင်း သို့ ခြေလျင် လျှောက် ခဲ့ကြပါသည်။ တစ်ညတွင် ရေပေါ်ကြီး ၌ စခန်း ချသည်။ ထိုစခန်း ရောက်လျှင်ပင် အိပ်ရာ ပေါ်သို့ ပစ်လှဲ လိုက်ပါသည်။ ကျွန်တော် တစ်ငိုက်လောက် အိပ်မောကျ သွားစဉ် အိပ်မက် ထဲတွင် သခင် ထွန်းအုပ်၏ အသံကို ကြားရပါသည်။ သူ၏ အသံမှာ ရခိုင် ရိုးမ တောင်တန်း တစ်ခုလုံး ဟိန်းသွား ပါသည်။

အချိန်မှာ ည (၉) နာရီ ကျော်ကျော်ပင် ရှိဦးမည်။ တောကြီး မျက်မည်း ထဲတွင် ထုံးစံ အတိုင်း ဆိုလျှင် သမင်က ဟောက်၍ ချေ (ဂျီ) က တောက်သံ ကြားရဖို့ ရှိသည်။ သို့တည်း မဟုတ် ဆင်အုပ်များ ၀ါးပိုးဝါး ကို စားသည့် အသံ ကြားရဖို့ ရှိသည်။ သို့တည်း မဟုတ် ကျားဟိန်းသံ ကို ကြားရဖို့ ရှိသည်။ သို့သော် “ရဲဘော်တို့”ဟူသော အသံသည် ပဲ့တင်သံ ထပ်သွားသည်။ ကြက်သီး မွေးညင်းကို ထစေသည်။ ကျွန်တော် သည် အိပ်ရာမှ ငေါက်ကနဲ ထလိုက်သည်။ ဘာသံပါလိမ့်။ ချယ်ရီပန်း ပွင့်ရာ ဒေသမှ ဖြစ်သော တိုကျိုမြို့မှ အသံလွှင့် လိုက်သည့် သခင် ထွန်းအုပ်၏ အသံ ထကြလော့ ကြွကြ လော့ ချကြလော့။ တောကြီး မျက်မည်း ထဲ၌ ရေဒီယို ကို အစွမ်းကုန် အသံဖွင့် ထားသည်။ ရေဒီယို ဖွင့်သူ မှာ ပီဒဗလျူဒီ ဌာန ဟု ခေါ်သော ပြည်သူ့ လုပ်ငန်း ဌာနမှ အိုဗာဆီယာ တစ်ဦး ဖြစ်သည်။

တောကြီး တောင်ကြီး ထဲတွင် ဗြိတိသျှ ဥရောပ စက်ကွင်း မှာ တဒင်္ဂ မျှ လွတ်သော နေရာကို ကျကျနန ရွေးချယ် ၍ တော်လှန်ရေး တရား တို့ကို အားရ ပါးရ နာသူ မှာ ဗြိတိသျှ အုပ်ချုပ်ရေး စက် ယန္တရား ထဲမှ သေးငယ်သော ၀က်အူ တစ်ချောင်း ဖြစ်ပေသည်။ သေးငယ်သော ၀က်အူမို့ မလောက်လေး မလောက်စား ဟု မထင် ပါနှင့်။ သူ၏ စိတ်ဓာတ်ကို ကြည့်ပါ။

အောင်ဆန်း – အက်တလီ စာချုပ် အတွင်းရေး – ( သခင်တင်ဦး )

ရှေးမီ နောက်မီ နိုင်ငံရေး သမား စာရေးဆရာကြီး တစ်ဦး ဖြစ်သော သခင် တင်ဦး သည် ဗိုလ်ချုပ် အောင်ဆန်း နှင့် လက်ပွန်း တတီး နေခဲ့သူ ဖြစ်သည့် အတွက် ဗိုလ်ချုပ်အောင်ဆန်း ချုပ်ဆိုခဲ့သော အောင်ဆန်း အက်တလီစာချုပ်၊ ပင်လုံနှင့် ပတ်သက်၍ မေးမြန်းခဲ့ရာ –

ပင်လုံစာချုပ် နဲ့ ပတ်သက်လို့ မှတ်မိ သလောက် ဆိုရင် ပင်လုံစာချုပ် ချုပ်တုန်း ကတော့ အဘ မပါဘူး။ အဲ့ဒီတုန်းက အဘတို့က ရန်ကုန်မှာ နေတာ။ အဲ့ဒါနဲ့ ပတ်သက်ပြီး ပြောရရင် မြန်မာပြည်မှာ တိုင်းပြည်ကို တစ်တိုင်းပြည်လုံး စည်းရုံးတဲ့ ခေါင်းဆောင်တွေ ပေါ်ခဲ့တယ်။ အနော်ရထာ၊ ဘုရင့်နောင်၊ အလောင်းဘုရား။ အဲ့လို ပုဂ္ဂိုလ်တွေ ပေါ်လာပြီး နောက် ဗိုလ်ချုပ်အောင်ဆန်း တစ်ယောက် တိုင်းပြည် စည်းရုံးဖို့ အတွက် ပေါ်လာတယ်။ ရာဇ၀င်ကို ကြည့်လိုက်ရင် ဗိုလ်ချုပ်အောင်ဆန်းဟာ ရှေးရှေးက ခေါင်းဆောင်တွေ ထက် ပင်ပင်ပန်းပန်း နဲ့ ရှေ့ရေး မြင်ပြီးတော့ ဆောင်ရွက်နိုင်တယ် ဆိုတာ ထင်ရှားတာ တော်တော်ကို ချီးကျူး စရာ ကောင်းတဲ့ ဗိုလ်ချုပ် အောင်ဆန်းပါ။

ဒီ့ပြင် ပုဂ္ဂိုလ်တွေ တုန်းက အခုလို တစ်တိုင်း တစ်ပြည်လုံး သူများ လက်အောက် ကနေ ပြီးတော့ ကယ်တင်ဖို့ တိုက်ခိုက်ဖို့ မပါခဲ့ဘူး။ ဗိုလ်ချုပ်အောင်ဆန်း လက်ထက် ရောက်တော့မှ တစ်တိုင်းပြည်လုံး အင်္ဂလိပ်ရဲ့ ကျွန် ဖြစ်နေတာကို ကယ်တင်ဖို့ ပေါ်လာတယ်။ ပြီးလည်း ပြီးရော တစ်တိုင်း တစ်ပြည်လုံး လူမျိုးစုတွေ ကွဲပြီးတော့ နေတာကို ဗိုလ်ချုပ်အောင်ဆန်းက အကုန်လုံးကို ညီညွတ်အောင် လိုက်ပြီး စည်းရုံးနိုင်တာ သိပ်အံ့သြစရာ ကောင်းတယ်။ သူ့ အသက်အရွယ်နဲ့ ယှဉ်လိုက်ရင် ဗိုလ်ချုပ် အောင်ဆန်းက အဲ့ဒီတုန်းက အသက် (၃၀) ကျော် အရွယ်ပဲ ရှိသေးတာ။ အဲဒီအရွယ် နဲ့ တစ်တိုင်းပြည်လုံး မှာ ရှိနေတဲ့ လူမျိုးစုတွေ အားလုံးကို ညီညီညွတ်ညွတ်နဲ့ အကုန်လုံး ညီညွတ်အောင် လုပ်တာ တကယ် ချီးကျူးစရာ ကောင်းတယ်။ အဲ့လို ချီးကျူးစရာ ကောင်းအောင် ဗိုလ်ချုပ် အောင်ဆန်း လုပ်နေတုန်းကို အင်္ဂလိပ် အစိုးရက ပြည်ထောင်စုသား တွေကို အကုန် လုံးခွဲ ထုတ်ဖို့ အတွက် နောက်က လိုက်ပြီး နှောင့် ယှက်သေးတယ်။

Enemy ( written by Christopher Hitchens )

Essay's Title

I want to translate this into our language. However, just now, since this should be read, posted it in original.

zayya.

…………………………….

Recalling a forbidding figure of early authority in his Invisible Man, Ralph Ellison wrote that “whether we liked him or not, he was never out of our minds. That was a secret of leadership.” In reaction to a certain mode of flag-displaying faux national unity after the cataclysmic events of 11 September 2001, I wrote an article that proposed instead a sort of activist reticence that might be better designed for a long and arduous confrontation. In this attempt, I annexed a slogan that was adopted by some French citizens after the agonizing loss to Germany of the provinces of Alsace and Lorraine. “Always think of it: never speak of it.” Instead of grand proclamations about a “Global War on Terrorism,” or consoling but misleading injunctions from President Bush to consider “America” on the one hand and “the terrorists” on the other, it would be better to cultivate a low but intense flame, designed to burn indefinitely rather than to flare up, and directed not merely at the remorseless grinding-down of al-Qaeda as an organization but at its discredit; at the steady, detailed refutation of Osama bin Laden’s false claim to ventriloquize the wretched of the earth. As a matter of work and habit I am a vocal person, so I cannot seriously claim to have kept literally to the second part of the injunction. But it did have the effect of ensuring that I thought about the founder and leader of al-Qaeda almost every day, and either read something about him or wrote something about him almost every month, very persistently over the next decade. And, now that he is dead, the requirement to reflect upon him has by no means been cancelled.

လူနှစ်တန်း နှစ်စား ပုံပြင်

လွန်ခဲ့တဲ့ သုံးနှစ်က ဆိုတော့ ဒီဆောင်းပါးမှာ ပါတဲ့ အချို့ အချက်တွေက ဟောင်းနေပြီပေါ့။ ဒါပေမယ့် အချက်အလက် တွေကသာ ဟောင်းနေတာ သဘောတရားက ယခုထက်ထိ တည်ရှိ စဉ်းစား နေရပြီး လုပ်ကိုင်ကြရတဲ့ ဟာ တွေပဲ လို့ မြင်ပါတယ်။

၂၀၀၈ ခုနှစ် မေလထုတ် Waves က – အမတြာဆင်း ( Amartya Sen ) ရေးသားပြီး ဆရာဖေမြင့် ဘာသာပြန်ဆိုတာ ဖြစ်ပါတယ်။ အမတြာဆင်းဟာ ဟားဗတ် တက္ကသိုလ်မှာ စီးပွားရေးပညာနဲ့ ဒဿနိက ပညာရပ်ကို သင်ကြားပို့ချလျက် ရှိသူဖြစ်ပြီး ၁၉၉၈ က စီးပွားရေး ပညာရပ်ဆိုင်ရာ နိုဗယ်လ်ဆု ချီးမြှင့်ခံရသူ ဖြစ်တယ်လို့ ဆိုပါတယ်။ သူရဲ့ နောက်ဆုံး ထုတ် စာအုပ်ကတော့ – Identity and Violence: The Illusion of Density လို့ သိရပါတယ်။

ဇေယျ
……………………………

Amartya Sen

ကမ္ဘာ့ လူဦးရေ သန်းပေါင်း များစွာကို ခြိမ်းခြောက် လျက်ရှိသည့် စားနပ်ရိက္ခာ ပြဿနာသည်၊ ကာလတစ်ခုမှာ လျော့ပါး ပျောက်ကွယ် သွားမည်လား၊ သို့တည်းမဟုတ် ပို၍ ဆိုးဝါး လာမည်လား။ အဖြေက နှစ်မျိုးလုံး ဖြစ်နိုင်ပါသည်။ မကြာမီက ဖြစ်ပေါ်ခဲ့သည့် စားသောက် ကုန်ဈေးနှုန်း များ မြင့်တက်မှုသည် အဓိကအားဖြင့် သြစတြေးလျ၊ ယူကရိန်းနှင့်  အခြားနေရာ တချို့မှာ ပေါ်ပေါက်ခဲ့သည့် မိုးခေါင် ရေရှားခြင်း ကဲ့သို့သော ယာယီပြဿနာများကြောင့် ဖြစ်သည်။ သည်အတွက် အရေးပေါ် ကယ်ဆယ်ရေး လုပ်ငန်းတွေ ကြီးကြီး မားမား များများ စားစား လုပ်ရန် လိုအပ်ခဲ့သည်မှာ မှန်သော်လည်း၊ လက်ငင်းအကျပ်အတည်းမှာ အချိန်တန်လျှင် ပြီးဆုံးသွားမည်ဖြစ်သည်။ သို့သော် သည်ကိစ္စများ ဖြစ်ပွား စေခဲ့သည့် အရင်းခံ အကြောင်းတရားကို သိမြင်ကာ ယင်းအား ကုစားမှု မပြုခဲ့လျှင်မူ၊ သည်ပြဿနာသည် ရေရှည်၌ ပို၍ ကြီးထွားလာဖွယ် ရှိပါသည်။ယင်း အကြောင်းရင်းခံကား လူနှစ်မျိုး နှစ်စား ဖြစ်ပေါ် နေသည့်ကိစ္စဖြစ်သည်။

သည် လူနှစ်မျိုး ကိစ္စနှင့် စပ်လျဉ်း၍ တစ်ခုသော ရှုထောင့်မှ ပြောဆိုချက်က ဤသို့ဖြစ်သည်။ ဆင်းရဲသား ဦးရေ များပြားသော တိုင်းပြည်တစ်ပြည်၌၊ စီးပွားရေး လုပ်ငန်းတွေ ရုတ်တရက် လျင်မြန်စွာ ဖွံ့ဖြိုး ပေါ်ပေါက်လာသည့် အခါမျိုးတွင်၊ အသစ်ဖြစ်ပေါ်လာသော စီးပွားရေး ဖွံ့ဖြိုးမှု၏ အကျိုးအမြတ်ကို လူတစ်ဝက်ခန့် ကသာ ခံစားရလေ့ရှိသည်။ ထိုခံစားရသူတို့သည် ရရှိလာသည့်ဝင်ငွေသစ်များကို စားနပ် ရိက္ခာ ၀ယ်ယူရာ၌ အများအပြားသုံးစွဲကြရာ၊ အကယ်၍ စားနပ်ရိက္ခာရောင်းအား အလျှင်အမြန် တိုးတက်မလာပါက၊ ဈေးနှုန်းများ ထိုးတက် သွားကြမည် ဖြစ်သည်။ ထိုအခါ ၀င်ငွေအသစ် တိုးမလာသည့် ကျန်ဆင်းရဲသား များမှာ စားသောက်ကုန် ဈေးနှုန်း တိုးမြှင့်ခြင်း၏ ဒဏ်ကို တစ်ဖက်သတ် ခံရကာ ငတ်မွတ်မှုများ ဖြစ်ပေါ်လာပေမည်။ သည်နည်းမျိုးဖြင့် ဖြစ်သည့် ဘေးဒုက္ခများမှာ ကမ္ဘာ၌ ကြိမ်ဖန် များစွာ ပေါ်ပေါက်ခဲ့ပြီး ဖြစ်သည်။ ဆိုးဆိုးဝါးဝါး သာဓကတစ်ခုမှာ ဗြိတိသျှ အုပ်ချုပ်ရေး နှောင်းပိုင်းကာလ အိန္ဒိယတွင် ဖြစ်ပွားခဲ့သည့် ၁၉၄၃ ခုနှစ် ဘင်္ဂလား အငတ်ဘေးကြီး ဖြစ်သည်။ ထိုစဉ်က အိန္ဒိယတွင် အင်္ဂလိပ်အစိုးရက ဂျပန်နှင့် တိုက်မည့်စစ်ပွဲ အတွက် ငွေကြေးအမြောက်အမြား သုံးစွဲ ပြင်ဆင်လျက်ရှိရာ၊ စစ်စီးပွားရေးကို အကြောင်းပြု၍ မြို့နေဆင်းရဲသားများ အထူးသဖြင့် ကာလကတ္တားမြို့တွင် နေထိုင်သူများမှာ၊ ရုတ်တရက် ဝင်ငွေများ တိုးတက် ရရှိလာကြကာ၊ ယင်း၏ရလဒ်အဖြစ် စားသောက်ကုန် ဈေးနှုန်းများ မူလထက် ၄ ဆအထိ တိုးမြှင့် သွားခဲ့သည်။ သို့သော်၊ ကျေးလက်နေ ဆင်းရဲသားများမှာမူ ၀င်ငွေ တိုးစရာ အခွင့်အလမ်းများ မကြုံရဘဲ၊ ဈေးနှုန်းများ ခေါင်ခိုက်အောင် တက်သွားခြင်း ကိုသာ ရင်ဆိုင်ကြရသည်။